韓牛韓式燒烤 (已結業)

好想一飽口腹之慾，但又唔想去食貴價酒店buffet，我選擇左平平地既任食韓燒 好耐冇食喇，新鮮感返晒黎揀左呢間地點就腳係旺角既韓燒，Mon-Thur 9點前$198，9點後$178, 另加一。餐廳環境闊落，張檯夠曬大，就算拎好多嘢食都夠位擺食物種類好豐富呀！燒肉都好多款揀，豬牛羊樣樣有，蔬菜類都有唔少，例如菇類，瓜類等等.... 熟食都有唔少選擇呀，淨係菜都有幾種。而且仲有我好鍾意嘅中華沙律丫 呢度真係夠地道，有韓式泡菜煎餅呀，唔洗去韓國食喇 其他炸物有炸雞翼，炸餃子等等...海鮮冷盤仲會不斷refill添，有大家都好鍾意嘅三文魚啦，大蝦，青口，蜆同埋有沙律食添...另外壽司種類超多款，起碼有十幾種呀！ 咁多壽司食，唔使去壽司lu我哋都拎咗唔少食物入去燒呀，第一輪就已經係咁食肉喇。最鍾意食佢嘅牛仔骨，燒一陣好快就食得。啲肉質唔會那到好淋，都幾有質素！ 另外牛肉呀豬扒嗰啲都唔錯，食肉獸岩晒！ 最值得一讚嘅就係畀我見到有超大隻嘅瀨尿蝦！！！呢隻瀨尿蝦成隻碟咁長，唔單止咁，啲肉質仲非常結實，彈牙！！完全係喜出望外！！冇諗過食韓燒可以食到咁有質素嘅海鮮嘢飲都係好多選擇，有三個大汽水櫃。有啤酒啦

韓風影響到好多香港人，除左多左去飛去韓國Shopping外，仲會睇韓、聽韓，連食到韓埋。係香港的韓式餐廳有好多，今次為大家推薦的係位於旺角創興的平價韓燒！餐廳的油煙唔多，而且夠闊落，坐得夠舒服。價錢方面一D都唔貴，星期一至四7點幾去食都只係$198，而且大家係星期一至三去食的話，仲有五送一優惠！餐廳有好多食物可以選擇，當中包括三文魚魚生、凍海鮮、壽司、沙律。其中我最欣賞的係個龍蝦沙律！加入酸甜的沙律醬伴住生果粒及龍蝦肉粒，味道非常開胃。另外，餐廳提供的凍蝦及凍蜆也算不錯。凍蝦的味道都幾鮮，蜆又唔會有沙！另外，餐廳仲有提供沙律及壽司。沙律菜都幾新鮮脆口，不過我略嫌款式唔夠多，如果可以有埋粟米粒及麵包粒，味道及口感應該會更鮮更豐富。我們拎左幾件壽司，三文魚刺身雖然唔夠厚，不過食落唔腥，只係油香唔多夠。不過$198食到新鮮唔肚痛的刺身已經不錯！此外，食韓國野點可以少左泡菜呀？！餐廳提供多款的前菜，除左常見的韓式傳統泡菜外，仲有白菜仔、莧菜、醋醃青瓜等。韓式傳統泡菜醃得都幾夠味，味道唔算太辣，可以接受。如果大家餓的，仲可以到熱食區拎D即食的熟食。當中有泡菜/海鮮煎餅、韓式炒粉絲、鮮蜆湯、炸物等

好耐冇同男朋友食過韓燒，今日心癢癢想bbq就近近地去左旺角既韓牛🐴唔知點解每日都有咁多人食韓燒或放題😂我地七點半左右到，餐廳已經差唔多滿座。食物款式都幾多，除左燒烤既肉類和蔬菜，仲有熟食例如韓式薄餅，薯條等。仲有壽司同刺身😎男朋友一入到去已經猴住d刺身幾時出黎，但後尾發覺根本唔洗咁心急😂因為餐廳會定時refill三文魚刺身，我行過幾次都見到有貨，唔驚食唔到😂飲品同一般放題一樣，汽水啤酒果汁應有盡有。不過我通常都唔會飲可樂，費事太多氣好易飽肚🙈甜品亦有好多選擇，最驚喜既應該係朱古力噴泉同綿花糖機啦～咁大個人都未試過自製綿花糖，呢度有得過下手癮。見到其他小朋友都玩得好開心😆

