韓日燒 (已結業)

壽司散種類少，都系鰻魚，蟹籽之類，等左好耐都無三文魚熟食唔多連甜品都好垃圾好差，食材唔新鮮做得越黎越差唔會再黎第二次上當受騙，節假日重要加收10蚊一個人,即係73蚊一個人比73蚊食垃圾🙄

同大伯慶祝生日，表哥揀了韓日燒，我都食過，真係抵食又抵飲！！抵飲係愛酒一族必定like, 因為餐廳大支啤酒，清酒，紅酒，自家製梅酒，伏特加檸檬，洋蔥浸紅酒比你暢飲一番，唔愛酒亦有多款汽水，豆漿，涼茶比你揀。當晚係星期六，六點前入去$158，星期六日加$10，長者亦有優惠價。我地一行6人坐係迴轉卡位。一出去大家都急不及待拎食，由於主要燒肉多，首先主攻生肉，凍肉櫃一於以前2大個，種類好多。亦有蔬菜類等等，包羅萬有。今次我去拎左上次無食過既日式火鍋。燒肉用上牛油紙，無咁易燶。黑左都好易搵職員換。除左燒肉，火鍋外，仲有少量熱盤，韓式前菜（泡菜，魚乾仔，大豆芽），熱盤也有咖哩角，春卷，炒飯，伊面，雞腿，菜等等亦有廚師即製大阪燒，燒西冷，燒三文魚頭，扇貝。燒西冷每碟份量不多但好多汁，三文魚頭就煎得唔夠香，唯有自己再煎下。開飯啦！燒肉時大家都中意燒豬扒，醃得入味又彈牙！燒肥牛原來都好好食！雞翼，腸仔，金菇不斷食！而日式火鍋就可以加湯烚菜。平衡一下無咁熱氣。迴轉壽司我就食了花之戀，吞拿魚壽司，味道正常。食到最後我仲食埋滑滑豆腐花，甜品櫃我只食了Brownie, 其實仲有雪糕呀！但真係好飽啦！

我第一次寫評語。亚姐服務差。上次去食，夾左舊壽司，跌左些少飯落地下，咪執番佢擺落D要收嘅碟度等waiter收。碟收左後，隔左陣，有個亞姐走來話，D飯要食晒架，唔係要額外收费。我咪話D飯跌左落地下都要我食？佢就哦左，我早知唔執番佢。其實我最反對徙野，如果吾係佢D壽司差，一夾就散，點會跌落地。另外，咖啡淡如水，豆腐花無左，waiter少到揾人換紙都揾吾到。不過，始終頂唔順嗰個亞姐態度，以後唔會去。

今日在這裏午膳，約2:00到，人不多，即時有位。地方很闊落，算舒服所以熟的食物都有蓋㯲住，感覺衞生冷熱飲品超過10樣，很好燒肉較少選擇，尤其無我至愛牛仔骨，但算不錯，好味醬料值得大讚，多選擇，又衞生甜品就不足，只有啫喱，涼粉，西米露。迴轉壽司任食，可以啊2個大人加埋一都係170，個人覺得超值

真係好耐都冇食韓日燒烤啦~選擇多又唔係貴，一班朋友傾計食野真係好適合。剌身新鮮又大厚，壽司既種類都好多款。服務員比左2隻燒元貝我地,送既,元貝好細粒,面層舖滿芝士,食左一啖都唔錯, 唔知係咪芝士多芝士咪好重。燒烤方面選擇多有雞軟骨, 雞腎,豬頸肉, 豬, 牛, 雞, 魚, 魷魚, 雞翼, 腸等...不過佢地D野食都醃得唔錯, 夠入味

上次係西九行街..行行下見到呢間野幾抵食..日式同韓式夾埋既自助餐只係要98連加一..佢地仲要諗得好周到..係每個燒烤爐的面放上一張牛油紙令到的地D野食唔會痴底..唔好以為佢地平就等如食物質素參疵..佢地既牛都唔算尚算新鮮而雞腎完全係正呀好多汁好入味!!至於個日式佢係迥轉壽司好多好多款式雖然冇咩名貴既魚生(帶子..大蝦..象蛂PONG)等等但係很多他們特有的款色..仲要包野飲個下真係底到爛

