韓屋

营业中

休息中

前菜有一款，係醃咗嘅白蘿蔔，味道酸酸辣辣～▫️蔘雞湯 $168湯入面都有糯米，人蔘，紅棗等等～好滋補嘅湯！提提大家呢個湯係唔包飯，要另外自己加紅米飯或者麵條～雞肉都係林身嘅同埋份量都唔算少～▫️醬炒牛肉拌飯 $118配料都幾豐富，有紅蘿蔔絲，腐皮，冬菇，菠菜，翠玉瓜，大量紫菜碎，芽菜等等～佢嘅牛肉就係肥牛黎既，特登嗌左佢有少少似新年撈起嘅感覺😝個飯仲用咗健康嘅紅米！拌飯嘅醬係甜甜地嘅，但我覺得唔撈醬味道都OK▫️餃子王 $36佢用咗平時中式嗰隻蒸籠黎上好有趣～有少少韭菜餃嘅味道，但個餡係好棉密而不是juicy那種～個皮都做得幾薄👍佢亦都配咗少少辣椒豉油，個人覺得唔掂都好夠味▫️泡菜餃子王 $36呢個相對餃子王嚟講就會比較辣～個人鍾意原味多啲🤣

韓屋🇰🇷蔘雞湯🐔 $168呢個人蔘雞好似喺呢度好出名，我見到左右兩邊嘅隔籬位都有嗌，所以我就當然唔執輸要嗌一個試一試啦！佢做法係喺雞入面填入人蔘、大棗、板栗、松子仁、糯米、大蒜等等嘅材料，經過長時間嘅熬製，令到人心嘅香味同埋雞肉融合，係韓國傳統嘅養生食品！㊙️㊙️隻雞雖然唔算好大隻，不過一個人食份量絕對足夠，不過入面嘅糯米份量就唔係太多，如果想將個湯撈飯嘅話可以另外加錢要飯～醬炒牛肉拌飯🐮$118呢個醬炒牛肉拌飯，估唔到原來好惹味，一覺唔覺意就變成白飯小偷😋😋另外佢哋嘅醬汁係另外上碟嘅，所以味道濃淡可以自己控制，個人覺得呢一點幾貼心！韓式煎餃子🥟（五隻）$78韓式煎餃每一隻都好大隻，外皮超級脆，見到佢哋有提供好多款唔同嘅餃子，下次你會再試吓其他味道！🥰🥰

Book左晚上8:00，一去到門口都好多人排隊，估吾到咁出名。樓面得一個，應該真系韓國人，但識講廣東話👍🏻服務慢少少，但都接受到。2個人食，有前菜，揀左人蔘雞同炒豬肉石鍋拌飯，已經夠飽。見到周圍既人都有食餃子，可能最出名系佢，無叫到都有啲後悔。D肉好嫩好大，真系骨都食到，但我接受吾到就無食😂😂石鍋拌飯做到有飯焦，都幾足料。

平時好鍾意食湯飯，特別係釜山嘅豬肉湯飯😍 之前特登搵香港有邊間韓國餐廳有豬肉湯飯食，同朋友嚟食過一次，覺得都幾好味！今次趁天氣涼涼地，又去食😋 推介鍾意湯飯、想食得健康啲嘅朋友仔試吓～🔸釜山豬肉湯$148豬肉份量好多，都幾軟嫩！湯頭奶白色，本身都幾香濃夠味，加啲蝦醬、調味醬落湯，會更加鮮味！湯超級熱辣辣，飲落好暖胃好舒服！呢度都蘿蔔泡菜好爽脆好好食，配湯飯食好夾！不過叫湯無包白飯，要另外叫～ 🔸醬炒牛肉石鍋芝士拌飯 $138石鍋拌飯都係呢度嘅招牌菜，好多人叫！用咗紫米飯，更加健康！拌飯材料好多，除咗牛肉，仲有蘿蔔、脆肉瓜、菠菜、菇、魚糕、紫菜，非常豐富！仲加咗芝士，少少拉絲更加香濃！石鍋好熱，熱辣辣食都幾正！而且仲有飯焦😋 自己隨意加拌飯醬調味～🔸醬牛小排餃子 $88一份有5隻～ 餃子肉餡飽滿，亦都幾juicy，幾好食！可以點少少汁食更加惹味！

