韓燒大叔

营业中

休息中

去開旺角行街, 見呢間好近地鐵站, 就去試吓, 叫咗兩個set lunch, 每set可以揀3款韓式小菜, 我哋揀咗泡菜, 小白菜, 粉絲同青瓜, 我覺得每樣都唔錯, 有喺韓國食嘅味道, set仲包湯同飲品👍🏻韓式肥牛部隊鍋幾足料喎, 有肥牛, 魚蛋, 午餐肉, 公仔麵, 腸仔……應有盡有, 湯底唔會太濃味, 啱晒我唔係咁重口味😛炆牛肋骨飯啲肉雖然未至於好淋, 不過就好入味, 配料都煮到淋晒, 個汁甜甜哋, 撈飯食都唔錯抽風都幾好, 附近嘅枱都食緊燒肉, 不過我都冇吸到成身味

🐷韓式肥牛部隊鍋 $168👍🏻套餐入邊配左三款小菜同埋一個嘢飲，部隊鍋嘅份量都幾多，😛如果細食嘅話兩個人share都得。湯底嘅味道唔算超辣，入面有🍜公仔麵、🍡年糕、魚糕、腸仔、午餐肉、火腿好多唔同嘅食材。😙仲有雞蛋同埋芝士可以自己加，覺得唔夠食亦都可以加錢要多一碗白飯，食完之後又邪惡又滿足。.🐷韓式炆牛肋骨飯 $128🐮牛肋骨口味偏甜，煮得非常入味同埋軟淋，超級適合用嚟送飯。🥰入面嘅蘿蔔亦都非常入味，輕鬆食晒一碗飯。.📍 韓燒大叔 (旺角)旺角西洋菜南街51號友誠商業中心5樓.

韓燒任飲任食($298/晚市/120分鐘/2位起) + 慶州千年韓牛西冷（$148/自助餐加配優惠價)(另加一)Search OpenRice見到呢間新韓燒🔥旺角地鐵站E出口，舊body shop樓上棟友誠商業中心，方便又快捷⌛️用QR code落單，生熟食物一應俱全，上菜速度好快👌🏻 好多卡位，坐得舒服，冷氣神級的凍，建議帶定外套；員工服務到位，會主動留意食客需要😌燒烤肉有基本韓式豬牛雞肉、美國安格斯下肩胛同肩胛翼、澳洲穀飼安格斯牛板𨫡、澳洲草飼安格斯封門柳同牛頸脊、霜降一口牛、薄切五花腩、韓國特級午餐肉、紐西蘭羊肩肉等等🔖熱食有柚子單骨雞翼、泡菜煎餅、韓式炸雞、韓式燒肉壽司卷、韓式魚片串、韓式炸雞軟骨、韓式雞翼、韓式野菜粉絲等等🔖比大家未燒之前填下肚，肚餓嘅人可以即時醫肚😌另加$88有海鮮同刺身任食，海鮮有扇貝、帆立貝、海虎蝦、海墨魚、海魷魚、魚腩、魷魚鬚、青口、八爪魚仔、浦燒鰻魚；刺身有三文魚、油甘魚、希靈魚、赤貝、北寄具、帶子；自助區有好多蔬菜任拎🍠🥬🌽🥦食完咁多肉，食返啲菜清清味蕾；仲有各款韓式前菜小食、汽水、麥茶、自助軟雪糕、泡芙、抹茶麻糬、朱古力brownie、爆谷機、唔同

今日同朋友去旺角，食左呢間一出地鐵站就到嘅韓國餐廳—韓燒大叔。餐廳入面光猛又闊落，坐得好舒服。燒烤爐邊有個托盤，可以放好多細碟，好方便望落又靚。前菜、蔬菜、飲品同甜品都可以喺出邊自助吧任攞，其他嘢食，包括肉類、海鮮類、刺身同埋熟食都係QR code落單，餐廳上菜速度好快，好好服務。我地乜都叫左嚟食下，最鍾意係牛脷同埋安格斯下肩胛肉，佢個牛味好重好香。熟食全部都好好味，幾鍾意個韓國炸雞同韓式柚子單骨雞翼。最後用雪糕作結，大滿足！如果你鍾意食燒肉放題，呢間韓國餐廳絕對值得—試！

之前喺同一棟大廈樓上按摩，無意中發現到呢間韓燒餐廳，最具特色嘅係爐邊嘅擺盤設計，可以擺滿唔同嘅肉類或者熟食，放滿嘅話係好震撼😂晚市價錢係$298/1，任食多款韓式肉類、小食、雪糕、韓式醃菜同飲品，依家仲有刨冰🍧好吸引！另外加$88仲可以任食刺身添！肉類嘅選擇好多，連澳洲和牛都有🥓仲有我最鍾意嘅韓式豬皮，要放喺爐邊慢火燒，每邊輕輕烤脆就食得，唔係就會燶晒，豬皮甜甜哋，好有咬口！韓式小食都幾吸引，有即炸嘅粉絲卷同韓式煎泡菜餅，仲好脆㗎🫶🏻呢間餐廳值得推介！

