韓屋

营业中

休息中

Happy Friday 當然要去尖沙咀蒲下放鬆下啦，聽朋友講有間韓國餐廳好紅，好多人幫襯，果然大概六點幾七點已經有人龍，好彩朋友有book定枱！牛排骨湯（$138）一上枱就聞到好香胡椒味，係用牛骨同牛肉長時間熬煮嘅韓式熱湯，配料仲有粉絲、洋蔥，通常會配飯食，但我哋就揀咗加$20配蕎麥麵，麵嘅口感比較軟身。所有湯都附上伴菜，蘿蔔泡菜夠辣好惹味！原味拌飯（$88）最鐘意韓式拌飯配料好豐富，多到數唔晒嘅配菜加埋甜辣汁撈匀，飯底係韓國紅米飯，咬落比白米粗糙同硬但勝在高纖，絕對係營養均衡嘅健康之選！餃子王、泡菜餃子王（$16/隻）用迷你蒸籠上枱，超可愛好岩打卡，每個籠放一隻超大飽滿餃子王，原味係蔬菜配豬肉，咬落幾香鮮嫩多汁，另一款就係泡菜味，食落都幾辣幾惹味！韓式煎餃子（$68）外皮好香脆，內餡除咗有菜、豬肉，仲有韓式粉絲，口感豐富，蘸少少特製醬油就可以增加咸香。其實係金巴利道韓國街呢度有好多間排隊舖，繁忙時間入坐計75分鐘，不過好彩佢哋上菜速度快，而今次呢間韓屋嘅服務個人認為算好！

呢到最出名一定係用籠仔裝住嘅餃子王🥟韓國嘅餃子同平時嘅唔同🇰🇷餃子王內餡係有豆腐、粉絲、蘑菇、豆芽 所以會比較濕潤同軟綿🤔餃子皮好煙韌唔會太厚/太薄 再加埋豬肉碎同啲香蔥 清新得嚟都幾惹味😚

嚟到呢一間韓國街嘅韓國餐廳🇰🇷🍴當然要食佢哋最主打嘅人氣餃子王🥟真係超級特別！係有一個小蒸籠嚟裝住 打卡一流✨薄薄嘅煙韌餃子皮 入面再包住豬肉碎、豆腐、大豆芽同蘑菇 口感好軟滑

《餃子王》大大隻餃子放在蒸籠入面，就好像大肉包似的，很有趣餃子皮不厚不硬，更是煙韌有咬口肉餡鬆軟，還加入了粉絲、豆芽、豆腐、蘑菇等，口感豐富又唔膩.《泡菜餃子王》肉餡跟餃子王差不多，加多了泡菜，辣辣的酸酸的，更惹味、更開胃.《牛膝骨湯》牛膝骨經長時間熬煮，製成滋補的牛膝骨湯，還加入了軟腍腍的牛筋，整個湯香濃，更富有豐富鈣質及骨膠原還配有紅米飯，可以當泡飯食，而牛膝骨可以沾醬油食，另有一番滋味.《炒豬肉石鍋芝士拌飯》韓國菜怎少得韓國拌飯！米飯上擺滿各類蔬菜、紫菜、炒肉等材料，用醬料拌勻食用最正係有濃濃的芝士，還要是拉絲芝士，完美地融入喺米飯入面，十分惹味米飯同樣採用紅米飯，即刻減低芝士的邪惡指數，感覺健康一點，又增添咬口

琴日經過韓國街，又想食韓國嘢了😂😂就嚟左呢間好耐之前食過嘅韓國店，印象中佢嘅食物水準唔錯，似韓國嘅家常菜😙🔻🫕蔘雞湯嚟到韓國餐廳梗係要試吓個蔘雞湯🤤上枱已經見到好足料，隻雞大大隻，入面仲釀咗糯米同松子仁，雞肉肉質嫩滑，好入味呀😋😋湯底好清甜，仲有一條條細人蔘，好味👍🏻🥙原味石鍋芝士拌飯 呢個石鍋拌飯都好推薦大家試吓，入面仲加咗芝士添🧀撈完之後會有好多邪惡拉芝😆而配料就同平時食嘅差唔多，入面有菠菜、紅蘿蔔絲、大豆芽、翠玉瓜、紫菜絲等，都好豐富下😂而且賣相色彩繽紛好靚☺️另外覺得幾特別嘅係呢到係用紫米飯，感覺健康啲，同埋咬落口感同一般白飯唔同！口感煙韌啲🥟煎醬牛小排餃子本身係想叫韓式煎粉絲素餃子，但可惜冇晒，於是我哋就轉左叫呢款，不過都幾有驚喜，餃子外皮煎得夠脆，入面好鍾意個牛肉醬汁，餡料都幾重牛味，幾好食😊

