韓點 (紅磡) (已結業)

是日晚餐之一係韓國野！粉絲：幾好食，而且都係好多！原本以為個盒唔會裝到好多，應該好易食完！點知粉絲食極都唔完！壽司：水準之作！下次一定要要食！而且份量都幾多，廿蚊真係可以食飽！炸醬麵：麻麻地！可能口味唔岩我！唔會再試！本來想買炒年糕，不過店主話得番好少！所以用杯裝左剩餘既俾我，送俾我食！好彩都仲可以食下，因為真係好好食！年糕ＱＱ的,味道甜甜地，唔太辣！好正！

好見到韓國人開的韓食店,正宗而且抵食!疑似老闆娘韓國人,正與韓國人食客傾偈,當我想order時,老闆娘很welcome的用”咩咩”地的中文,重覆返我點的食物。宮庭紫菜壽司$20,有12小件。味道當然沒日式的醋味,但韓式壽司味道就是清清地,珍珠米+紅蘿蔔+雞蛋+菠菜+香腸+小黃瓜,已經好好食!炒雜菜水晶粉絲$28,好多韮菜,又香芝麻味,粉絲不”立”口,幾爽。喜歡有點肉食的老公,覺得齋左少少。但一向鍾意韓式炒粉絲的我,覺得很好味啊。(加上店中的人情味呢)因為今晚另有後著,不能再叫其他野喇!例如炸醬麵、韓式魚蛋串、什錦拌飯等......,唯有下次啦!

今日同朋友專程去左韓點食鋪頭細細但係都算幾多野食 乾乾淨淨咁啦!肚餓得制...所以兩個女仔叫左5樣野食搞到老闆都驚訝左 問我地食唔食得哂 哈哈跟住先發現原來係韓國人開既鋪我地叫左炒年糕,炒粉絲,泡菜煎餅,壽司同韓式魚蛋炒年糕: 算比較甜但係食多幾件就覺得辣 但係好味! 好大兜 最後都係食唔哂打包左XD炒粉絲: 幾香 多菜 粉絲好食! 女仔成一兜應該飽 ( 我地都係食唔哂打包左XD)泡菜煎餅: 唔熱 冇乜味 唔難食但係可以唔食=P壽司: 未食過韓式壽司所以叫左 唔算好好味 家庭口味哈哈韓式魚蛋: 湯好飲 魚蛋彈牙 魚蛋吸左D湯幾好食 值得一提係老闆好好人 廣東話講得幾好架!下次會再去=)叫左咁多野食每人都係$50, 老闆仲同我地講"100蚊食到咁多韓國小食 抵啦", 哈哈*另外如果有留意KPOP或者SJ既人留意下廚房上面既牌 有樣野食叫"公主XXX炒飯"我地即刻話:"希澈阿~"XDD 後尾有另外兩個女仔入黎都講同一樣野 笑左XD

今次係第一次寫食評多年前去過韓國, 個時食左一個炒年糕, 感覺係---->超難食=.=食左一啖就比晒老豆......之後大個左,更愛食呢d煙韌野,成日好想再試一次.有一日睇openirce見倒紅磡開左間韓式小食舖, 就約埋fd去食年糕.年糕$25 唔算貴,係韓國食都差不多價錢.細細碗, 但同fd 2個人分都好飽肚.多年後ge感覺係, 真係唔錯, 但係個人認為辣味可以加強,甜度可以減少d, 但可能我呢d係hk人口味啦.食緊野時聽倒應該係老板用普通話同一個學生講野,我fd話見倒訪問話老板係韓國讀大學個時已經讀中文系真係好有準備進軍華人市場老板好友善,係一間用心小店不錯, 下次都想試埋其他野

一向好鍾意食韓式炒粉絲, 見到呢間舖由韓國人主理, 好似幾good咁, 即刻買盒黎試下雖然我係女仔, 但係都覺得份量少左d, 食完之後都冇飽o既感覺 (可能係我大食啦)以咁o既價錢我expect佢應該係好似餐廳食o既一碟咁o既standard份量味道方面普普通通啦, 唔係令人驚喜o個隻, 但又唔難食咁囉, 但由於份量太少, 我估我唔會再翻兜喇

