韓城 (已結業)

今晚我們去咗旺角登打士廣場嘅「韓城韓日燒烤料理」食韓國燒烤放題！他們嘅款式種類都幾多！牛仔骨醃得好入味，肉質好軟滑多汁，味道好香甜！豬扒嘅肉質就比較「嚡」！鷄扒嘅肉質相當嫩滑！三文魚刺身好新鮮，肉質好肥美嫩滑！人參煲鷄湯煲得都幾甘香濃郁！另外！每位人客都會奉送蝦、扇貝同蜆！:)蝦嘅肉質好爽甜彈牙！扇貝嘅肉質好鮮甜嫩滑！蜆嘅肉質好清甜肥美！…Read More

自從上次在登打士廣場試過呢間“韓城”燒烤放题後，就一直都念念不忘，上星期我又同左D好友再去品嚐過。款式多樣化之餘，豬牛羊雞，一應俱全。我覺得最正就係D海鮮，中蝦非常新鮮，蝦肉彈牙爽口；鱿魚燒起黎香氣撲鼻，好有嚼勁！餐廳整體菜式多，味道好，價錢平，確實相當超值！每人送一隻扇貝和兩隻蝦生熟食款式多蘿蘿豬腳薑夠入味…Read More

韓燒放題一直都係與好友聚餐的最佳選擇之一，是日就隨友人來到旺角登打士廣場的韓城～兼具韓式燒烤和中、日料理！呢度的食物種類十分豐富，先睇下燒烤類方面，有好多選擇，牛、豬、雞、羊、蔬菜等等，食物質數也不錯，覺得牛仔骨好滿意, 烤熟後的牛仔骨，鮮香入味，肉質軟腍， 其他肉類也十分美味。魷魚鬚也值得推介, 香口彈牙，非常惹味。 三文魚新鮮且供應充足。按人頭奉送的蝦及扇貝，相當新鮮，蝦鮮甜爽脆，扇貝清潔的相當乾淨，花早脹卜卜熟食方面亦有好多選擇，味道亦有水準。 雞翼很嫩滑，炒粉也很不錯。仲有壽司、甜品、糖水、和生果，啤酒汽水等任飲任食，食物之豐富，真係抵食的一餐  …Read More

上星期同媽咪去慶祝生日，我同媽咪都好鍾意食野，見到登打士街到有韓國自助燒烤放題，有得任食，啱晒 我地間鋪係登打士廣場，好近油麻地，方便我地食完返屋企。 坐左一陣，服務員就奉送左一人一個大扇貝，扇貝好新鮮同大隻！呢度D坐位寬敞舒適，食物種類無論燒肉、熟食也是有非常多的選擇！頭盤黎D沙律、熟食先，沙律的雜果食得出係新鮮生果烤物種類繁多，豬牛羊雞相當齊全熟食亦不少，味道還很可口！肉類非常新鮮帶子都幾大隻，面上有蒜蓉調味，燒完確係鲜甜惹味！兩隻大蝦，肉質鮮甜彈牙。最後食埋甜品，就非常滿足啦整體滿意，確實相當抵食，值得推介俾大家！…Read More

同朋友行完旺角，見呢間韓燒放題幾抵食，於是就一齊上去試下！估唔到燒烤品種都幾多，肉類睇起黎又好新鮮 ！有五花肉、肥牛、牛舌、仲有各種各樣醃制肉, 燒起上黎香氣撲鼻，真係好正；蝦和扇貝都好新鮮大隻金菇肥牛卷人係我最愛，薄薄的肥牛卷著金菇，烤完肉汁保留、金菇脆嫩另外，仲有好多熟食，例如有炒飯，粒柆飯香；清炒油菜，鮮嫩趣綠；仲有各式各樣壽司、刺身、甜品、水果、湯類飲品等，刺身新鮮，壽司的飯亦唔會大舊，湯類味道亦唔錯，確實係豐盛的一餐😀…Read More

