韓城 (Closed)

今天表弟小璋打給我想約我吃韓燒，因他的空姐女友到英國去，他說旺角的韓城平靚正，他說請我食飯, 我當然應約!到了餐廳，才七時半己很多人, 我們找到一個窗口位置就坐下!表弟己拿2罐冬瓜茶給我，他說這裏的喝品選擇很多!所有食物也是自取，嘩有很多款式，冷盤，熱盤也有很多種!冷盤有螺肉, 熟食也有十多款，有炸物，腸仔，各式其式，應有盡有!  小菜有青瓜，豬耳，豬耳很爽口，泡菜也很辣!肉類也不錯，有牛肉，雞翼，串燒，雞肉，牛小排，牛舌! 每樣也很新鮮，而且性價比天高!餐廳每張枱也送上扇貝和鮮蝦，扇貝很大也很鮮味，蝦很新鮮也很爽口! 這一晚和小璋一邊聊天，一邊吃韓燒，真的大滿足!…Read More

今晚與舊同事吃晚飯，第一目的地令人聯想到的是旺角，最方便當然是放題。 放題有很多種，其中一種當然為韓式燒烤。 韓城的放題是要自行出去揀食物的，與平日的酒店自助餐一樣。 食物的款式有很多種，當然包括牛肉。其中推介金菇肥牛，肥牛不算太肥，但很薄切，咬下去金菇的味道及本身的汁，令到整體味道大增。小食方面都十分推介，其中豬耳十分可口。雖然不及譚仔的麻辣可口，但水準都高，咬下去口感十足，十分爽口。 意想不到的是有海鮮！！ 其中扇貝都十分新鮮，配上蒜蓉，十分吸引。 整體來說，水平甚高，絕對是放題好去處。 …Read More

經過多日來的努力~碌咭, 總於夠分換迎新禮物, 於是今天出去旺角換領, 順道約了朋友在旺角晚餐. 就在換領禮物的大廈樓下, 看到對面有大大塊招牌, 幸好朋友亦對韓燒OK, 加上7點入座, 平D, 二百蚊有找, 可以任食2小時, 價格合理! 所以選擇了這家任食的餐廳. 枱面是傳統的烤板, 配有筷子和夾 汽水啤酒飲品櫃任拎任飲 SUSHI及其他甜品集中於一個櫃內 先來三文魚刺身!!! 10 款前菜, 夠多吧! 款式夠大路. 之後看熟食: 炸雲吞, 炸饅頭, 雞肶, 薯條, 薯餅, 香腸, 煎蛋餅, 煎堆, 三文魚頭, 豬腳薑, 雞全亦, 秋刀魚, 冬蔭公, 糖水, 炒粉絲, 魚旦, 蝦 蒜蓉扇貝, 尚算新鮮, 但不要燒太耐, 扇貝殼燒太耐會變脆, 變成粉末. 大蝦OK新鮮, 肉不霉. 生肉櫃皆有標示各名稱. 這就不會搞亂款式了. 墨魚仔及魷魚味道本身ok, 主要是不要燒太耐, 這類食物燒太耐好易縮埋一舊. 牛肋骨(未醃制)肉質及牛味是無得輸! 單是簡單燒一燒, 已經好好味. 醃制過的雞扒, 要掌握好火候, 先用猛火燒以封存肉汁, 再慢慢圍邊燒, 肉質才會滑. 這個豬扒(偏紅色)特別有印象, 比較好味, 醃料的鹹味OK. 之後再夾多轉了. 香腸, 鮮菇和金菇都是燒烤的好朋友. 食完咁多野, 點都要整返杯雪糕嘆下! 但這雪糕有驚喜喎! 白色雪糕向來使人想起雲呢嗱, 原來是椰子. 粉紅色竟然是紅豆味. 白中帶黑點是Oreo. 今晚全程自己動手, 豐衣足食!!!…Read More

兩父子久不久便結伴同行到旺角，目的是看大家喜歡的相機和電子產品，甚至衣服鞋履等，我很享受與他共渡的時光，希望他有女朋友後仍會有時間陪我。想大家多些時間溝通，最佳方法是共同吃飯，邊吃邊談多輕鬆。旺角的食肆多如星宿，知道兒子喜歡吃肉，見這廣告牌上自助燒烤的價目很吸引，便上樓看看。可能得兩人的關係，座位的安排較為狹窄，甫坐下，我倆便到食物區巡視，除了有各種生的肉類外，還有些熟食，如涼菜，泡菜，甚至三文魚刺身，而另一邊有豬腳薑，雞翼，三文魚，水晶粉，咖喱魚蛋，咕嚕肉等，還有熱湯。先吃點三文魚刺身，中華沙律，八爪魚等，味道中規中矩，不一會，贈送每人元貝和鮮蝦已送來，元貝加了蒜蓉，蝦很新鮮，肉質結實，收費雖然廉宜，質素居然不差。熟食的水晶粉，煮三文魚，甚至咖喱魚蛋都很可口，難怪服務員要頻頻加添。燒烤的材料種類頗多，牛肉粒，牛仔骨，豬肋骨，豬頸肉，豬扒，雞扒等，醃得不錯，小伙子吃得開懷。我最喜歡甜品有蓮蓉煎堆，豆沙鍋餅，夠熱，兒子愛吃雪糕，吃了一大碗。飲品任飲，好抵！…Read More