一直聽聞紅磡新開了韓式食店, 以外賣形式運作, 加上又有韓籍老板娘助陣, 上次放工記錯了地點, 一直在兜圈子, 今次在W的帶路下終於順利找到了~ 店子小小的, 雖然有椅子, 可以你絕對不會想去坐低食, 因為太多人等外賣了, 我們要了一個什菜炒粉絲(記憶中這個食品有個優雅的名堂, 可是忘記了), 本來我想食煎泡菜餅, 最後卻比牆上貼上相片的煎海鮮餅吸引住, 就加這個吧! 外賣後到附近的商場慢慢品嚐, 什菜炒粉絲--好味, 雖然只有什菜和粉絲, 但味道很豐富, 有大量的蔬菜, 份量少少的, 卻出乎意料的飽肚, 很適合女士作午餐/晚餐 煎海鮮餅--味道好似酒樓的煎薄餐, 海鮮嘛..我只吃得出魷魚和大量的蔥, 一點醬也沒有很是淡口, 廿幾元太貴了

2010-5 (weekend)韓點是韓式小食, 先試應該最淡口的煎什菜餅, 的咁多的辣, 應該因為紅椒絲, 好似食緊什菜薄礃, 都幾爽口幾好食, 再試朋友喜愛的泡菜煎餅, 多了點酸辣, 麻麻地, 可能泡菜一直都不是我柸茶的關係, 卷片的魚蛋其實有點似關東煮, 淋淋軟軟淡淡的, 不過後者好食好多, 叫做試過就算, 最後試炒粉絲, 有洋蔥九菜爽口健康, 韓式粉絲的薯粉果然幾彈牙, 炒埋一堆真幾唔錯, 仲幾飽肚添, 呢個最啱我食.記得d 韓劇仲好鍾意食炸醬麵, 炒年糕, 壽司呀, 有機會要試埋佢地.

其實之前都食過好多次,差不多樣樣都食過,我最鐘意食炸醬麵,所以今日午餐去左食炸醬麵同韓式魚蛋,仲見到有2款新產品推出:韓式冷麵同泡菜炒飯....遲d又可以試下炸醬麵: 睇個賣相以為個汁會好濃同好咸,但食落個汁味道甜甜地幾好食韓式魚蛋: 同我地平日食個d魚蛋嘅形狀唔同,佢係一片片用竹籤串起,而且用杯裝住仲有d湯,個湯飲落好鮮甜雖然鋪頭細細多數要企係度食,但仍然食得好開心,因為老闆娘好nice,有時仲會請教佢韓文點講,佢都好樂意回答的

Highly recomend!!!!!~~reason:the cheapest Korean food shop in HK(not kidding!) & its really good!most important is that the 老闆娘 is really polite and friendly~always talk to her 其實食左好多次不過次次都無寫又無影相><maybe next time will have photos....今次新出品冷麪($28)!! 好味but might be a little bit sour but its fine白醋同肉湯同d好有咬口既麪仲有青瓜絲同酸酸地既蘿蔔片!仲有隻蛋~~不過我唔中意所以叫老闆娘'走蛋'^^if you guys have time or live nearby 'gok' go and try it and other food items are tasty!!^^

前一晚專登上網search下間野係邊,做好哂資料搜集,哈哈~我和妹妹去完土瓜灣整野，專登搭車入去食，為左一試韓國人開ge韓式街頭小食，我妹仲講笑話間舖知道左我專登去食,真係要多謝我..........哈哈,係囉佢點解唔開係旺角呢d地方,但可能開係紅磡等D人慕名而來,即係我呢D人......先矜貴D..........^^ 韓式辣椒炒年糕$25 : 我好一試即話同屋企D辣椒有咩分別,D味咁似。我一食覺真係有D似,不過依然係有D特別，一開始食落唔會好辣,但後勁就越黎越辣，D年糕有少少硬,又未去到煙"un" ge感覺,可能炒得唔夠火口........食到最尾我好話它不是辣椒炒年糕,應係辣椒浸年糕,佢辣到頂唔順,由我包底....... 韓式壽司卷$20 : 其實好普遍,又唔係凍又唔熱,少少暖暖地,冇醋味,有少少芝麻油味,唔會有D咩特別刺激味蕾。 韓國魚蛋$10 : 個湯真係幾好飲,清得黎唔會冇味,感覺冇味精,而魚兔,唔多係爽口彈牙個隻,但索哂D湯ge味,好好味呀!!!!!!!!!!兩個人食三樣野，真係勁飽.......都算幾抵咁ge價錢

