韓米 (御海灣)

韓米 (御海灣) (屯門)屯門海皇路23號御海灣地下40號舖韓式無骨雞香蒜味雞肉外皮酥脆，內裡多汁，香蒜的味道滲透每一口，既濃郁又不過於油膩。搭配的韓式醬汁則為整體增添了一層微甜和辛香的層次感，令人回味無窮。芝士牛肉紫菜卷牛肉的鮮嫩與芝士的濃郁完美融合，無論是口感還是味道都相得益彰。紫菜的清香為整道菜增添了一絲清新感，讓人不會覺得油膩。每一口咬下去，芝士的拉絲感令人驚喜，搭配牛肉的肉汁，簡直是絕配。這道菜真的是聚會必點，讓人忍不住一口接一口。…查看更多

二人套餐 B $2281.三選一：（牛肉紫菜卷✅）豬肉紫菜卷素菜紫菜卷上到黎切開咗6份，每舊都好厚大概有一節指骨厚度！入邊配料內容好多，蘿蔔絲粉絲牛肉塞到滿滿，口感微涼，夏天食幾好！2.三選二：韓式炒粉絲✅呢個炒粉絲口感煙靭，熱量低，韓國人每次生日都必定會出現嘅一款小菜，配菜有雞蛋絲、黑木耳、蔥、雞肉、洋蔥等等燒汁五花腩飯泡菜辣豬肉飯✅呢個係辣度十足嘅飯！驚喜嘅係泡菜同飯分佈均勻，每粒飯都有泡菜汁但又唔會過濕飯可以保持乾身！豬肉切得比較細，分佈曬成個飯！基本上好似炒飯咁！每啖都食到泡菜同埋豬肉！不過唔食得辣嘅人要要留意下！炸雞4件炸皮好薄雞好大嚿非常足料！上到台啱啱炸出嚟熱辣辣香噴噴！配埋佢非常濃郁嘅蕃茄醬微甜微酸好好食！4.前菜拼盤有泡菜、黃蘿蔔、黑豆同埋蓮藕5.湯品2碗韓式魚糕湯味道係好香濃嘅胡椒香味，魚糕煙靭好咬6.飲品2罐雪碧，韓國香蕉奶加$3…查看更多

諗住係御海灣食個午餐，呢間韓國菜都唔錯喎，小店黎講款式算多，上菜又快，非常好。好，睇下有咩好食先。前菜櫃有好多韓式醃菜，又唔貴，好正咁喎！韓式拌飯套餐for 2人用，魚餅湯，熱湯好好飲，有胡椒味，三件魚餅，前菜有泡菜和醃蘿蔔。豬肉拌飯，所有配菜齊整排列好，配料充足，個飯有少少辣，醬汁都夠拌起成個飯，每啖都有飯有餸有汁，唔怕dry牛肉紫菜卷，個飯卷包得好靚，實淨唔鬆散，餡料好平均，食落味道唔錯。炸雞翼，外面炸到勁脆脆，裡面雞翼脹卜卜有雞油，正！跟餐仲有韓式飲品。…查看更多

屯門泳池多咗好多餐廳~其中有間韓國🇰🇷小店韓米主要外賣為主，店內有bra枱數個座位亦可堂食除咗有炸雞之外仲有紫菜卷、便當、韓式拌飯、小食等~韓式炸雞Set A $102🍗岩哂2個人開心share~ 雞翼、雞翼槌各4隻，仲有薯條同炸年糕即叫即炸~雞翼同雞翼槌脆卜卜，好香脆入面都keep到嫩滑多汁🍗紫菜卷有好多款，牛肉紫菜卷餡料十足一整條分開8件，包住青爪絲、蛋、蘿蔔絲同牛肉每啖紫菜卷口感非常豐富~大滿足😌韓式炒粉絲大大碗，幾乎塞到滿哂🤣口感爽滑唔油膩，仲有唔少配菜可以再encore!! …查看更多

平時買開$48.1條飯卷，今次見到佢又下午茶，諗住試吓佢個下午茶，見到$42有飯卷同埋有雞，咁就諗住買兩盒同屋企人一齊食。點知返到去一打開剩係得四嚿飯卷同一舊雞，係咪搞笑除返開個下午茶？仲貴過舊飯卷之餘你咁少份量都好意思叫下午茶？我仲要等咗勁耐特登行過嚟買🙄 冇下次…查看更多