旺角好多類似的韓燒都係主打平價任食的韓燒餐廳如果想食飽飽 又不停咁食的話都不失為個選擇呢間韓燒有不少熟食 肉類 甜品甚至冷盤可供選擇熟食有咖喱魚蛋 炸雞翼 薯仔 豬腳薑 炒蜆等三文魚刺身平價韓燒有三文魚刺身任拎都算幾有誠意嘅大大盤唔會拎唔到 不過咁放法賣相唔多吸引刺身有點瀨刀的情況 互相之間有少少未分開幸好味道都唔會好重雪味仍有一絲的肥美感不過刺身空曠地放置凍櫃 雖然雪住但冇冰墊底雖唔會係最新鮮 不過真係有少少擔心衛生問題啦肉類有醃好的牛排骨 雞脾肉 豬腩肉等大多都是冰鮮肉 但較為出色的是雞肉就冇咁韌有多款湯品 一般 不過冬蔭公酸酸辣辣都ok甜品有椰汁糕 三色糕 果凍等 水準不過不失豆腐花意外地頗有黃豆香 沒缺少黃糖和糖水又可以冰火交融咁加雪糕食 呢個都算食得過冷盤係多款韓式前菜 泡菜青瓜等一應俱全泡菜爽口 酸而偏辣 青瓜脆身 豆芽白菜有點油膩好似只限一人一隻的帶子相對其他燒物好吃一點不過呢個價錢咁多野食同選擇都收貨唔要求…Read More

款式多，抵食之選早幾日和學生到旺角食韓燒，由他們發板就到了旺角韓城食飯，後生仔食飯最重要的是有大量肉食，款式多，飲品任飲，價錢平是最重要～而這裡就完全滿足他們的需要餐廳空間感大，而且抽風系統十分強勁，食完韓燒後沒有很大陣的油煙味，讚～入面還有好多部大電視，剛剛遇上中國大戰香港球賽，眾人情緒高漲，氣氛一流食放題最重要是多款式，實在很多，想得出都有自助區的空間很大，沒有爭食的情況每款食一件都會好飽呀也有大量熟食供應，他們的雞翼味道不錯，我一下子都食了幾只扇貝和大蝦是一次限定的，一進場店員就會送上，十分大只，這幾只海鮮的成本相信都不便宜有圖有真相，大蝦弄熟了也足足一只手那麼大，而那扇貝十分新鮮，咬落很多汁，鮮味十足飲料方面，各種汽水都是任飲，而啤酒都是任飲，讚！魚生只有一款，三文魚，但每次來的份量大方，十分新鮮甜品也有好多款式，椰汁糕是最推介的肉類都有十多種，他們家的豬扒不錯當然不能和出面的高級烤肉店比，但性價比高，後生仔食得盡情滿足最重要…Read More

近年人人都係韓燒嘅發燒友，不過一餐韓燒放題閒閒地人均都要兩三百蚊。想食得盡興D，更加唔止呢個價錢😰。呢間韓式任燒放題卻拯救了萬千韓迷，多款汽水任飲已經無憂，還有近二三十款豬牛羊雞無限任燒，勁爽😃多款海鲜任君選，且每括每人奉送一隻大扇貝同海蝦;另有多款熟食和甜品自助任選，夠晒全面，晚市最平$138/位就有交易，真係兩小時笑住喪燒勁擦😁熟食炒得幾好食，但每樣只好試少少，留肚食燒烤😊花甲炒得香濃惹味日本進口的下吸式無煙烤爐，烤起上黎完全唔覺有油煙，令燒物更滋味仲有好多卷物、甜品、水果都係不容錯過的😊另一大重點就係餐廳嘅燒肉同海鲜，都係直接從外國入口，所以質量同價錢先有保證！！從食物質素，價錢兩方面確實係無懈可擊，絕對係韓燒放題嘅不二之選，值得推介😉…Read More