有時出去食飯唔想洗太多錢，放題都係一個好選擇。咁岩又旺角做交匯點，最正路嘅選擇都係個堆「韓燒放題/日式放題/雞煲/打邊爐」。所以最後我地揀咗創興嘅韓牛・韓式烤肉放題。其實久遠嘅之前都有食過，印象不俗，因此橫掂放題，梗係揀番有保證嘅選擇。每人百零蚊，任食時間個半鐘，時間可以話係相當充裕。最重要放題唔洗落點餐紙，非常自助嘅小食區，咁就唔怕漏單又或者食物份量減料嘅情況，想食幾多就拎幾多，最岩我地呢種自由不羈嘅顧客。韓牛佈局入口正前方就可以一覽無遺嘅L型自助形小食區，個人覺得食物種類繁多，不論你係甜品怪定食肉獸，都絕對可以滿足各種喜好嘅人。由於最近無乜點食肉類，所以除咗一開始食咗少少蔬菜類之後，我就開始暴風吸入各式各樣嘅肉類，除咗豬肉、雞肉、鴨胸肉、刺身，個人最為專注係牛肉上，呢款醃制嘅牛肉雖然無說明係咩醃料，但個人覺得醃得入味，而且肉身不算十分厚，非常快熟透，推薦可以拎啲洋蔥，燒香夾埋牛肉一齊食，更加唔錯。總結整晚，除咗胃部飽福之外，感覺都十分富足。與記憶之中嘅韓牛表現如一，食物種類多，就連Re-Fill嘅速度都好快，十分抵讚。所以話，真自助放題最好！

男朋友今日突然好想食燒肉，於是乎我地上openrice睇下附近邊到有得食燒肉，結果就黎左韓牛韓式燒烤。呢到係任飲任食放題形式，我地一坐低就即刻出去拎野食XD呢到除左韓燒仲有熱食，最令人意外係佢竟然有棉花糖機、軟雪糕機同朱古力噴泉！我見同場嘅小朋友甚至連大人都好興奮咁衝去呢幾部機XD講返燒肉先，d肉預先已經用調味料醃好，都紅卜卜夠新鮮！甜品方面，杯裝雀巢雪糕都係任食~~以$200一位呢個價錢黎講，算幾抵食，絕對要推介比大家！

近年韓風在香港大盛，很多韓國餐廳，都是由韓國人開設的，不過我就好懷念由香港人開的韓式放題，因為價錢平，又多選擇。經朋友介紹，便㨂了這𥚃。這𥚃地方都頗大，而且抽氣做得很好，所以坐得幾舒服。星期一至四，九點前入座，成人$198。食物種類有幾拾款，除了牛、羊、雞、魚、韓式泡菜、壽司、甜品、雪糕、雪條，還有拾多款飲品，任飲任食。今天天氣頗熱，先吃點沙律和涷蝦，而且自製了一個蝦沙律，吃完又再吃多一碟。😋😋😋然後開始吃牛仔骨、魚件、豬排、煙鴨胸、牛肉粒、牛肉、豚肉，我覺得牛仔骨、魚件，兩種都特別好味。👍👍👍吃完肉類，再吃點韓式泡菜，就已經好飽，下次要再來多次。

創興廣場門口一到 peak time 就大排長龍等搭lift 上餐廳食飯，懶得排隊，而且見到一樓有間韓燒，上一層電梯就到，唔洗排長龍，任食價錢都係$200加一左右。去到餐廳，覺得啲座位都幾企理，除左卡位之外，亦有典型韓燒店用下面可以放個人物品嘅椅。食材嘅選擇放哂係出面，自由選取，睇住拎一定岩食，而且可以小心控制份量。肉類我建議揀牛仔骨、牛利、五花腩等，易燒得香口，不過肉類較多肥膏，燒完唔想食咁肥膩，要自己手動飛走d就ok 而且有好多其他熟食、刺身、side dish、飲品、甜品都係任食🤭 超級多選擇，花多眼亂，食物水準亦可接受 更重要嘅係，抽風做得好好，燒左兩個鐘，油煙味好少，食完返屋企唔會覺得自己成身油煙味 👍🏻👍🏻

