韓大叔大排檔

营业中

休息中

伏，啲嘢食完全未到家，亂煮，未見過醬油蝦係熟嘅，搞唔掂喎大佬，第一次寫食評，遇到咁差嘅緊係想大家唔好中伏啦。真心去過韓國十幾次，連街頭小食都好食過佢幾十倍，呃人入去食，上open rice 查，難怪執左一間啦，快啲執啦，無質素嘅店舖就應該快啲執，亂咁煮，醒目啲嘅食客就應該識分鋪頭係用啲cheap料扮係韓國菜，成本應該係用啲差料去煮，加埋煮得差，啲豬肉柴、乾、鹹。唔合格！！！希望呢啲餐廳快啲執，真係零機會，煮到咁差都好意思出黎開舖。快啲去學煮嘢啦，呃錢餐廳。一向知韓國餐廳係香港都偏貴，但係估唔到貴得黎好差嘅食物質素。好失望之餘，覺得鋪頭係詐騙食客。以為香港人唔識韓國菜咩！睇佢幾時執第二次。難食到起佢底，之前九龍城已經執過一次。快執啦！！！

燒豬腩肉 勁難食 半份炸雞得兩件雞翼 一隻雞鎚加一嚿雞 勁離譜 點夠食啊 本分都$118 俾咁嘅份量我 無諗過一間韓國鋪伏成咁 麥當勞都有兩件大舊啦 原味都無咩味 可能俾個豬腩肉鹹親 所以食唔到有咩味 啲雞炸到乾得滯 豬腩肉啲味勁似乾嘅燒腩仔 懷疑啲like 係friend 俾嘅 或者買嘅，唔好俾佢呃喇 醒啲啊各位，希望你哋唔好曬錢喇。真心好耐無食過咁難食嘅鋪頭喇，唔會再幫襯。好失望，成碟根本無食咁濟。無想曬野，但係真心劣質，用心做啦，我都咁用心寫了，希望唔好再中伏，無心做韓國菜，打住個旗號呃大家錢，無良啊

所有嘢都係普通麻麻，冇咩特別，價錢黎講book位有85折，兩個人埋單唔使500，性價比還好，係飽飽的。🍽️炸醬麵麵質好食，煙煙韌韌，但係份量唔多，好多蘿蔔絲青瓜絲😂冇乜炸醬味，整體麻麻。🍽️芝士泡菜煎餅呢個食落似pizza，幾好食嘅，熱辣辣，芝士可以拉絲。🍽️蜜糖芥末味炸雞同行友人表示Jolibee炸雞好食啲🤣🤣🤣就係普通炸咗嘅雞淋上蜜糖芥末醬，冇乜特別。🍽️韓式熔岩芝士煎蛋卷呢個話係必食，我食完之後係完全勁失望，芝士係冇味，佢唔係拉絲嗰種芝士，係好似奶咁嘅醬汁，好淡味，然之後蛋都冇乜點調味，呢舊嘢要成$100🥲🥲🥲好差，屋企蛋好食過佢🍽️米酒酒味少少重，不過女仔都啱飲嘅。

🇰🇷 【韓風大排檔】 韓大叔呢間餐廳裝修成韓國街邊攤格局，鐵桶凳+韓文霓虹燈，仲播住K-pop，成個氣氛好似去咗首爾！今晚試佢個抵食二人餐～ 𓂃𓈒𓐍 *ﾟ. 𓂃𓈒𓐍 *ﾟ𝕨𝕖 𝕠𝕣𝕕𝕖𝕣𝕖𝕕ﾟ*𓐍 𓈒𓂃. ﾟ*𓐍 𓈒𓂃🍹 開胃飲品 ・紅葡萄柚子梳打｜有柚子果肉，飲落超香・益力多燒酒｜酒精度都幾高，岩晒酒鬼🦀 醬油拼盤 ・醬油蟹｜膏多到爆😍蟹肉似果凍，一撳咇晒出黎🤤・醬油鮑魚｜爽口彈牙，醃得入味 ・醬油三文魚｜厚切魚腩部位，油香100分🤩🧀 芝士炸雞 ・即叫即炸，上而加咁芝士醬更惹味・炸雞除咗芝士仲有其他味道揀 🌶️ 韓式豬五花炒年糕 ・豬五花薄切唔會韌・年糕煮到外軟內煙韌 🍲 泡菜牛肉豆腐湯 ・湯唔會太辣・粉絲夠腍彈 🧇甜品 • 焦糖 • 朱古力窩夫皮煙韌軟糯，食完非常滿足，為今餐完美作結𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ 🤑 人均消費：～$378🤩 推薦指數：7.5 / 10📍 餐廳資料：韓大叔大排檔 (銅鑼灣)銅鑼灣登龍街28號永光中心10樓☆.。.:*・°☆.。.:*・°☆.。.:*・°☆.。.:*#香港美食 #香港好