下午４點幾見成間舖只係得一台食客，唔洗排隊咁就幫襯下，叫左個人參雞湯都OK，牛肉石鍋拌飯就一般，唔值呢個價。食食下黎多左兩位客人，個女侍應竟然叫我拎開個袋，安排果兩位客人過黎搭枱，心諗傻的嗎，成間舖勁多空位幾乎係吉嘅，又唔係繁忙時間，夠膽死要人搭枱！你話繁忙時間多人就話搭枱者，而家又疫情，完全係反智安排，要人食得咁屈就，ok冇下次囉，幾好味都唔會再幫襯，更何況食物只係"OK"水平。個女侍應真係好有問題，係香港人黎，見到呢度有好幾篇負評都係話個女侍應態度惡劣，完全係幫間食肆倒米，我建議快D炒左佢！

中午都可以食好啲！哩一條尖沙咀嘅韓國街，真係好多地道美食😍中午嚟咗呢間試咗幾款，都覺得好正👍佢哋嘅人蔘雞湯148溫補之餘，更加帶有人蔘嘅香氣，入邊補血嘅紅棗同埋雞肉，精心熬煮而成。養生之餘，更加可以感受糯米嘅醇厚香味❤傳統嘅石鍋拌飯，$98配料都好多，有我最鍾意嘅🥕紅蘿蔔絲🍄香菇，芽菜等等，撈埋韓式辣醬一齊食，好惹味。佢哋嘅海鮮大醬湯$138都好唔錯，入邊加入咗韓式味噌，豆腐，脆肉瓜等配料🤤記得加埋正宗嘅15韓國紅米飯，🍚撈埋飯一齊食，超入味。

This street fill up with Korean restaurants, come here for some dinner ideas. Jeonbog Samgyetang - Abalone Ginseng Chicken Soup Like Ginseng soup so much. Abalone n Half chicken in the bowl, congee is underneath, Full soup fill with strong Ginseng flavour. Also some red dates mixed. Gailbi Mandu- beef dumpling The dumpling 🥟 filled up with ground beef, juicy n tasty. Outer layer is fried well. Wangmandu - Steam Large Dumpling It served with a bamboo steamer, look cute n big~ Greenapple Soda Try

尖沙咀韓國街好多好正嘅韓國餐廳🇰🇷其中一間叫韓屋我都好鍾意食😍由韓國人煮嘅地道家常菜👨🏻‍🍳主打零味精熱湯 、拌飯 、餃子等等🤩即刻好似飛咗轉韓國一樣✈️🇰🇷蔘雞湯🍲嘅小雞嘅腹中填入人蔘、大棗、板栗、松子仁、糯米、大蒜等食材後,經長時間熬煮而成🔥人蔘香氣同雞肉融合嘅香醇美味,係韓國傳統嘅夏季養生飲食🥰雞肉嫩滑🐔人蔘湯鮮甜😋大廚仲會因應季節變化於蔘雞湯內加入額外嘅韓國野生蟲草花添🤩原味石鍋拌飯🥘熱辣辣嘅石鍋拌飯🍚相當足料,入面有黃瓜、節瓜、蘿蔔、冬菇、紫菜絲、菠菜、芽菜等等🤩淋上秘製嘅韓國辣醬🌶夠晒惹味😋仲有飯焦添,口感香脆😚韓式煎餃子🥟餃子有煎餃同蒸餃,有好多口味選擇🥟好似煎醬牛小排、蔘雞、帝皇蟹膏蟹肉、泡菜、韓式煎粉絲等等,口味特別🤩餃子酥脆,點埋醬汁一齊食更加入味🥳

心血來潮想食韓國湯飯就上網search 下有咩舖頭，見依間幾多好評所以去試下。 去到等位等左3個字都算好快，入到去職員安排我地坐近廚房位出面張枱。一坐低就見到啲前菜無遮無掩放左係廁所出面個架到🤮 真係好唔衞生囉🙄等左差唔多半個鐘先有野食，叫左一個薯仔排骨湯同埋雪濃湯。薯仔排骨湯係港式口味，飲落都正正常常無驚喜，唔算難飲仲有幾舊排骨食下。之後就黎個雪濃湯，一放低個心即刻講粗口，個湯同潲水無分別🤬 啲色淡某某上面浮住一層肉類飛水啲污糟野，用匙巾撇走啲污糟野，眼都突埋個湯得幾片仔肉碎🙄唔知以為飲緊二手湯🤭賣單承為$335 咁既價錢俾啲咁既質素真係唔值囉如期俾咁多錢落marketing 做宣傳，不如改善下食物質素啦🤭