與舊同事好久沒見，決定相約在旺角韓牛韓式燒烤邊吃邊談。韓牛韓式燒烤在創興廣場一樓，身為超級路痴的我果然沒讓人失望，我在對面馬路徘徊著一直找都找不到（汗）雖然是韓式燒烤，但由於餐廳夠寬敞，所以完全不會感到油煙味重(｡･ω･｡)而且座位算舒適，挺適合和好友邊吃邊聊天。食物方面覺得還OK算是包羅萬有。有刺身、壽司、生的豬牛雞、蔬菜、韓式涼拌美點甜品方面則有朱古力噴泉、甜筒雪條、豆腐花、中式糕點、自助雪糕機但甜點覺得只是很一般而已(´･_･`)雞翼稍微辣了點而多春魚則很易散開春都掉了出來(･̆⍛･̆)飲品任飲不過喝兩罐就已經很～夠～了～啦沙律雖然用龍蝦殻盛著但沙律中並沒有龍蝦٩(๑`^´๑)۶ 很想吃龍蝦啦基本上一個小時裡可以吃到幾種不同風味的食物但卻覺得沒有哪種是必吃的有點像去到美食街東吃一點西吃一點卻沒什麼特式美點可以叫人記住(๑꒪͒∀꒪͒๑)最後感覺就是「嗯，很飽」完。

好耐無見既同事聚會，有人提議喺創興食韓燒。創興呢個舖位真係好似咁耐韓燒歷史，讀中學時佢係同明將都被選為中同最愛飯聚地點。好有可能因為以前學生時代真係食得太多太多次，已經忘記咗佢，宜家連店名都唔同埋添，想當年，真係想唔認老都唔得啦。格局大致上同以為無分別，不過就新咗乾淨企理咗。各式各樣韓燒食材，全部都醃得非常入味，重口味人士一定好啱。最推介個牛肉同牛仔骨。各式各樣甜品帶細路黎一定會好開心，淨係有部棉花糖機比你自製棉花糖同埋朱古力噴泉都夠哄小朋友坐定定食飯啦。 冷盤都有好多選擇，例如三文魚、青口、凍蝦、凍蜆等。熱葷我見都好多款式，不過我主力都係食韓燒同冷盤，集中火力。不過唔係幾舒服全程唔敢食燒嘢既同事，佢都話啲熱葷都可以一試。汽水同雪條都有好多選擇，咁梗係整返條蜜瓜雪條同飲新出我都未試過既plus可樂啦。總括黎講，平平哋想食韓燒的話，呢度真係好唔錯

任飲任食嘅韓燒放題，都有好一段時間無食喇。因為我A姐要減肥！我要減肥！我要減肥！但我家M話依家做gym，要增磅練大隻，所以就要做食肉獸啦。所以我哋今日就去咗旺角韓牛韓式燒烤大食一餐，估唔到今時今日嘅任飲任食韓燒放題質素都唔錯架。餐廳係自助餐形式，鍾意食幾多就攞幾多，但就記住唔好浪費呀。除咗各種韓式泡菜，當然唔少得刺身、冷盤同壽司啦！刺身方面雖然得三文魚一個選擇，但以韓燒放題嚟講，質素都好有保證，厚切得嚟又肥美；而壽司就有唔少種類，不過，都係唔食大多飯，費事太飽肚。仲有唔少熟食選擇，不過嚟得韓燒，熟食類當然唔係我哋嘅目標啦。呢度燒烤都有好多選擇，M佬就主攻肉類，而我就主打蔬菜類，但呢度嘅海鮮類選擇就唔多喇。呢度嘅肉類全部都醃得好入味，唔駛點豉油或加鹽都好夠味。今晚主攻嘅係一口牛同牛舌，一口牛嘅肉味香濃，好有咬口；而牛舌就好鮮嫩，係我哋嘅最愛！甜品同飲品都有唔少款式，竟然仲有朱古力噴泉。

突然想食韓燒，見到廣告講呢間係韓廚主理，位置又方便，係創興1樓，正好在旺角地鐵站附近，walk in黎到呢度了，幸好時間尚早，不用等位，被安排在卡位，座位闊落，沒有想像中油煙處處，意外地乾淨企理，環境都幾好。任食真係唔怕食唔飽，但大家要記得不要浪費食物。餐廳食物款式多：甜品、雪糕、肉類、冷盤、熱食、湯、糖水、壽司刺生等，比一般任食韓燒選擇多，這裡最好是自取食物，唔駛寫紙仔，唔驚miss單搞到自己嬲豬豬。除了食物外，汽水啤酒任飲，可惜本小姐不愛喝酒，頓時有點覺我唔抵 有朱古力噴泉！有自助軟雪糕！水果新鮮香甜！餐廳有鹽、油、七味粉等讓大家自行添加調味。基本上都係點點鼓油就OK，有點失望是豆板醬失去蹤影了~~~+$8有哈迪斯雪糕！沙律好正！最喜歡拎新鮮生菜去飽住燒肉食泰式甜品 - 椰汁糯米飯一定要食，其他都可以一試。成日都比人拎哂刺身，幸好餐廳都幾勤力REFILL，總算有吃得上的機會，刺生算是肥美。另外，海鮮也有青口、蝦、螺肉、八爪魚仔等，蝦肉幾彈牙。韓式燒烤有這樣的選擇，給你一個讚！前菜是我的最愛，尤其是芽菜、泡菜，不咸不太辣，就是剛剛好，好適合我們的口味。餐廳還有各種不同素食及腸仔呢度食