見到YouTube有人介紹新開，即刻走去試坐低即刻有人，上豬牛羊頭盤★每次落單只能點8片刺身或8片牛★★所謂既三文魚刺身，唔係原切，叫咗4片，4片都係不同部位，入面有頭頭尾尾👎🏻👎🏻👎🏻同埋呢個三文魚一定唔係挪威三文魚，入口個味完全唔同，懷疑使用虹鱒魚★油甘魚仲誇張，唔知係咪要加88蚊冇人食，魚嘅顏色已經係明顯變咗色👎🏻👎🏻👎🏻★不過刺身蝦同帶子係鮮甜👍🏻★牛頸脊，有牛味多汁👍🏻★虎蝦，爽口鮮甜👍🏻我地入座是5:40，直到6:30開始出現錯單漏單問題👎🏻同埋我地二個開始有少少肚痛，就叫埋單$298+1另外每位再加$88蚊食海鮮7點前埋單每位減40，最後結帳$769店內只有一個男廁一個女廁，假設全場爆滿，我估都幾唔方便場內音樂電視聲太大，冷氣勁凍🥶返到屋企2個人肚屙爭廁所🤢屙水，我估應該係食物嘅問題

韓燒大叔喺旺角站E2出口出轉左入去友誠商業中心上5樓就到，交通超方便！同朋友嗌左個晚市放題$298，另加$88共$386有海鮮+刺身和啤酒任飲任食，可以食120分鐘，超正呀！😆侍應先遞上8碟肉比我地燒。除左用QR code落單order食物，重可以出去攞調味料、野飲、野食同甜品。雪櫃內有多款韓式前菜，當中有d幾特別，例如：韓式醬油鵪鶉蛋、蓮藕、韓式醬醃紫蘇葉等。侍應教我將紫蘇葉包住肉一齊食，果然不錯👍🏻！👏🏻亦有不同的蔬果：菠蘿🍍、菇類、秋葵、南瓜，和漬物：大豆芽、青瓜、白菜仔等。我另外加錢(自助餐優惠價)試左慶州韓豬。慶州韓豬好厚身。侍應好好幫我地燒重幫我地剪埋。燒得好好，保留到肉汁唔會燒到乾爭爭。半肥瘦，入口有油香亦有豬肉的甜味。👍🏻總的來說，肉類款式選擇多，所有肉類都夠新鮮而且高質，例如有來自澳洲的草飼黑安格斯牛頸脊和穀飼黑安格斯牛板腱。用QR code嗌左柚子單骨雞翼、炸雞軟骨、泡菜煎餅、紫菜包飯(牛)和粉絲春卷。春卷好脆，入邊有啲黑椒食落辣辣地。紫菜包飯(牛)入邊有牛肉、蛋、青瓜和紅蘿蔔🥕，口感豐富又足料。最鍾意係可以自己唧雪糕🍦😍❤️。可以食刨冰🍧或淨食雪糕。重有多款配料可以

今日去旺角食韓燒放題晚餐, 位於旺角友誠商業中心5樓嘅韓燒大叔, 今晚收費$298再加一, 加$88仲有埋魚生同海鮮任食餐廳坐位都幾多亦都幾舒服, 通道夠闊自助區係入口位, 有三十多款韓式前菜隔離係咖啡機同汽水機, 仲有醬料區可以自由配,有部爆谷機但好似冇開, 仲有部軟雪糕機及甜品櫃攞左小小前菜食,個蟹仔同魷魚最好食,個泡菜麻麻, 蘿蔔好爽脆好食其他食物用QR Code 落單, 有肉類、熱食、刺身、湯類、主食及甜品, 隻帆立貝幾大隻, 都好新鮮, 韓式豬扒唔錯, 唔會好靭, 味道啱啱好, 澳洲安格斯牛板腱味道OK, 薄左啲冇乜口感 , 五花腩薄薄地可以燒得好脆,油好香唔錯, 美國安格斯下肩胛肉, 肉味普通, 韓式豬頸肉, 肉質幾爽醃料幾好味, 薄切牛脷, 牛脷好薄牛花多唔太靭浦燒鰻魚, 嚟個時係凍要燒番熱, 好香好軟滑, 海虎蝦, 都好大隻新鮮唔係霉嘅, 餐廳好細心, 海虎蝦開晒背張蝦腸掉左, 讚! 刺身到左, 三文魚油甘魚好鮮油香幾好,其他正常, 赤蝦同帶子刺身, 蝦都好新鮮帶子好甜總結係肉類唔係好突出要食, 而肉類比較細件, 冇啖啖肉口感, 反而柚子單骨雞翼、海虎蝦同刺身唔錯, 如