本人人生第二次寫評論，唔使食已一肚氣！今晚同友人經過此餐廳想一試，上到去只有門口一張二人枱，我要求坐裡面，女侍應話入面枱有客人來時要搭枱，我接受並坐低了，連茶都倒埋準備去攞食物。突然又叫我哋坐返門口張枱，因一行十多人入咗嚟唔夠位，我同佢爭論，佢話忘了了有人訂咗位; 我氣到唔想食即刻走咗！有客訂位唔係應該有mark簿或放個留位牌在枱面嗎？咁都可以唔記得?! 真令人懷疑見人多就寧願放棄我哋啲人少! 既然咁唔希罕我都無謂幫襯! 我唔知我未食有冇資格喺呢度寫食評，不過一間服務咁差嘅餐廳，我覺得消費者有權利知道及考慮幫唔幫襯!…Read More

未到禮拜尾夜晚想食好啲但又唔想食太貴，諗起之前有朋友介紹過嘅韓城，位置就腳，旺角登打士廣場，於是放工之後就拉埋同事去食。相信香港人對韓燒都唔陌生，說穿了就係比一兩舊水任你食醃好左嘅豬牛雞，但韓城除左做韓燒之外，韓式涼菜、中式切雞、熱食、日式刺身、軍艦都有，食物種類比預期嘅多。（切雞都有喎，邊個估到）第一輪因為太肚餓，相都冇影就首先食左熱食同涼菜打個底，飲左碗紅湯，然後先開始鯨吞肉類：肉類最主要你講得出嘅豬扒牛扒雞扒雞翼肥牛牛仔骨豬頸肉雞腎牛柳粒魷魚多春魚都有齊，質素符合期望，醃料如黑椒汁十分惹味，肉類質地中規中矩。如是者食左兩輪肉，其間因為燒多春魚落唔夠油燒到痴晒爐板所以換左一次。終於有啲滯嘅時候，店員送上每個人頭兩條大蝦同一隻帆立貝。蝦味鮮甜，帆立貝嘅群邊爽口，令人食指大動。其後食左轉燒茄子同菇，兩轉雪糕，飲左烏龍茶冬瓜茶消滯後，意猶未盡挑戰多次多春魚後就埋單，每人兩百蚊都唔洗就喺旺角捧住個肚返屋企，性價比高，推薦！…Read More

朋友約來這裡，當初還以為是韓燒。原來除了韓燒外，這裡也是平價版多國 buffet。全部仼食。有不少可以即食的壽司、刺身、前菜、熟食，適合下班就餓的我。刺身夠新鮮，很受歡迎，快速清碟，不過添補的速度也追得上。前莱配菜款式很多，單吃或包烤肉一起吃也可以。熟食有魚有肉，懶得動手燒肉的人也不會餓着。三文魚骨不錯。可以燒的肉丸、肉類、蔬菜款式更多。已醃的牛仔骨及魚柳最好味。每枱均送扇貝和蝦一份。用慢烤的方法，蒜蓉香味都滲滿帶子肉中。用生菜包烤肉吃是減油膩感的韓式吃法呢。燒烤難免有「痴底」的情況，店家都非常細心，在適當的時候會出現為我們更換鐵板。而且枱上放有油瓶，方便自行在鐵板上加油。看到有木桶豆腐花供應，無論如何也要留肚吃一碗。有薑汁糖水及黄糖。豆腐花竟有意想不到的滑。除了罐裝飲品，還有清熱氣的五花茶和豆漿。…Read More

今日約咗三家姐行街食飯，旺角出名多嘢食，任何型式&種類都有，但家姐話想食韓燒。剛好經過登打士街登打士廣場有間 "韓城韓國料理"。$158+10%，仲要任飲任食, 每位送扇貝一隻+大蝦2隻. 係旺角嚟講真係好抵。因為有好多間都起碼超過$200。除非只係任食啦！所以就揀咗呢間! 我地7:00去到，好彩唔洗等位。但到咗7:30左右已經見好多人排隊等位了。坐無虛席。食物及飲品都係自己出去攞的。食物refill得好快。職員態度友善。好主動執走唔要嘅嘢，換爐盆。抵讚。食物種類都好多: 牛肉，牛仔骨，豬扒，豬腩肉，魷魚鬚，厚身魷魚，魚柳，雞腎.....還有很多很多. 熟食有: 三文魚腩, 泡菜, 豬腳薑, 鹽燒雞翼, 炸多春魚, 炒飯, 清炒菜遠.....還有很多很多.飲品都有好多選擇, 道地烏龍茶, 百士, 七起, 橙汁, 韓國綠茶, 韓國啤酒(好多店都唔包的韓國啤酒, 韓城係包埋架. 雖然我唔飲, 但都覺得好抵). 除了罐裝飲品, 仲有豆漿及菊花茶.我簡單介紹一下幾款食物啦!牛仔骨, 肉質完全唔un, 好入味, 有少少黑椒及店舖獨家醬料醃制, 好野味. 好食. 加送扇貝一隻+大蝦2隻. 扇貝大大粒, 加上蒜蓉一起燒, 好香好味道!大蝦2隻, 大大隻架, 而且肉質彈牙, 燒好時香氣撲鼻鹽燒雞翼, 外皮脆脆的. 但肉汁還在. 抵讚泡菜, 不是太辣及大酸, 迎合香港人口味!仲有新鮮生果: 西瓜, 橙及香蕉最後當然唔少得我最喜愛嘅雪糕啦! 今晚有曲奇及椰子味. 由於食物種類太多了. 所以沒有每樣在這裡介紹. 大家不防親自去試試吧! …Read More