呢排好多飯局😏因為小弟生日月😬⋯⋯好多老友同我慶祝蛋糕都切咗好多個😏😏⋯⋯前一天同同啲老友飲威士忌飲到深夜😏⋯⋯今天10陪老婆外出晚膳⋯⋯話咗唔飲酒⋯⋯但係去到呢間餐廳環境非常輕鬆😎⋯⋯呢間韓式餐廳氣氛熱鬧，高朋滿座⋯⋯歡樂嘅氣氛不期然又想飲返幾杯⋯⋯😬😬燒啤二重奏第一個round益力多味和提子味燒酒！因為太過癮啦，所以又嗌咗第二round 😏⋯⋯桃味和草莓味燒酒停不了✌️✌️😎😎二人餐超抵食⋯⋯😎😎醬油蟹伴鮑魚醬油蟹，肉質鮮味又鮮甜！爆曬蟹膏！配以濃郁嘅醬油！特別滋味！醬油鮑魚柔軟又有嚼勁！肉質細嫩！炸雞韓式炸雞外酥內嫩⋯⋯雞肉鮮嫩又多汁！揀咗蜜糖芥末醬！配啤酒🍻啱晒！韓式豬五花炒年糕韓式醬汁非常濃厚！有大量嘅豬五花入口即溶⋯⋯有大量嘅泡菜，加咗芝麻添了不少香氣⋯⋯韓式醒酒湯以為剩係得個湯！原來仲有好多金沙骨！鮮嫩可口！仲有大量嘅薯仔和蔬菜！支持本地飲食業！只要用心香港係唔會輸嘅！睇吓呢間餐廳就知啦💪💪💪⋯⋯

想食韓國野但係餐飲平台反而揾唔到，反而係Google map 求其揾左間。餐廳好有韓國餐廳feel 。落左單，好快就上到菜。前菜可以添加，酸蘿蔔保持到蘿蔔嘅爽脆，泡菜質素都唔錯，海帶都唔求其。叫左個小食椰漿柚子年糕。係新奇口味。年糕係軟身偏淋。甜甜地，椰汁味為主，好香。柚子其實就係柚子蜜，係椰汁味後滲出嚟，屬於配角。面頭仲有兩件桃。椰汁同柚子蜜整體幾夾，接受到甜嘅年糕可以試下。牛肉水冷麵，一樣好大碗。充足嘅冰令到最後先食嘅水冷麵都保持冰凉。清爽派嘅湯頭，想辣啲就可以拌匀哂啲辣醬。配嘅係蘋果醋，清新唔會係死酸，仲有蘋果嘅香味。麵如果粗啲可以有咬口啲會更好。五花腩石頭鍋飯。有少少飯焦，同樣好大碗，五花肉蓋過整碗飯。肉唔算好肥，所以唔會有好大負擔。可以加枱頭上嘅芝麻同麻油，增加風味。整體嘅份量都夠哂大份，食物質素有驚喜，係會回頭再食嘅韓國嘢。

lunch menu花多眼亂，仲要唔止星期一至五先有，店員話星期六日都會有😆 經openrice訂位有折，就算要加一都可以慳左佢😆石鍋飯個石鍋唔大，所以撈起上黎都幾困難，好易就跌哂啲料出黎，唔撈又驚燶哂🙈 味道相當唔錯，入面啲料都算多，所以先話難撈😆韓式炸雞配年糕有4件雞(好似kfc咁髀+上髀)，啲汁淨係得面頭有，所以唔會啖啖都有醬，咬完有醬個位就變左原味炸雞🫠年糕係失敗之中嘅失敗，可以留返比阿婆食....年糕淋到一個點，炆左1個鐘咁款🫠