星期六老公去買些小食回家加餸, 買左泡菜, 炒粉絲及煎蛋餅.d泡菜好夠味及夠辣, 用來食飯及麵一流.炒粉絲唔油有多菜, 好爽口.煎蛋餅吃時已凍左, 但仲好香, 內有香蔥好香, 不過蔥太長, 好難咬.另個紙外賣盒好別緻, 食唔晒仲可以放入雪櫃.

舗位雖然係細D, 但都可以坐喺到食. 而且老闆娘好好人, 個人好nice, 試左韓國魚蛋, 好薄身, 韓式辣椒年糕, 好好味, 辣度適中, 仲叫左粉絲, 泡菜煎餅, 樣樣我都覺得好好食. 好地道, 下次會再去, 一定會試泡菜!!

和媽媽吃完自助餐，四圍走走落下隔。隨即走去期待已久的韓點買最愛的泡菜！走進店裡店員們都不會過份熱情的sell你，這點很好。因為吃飽飽了也只能買泡菜回家，問全店唯一男性，(應該是店主吧)泡菜能放多久，他就用不純正的廣東話加大量身體語言說放酸了可以怎麼吃那些泡菜，其實他的廣東話很易懂，不過加上身體語言的細心講解，真的覺得這裡服務很好，店主很可愛！！！回家後拿來嚐嚐，泡菜份量ok，味道很好很夠辣！而且很入味，比起高級超市的差太遠了！我以後都會幫襯！

魚蛋第一次食韓版,有新鮮感好味.辣椒年糕應就左香港人口味,唔食得辣都入到口.但醬汁"杰"左少少.地方細細,但食店內的食物相片好吸引.睇到流晒口水,樣樣都想試.但無quota,一連係紅磡掃左三間食店喇.好奇喺韓國人老細識講廣東話,當然係唔係最純正個種,但都聽得好清楚.原來佢係韓國讀大學係中文系畢業,對佢來說講廣東話無難度(睇佢店內貼左d介紹係咁上下咁講)呢間店樣樣食物都唔係一般街頭可食到.一定要再來慢慢試晒老板的結作.壽司都好似好好味咁大家煲住韓劇點可以唔食番d 泡菜,韓式炒粉絲等等來襯番,可以食到韓國人親手整的食物真係好地邊.i like it講開韓國嘢,點可以唔提係節目內勁唱no body的超級巨聲,食完的節目就係去左豬島睇6位超級巨聲和sherman,ka yi,小童星的good show.開開心心又一天.正!

一向好鐘意韓國, 但一直未去過,見到呢間有韓國小食賣,就特登來試下~買o左一個炸醬麵, 魚蛋同炒年糕,炸醬麵: 好香洋蔥味, 比之前o係沙田的好食, d汁好濃稠, 有d菱形薯仔, 好食!魚蛋: 一開頭以為一串串的, 買o左先知杯裝, 而且切好一片片包埋湯, 可以方便淑女們~炒年糕: 因為本人不太嗜辣, 呢個有d失望...以為偏甜的, 食食都係頂唔順, 俾o左朋友試都話辣!可能今日休息日後開工,好似好多野未準備...想落個單, 但位太太一路o係度掃地....落完單同我講炒年糕要等10分鐘,之後拎野食時, 又同我講炸醬麵要等多幾分鐘, 但奇怪了, 我見到有3樣野, check下其實齊了,同太太講返, 佢竟然同我講係齊了!? 咁又同我講"炸醬麵要等多幾分鐘"!? 佢見我的反應都說: 唔好意思, 令你亂o左....(其實佢的廣東話我聽得明的)令我頭上滿是問號....究竟什麼事了!?得出o既結論: 可能佢記錯客人, 同錯客人講野吧...