近來熱愛吃燒烤，故是日又相約小S去吃韓燒。旺角登打士街一帶向來多選擇，尋尋覓覓，最後來到登打士廣場韓城。看看門外的價錢再望望錶，7:30PM後入座$178，價錢實惠，就這間吧!這裡是採自助形式，自助區放置多項熟食、冷盤、糖水、湯、肉類等，按照個人食量拿取。當然分秒必爭地先取點肉類，雞、牛、羊等通通俱備，亦有茹類、丸類，選擇多元化。燒物未熟之前，可吃點熟食，有咖哩魚蛋、腸仔、炒菜等，其中咖哩魚蛋非常入味，入口彈牙，全晚也不停走出走入取魚蛋呢。每枱也會送扇貝及海蝦，每人有1隻扇貝，2隻鮮蝦，看起來十分新鮮。魷魚彈牙新鮮，在燒的期間，散發出陣陣香噴噴的味道，另清晰可見大大隻的扇貝非常多汁。由於扇貝上鋪滿蒜蓉，燒過後帶有濃郁的蒜味，且鮮甜軟腍。海蝦味道鮮美，不用調味也可。小妹就比較愛金菇肥牛卷，肥牛鮮嫩多汁，卷在入面的金菇難以控制熟度，燒的時間可能要耐一點，不過肥牛配金菇堪稱絕配，燒過後再蘸上醬汁，不錯不錯。另烤粟米粒粒精緻小巧，超甜啊!意想不到的是原來魚片燒過後極好吃，用上燒烤的形式，令魚片兩邊燒成金黃色，即使過火帶點微燶也非常香口，質感挺身彈牙，相比放在湯內煮熟來吃，味道更突出，更勝更一籌。不得不提的是，丸類較難熟，即使燒得較耐，丸心內裡內仍是生生的，建議燒魚片比較好。場內亦有壽司及三文魚刺身供應，壽司可能放在雪櫃太耐，飯太硬，味道中規中距。雪櫃內汽水啤酒任飲，款色頗多。自助區亦設有豆漿及五花茶任斟，吃完韓燒後可喝幾杯五花茶清一清熱。食物水準不算是非常凸出，但勝在價廉美，倆伙子吃到捧著肚子離開，離開後經過登打士街的雪糕店，才醒覺忘了吃甜品及雪糕呢><!!!…Read More

在旺角逛街逛到很無聊，原本只是打算隨便吃點東西就回家，沒想到不小心走著走著就看到韓城燒烤料理。細心一看，價格適中、食物不錯，那就順便把晚餐解決好了！韓城位於家樂坊對面，樓下有一大堆小吃店，不難找。6點入座，人不算太多，不過7點後就會坐滿，建議早點來吃就不必排隊。醬料可以自己混搭。熟食小吃有十款，個人比較喜歡薄餅。蔬菜類也蠻多，青瓜和芽菜都很清新，配烤肉就正好。泡菜和豬耳也不錯，微辣的味道會更開胃。沒有龍蝦肉的龍蝦刺身，味道不錯，可是如果沙拉醬少一點會更好。軍艦壽司，沒有試。三文魚比想像中新鮮，每塊都是厚切，而且補充速度快，值得一讚！湯品，沒有試。熟食區，冬蔭功湯酸酸辣辣的，推薦。青口和蝦都不錯，魚蛋和香腸就像一般路邊小吃。肉類方面大部份都很好，特別是非常嫩滑的雞腿肉、肉味濃郁的牛排，還有肥美的雞翼。金菇肥牛卷和牛舌也不錯。魚肉雖然容易黏盤，但味道很好，魷魚鬚也很鮮味。因為我不愛吃鯪魚肉，所以沒有吃這些，但朋友說不錯。整頓晚餐都有店員主動過來幫忙換盤，服務態度很好。是晚免費贈送珍珠奶茶，除了珍珠有點過軟外，奶茶的味道調得不錯。最後來幾件甜點，清清嘴巴。推薦清甜西瓜和芒果布甸。…Read More

