220
4
3
港铁尖沙咀/尖東站 P2 出口, 步行约4分钟
继续阅读
电话号码
25116316
营业时间
今日营业
12:00 - 15:30
17:30 - 23:00
星期一至日
12:00 - 15:30
17:30 - 23:00
*午餐最後落單時間: 14:45 晚餐最後落單時間: 21:30
以上资料只供参考，请与餐厅确认详情
有关奖赏计划
优惠
食家推介
店名: 韓脈地址: 尖沙咀麼地道68號帝國中心地下高層UG43號舖尖東站P2出口，行4分鐘環境: 4/5價錢: 4/5味道: 4/5一直都想試醬油蟹🦀，就同朋友上網搵到呢間評論幾好，而且又正宗嘅韓國餐廳🇰🇷佢哋本身係係帝國中心既韓珍，近日改左名🤣一入到去餐廳環境好舒服，座位亦都好闊落👍🏻，大部份職員都係韓國人，但係佢哋亦都識聽簡單嘅廣東話，態度服務亦都唔錯🥰一上嚟就有六至七款小菜，仲可以免費refill🥢，有泡菜、芽菜、酸蘿蔔、沙律菜🥗、小魚乾、魚板，一定有一款你鍾意食！仲有一個鐵板蛋餅🍳，份量絕對唔細架！醬油蟹、蝦、鮑魚拼盤 （送一碗牛油紫菜飯）❤️❤️❤️❤️❤️$398呢間啲醬油蟹🦀多膏，蟹肉好鮮甜，食落去亦都唔會有腥味。一啖蟹膏一啖飯🍚連埋一齊食好正，醬油蝦🦐咬落去彈牙黏口，啖啖肉好滿足❗️醬油鮑魚食落去甜甜地唔會過硬，亦都好易咬。如果想一次過食晒咁多款呢個拼盤絕對適合你👍🏻蜂窩五花腩❤️❤️❤️❤️$150五花腩肉一半肥一半瘦🥩，肥瘦肉相間，而且厚厚一大舊，肉質爽嫩。連埋生菜🥬豆瓣醬以及配菜一齊食唔會過膩。而且店員亦都幫你燒🍴，仲好好人剪到一細舊方便食☺️牛舌❤️❤️❤️❤️$170一碟份量好足夠，牛舌唔會好薄，咬落去好有口感，而且唔使點醬料已經有濃厚嘅牛味🐂。店員燒完之後會幫你換咗個新盤🥰，呢樣嘢好加分。同埋佢會將牛舌一分為二，好貼心🔅
继续阅读
夜晚8點嘅尖東，真係靜到人影都無隻，究竟有咩好食？朋友話帝國中心有間好正宗嘅韓國菜，有得燒肉仲有得食醬油蟹！let’s go!!!! 帝國中心都翻新咗，白色為主，光猛咗好多。餐廳係UG層，即大堂上一層，好易搵。二人坐到四人枱，好鬆動，舒服嘅。未點嘢食已經有6個前菜，店員姐姐話係每日唔同，睇返其他介紹，話會有鵪鶉蛋，今日就無了，但係翠玉瓜都幾好味，基本上都唔使另外點菜類，免費refill 都幾唔錯。//醬油蟹 加 牛油飯 // 是日重點！250元一隻仲包一碗雞蛋牛肉飯，加埋入去醬油蟹度食。即係非常新鮮，店員話係每日即制嘅，唔會過鹹或者太甜，絕對係白飯小偷。蟹膏非常Creamy，真係好想食多碗飯。// 特製牛肋骨 // // 雪花牛肉 // 簡單點咗兩隻肉，因為套餐應該真係食唔晒，揀咗牛肋骨，同埋雪花牛肉。冇黃牛咁肥膩，但係都非常軟腍腍。得滯牛肋骨係一大條燒，最後先剪成一塊塊，可以保留住好多肉汁。全程可以搵店員幫手燒，咁就可以慢慢自己食。每枱韓燒，都會送一個蒸蛋，記得上枱就快食，唔係嘅話就變老！
继续阅读
乍暖還寒的晚上, 還有點微微細雨, 卻又不足以令人撐起傘; 看著永不過時的維港燈飾, 沿著海邊走到尖東: 穩坐於曾經的高級商廈中心尖東, 最近帝國中心的翻新為這漸漸褪色的地方注入一點新氣象, 韓珍也改名為韓脈, 仍然由韓國主廚主理, 有點新鮮感得來質素有保證韓國菜真的最慷慨, 前菜免費任添! 這裡的前菜不單止只有kimchi, 還有酸蘿蔔、大豆芽, 最好吃和最有驚喜的是醬油醃鵪鶉蛋和翠玉瓜, 真!的!好!好!