哩間韓國菜店仔細細長期人氣排隊，事實係佢地既韓式餃子🥟真係特別又好味😋餃子有分蒸同煎，口味亦相當特別，好似有蔘雞味同埋帝皇蟹膏蟹肉，仲有我地揀左既煎醬牛小排餃子❣️一份5隻外皮香脆夠香口，內餡香又有肉汁。另外仲叫左餃子王同埋泡菜餃子每樣一隻，餃子係big size用小蒸籠裝，賣相精緻打於一流。蒸餃既外皮有彈性唔會軟爛👍🏻內餡飽滿，泡菜餃微辣有爽脆口感，另外既菜肉餡同樣美味😋冬天最愛熱辣辣蔘雞湯, 成條韓國人蔘係度, 雞煲到骨都腍埋, 最中意篤爛哂佢然後啖啖都食到雞同粥, 味道鮮甜, 食完暖粒粒又好補既感覺!!值得回頭✔️✔️✔️

📍呢度同其他韓國菜餐廳唔同，係主打韓國傳統湯品、石鍋飯同埋餃子，幾啱冬天入去食！傳統韓式鮑魚人參雞($198)個湯係用咗原隻雞熬製，湯頭入口好濃郁，同埋啲雞肉一夾就散，食落好軟腍，連雞骨都食到。雞身入邊仲有人蔘、大棗、糯米等等，兩個女仔食都夠飽。另外個湯再加埋新鮮鮑魚真係超級補，飲完成個身都好暖。另外試咗招牌嘅餃子王同泡菜餃子王($18)，餡料好足同埋有一隻拳頭差唔多嘅size，泡菜味就辣辣地比較惹味啲！

天氣愈嚟愈凍🥶🥶繼續要去食熱野😆每次黎我都會盡量趕及6點前到🫣因為晏咗排隊嘅人龍真係唔講得笑😂😂如果要啲晏食又唔想等咁耐就記得book定位啦😉🐓 蔘雞湯 ($168)每次嚟必叫😋有原隻雞勁足料，雞嘅精華入哂嗰湯頭，好鮮甜👍🏻人蔘同糯米釀咗喺雞入面吸哂味，半融糯米軟臑得嚟帶口感🤤最神奇係雞湯經過長時間熬煮，雞肉都唔會鞋，連雞骨都一咬就溶😮 食完即刻暖笠笠🥰🥰📌 韓屋 尖沙咀金巴利道69-71A號美園大廈地舖

韓國街要飲到地道暖笠笠靚湯非韓屋莫屬~湯底零味精飲完一啲都唔口渴，仲要韓國廚班底，非常正宗！ 🍜蔘雞湯$168 👍🏻凍冰冰嘅日子裏，點炒得暖身暖胃的蔘肚湯？雞腹中釀入糯米同人蔘。用長時間燉煮之後，糯米吸曬雞湯同人蔘的精華同清甜，又香又軟糯。先舀一口湯，再咬下雞肉，渾身暖哄哄🥰。牛排骨湯 $148將牛排骨肉長時間煲煮，食落啲肉超腍，湯底食到有胡椒粉、醬油等調味，入面仲有粉絲添呀 ，望落清淡但飲落濃醇，推薦！ 不過飲品有少少偏貴，如果下調返少少更好。