Reasonable quality at this price ($85 per person - including service charge, time limit - 2 hours)Wide variety of food (sushi, Korean BBQ, ice-cream , drinks , hot dishes )

西九龍中心我真係好耐無去，記得年輕時經常到這裡，來到西九龍我第一時間會想起明將壽司，哈．今次跟友人去試了這間，見星期日下午平平地就試一下．壽司依然是明將壽司，哈哈然後熟食到燒烤材料，也蠻多款好可愛，但無味的．我地用沙嗲甾醬加落雞軟骨燒，是超好吃的，大家可以試下這樣燒．真的很久沒食平宜的燒烤，整體味道不過不失，星期日下午不用一百元，間唔中月尾黎食都是不錯的選擇．

第一次食這間韓日燒自助餐廳, 人少少不用等位, 坐位及環境都很好, 亦有在燒鍋裡放了一張牛油紙, 令燒肉時不會燶黑黐底, 除汽水外, 亦有很多不同種類的飲品任飲, 還有例如蜜桃紅茶、蜂蜜綠茶、豆漿等; 而前菜的日本蕃薯很甜, 泡菜亦不會太辣, 生的肉類及菜蔬亦新鮮 ，甜品種類亦多選擇 。總之，會有下次的！

同老公去老鴨買嘢, 買完嘢佢話帶我去附近食韓燒,我一聽到話韓燒就擰頭,因為次次食完都成身燒烤味好臭, 點知佢話有朋友食過係唔會食完成身味,同埋幾抵食,咁我就順吓佢意試一次啦我哋大約7點去到,每位$168加一,唔係太多人, 一入到去見到有廻轉壽司,服務員安排咗我哋坐喺廻轉壽司旁邊既座位,見到啱食既可以自己攞,好方便。食咗幾碟三文魚剌身同雜錦剌身, 都幾新鮮,唔錯呢度個燒烤爐上面舖咗張紙,煎肉既時候唔使落油都唔會燶,而且無乜油煙,成間店唔會煙霧迷漫,讚原來佢哋仲有個細爐係俾人食日式火鍋架,又幾好喎,可以煲啲菜黎食吓,唔會淨係食烤肉咁熱氣, 個湯底幾好味, 仲有幾款醬料俾客人自己"混醬"坐底無幾耐, 服務員拎咗4隻燒元貝俾我哋,話係送既,元貝細細粒,上面舖滿芝士粉,都算幾好味,係細啲啫呢度既肉類都係一般既豬、牛、雞、魚、腸仔、魷魚、青口,都唔少選擇除咗生料之外, 佢哋仲有幾款熟食, 包括炒飯、炒麵、泡菜、湯、糖水等等, 不過我淨係攞咗泡菜, 其他無試過, 泡菜有青瓜、蘿蔔同kimchi,味道唔錯成間店都放咗好多大玻璃樽裝住既酒,有浸住梅同蒜頭,本來諗住試吓蒜頭酒係乜嘢味, 點知無擺到出黎俾人

今日放假就去左韓日燒自助餐廳到食~佢有壽司plan同韓燒plan因為韓燒plan都可以食埋壽司既~所以揀左韓燒plan~基本上食既有熟食;甜品;壽司;生o既野食(韓燒)同野飲任飲 (全自助式)個燒爐係放紙o既,所以唔會太油膩,如果張紙有好多焦可以叫待應換~熟食種類唔多~魚蛋薯格薯角咁~味道都ok甜品方面有涼粉布甸雪榚豆腐花等等~我食左個豆腐花~都幾滑好有豆味~糖係自己落既幾好~壽司既種類就唔係咁多~黎黎去去都係個幾種無乜新意~但都好食過之前明將~生o既野食都係同普通韓燒o既野食差唔多~d生肉都算幾新鮮~有d整左調味都好入味~野飲種類都好多好抵~一定會再去!!!