Book了平日星期二八點，人不算多，毋須等位便能入座 我地坐獨立卡位，唔會好逼之餘，亦唔會像一般的韓燒餐廳嘈到計都傾唔到，播著Kpop music，同有電視睇 燒烤選擇種類甚多，五花腩、牛肉、羊肉、雞扒、火腎、串燒、魷魚仔、甜粟米、刺身同炸物，基本想食的都有齊。飲品任飲，種類甚多，除了基本汽水、橙汁、烏龍茶、啤酒外，也有蕃石榴汁、冬瓜茶、CC蘋果和提子汁，正 五花腩稔得來有咬感，encore了數次 仲有扇貝同蝦送，兩者都好夠鮮味，真心surprise 餐枱上冇抽煙煙通，開頭擔心會唔會燒到又煙又熱，但餐廳通風良好，唔焗又唔會食到周身油煙味 加上係任食冇限時，冇人趕之餘，唔會食得有壓力！以任食黎講，抵食 …Read More

今晚約左小學死黨係旺角聚吓吹吹水，一行數人行左一陣後，就入左呢間餐廳開飯呢度都有齊基本食材選擇，都算唔錯！熟食種類都幾多，仲有中西式湯同雪糕等等，未燒之前就試左d炸物，當中炸饅頭都幾香口，我食完又食都覺得係好味！肉類方面我地就揀左牛肉粒、牛仔骨同豬扒，就算教左細火鐵板個火力都幾猛，所以都好快燒熟晒，牛肉粒肉質鬆軟又入味，而且仲有濃郁牛肉香，一口一啖很是滋味，而牛仔骨亦切得厚薄適中，並且肉質都很是有嚼感，夠味之餘亦係我既最愛之一，另豬扒的調味醬汁也是十分不足，不會太咸，同時還帶有少少甜香，確實都算做得唔錯，讚當晚鋪頭仲送左幾隻大蝦，燒起熱辣辣配埋燒汁唔錯，質感彈牙又爽口甜品同湯一樣分左中西式，我就揀左雪糕試齊晒d味，有紅豆、椰子同埋曲奇味，食晒三隻味岩岩好消下熱氣。去果晚幾full, 但都坐得幾舒服又有電視睇，同死黨傾下食下唔覺意就一晚嚕…Read More

辛苦左一星期，終於可以休息下啦!今晚約左D中學同學出黎慶祝HOLLY既生日大家話想食韓燒，就約左一齊去旺角食韓燒啦~旺角好，就晒咁多個~入到去覺得都幾細，應該得10張枱左右，好彩有BOOK位，唔係既話WALK IN都應該無位=.= 我地一行6人一齊人就衝出去拎野食啦~食物款式都算多，有生野﹑熟野﹑甜品﹑壽司﹑糖水﹑湯﹑冷盤等等。因為我好肚餓，所以我一開始就攻左D熟野先，唔使燒有得食拎左豬頸肉同炸饅頭，炸饅頭幾好味，算油，但係呢個食物絕對係零失手，最好既地方係煉奶任落，煉奶同饅頭簡直就係PERFECT MATCH!!!! 豬頸肉拎返黎既時候已經係凍晒，凍到直頭有D硬，咬唔開，HOLLY話不如放係爐面燒返熱啦!點知燒熱左真係好食好多，切得厚薄適中，味道亦唔錯。但始終因為再燒過，D油必晒出黎，油膩左少少。之後我地一行三人針左杯豆漿飲，嘩…我從來無飲過咁難飲既豆漿..完全無味，唔甜唔咸，我地3個覺得水都好飲過佢..真係超級差!!!好彩只係針左半杯…試下D燒野先~呢度D肉好得意，一係原味一係辣味，因為我地都唔食辣，所以我地試左原味，D肉都醃得好入味，牛肉同羊肉都好林，一D都唔酥，雞翼就都好大隻，食落仲有少少黑椒味TIM!店員都幾好，一叫就換爐，始終都係韓燒，所以D野食都係比較油膩一點，不過味道都幾好~食飽飽仲有甜品，西瓜同橙! 西瓜唔係好甜，橙就反面幾好，皮薄香橙味又甜!…Read More