吃 當然不少得沙律和包烤肉的生菜, 解膩得黎可以多吃幾件肉連任吃前菜, 我們二人點了兩項主菜已經肚滿腸肥濕凍的天氣最好就是吃烤肉嘍🥩 這裡每張桌都已有嵌入式的烤爐, 典型的韓燒煙囪吸油力很猛, 加上店員主動幫忙烤肉, 身上真的一點油煙味也不沾店員對不同肉類和海鮮烤熟時間掌握得非常準確, 鮑魚連殼燒也做到不韌口而多汁, 蝦殼甚至用鉗子三兩下就拔掉🦐, 絕對是懶人餐, 服務一流雪花牛肉和調味烤裹脊各有千秋, 肉質都是非常腍滑juicy, 烤得剛剛好四色五花肉分別醃好了蒜蓉🧄/香草/咖喱/辣醬🌶️四款口味要知道有醃料的肉烤起上來很容易燒焦, 店員還是輕鬆駕馭, 做到脆邊而不焦黑, 油脂揮發後變爽口而不油膩; 而且店員不嫌煩地每燒一次都會換一塊新的烤網, 味道不會混淆之餘也更少機會吃到焦黑, 很是貼心我們最喜歡的口味是辣醬, 韓式辣醬有獨特的甜辣味道很惹味醬油蟹又名「白飯小偷」 🍚🦀蟹膏蟹肉被甜醬油提鮮, 加上其creamy滑溜質感, 像是生雞蛋伴飯一樣的效果, 啖啖濃厚豐盈🥄 滿滿的蟹黃完全足夠KO一大碗的紫菜飯🍙要在這種高質素餐廳點醬油蟹才敢吃, 不然不新鮮真的很大問題-八色珍味拼盤 - 四色五花肉+牛肉+海鮮 ($635)醬油蟹 ($250/1pc+牛油飯)
继续阅读
-有親戚嚟咗香港去咗尖東行街shopping叫我推薦吓夜晚想去食好食嘅韓國菜 諗起之前朋友提過呢間開係帝國中心嘅韓國菜由韓國人主理 食物選擇幾多 有燒肉、熱湯、炸雞、醬油蟹等⋯落單後就會送來幾款前菜 同生菜沙律.我哋order左都幾多嘢🤣 諗住咩都試吓🔹醬蟹、蝦、鮑魚拼盤 $398(送一碗蛋黃紫菜飯)呢間啲醬油蟹都算多膏🦀蟹肉好鮮甜😍醬蟹吱埋落啲白飯一齊食 勁正醬蝦🍤好彈牙黏口👍🏻鮑魚都唔錯 絕對值得叫🔹韓國煎餃子$108一盤有10隻 韓式餃子味道偏淡口🥟點埋中間嘅醬汁就啱啱好 😋外脆內軟 厚皮部份咬落索索聲🔹炒牛肉粉絲 $118超級大份量嘅炒粉絲 牛肉、洋蔥、青椒、蘿蔔絲、冬菇 面頭仲有一堆蛋絲😍超級足料！好香鑊氣味🔹四色五花肉加豬肉$598(護心肉、調味排骨、豬頰肉、豬頸肉、辣椒醬豬五花、香草豬五花、咖喱豬五花、蒜蓉豬五花)調味好入味 咖喱味最突出😍亦都係我最鍾意嘅味呢度嘅火候好猛烈 好快就燒熟 ⚠️如果唔係太識自己燒肉嘅朋友店員都會幫手👍🏻
继续阅读
今日收咗工嚟到尖東到食， 因為之前餐餐都係食中餐，咁今日就試下韓餐，咁其實餐廳地方都簡潔、坐得舒服，環境唔錯，見到都有D好似韓國人喺度食，講多無謂，咁就叫咗以下:醬油蟹：醬油蟹是韓國傳統菜餚中的一道經典海鮮料理。喺香港唔喺度度都有得食，這道菜以新鮮的蟹以醬油、大蒜、辣椒等調味料調製而成。蟹肉鮮嫩多汁，搭配濃郁的醬油調味，給人帶來豐富的味道和口感。用蟹膏撈埋啲飯真係超正!三色餅：三色餅以不同的配料製成三種不同顏色和口味的餅。三色餅有kimchi、海鮮和韭菜口味。餅口感軟綿，味道鮮美，每種餅都有其獨特的風味和香氣。點埋個汁真係very good。豬肉石鍋拌飯：石鍋豬肉拌飯是一個豐富的主菜。豬肉經過石鍋的熱度保持了鮮嫩，搭配著拌飯的濃郁味道，每一口都帶來滿足感，幾惹味。泡菜豬肉湯：泡菜豬肉湯結合了泡菜和豬肉的美味。這道湯使用泡菜作為主要調味料，搭配豬肉和其他蔬菜及豆腐一起煮熟。湯的口感醇厚，豬肉的鮮嫩與泡菜的酸辣相得益彰，帶來美味和健康的滋味。韓式煎餃子：餃子具有香脆的外皮和豐富的內餡。餃子的口感酥脆，內餡鮮美，搭配韓國辣椒醬進一步提升風味。令人喜愛。以上這些韓國餐點展現了韓脈的多樣性和獨特風味。醬油蟹以新鮮的蟹肉和醬油調味展現了韓國海鮮料理的豐富口感。三色餅則讓人在一次品嚐中品味到不同的口味和風味。豬肉石鍋拌飯以石鍋的特殊烹飪方式及有豐富的配料。泡菜豬肉湯則結合了泡菜和豬肉的香濃湯品，帶來了酸辣的風味和豐富的滋味。韓式煎餃子則以其獨特的外皮和內餡組合，成為我喜愛的小吃之一。未試過呢間餐廳嘅朋友可以一試!
继续阅读