餐廳喺地鐵站一出就係，超級方便，餐廳環境好舒服，韓燒有多時會好大味，但係呢間抽風系統做得好好，唔使驚食完之後成身煙味。食物款式好多樣化，有海鮮、唔同種類嘅肉、炸物、韓式小食、冷盤、甜品、飲品，好多野食！而食物質素好正，基本上所有野都好好食，最鐘意有以下幾款：安格斯牛板腱、牛舌以往食開嘅韓燒，都係用咗同一個味去醃唔同種類嘅肉，基本上所有肉類都同一個味，但係呢一間嘅肉類冇用大量醃料醃制，食得出肉嘅原味，佢既所有牛都做得好出色，好新鮮，而且好有牛味，基本上淨係食牛已經物超所值扇貝、帶子、虎蝦海鮮好有質素，扇貝同帶子都好大隻，而且係新鮮的！超級有驚喜甜品都有好多選擇，有朱古力brownie、爆谷、糯米糍、卷蛋，好食！

#抵食好食·韓風午市套餐旺角銀行中心附近 最近開咗GU嘅分店 第一時間去朝聖 入手一啲抵買嘅單品👚 血拼完🛍️ 再上樓食午市套餐😋 除咗主菜 包三款涼拌小食 一個湯同埋罐裝飲品-🥢前菜三小碟林林總總嘅餐前小食 幾時都咁吸引😀 炆薯仔🥔最好味 醃蘿蔔粒鮮酸爽脆 非常開胃-🥘人蔘雞湯配白飯小鐵鍋保持湯嘅熱度 雞湯顏色清淡 其實滲滿人參同紅棗香味 食晒成隻童子雞同埋裏面嘅糯米 都咪話唔飽肚-🍜韓式冷麵大熱天時 我特登揀冷拌麵 貪佢口感輕盈 入口涼浸浸 唔使食到成頭汗 拌麵醬味道濃郁 一啲都唔辣 瓜粒肉粒雜菜碎切 樣樣一啲 有口感味道亦夠-📍韓燒大叔旺角西洋菜南街51號友誠商業中心5樓

晚市$298一位任飲任食燒肉+韓國傳統美食120分鐘！加多$88仲可以任飲生啤、韓國啤酒同埋任食海鮮刺身😍😍 一邊嘆住啤酒一邊燒肉真係好正！🍺🍖🤤呢度座位非常寬敞，坐得好舒服，韓燒爐圍住大圓圈木板用嚟放食物，方便燒肉之餘，設計特別影相出嚟仲好鬼靚😆除咗自助區嘅嘢，全部order都係用QR code落單，連換烤肉盤都有得撳，非常方便。============ヽ(○´∀`)ﾉ♪✰加$88有啲咩？👇🏻🍺生啤、韓國啤酒任飲。🦐刺身、海鮮：✰海鮮刺身任食！✰刺身好高質！有三文魚、油甘魚、希靈魚、赤蝦、赤貝、北寄貝、帶子、墨魚片。全部都厚切好鮮甜，間中仲有三文魚腩部位俾我哋🤤好肥美✰燒嘅海鮮類有青口、墨魚嘴、鰻魚，最正係大大隻虎蝦同扇貝，仲有好甜嘅白蜆。============ヽ(○´∀`)ﾉ♪✰晚市$298有咩食？👇🏻🍖任食韓燒：✰肉類基本上豬牛雞都好多選擇，靚啲嘅安格斯牛都有6款。✰傳統韓燒有嘅韓式豬皮、辣魷魚、雞泡魚乾等等都有🤤✰4個人送一條原條鰻魚🥰 鰻魚超大條好厚身，要剪開佢先放倒上爐燒，肉質好嫩滑，滑到一度以為未燒熟😂🥘熱食&主食類：✰十多款韓國傳統美食，例如韓式炸雞、紫菜包飯、蛋卷、

喺呢度可以食到唔同種類嘅牛肉,除咗一般嘅澳洲牛同美國牛,仲有好少見嘅韓牛!我試過嘅韓牛真係好細嫩同好食。五花腩煎到外面脆脆,入面嫩嫩,好香噉!小食方面都好地道,好似辣辣香噉嘅韓式炸雞,韓式煎餅又鬆軟,仲有清涼嘅冰麵,全部都好正韓國味!最多嘅係一啲韓式嘅漬嘢,有酸酸辣辣嘅拌飯泡菜,清清甜甜嘅白菜,層次分明嘅冬瓜泡菜等等。真係眼花撩亂,唔知點揀!總括嚟講,呢間餐廳嘅牛肉、小食同泡菜全部都好地道好正韓國味,好似身臨其境咁,試過後保證韓式食癡一定會鍾意!