一般happy hour都會去飲酒精飲品，韓式炸雞就最適合happy hour時候邊吃邊飲的𣈱飲環境。來到銅鑼灣星期五的晚上特別多人出來happy hour ，找一找了一間合適的韓式炸雞啤酒地方。這餐廳的炸物外觀十分吸引，旁邊桌上的陳列，足以令你落單。最後我們落單一個鹹豬手和芝士味炸雞，飲品當然是啤酒和韓式飲品。咸豬手的陳列很好看，不過份量少，醬汁咸咸的。配搭咸豬則更咸。芝士味炸雞，芝士本身也是咸的，炸雞的鹽份都不少，最後變成咸雞。全部食品都咸，飲品當然少不了。

跟朋友在時代廣場逛完街，就想在銅鑼灣食個韓式晚餐。上網見呢間餐廳介紹都不錯，附近餐廳挺多，但人流也不少，所以就試試。沒有訂座，Walkin要等一會，好快便有店員安排入座，有3款小前菜，芽菜泡菜味道都很正宗，望望餐牌再望望旁邊桌點了什麼，好幾桌都點了海鮮煎餅，還有韓式溶岩芝士煎蛋捲。和朋友決定食豐富一點，叫了醬油海鮮拼盤拼紫菜飯，醬油蝦和鮑魚非常入味，蟹膏和呈啫喱狀的蟹肉拌入紫菜飯，味道一絕。緊接是韓式魷魚拌麵，鐵板上菜，魷魚剛好不會太熟，彈牙鮮味，加上辣醬和麵，味道很夾很好味。而海鮮煎餅配魚露，外脆內軟，韓式Pizza。還有溶岩芝士蛋捲的重點是芝士融了跟雞蛋混合，味道非常特別，煎得份外軟熟。桂花烏龍水果茶，解膩又解渴，不會太甜。整體環境服務味道都很理想，值得一試。

🐾韓大叔大排檔呢排成日睇韓劇搞到好想食韓國料理，所以就去咗呢間喺公司附近bookmark左一排嘅韓國餐廳同朋友享受下~ 餐廳近住地鐵站地理環境方便，行韓式大排檔裝修別具韓國風味。✨醬油海鮮拼盤醬油蟹/醬油鮑魚/醬油三文魚醬油醃得勁入味，鹹鹹地好開胃蟹肉多蟹膏油脂豐富，鮑魚大大粒彈牙爽口，三文魚香嫩入口即溶，作為前菜超好食令人滿足✨芝士炸雞炸雞炸得外脆內嫩，夠juicy ! 外皮淋上濃濃芝士醬汁大大增加鹹香口感，必點之選✨韓式豬五花炒年糕 微甜辣醬汁令人開胃，豬五花大大塊配上煙靭年糕好吃之餘也非常飽肚，超抵食✨泡菜牛肉豆腐湯 湯底帶微辣吸收牛肉豆腐精華，鮮味十足。內有韓式粉絲搭配牛肉豆腐吃層次夠豐富✨雪糕窩夫朱古力煙靭窩夫加上半溶化朱古力雪糕，啖啖甜蜜為整頓晚飯留下一個美好的完結✨馬格利生米酒 每次食韓國料理都必點嘅米酒，易入口之餘香醇口感搭配各種食物都好夾

銅鑼灣搵嘢食呢間樓上韓國餐廳原來都好多人幫襯！平時夜晚爆場 記得預約定先黎呀😋餐廳好有大排檔氛圍 幾溫馨適合飲住酒傾下計.今次叫左晚市二人餐 $688/兩位份量好足 食到非常之飽！.✨三色前菜✨醬油海鮮拼盤包括醬油蟹一隻 醬油鮑魚兩隻 醬油三文魚一份味道濃郁 鹹鹹的非常開胃！鮑魚不會太硬 好好吃🤤.✨炸雞半份 （芝士）淋上芝士醬好邪惡 炸得剛剛好不油膩.✨韓式豬五花炒年糕✨泡菜牛肉豆腐湯炒年糕細細條的更加入味這兩款菜兩個都好吃不過味道有點相似 大家可以選擇不同款式喔.✨雪糕窩夫 （朱古力）味道正常 算是比較有誠意嘅甜品😋.✨馬格利生米酒 +$20平時比較少飲酒 呢款意外地易入喉！甜甜的 不自覺就飲曬成壺了😂