最近成日去韓國街搵食，呢間經過好多次都係有人排隊🫣終於忍唔住拉埋朋友一齊排隊，不過我哋都早去到，所以等一陣就有得入去🤟🏻香辣牛肉湯💰148韓國紅米飯💰20(湯品加錢追加)用牛胸骨肉和蘿蔔、大蔥等蔬菜煮成的湯，加入了辣椒粉調味，飲一啖成個人即刻暖返🫶🏻醬炒牛肉石鍋芝士拌飯💰138幾種蔬菜加上牛肉攪拌均勻，芝士香味散發出來，石鍋做出了少許焦香鍋巴，每一啖都有不同口感，正👍🏻餃子王💰18泡菜餃子王💰18手掌咁大粒餃子🥟每一粒都會獨立有個小蒸籠，玩味十足✌🏻打卡必點~原味餃子肉味香濃，肉汁Juicy🫶🏻泡菜餃子都有點辣，不過就好惹味🤟🏻

呢間餐廳位於尖沙咀韓國街 嚟過幾次 主打零味精同防腐劑 好住家嘅味道🏠.📌韓式前菜 $free醃蘿蔔口感爽脆 味道偏鹹辣🌶️.📌蔘雞湯 $168冬天食番個韓式熱湯 真係成個人暖笠笠🍲蔘雞湯好足料 除左有原隻雞 仲有好多人蔘✨BB雞入面釀左人蔘, 大棗, 板栗, 松子仁, 糯米同大蒜🍚🧄雞湯熬煮時間夠長 雞肉好軟淋 雞骨一咬就溶🐓雞嘅精華入晒湯頭 好鮮甜 飲唔停呀😍最鍾意啲糯米好綿 吸晒人蔘雞味👅有啲糯米仲喺湯到融融地 好似食緊雞粥咁 好正🫶🏻.📌原味石鍋芝士拌飯 $118呢度嘅石鍋飯好特別 係用咗紫米 比白米更健康 煙韌又有咬口💜配料有菠菜, 菇, 翠玉瓜, 紅蘿蔔絲, 大豆芽, 魚糕條, 紫菜同芝士 超豐富🥬🍄🥒🥕🌱🍥🧀成個飯夠晒營養又好食😋不得不讚 芝士份量幾多 仲可以拉芝添 再加埋豆辦醬 鹹甜鹹甜👅不過略嫌飯底偏淋🙍🏻.📌帝皇蟹膏蟹肉煎餃子 $88/5隻餃子外層煎到金黃色 香脆唔油膩 有啲似腐皮個味同口感🥟好少見呢款餃子 expect會有好濃郁蟹味 不過食落蟹味唔突出🦀似食緊普通韓式豬肉粉絲餃 同期望有啲出入🙈

沒錯，又是韓國餐，近期幾乎迷上了韓國美食，皆因他們的地道菜式都真係幾特別，所以跟朋友約去另一間韓國小店食下其他野，呢間餐廳主打韓式住家熱湯及石鍋拌飯。雖然幾想飲薯仔豬排骨湯，血腸湯及海鮮大醬湯都幾特別，但無奈胃就只得一個，在一輪選擇困難症發作之下，最終決定點了一份蔘雞湯。蔘雞湯甫上桌仲熱騰騰，用湯匙輕輕一切就可以𠝹開原隻BB雞，雞肚內釀滿人蔘、大棗、板栗、松子仁及糯米，因為熬煮時間夠長，所以雞肉好軟淋，連細骨都可以咬碎食埋入肚，湯底好濃蔘味，甘甘甜甜，感覺好滋補養生，飲完暖笠笠。至於炒豬肉石鍋芝士拌飯，賣相好吸引，除豬肉片外，配料都算豐富，整個碗面鋪滿翠玉瓜、紅蘿蔔、豆芽、菠菜及紫菜等，攪拌後仲可以見到芝士的拉絲效果，石鍋最底下還有少許飯焦，建議醬料可以多放一點令拌飯更香口惹味。另外亦點了兩籠餃子王，一籠是原味，餡料以豬肉、韮菜及粉絲為主；另一籠是泡菜餃子王，呢個自己幾鍾意食，泡菜味夠辣，餡料非常豐富飽滿。他們的特大餃子煎餅都好想試，但已經太飽了，唯有下次再食。