韓燒大叔👻星期五當然要放縱下咁耐先約到啲朋友食下韓燒自助餐啱哂旺角韓燒大叔夠方便地鐵站一出黎就到升級咗刺身同任飲啤酒真係飲飽食醉🤣.🔅自助夜燒+海鮮刺身 HKD 298+88自助餐加埋韓燒係HKD 298見佢加多HKD 88有埋海鮮刺身任食仲有得任飲韓國啤酒同生啤即刻加埋黎食得豐富啲🤩✨原條蒲燒鰻魚四位或以上揀海鮮刺身餐就會送原條鰻魚調好味既鰻魚輕輕加熱就食得又大條又肥美食到好滿足✨刺身油甘魚 赤蝦 三文魚 帶子希靈魚 赤貝 北寄貝刺身真無幾有驚喜款式多之餘用料都有水準鮮味十足又夠凍最鍾意個赤蝦又大條又鮮味😆✨海虎蝦 帆立貝 魷魚鬚海鮮燒咗依幾款帆立貝大大粒魷魚鬚夠新鮮放落個爐到仲有反應會郁添✨澳洲草飼黑安格斯牛頸脊/牛板腱鍾意食牛既推介依兩款薄片燒好快食得另外仲有啲牛排骨都好好食✨韓式豬頸肉豬頸肉都係韓燒必食夠彈牙又調好味韓式醬包住舊肉一流✨韓式柚子單骨雞翼 韓式魚片串熟食種類都好多多到試唔哂咁雞翼同魚片串唔使燒即刻有得食😛✨自助區自助區仲有啲生菜蔬菜類可以拎同埋醬料小食甜品估唔到連爆谷都有甜品食咗泡芺 朱古力蛋糕仲有自助既軟雪糕😋.整體黎講:豐富韓燒 刺身任食😚.🎈 韓燒大叔 (旺

📍韓燒大叔 (旺角)👩🏻好耐冇食韓燒，揀咗間旺角人氣店。價錢唔算貴，但食物質素幾好。好值得加錢追加韓牛。✨自助夜燒 $299/位✨晚市海鮮刺身任食 +$88/位首先會送上幾碟頭盤，店員好專業會教我哋由淡食到濃，再食醃肉。比較推介薄切牛脷、韓式豬頸肉、五花腩。整體肉類質素同醃料口味都唔錯。✨慶州千年韓牛西冷1+ (80g)$148比較少韓燒可以食到韓牛，而且質素高到食完返唔到轉頭。油脂分佈超靚，油香重，肉質柔軟，一啲渣都冇。加咗錢晚市海鮮刺身任食，所以我哋嗌咗扇貝、白蜆、海虎蝦。三款海鮮質素都唔錯。尤其係扇貝，大隻彈牙，燒完都冇咩縮水。掃QR code可以order肉類同埋韓國料理、小食。自助區有多款韓式前菜，味道好正宗，及得上韓國街質素。仲有燒烤用嘅蔬菜、甜品、雪糕。

旺角豐盛韓燒放題 呢間係旺角嘅韓燒餐廳 木糸裝修 座位闊落 感覺得好舒服 😌🥰 沿着燒烤爐邊加咗個木色托盤 可以放好多細碟 好細心 好方便👍 任食韓燒 $298/位任食海鮮刺身（+$88/位 ）每4位送一條鰻魚👍👍仲有啤酒🍻 前菜 蔬菜🥬 飲品 甜品 雪糕🍦 可以喺出邊自助吧自取 可以隨個人喜好 想要乜就攞乜 相當方便👍 其他用QR code落單 除有要燒的肉類 海鮮類 仲有刺身及熟食 上菜速度好快 鍾意食乜嘢encore都好快有 睇啲相 就知道幾壯觀😉🥰 刺身 新鮮彈牙 赤蝦鮮甜厚肉 赤貝咁甜 帶子棉密 我哋都encore咗兩次😋😋 然後 唔理啦 豬牛雞 海蝦 多春魚 扇貝 乜都叫啲嚟試吓 😋燒肉葉到好夠味 我最鍾意係豬頸肉及安格斯下肩胛肉 牛味好重 雞肉都香滑 海蝦鮮甜彈牙🥰 熟食我哋叫咗韓國泡菜煎餅 韓國炸雞 韓式柚子單骨雞翼 魚糕 樣樣淺嘗 正😋 最後就食埋啲爆谷同雪糕 呢一餐超級完美啦🥰 🎈韓燒大叔 (旺角)旺角西洋菜南街51號友誠商業中心5樓 #hkfoodie #hkfood #hkfoodblogger #hkfoodlover #香港美食 #香港必食 #hkfoo