先說明最終我哋無食到啲食物，所以對食物沒有任何評價。但對於店家的服務態度極hea，我哋對依間店的食物品質同埋安全深感懷疑。本來件事都幾常發生係各大外賣平台，就係點兩份餐送得一份，但當我哋聯絡店家，該位接電話嘅小姐一句你退錢就事不關己，唔好意思或對唔住都無句直至被鬧完之後先心不甘情不願講唔好意思。問佢有冇經理，經理放假，話得事嘅人唔係度，即係佢代表佢哋餐廳啦。小姐你老闆真係要多謝你阿。退錢唔係大晒，無錢亦唔會係各大平台叫外賣，貪佢哋比堂食貴定係要俾運費？總之第一次幫襯就遇到咁嘅情況，唔會幫襯佢哋任何分店。…查看更多

同一個舖位上一手嘅質素越做越差，所以對呢啲韓國小店本身一直都冇期望，有一日跑完步諗住是但買少少嘢食就買咗個牛肉飯卷，有驚喜喎！餸比飯多，$58，味道唔錯，冇其他谷有講話出水嘅情況，如果要買嗰啲靚靚盒裝住就要多$10, 另外我仲試咗佢個醃魷魚，味道偏鹹，細細樽都要$60，不過會令人唔停口食完再想食😜第二次我就試咗佢水冷麵，呢個就真係一般啦，我以為係梨水，佢就用咗蘿蔔水，咁就爭好多啦，價錢好似要$68㗎唔係平，唯一嘅好處就係堂食，可以慢慢欣賞出邊青山嘅風景，佢又唔會逼我走嘅，hea 一陣都幾正。希望佢可以維持到食物嘅質素，長做長有啦！…查看更多

話說坐緊月既我不便煮飯/準備團年飯，今年就為大家準備外賣啦。因為上次baby shower 食完覺得唔錯，所以今晚團年encore 多次！我係上星期問定年三十晚會唔會收早，幸好佢收6:30，所以叫先生去拎既。我覺得值得讚既係炸雞，我6:30攞到手，7點半左右食（3個輕鐵站away)，雖然預咗會凍咗，但炸雞係冇淋到既，仲係脆既，even 我叫咗3款炸雞，有兩款係有醬（甜辣同蒜味），都唔會淋。而且3隻炸雞味龍剛好，我相信熱食更好味。拌飯、粉絲都可以既。韓式炒粉絲料不多，所以唔會好油，只係如果有多少少肉味既配料會更出色。叫咗泡菜煎餅，外賣大家都以為係午餐肉，食落不錯，如果份量多少少就perfect～至於kimbap, 試咗3款都好味！唔會太濃或者太淡，整得剛好，冇散出嚟。我大致上覺得同上次一樣，價錢同味道各樣都唔錯，可以再encore 既。（plus customer service 有禮，值得加分！😊）如果可以改善嘅話，泡菜煎餅份量多少少就更好。…查看更多

服務差，食物差，環境差，比左2次機會喇真係～～～～～～睇佢平平地，解決下一餐半餐唔錯既，但食落先覺得其實d料非常少又平，似街邊小食檔質素，個d大樽泡菜個樽，淘x貨仔，都唔知衛唔衛生，野食入面竟然會有蚊滋仔囉～眼界差d都睇唔到呀真係叻全程冇招呼冇眼神接觸，最犀利係收到錢，再比個叻佢環境呢～黎左2次，d玻璃呀牆呀枱櫈呀地板呀，都會見到手印呀食物碎呀汁漬污垢呀咁仲話有分店添，而家真係乜人都可以做老闆欽敬欽敬…查看更多

第二次外賣，今次食牛肉紫菜卷，味道一般。牛肉紫菜卷啲牛完全無牛味同好似唔熟咁，應該係隔夜紫菜卷攞嚟賣。之前屋企人食佢個豬肉紫菜卷已經唔得。價錢同食物質素唔成正比。俾咗2次機會，唔會再幫襯。…查看更多

價錢都平，性價比算高，份量都夠飽肚，味道都唔算差，炸雞幾juice，炒粉絲冇韓式個種油滑感，味道偏向黑椒味重，飲品幾平聽講擒日新舖開張，但咁新就已經成間舖都有飛飛🐜🐝🪰🦗d人仲邊收錢，落單，又邊包卷切野，外賣又係個對手去包，仲有見到攞貨搬梯都係就咁埋番位整野食，d材料又街市買餸咁攤哂係度，衛生真係不得了，大菌食細菌😅😅冬天還好既，夏天就……腸胃夠強壯既話，都不防食下既～😆員工就。。講野需要d技巧囉～話冇禮貌又唔係，就。。。怪怪地。。…查看更多