韓點 (紅磡) (已結業)

從前吃刨冰的位置~現在成了一家主理外賣的地道韓國小店~~其實已經得悉此店存在良久~~根本就是大比每天上班必經之地~天天回報裝修進度~~只是身在紅磚的小比根本無閒走條天橋下來~~這天放假要特意來紅磡開飯~真係奇怪小店簡單用扶手欄杆把舖間成兩邊~~方便分隔排隊與小bar檯堂吃的客人~~絕對加分~!食物的相片一一掛在牆壁上~~邊排邊揀~~選擇離不開簡單的雜錦飯~壽司~泡菜餅~魚蛋等~~眼見前面大部人都買上$200的大餐回家吃~真的那麼好味嗎?韓式辣炒年糕[$25] : 用上麵線size的紙碗~其實以份量黎講已經好多~因年糕實屬飽滯的主食~~lunch趕時間的話~拿著邊走邊吃又飽肚又幾好~~~不嗜辣的大比吃了兩舊就吃不下去~~但不得不承認辣中帶甜的黏稠辣醬做得好~年糕煙韌~當然不是拉得開那種~圖柱形的年糕中心會有點實~但確定是熟透的~~小比吃了大半碗韓式魚蛋[$10] : 韓國魚蛋是類似腐皮的長扁形~~摺摺摺之後穿上竹籤~~薄身卻不失彈牙的口感~以熱飲紙杯奉上~~連帶湯底都有冬菇紫菜等煲成~所以連湯喝也不出奇~!這個$10小吃將來小比路過必會篤一篤!!韓式壽司卷[$20] : 記起早年也有爭拗

食過兩次：第一次係炸醬麵，$28，略貴，但好食，係比較多汁既炸醬麵style（其實我沒太多經驗吃韓式炸醬麵所以也沒能比較）貼心的把汁跟麵分開裝，那試她剛開張，沒太多人，留下好印象。之後在雜誌及這裡也看見她，算是紅了吧。午飯時間及夜晚也有好多人，店面太少，連點餐也要輪好久。第二次點了韓式粉絲，失望，竟是微波爐食品。反正都是買回家吃其實大可讓我回家才叮？！而且配菜仍很生，只感覺那種未熟菜類的那種"辣口"。一次好一次壞，所以也未至於要給她一個喊。也許証明了她並不能應付太多客人，會有下次的，但只限比較少人的時候吧。

上次去韓點咁啱係星期日唔開門，食唔到!今晚再次同13出動去試下。去到見到舗位好細，根本唔可以堂食，有D人已經排緊隊落order。我地決定買上車食，我即時排隊，邊排邊睇食咩!呢度食物種類唔太多，8點幾已經有d食物沽清(炸醬麵，下次見啦!)韓式炒年糕 - 個汁真係一流(甜味同辣味好balance)，除年糕外，仲有少少蔬菜伴碟。韓式魚蛋串 - 比韓國街頭的薄身，不過味道好好。什錦拌飯 - 個飯唔夠熱，不過配菜同隻蛋撈埋d飯之後好香，好好食! 煎泡菜餅 - 完全唔熱，泡菜味唔夠! 整體來說都幾好食，特別係個韓式炒年糕，下一次一定要再食! 而個什錦拌飯，我都想再食呀~~~

上星期睇到報紙介紹, 入到嚟又見到4個食評, 講到好吸引.. 本來急不及待想早幾日試, 但係因為要温書, 今日先有機會去到.. 晚上八點左右去到, 要排隊.. 原因係收錢及落order 果位姨姨都幾慢下, 但係情有可原, 因為佢每個客人都好好呼待, 真係好nice..前面有個男人想買雞翼, 可惜無貨, 果位姨姨用心解釋, 但係反而個男人聽唔明.. 香港人真係太急了, 人地想你明白點解無得賣比你啫.. 唔通真係只識聽"賣晒" 呢兩個字? haha..呢個姨姨應該都係韓國人, 因為口音唔正, 但佢肯定唔係老闆娘, 因為佢老公同囡囡(好cute的)响出面.. (我係從佢同整嘢食啲人0既對話得知 ^^)咁個男人改咗要粉絲同泡菜餅, 之後改order要海鮮餅.. 粉絲係叮熱... (=.=) 攪到我無興趣買...跟住, 點知出咗個海鮮餅, 都係叮熱, 望落好細份...最後出番個泡菜餅, 都係叮熱?! 點解咁架... 有啲失望... (可能好多間嘢都係番叮嘢食比客, 但係睇住佢叮, 感覺就唔太好, 不如你比我拎番屋企叮, 仲熱啲... XDD)結果, 我買咗一份炒年糕, 一份泡菜.. 炒年糕原來唔