今日初三赤口，例必一班朋友外出食晏就拜年。今年就簡咗旺角"韓城"，貪佢係旺角都方便大家嘛!一行14人，其實之前都訂咗枱，但嚟咗職員應該唔記得留位比我們，搞到要L字咁坐，傾計傾得唔夠盡興!我們嚟到韓燒放題，自助取生料及熟食，種類都算多，有雞、牛、豬、羊、腸仔、丸、菜羊(我覺得夠"SO"好好味)、雞翼(好肥味，燒完之後啖啖肉，比起雞串還好味)、牛舌(好爽口)熟食有壽司、飯、薯餅、菜、粉絲、豬頸肉、秋刀魚等。反而將熟食的豬頸肉再放入鐡板燒返熱嚟食，仲好味D，因為好多熟食都凍晒!見住佢出的粉絲，熱辣辣係好味!除咗生料及熟食外，佢仲有甜品、糖水、生果、雪糕的!…Read More

朋友話要食自己燒既BBQ，但我又想食下刺身，於是我地就search下旺角有咩韓日料理而我地又未試過，結果就搵到呢間舖頭la~~可能未到晚飯時間，人暫時唔太多，等左一陣就安排左位俾我地，仲有得睇電視tim~~~韓城既放題同酒店自助餐形式一樣，係自行出去揀食物烤食物款式繁多，五花腩、牛肉、豬扒、雞扒、火腎、墨魚仔、紅腸、冬菇…..當然包括特別推介既金菇肥牛，薄切既肥牛唔太肥，咬落去金菇既味道及本身的汁，令到整體味道大增。熟食都有成二十幾款，大多都以炸物薯條、薯角、炸雲吞為主，還有韓式店常見的大豆芽、泡菜、青瓜及鳳爪。仲有刺身，壽司，冷盤同甜品呢~~~可以話基本想食的都有齊。飲品方面，基本汽水、啤酒外，仲有豆漿、菊花茶、烏龍茶、冬瓜茶、蕃石榴汁、CC蘋果和提子汁，全部都係任飲ga~~~仲有湯飲tim~~此店一入場會贈送每人一個海鮮拼盤(元貝和鮮蝦)，大大隻元貝加上蒜蓉，蝦既新鮮，肉質又夠結實爽口，認真抵食!!…Read More

韓城一間位於旺角樓上放題任飲任食韓燒店，店內裝修新，感覺舒服。 燒烤食材種類多，先講熟食，有熱辣辣炸薯條，饅頭，春卷，腸仔，炒麵等等，仲有幾款菜。湯類亦多，有冬陰公，羅宋湯，中湯。唔係講笑，熟食有任食大大件三文魚頭，魚腩，幾款小炒。未開始燒，老闆仲送上新鮮大蝦同扇貝，好野味。 肉類就多啦，各款部位牛豬羊，不同醃法都有，包羅萬有。 新鮮牛舌，肥牛，牛仔骨，一口牛肉粒，各款脂肪比例都有。豬肉有醃同不醃，亦有五花腩。串燒雞肉仲好惹味好正。冷櫃都好吸引，有任食三文魚刺身，各款壽司，仲有啫喱甜品，新鮮水果。總括而言，係一間性價比高的放題餐廳。…Read More

今日約左阿哥去旺角買野，行到差唔多8點，開始有D肚餓，於是就係附近搵食~行行下就入左呢間餐廳，雖然係食晚飯時間，但都唔太多人，等左一陣就有位，入到去被安排左坐獨立卡位 唔會好逼之餘，亦唔會像一般的韓燒餐廳嘈到計都傾唔到，仲有電視睇添 燒烤選擇種類甚多，五花腩、牛肉、羊肉、雞扒、火腎、串燒、魷魚仔、甜粟米、刺身同炸物，基本想食的都有齊。飲品任飲，種類甚多，除了基本汽水、橙汁、烏龍茶、啤酒外，也有蕃石榴汁、冬瓜茶、CC蘋果和提子汁，正！當中五花腩就好食，稔得來有咬感，仲有好鮮肉香味，我同阿哥都覺得幾好食，最後都encore左幾次 席間仲有扇貝同蝦送，兩者都好新鮮，口感爽甜又彈牙，而且亦唔會好細隻，真心surprise 而餐枱上係冇抽煙煙通，開頭擔心會唔會燒到又煙又熱，但餐廳通風良好，唔焗又唔會食到周身油煙味。最後要讚嘅係任食冇限時，冇人趕之餘，唔會食得有壓力！以任食黎講，都真係唔錯，加上位置都算就腳，我俾佢80分！…Read More