第一次嬲到要開戶口寫食評因為睇唔過眼同希望大家唔好中伏所有湯是不包括飯！！！！！要飯加20蚊仲要紅米飯唔夾韓國湯以呢個價錢$138-168一個湯 唔包飯真係誇張餐牌沒有寫唔包飯 落單時先講要唔要自己點飯重點 點了一個辣牛肉湯牛肉大約4到5片 仲要大量筋部全部都是牛肋條唔要既頭尾 湯完全是辣椒加水搵幾多foodie做廣告都冇用 難食到一個點呢位所謂韓國人主廚應該是未學過煮飯太難食到冇影相！！！！！！！！！！！！

🌟尖沙咀金巴利道集中多間韓國料理，同朋友揀咗呢間「韓屋」鐘意門口夠光猛，內裏粉紅色好女仔，使人精神。店內座無虛席，好彩有一個角落容納到我哋二人，聽到廚房有韓國人主理, 我哋開心落單。***** ***** ***** ***** *****蔘雞湯🐓甘香味原條韓國人蔘，配合微紅紅棗片，湯底飲落暖笠笠又滋補，雞肉入面有Q彈糯米、銀杏，口感像軟綿綿雞粥般香滑。原味石鍋拌飯🥘配料豐富有菇菌菠菜芽菜仔紫菜翠玉瓜紅蘿蔔絲，底部少少飯焦脆脆地，有醬料提供撈埋一起食，好有韓國風味。韓國果肉果汁（提子）🍇粒粒果肉超正。

咁多人話好食就諗住去試吓首先個價錢都偏貴。$168 一個雞湯，唔會跟飯，所以就加咗$20食佢個紅米定唔知紫米飯。個飯都幾好食嘅啲米粒粒分明😂第二，個湯完全冇味。真係做到冇味精，我估佢連鹽都冇落過…咁個湯完全冇雞味，正常即係雞嘅鮮甜仲會喺隻雞身上(?)點知隻雞食落去又係冇乜味!!!!即食雞湯入邊隻雞起碼都仲有少少甜味，呢個係連少少味都冇。仲差過屋企煲完湯嗰啲湯渣🥲同埋好神奇嘅係冇雞味，但係表面上好多雞油所以飲落去好油膩🤮🤮第三，個雪濃湯入邊得兩三片牛肉。講真韓國街我唔expect $150一個湯可以食到好多肉，但係一定唔會係兩三片…冇牛肉都算啦，入邊配菜都唔多得嗰兩條洋蔥同埋少少青蔥☹️食完之後，見到隔離兩個女仔叫咗餃子同埋石鍋拌飯，佢哋都食唔晒而且面色都好難睇。我問完佢哋係咪好難食，佢哋都話覺得好難食係難食到食唔晒！講真呢個質素我覺得Chicken Factory都好食過佢哋🙏🏻🙏🏻

尖沙咀韓國街韓國菜周街都係 走入一間播放着韓國歌的小店「韓屋」 ✨餃子王餃子王大大隻 形狀如元寶一樣 非常飽滿 包裹著肉餡、豆芽、蘑菇、豆腐及粉絲 滿滿滋味😛✨煎醬牛小排餃子韓式煎餃子｜韓式煎粉絲素餃子｜煎醬牛小排餃子｜蔘雞煎餃子王｜帝皇蟹膏蟹肉煎餃子｜特大餃子煎餅餃子有蒸有煎 我哋兩個都係牛肉控 分別點了蒸和煎的醬牛小排餃子🥟 飽滿肉汁 後者皮脆肉嫩 更加滋味😜✨牛排骨湯牛骨經過長時間熬製 係傳統滋補湯 肉質軟腍入味 湯頭𥚃伴有粉絲和大蔥 暖身暖胃🫶🏻