因為『黑白大廚』同『拜托冰箱』兩套飲食綜藝節目，不知不覺間對韓國嘅飲食文化產生左興趣。所以呢晚就特登搵左呢間韓大叔大排檔感受一下韓國菜嘅風味。我哋兩個人食，叫左個『晚市二人餐』。個餐都算幾抵食，有海鮮拼盤，炸雞，再加兩個自選嘅主菜，仲有野飲同甜品。真係好啱兩個人吹水食野一整晚。講吓食物質素，我覺得絕對係中上以上水準。個人最喜歡嘅係個『海鮮拼盤』，有醬油蟹，醬油鮑魚同埋醬油三文魚，鮮味十足。至於主菜，我哋首先揀左『明洞燒汁牛肉粉絲』，個粉絲炒得幾香口惹味，要泥送酒就最適合不過。另外我哋仲揀左『泡菜牛肉豆腐湯』，如果食滯咗少少，飲啖豆腐湯就最啱，可以中和返啲油膩感。總括而言，整晚嘅體驗都唔錯，餐廳環境幾有韓國大排檔風味，食物質素亦都係中上水準，如果想同三五知己食飯飲杯吹水，我覺得呢間餐廳真係唔錯嘅選擇。

話說很久沒到港島區用膳，剛巧在銅鑼灣上一日堂，就順勢約同學仔落堂後在銅鑼灣食個晚餐。同學仔想食韓國菜,就上網搜尋搵到呢間樓上舖,呢座大廈挺多食肆,因為我們入座時間尚早,人流不算多,但食到一半發現已經入座率超過一半了。侍應不是韓大叔,全部都是年輕人, 應該是Oppa才對吧,哈哈!見我們第一次到店,就介紹了好幾款菜式給我們,就跟著Oppa 的推介點了幾樣。醬油海鮮拼盤配紫菜飯醬油蟹非常鮮味,拌紫菜飯中和濃味一流韓式鐵板魷魚炒麵熱辣辣香噴噴,辣醬炒魷魚很惹味海鮮煎餅這個十分推薦,沾少許魚露,鹹鹹香香,外脆內軟,眼見枱枱都有點這道菜溶岩芝士蛋捲要襯熱吃,裡面的芝士半溶狀況,跟雞蛋超夾冰橙特飲好特別一條橙柱，飲完一整杯，橙片融化後又可以食，很滿足的一杯飲料

韓大叔大排檔早幾日試咗一間韓國餐廳～上菜速度真係同間舖頭名有得揮，叫大排檔！我哋叫咗二人餐，好快就已經上齊菜，我哋可以慢慢喺度食😍二人餐包括咗醬油海鮮拼盤，即係有醬油蟹，醬油鮑魚同埋醬油三文魚！仲有炸雞半份！主菜方便，我哋揀咗燒汁牛肉粉絲同埋泡菜牛肉豆腐湯！呢個二人餐仲包咗兩杯嘢飲同埋兩份甜品😍先講醬油蟹，好多蟹膏😍😍食得出好新鮮嘅感覺～醬油三文魚份量唔太多，過下口癮真係非常唔錯😊炸雞方面，我哋揀咗甜辣味～好好食呀，炸得好脆口！個醬汁完全冇辣嘅成份，適合唔食得辣嘅朋友。主菜嘅牛肉粉絲超級大碟，我覺得簡直係可以三個人去食！粉絲彈牙，炒得好好～而且牛肉嘅比例都唔少！另外仲有個泡菜牛肉湯，好足料！出牛肉湯入面都有少少粉絲，多多牛肉及多多豆腐！食完主菜後，其實已經好飽好飽😂😂呢個二人餐真係好抵食🤍🤍

完全想不到這麼豐富🤣🤣 每一份都超大份！韓大叔大排檔位於銅鑼灣登龍街永光中心，踏入店內就感受到濃厚的韓式氛圍，店內裝潢簡潔燈光讓人放鬆👀我們點了韓式鐵板燒生鰻魚、炸雞（半份）、海鮮煎餅和韓式魷魚拌麵。生鰻魚煎得外焦內嫩，搭配醬汁非常美味。炸雞外酥內嫩，蜜糖芥末醬的甜味讓人一口接一口。海鮮煎餅金黃酥脆，鮮味十足，而魷魚拌麵辣味適中，麵條彈牙。人蔘雞湯清甜鮮嫩，適合喜歡滋補的人。荔枝梳打和桂花烏龍水果茶清爽可口，下次還要再來！