真的好開心,因為可以食到好好味的韓國炒辣年糕HK$25辣度適中,年糕好新鮮,口感一流, 韓式魚蛋連湯都好入味HK$10最重要是老闆娘好好人,親切溫柔,在那兒吃韓菜好開心每星期最少要食一次

上次經過都已經想試，今日終於食左喇~老闆/娘係韓國人，不過廣東話都幾流俐呀，好nice呀佢地~今日本想叫泡菜豬肉飯，但可能太晏了，已經賣哂，所以叫左牛肉拌飯，都好味呀~如果唔想食得咁油膩，呢個係不錯既選擇。下次一定要試泡菜豬肉飯!又叫左個魚蛋串，我覺得仲好味過係韓國街邊食果d呀，因為呢度唔會整得太林，d湯都好有魚味呀~最後試埋炒年糕，好好味呀，好煙un呀....好鍾意~辣度對我呢講適中呀，老闆娘仲話可以點魚蛋落炒年糕d辣汁度食~唔錯唔錯~見到佢張menu, 仲話可以order到會。同埋見到好多人都外賣返屋企食，下次都可以唸唸。下次要試佢既自家制泡菜。

之前已經食過幾次 ..老闆係韓國人黎的,, 佢地好nice!!第一次食左炒年糕`魚蛋同炸醬面 ..3樣都好好味我覺得`!最鍾意係炒年糕..次次去親都會買 ..第2次食左豬肉蓋飯`壽司`泡菜煎餅 ..壽司`泡菜煎餅都好好味 ..但豬肉蓋飯就嫌佢有肥肉因為本身自己唔鍾意食肥肉 ..最近一次係食什錦拌飯 ..好好食``又健康 ..總括黎講一week都會起碼去一次 ...好好味

間食店好細,最多坐到4-5個人,都係外買好D. 其實琴日經過已想食,但係冇我最鍾意既泡菜,今日好彩有. 佢個MENU得十幾款野,似快餐店 不過要等8分鐘倒先有得食泡菜:一食就知係韓國人整既 D泡菜係生生地既(我唔知點講,總知我鍾意呢種味道,因為有D餐廳既泡菜係熟熟地,我個人就唔太鍾意).如果同超市既宗家泡菜比,佢既味道就偏咸.不過真係好好味. $30 有一大碗,可以放係雪櫃慢慢食. 減肥TIP: 學韓國小姐,每日任食泡菜加白飯,包你瘦到.泡菜拌豬肉飯: 個樣真係麻麻地,同唔叻煮飯個D住家飯差唔多,但個味道甜甜地,似甜梅菜炆豬肉,好好味.

新開張, 韓國家庭主理, 識講少少廣東話. 賣既食物同我上次去首爾既街邊小吃差不多, 不過而家開左唔係好耐, 有d未有得賣住, 睇佢介紹, 遲d連街頭個隻牛血腸+牛肝都有得賣.今日下午貪新鮮, 走去買外賣, 買左炸醬面$28, 幫同事買左一個order兩條即叫即做既韓式壽司圈$20,都唔錯喎, 個炸醬面如果去韓國街食, double價錢都未必食到...lunch等外賣時, 見佢整緊雞翼, 面menu上寫左韓式炸雞翼將會有售, 所以問佢幾時有得賣, 佢話可能今晚就ok, 所以放工心CC又走左去一轉, 見佢炸緊雞翼, 問佢有得賣未, 點知佢話仲係試緊味, 未賣得, 不過請我食左一隻 好味之後都order左泡菜豬肉飯同炒年糕返屋企食, 都好好味, 同我係韓國食個味好似