嚟到呢一間韓式餐廳 一定要食佢哋嘅招牌餃子王🥟🍴佢係一個小蒸籠裝住 打卡一流！！薄薄嘅餃子皮 入面包住滿滿軟綿嘅內餡💕比起原味 更加推介酸酸辣辣嘅泡菜味 食落好開胃好惹味😋

人氣韓國餐廳，主打邪惡拉絲拌飯同埋大大隻餃子王，好味道又地道，長期都咁多人等位，但非常值得!!❤️醬炒牛肉石鍋芝士拌飯 非常多配料既石鍋拌飯，翠玉瓜+菠菜+紅蘿蔔絲+菇菇等等配菜，仲有邪惡芝士，可以拉絲拉到超高!! 再加少少辣醬拌勻，更加好味rrrr🧡炒豬肉拌飯 同樣超多配菜既拌飯，飯底都係用紅米飯，無味精又有咁多蔬菜，好健康但又好香好夠味💛餃子王 一籠一隻大大隻，原味同泡菜味餃子王一樣咁大隻，餡料十足，好香～好cute

呢間韓屋地方細細，但感覺幾正宗，好似去咗韓國咁😆食物CP值又高，唔怪之得咁受歡迎😋🌟炒豬肉石鍋芝士拌飯 $128石鍋飯熱辣辣，配料豐富，炒豬肉、菠菜，芽菜，瓜，蛋絲，紅蘿蔔絲，紫菜，菇🍄同埋好多芝士加上韓式辣醬拌勻好夠味，仲有少少飯焦好香口👍👍 🌟薯仔豬排骨湯 $148 （追加蕎麥麵 $20）呢個係店員哥哥私心推介😆 佢話佢最鍾意呢個湯，果然唔介紹錯🤩 排骨湯好香濃，大醬味好正，排骨好淋，入口即溶😆 仲有勁鐘意入面嘅薯仔，推薦大家試吓🤩 另外我哋追加左蕎麥麵，麵質好彈牙，唔錯👍🌟餃子王/泡菜餃子王 $16 each 餃子王好大隻🤩 用籠仔上好可愛😆😆 泡菜餃子王更加惹味，食完好滿足😋

突然間發現我冇po過韓國餐廳嘅食評Σ(ﾟдﾟ；)明明我勁鍾意食韓國嘢的(♡ơ ₃ơ)今日終於可以介紹呢間係尖沙咀嘅餐廳比大家～佢係由韓國大廚主理 比你食到最正宗嘅韓式風味🇰🇷仲有霓虹燈做裝飾 勁似返咗韓國ᕕ( ᐛ )ᕗ咁就一齊睇吓有咩食啦～原味石鍋芝士拌飯（$108）加入芝士嘅石鍋拌飯真係超吸引！！！同平時嘅石鍋飯一樣 配料好足 醬料到好香口但加埋芝士嘅鹹香即刻升級咗去另一個level(๑>؂∂๑)♪仲可以拉絲🧀雖然食到最後都冇飯焦有啲失望但喜歡芝士嘅朋友絕對可以一試( ੭•͈ω•͈)੭牛膝骨湯（$138）同友人糾結咗好耐要雪濃湯定牛膝骨湯🤣最後都冇後悔揀咗呢個留意返呢個湯係冇牛肉的！所以牛味都唔太濃 味道比較清淡但就有好多牛膝軟骨煮到好似啫喱咁腍 好易入口～仲有滿滿膠原蛋白٩(ˊᗜˋ*)و可惜冇配飯 想食泡飯就要自己加lu( ´ᐞ` )՞ ՞韓式煎粉絲素餃子（$68/5隻）除咗石鍋飯之外另一個必點嘅當然係韓式餃子🥟小編最鍾意嘅餡料就係粉絲外面都煎到好脆推薦大家點呢款(۶•̀ᴗ•́)۶總括嚟講食物味道不錯但性價比較低（尤其是個湯）我同友人兩個女仔食都係啱啱夠飽男仔嘅話可能就要叫多少少嘢

尋晚去左位於尖沙咀嘅人氣韓國店「韓屋」，去到門口已經有唔少人排緊隊啦🙈小編同太太等左大約4-5個字左右就可以入座啦😬泡菜湯 $118一上枱就已經滾到唔清唔楚啦😂小心睇熱呀！熱辣辣嘅泡菜湯好正呀🤤仲有少少辣，開胃一流😬原味石鍋芝士拌飯 $108小編一見到芝士已經心心眼😍仲要係熱辣辣嘅芝士，可以拉絲添呀！正呀😋餃子王（1隻）$16巨型餃子🥟仲要皮薄餡靚😋難度非常高👍煎醬牛小排煎餃子(5隻) $78食完蒸餃緊係要試吓煎餃啦😂又熱辣辣又香噴噴😋個餡亦好豐富呀！正😊