由於想搵間附近有泊車的地方食放題所以就鼓起勇氣試下明將舊址。今次星期5，每人188蚊 7點中入座，4個人都吾洗等位，限時2個鍾。去到有個系迴轉壽司旁的卡位坐下xd 正 <吾洗企系到等壽司>野食其實就吾算多，但系普通韓燒的料都齊。野食好吾好味!? 其實講真韓燒，我覺得周圍啲野食都系一樣味道。但我最中意佢用張面油紙咁既野放系爐板上面，令到吾會痴爐同埋吾會點彈油 <小弟好耐無韓燒過，如果其他韓燒已有此技術，當小弟無講過 >至於壽司個啲，味道的level同百佳差吾多 全場最正的我覺得就系個件慢魚壽司啲汁同埋個廚師腸<利申，其實個人吾太中意韓燒 >最中意食甜品的小弟覺得依到甜品真系吾系太多同味道麻麻到，但同場一齊去的細佬就食左好多杯雪糕。食完覺得距離死肥佬又進一大步

西九龍中心既明將結業了，改成了新的韓日燒，大約170蚊一位，但抵唔抵食呢，都係要我試過先知。一大班fd 聚會，最後竟選擇了韓日燒，本身對這餐廳有咩期待，不過竟然令我刮目相看 這韓日燒係自助式的，食物既種類令我非常滿意，同一種肉類有幾種口味，有好多種海鮮，有好多種蔬菜，令人目不睱給。除左要燒既野食外，仲有唔小熟食食，而且仲可以拎自助壽司果邊尼食，一個價錢兩種享受。一張枱除左有一個燒爐外，仲有一個小電磁爐，可以起自助區拎個小火鍋自己打邊爐。自助區仲有兩個廚師負責煎炒一d特別既菜式俾大家去拎，好有燒烤既特色。講到食物既質素，真係有返咁上下水準。為免太飽包，我只食了兩件壽司: 蟹子壽司、三文魚壽司。蟹子壽司表面全部都系一粒粒既蟹子，雖然顏色有啲淡，但口感一流，非常有質感三文魚的色澤真的暗啞，味道略淡，不建議嘗試這次最喜歡燒牛肉，牛肉味道香濃而且嫩滑，令人食到停唔到口啊P.s 服務態度值得一讚，我地一開始個爐有問題，侍應生都好好態度幫我地搞，搞唔好仲好快咁幫我地安排換枱，讚。

明將有唔少人食過，呢間係西九嘅明將，竟然轉型做埋韓日燒lol，冇事咪走去試下囉新明將繼續有sushi，味道就唔洗多講，食過明將嘅都明。另外仲有韓燒+打邊爐，個人唔係好鍾意打邊爐，所以只係依食左韓燒同sushi。不過其實韓燒得好少野食，都係得幾種野燒。想燒雞翼，但d雞翼都係醃過，只可以用黎打邊爐。不過d料又唔錯嘅，燒出黎再加d配料又幾好味，易入口。佢仲有d小食同熟食嫁，e.g.春卷&炒飯。飲品個到冇限供應。p.s. 入座之後佢送左每人一隻鮑魚喎，都唔錯呀

我已經唔係第一次去明將挑戰 係 冇錯 係明將好多人都知佢前身係明將只係改左名 裝左修姐如果當佢係"韓日燒" 我係"第一次"黎挑戰為左唔中太多伏 所以冇試到韓燒好啦 開始講我食左d乜一入去梗係斟定野飲啦 因為以前嗌野飲係要加錢咁就中左第一個伏 個野飲機明明寫住青蘋果綠茶 點知望落去隻色似甘蔗水飲落係檸檬柑桔好啦我當佢張紙放錯位啦我番埋位坐低 準備開餐眼見迴轉壽司冇三文魚 就問下侍應可唔可以落單叫原來韓日燒唔比落單 要等佢慢慢整好彩我早去 人唔算多 好快就拎到幾碟壽司望上去賣相比明將好三文魚肉亦都長過舊飯 或者同舊飯一樣長魚腩肉好肥 冇海水味冇鮮味同埋唔甘香算係咁啦70蚊任食 仲想點之後再試下鰻魚壽司啦 同樣食落冇燒汁冇魚味 哈哈仲有墨魚壽司好腥 最後...清晒台面既野食 就冇再攞壽司最可惜既係竟然冇左招牌菜 紅豆壽司