韓燒!YO!定期都係要去一去韓燒過下癮!係旺角既韓牛韓式燒烤晚飯時間都幾多人下，除左燒烤之外, 仲有D冷盤、壽司、沙律、炸物等，多元化D食落都唔會話好單調呀嘛😆。冷盤沙律唔少得，沙律食材都有成4，5款，車厘茄、粟米、什果、青瓜片、羅馬生菜等可以自己整個沙律黎食下。燒烤食材係燒烤區度拎，款式都算多，蔬菜（eg.南瓜、翠玉瓜、冬菇、茄子等）、肉類（eg.牛仔骨、肥牛、一口牛肉粒、豬扒等）、海鮮（eg.蝦、魷魚、多春魚等）都有，而且放得幾整齊✔，要食咩自己按份量拎啦！韓燒當然要飲汽水同啤酒爽爽佢啦！飲品選擇都幾多下，啤酒都有三款揀，K姐揀左韓國既Hite，正正子！呢度仲有Plus可樂，即刻可以減低下罪惡感！甜品選擇都多，但都係簡單款，芒果布丁、啫喱糖、西米糕、草莓同抹茶大福、迷你芒果糯米飯，仲有軟雪糕機同朱古力噴泉。最估唔到係會有榴槤雪條同melona雪條，出面買都唔平嫁，都要食下回下本😚。

由細到大都好鍾意去食放題，哩間韓牛都開咗一段時間，一直都未去過，今日就同男朋友一齊去試吓啦。坦白講價錢都唔算貴， ＄200有找，而且食物嘅款式都非常豐富。除咗有指定嘅韓燒牛肉雞肉豬扒等等，仲有日式壽司。最值得一讚嘅係竟然有棉花糖機可以自己整花糖，好似就算平時去酒店食buffet都見唔到有得整棉花糖。店員服務態度都好，個爐燒焦少少就馬上好快幫我地換爐。仲有啊，喺嗰度有得食平價嘅哈根大師！即使食到好飽肚唔走雞叫番杯。

去食依間野 😳是有好多食物但係好似唔新鮮咁🤨又話係韓燒 但其實似燒烤多d🤣 韓燒係有五花腩 🤔但依間冇🙄個燒烤爐好易燒黑🤗有豬肉 但好多肥膏😞牛肉都有好多肥膏😳冇咩肉食😞想叫職員換個燒烤網 😭叫咗好耐都唔回應😑冇人理😫但奶涷既味好怪 😢同軟雪糕既味一樣 塊版話有三種味其實得1種😳好無奈 以為韓燒會好味 唔好味😔冇咩好食囉 肉又唔好味點叫韓燒🙄一d都唔好食😳用棉花糖機嗰陣唔識整啲員工又唔幫手😔見到你攞多啲糖又話唔使咁多😭

約好左friend今日收工出旺角食飯，諗住去創興樓上打邊爐，點知最後遲左差唔多成個鐘先見人，都諗上到去實有排等。點知唔洗上，樓下等lift已經係勁長人龍，惟有轉地方。見到上一層有韓燒諗住博一博，點知仲有位，唔洗又諗過食咩！坐低左，見到餐枱上既野都幾乾淨企理。甜品櫃都有唔少款式，但到最後都係太飽食唔到…仲有朱古力噴泉，軟雪糕同DIY棉花糖。冷盤同熱葷都好多，三文魚刺、凍青口、凍蝦、韓式煎餅、炒蜆、蒜蓉炒菜等等，味道當然唔會話好好食，但起碼款式上岩食夠攝下口。主角生肉黎啦，大致上都係食開既款式，不過特別少少就見到有海蝦，睇落都唔細隻！醃製左既肉味道點都會稍為咸左少少，不過我慣左會食啲白飯等佢無咁油，所以OK的。汽水款式都有好多，啤酒都係唔洗加，而最好就係有埋plus可樂，食呢餐岩哂！最後甜品只係食到椰汁西米露做結尾，食啲甜野中和返個口無咁咸~ 唔係好甜，唔錯！