自從上一次在登打士廣場試過打邊爐以後，我對那邊餐廳的好感開始慢慢走回來，今次再來這邊韓燒放題一下~無他的...來到旺角又想以韓燒作晚餐，但.....想不到別的，就去試新的，最少給自己一個期望嘛=3=餐廳的價錢也算是相宜的，價格如下：1. 7:30pm 前離座 - 成人$138；小童$1082. 7:30pm 後入座 - 成人$158；小童$1283. 9:30pm 後入座 - 成人$138；小童$108我入座的時間是晚上八時多啦，$158可以吃到韓燒放題...要是幸運的話，食物質素好，就是Bonus啦~!!這裡的汽水、豆漿是任飲的，感覺還不錯啦=3=基本上這邊的食物也蠻齊的，有刺身、壽司、沙律、甜品、水果等.....刺身、前菜等食物還好啦，其他食物就真的見仁見智啦~還有湯品類~熟食類。這個我沒有吃過....原因，待回才跟大家詳細說說~炸物類，嗯，有我喜歡的麥樂雞跟薯條、鍋貼等，然後，我把它們通通都放到爐裡去=3=原因，待回才說吧....來到肉類跟菜蔬類，款式真的蠻多啦。初時見到都覺得不外如是，每一間韓燒店都是這樣子的。後來放在爐上燒完之後，再放入口就會發現其分別。因為店主本來就是經營凍肉店的，他每天從入口商中取得新鮮的靚肉，再放在這邊供客人享用，所以這裡的韓燒放題才會這樣子化算。記得吃過牛柳粒跟豬柳等，肉類的紋理整齊，脂肪比例平均。相比起別家的韓燒放題，這裡的肉食是物超所值了~!!!當晚店主更送我們四隻大蝦，嗯...要試試才知真偽=3=還有兩隻帶子，感覺上一般，還是要試試才知道真偽喔~蝦的肉質蠻不錯，也蠻爽口的，而且帶點點鹹海水的味道；帶子加入蒜蓉以後，相當香，加上帶子本來就蠻鮮甜的，感覺十分不錯~最後還有雪糕作甜品，$158有前菜主菜甜品飲品，算這樣子啦~=3=話說回來，剛才我跟大家說過要待回才說的事....先是熟食類，其實旺角這地方的食肆，除非是很高級那種啦，要不然，韓燒這種油煙多的地方，感覺也會沒那種乾淨的。熟食就這樣子的放在這邊，全都放涼了，加上周圍滿滿的油煙，令吃這些食物的食慾大大下降；炸物方面，一來之前說過油煙令人食慾大減之餘，炸物放在這裡，都已經放到全涼了，而且異常油膩，所以要放到爐去燒一燒才吃，這樣子新鮮多了。這樣子的，店員們很願意聽取意見。肉類新鮮靚料是好的，但其他的配套也要好好改善才行喔。希望下一次再有機會去會見到他們的改善吧~…Read More

喜歡燒肉又好怕油煙既我今日搵到呢間夠大又夠乾淨既韓燒，地下完全唔會有油積，坐都坐得舒服ｄ，加上夠光盔，可以同朋友坐多陣傾計都無問題。放題開放式自選吧台，分別有肚餓即食既熟食區，水果刺身區同埋燒烤區，種類都算多，餐桌都好乾淨。 刺身很快就會被一掃而空，所以喜歡吃的話需要多多留意喔，不過補充得還算快，也不用太過擔心，另邊的龍蝦沙津也不錯的。熟食方面，當中腸仔魚蛋就當然唔少得，重有幾款魚既燒物都感覺不錯，話明韓燒炒粉絲就一定要有，炒得都唔算好油，合格吧～其次就是糕點、牛丑包、炸雞件等等，基本上都已經滿足。食完少少熟食頂一頂之後，慢慢就開始燒物啦！我拎左小牛排、調味牛肉、腸仔、大腸，最特別係大腸，平常都好少會有得燒，燒起上黎我覺得又真係幾好味ｗｏ。 店家重送左幾隻大蝦比我地，啖啖肉真係好正，整體來說以呢個價錢食到呢個質數，我覺得非常合理，而且坐得舒服，適合一家大小／同朋友一齊吹吹水聊聊天，沒有過份實際限時，可以慢慢食埋生品先走，正！…Read More