後補食評。第三次食韓城，和我的友人。食過禁多間，都係呢更好，又唔貴。最好就係唔洗同人搶三文魚。去過多間都是這間好，兩個人三百多落樓。總好過梨和園等。都唔知食乜落肚。除可以發揮我煮野食既天份，重點完事後不太油煙味。大家可以試試，飲品還有東瓜茶。清一清熱氣。good.…Read More

在社會打滾越久，舊同事自然越來越多，見的機會卻越來越小。難得昔日同事相約一聚，自得找一處能坐耐一點、互相呻多兩句的地方，最後則選了韓燒。七點半來到韓城，大概是星期一的關係，客人不算很多，無須等位便能入座。供燒烤的食材大約有三十多款，都是常見的豬、牛、雞，及一些蔬菜類的選擇。吃韓燒，熟食也是舉足輕重的一環，大都以油炸物為主，還有韓式店常見的大豆芽、泡菜、炒粉絲及味付魚乾。另外還有些燒物、煮蜆等香味小吃。食物桌同時放有各種調味醬料，但基本都是辣味為主，不嗜辣的朋友只能蘸點每位只有一碟的燒肉醬油。坐下不久，店員便奉上一碟大蝦及扇貝，看見店員也在其他桌上放下這碟僅有的海鮮，大概是贈送品吧。扇貝鮮味不錯，質感爽彈，比欠缺口感的大蝦好多了。先來一碟牛肉，牛仔骨及肥牛肉味挺豐，前者滿滿嚼勁，後者則口感軟腍。烤兩烤便吃得的薄砌牛舌也夠爽口，追吃度高。這裡的數款豬肉均醃製過，烤熟後香味撲鼻，肉味不比牛肉遜色，肉質倒更是軟腍。至於魷魚則是爽彈，鮮味還算不俗。還以為是雞肉串的串燒，入口卻吃出軟骨嚼勁，味道不錯。甘菇牛肉卷惹味之餘，烤冬菇也滿是菇香。向來嗜油炸東西的我，自是沒錯過這裡的炸東炸西吧。餃子餡料充足，多春魚的魚春也夠飽滿，炒蜆的惹味也有驚喜。最欣賞是這裡的炒粉絲，爽口之餘也夠乾身，沒有油漉漉的感覺，不錯。炸雞鎚雖然看似過乾，吃起來卻是肉質嫩滑。炸饅頭則口感偏硬。三文魚刺身及壽司似乎已是韓燒不能分割的部份，惟表現中規中矩。除了豆漿及西瓜汁(?)，設於入口旁的飲品櫃還擺放多款罐裝茶、汽水及啤酒，為了清清熱氣，只喝了冬瓜茶及烏龍茶。(不過卻喝得成肚水了)本來還是想吃杯雪糕，可惜肚子只夠位擺放一碗豆腐花罷了。豆腐花口感還算滑，淡淡的薑味糖水夠晒暖胃。這夜的食物選擇也算足夠，味道也算不錯吃。不過我倆的話題卻來得更多，提起大家的酸辛更加百般滋味。…Read More

突然好想去食韓燒，行過就見到有一間韓城，未食過就上去試下。一上到去地方好企理，乾淨。唔知今日做緊推廣定咩，有個海鮮拼盤送，好新鮮。野食黎講有分熟食同韓燒既肉，仲有刺身同埋生果個Ｄ。不過飲品就無乜野揀。不過可以問姐姐拎珍珠奶茶，唔洗錢，加分。…Read More