韓兄弟燒烤

营业中

休息中

來到紅磡的崇潔街, 本來想食貴緣的米線, 但它裝修到七月尾才重開, 然後選擇就只有加太賀和這家韓國餐廳, 在不想吃花之戀的情況下, 就去了這家由韓國兄弟開的, 主打韓燒的餐廳, 但午市不想太Heavy, 於是就點了些韓式家常小菜, 除了背景音樂很韓式, 很多K-Pop外, 食物質素一般, 感覺就是很Causal的港式韓國餐廳.上湯牛肋肉的上湯有如海帶湯的普通味道, 牛肋肉切粒感覺不夠大體, 肉質偏實, 牛味偏少, 反而蘿蔔夠甜也夠少渣. 水冷麵麵身偏淋, 爽度可再提升, 牛肉偏碎, 味道和口感一般, 湯頭清甜夠涼, 是炎炎夏日的好伴侶. 炸雞炸得夠脆, 但肉身偏乾; 反而海鮮煎餅蛋香皮脆, 內裡海鮮豐富, 再加上煎香了的香蔥, 賣相一般, 但是是全場最好的一道菜.Hanbros is a home feel restaurant owned by Korean brothers. We didn’t order the Korean barbecue but we had ordered some casual dishes. The seafood pancake is the be

平時都喜歡到不同韓國餐廳進食，最近搬進紅磡，打算試一試這間韓燒，叫了牛肋骨湯飯和壽司，由於太喜歡吃青瓜和芽菜，吃完便和店員多叫一份，誰知店員說已經給多你了，不情願再發一份芽菜，之後安排入坐新客人，明明場內空間很大，看到店員本來想安排距離我的位置較遠的位置，偏偏因為一碟芽菜安排客人在我旁邊一枱，而店內是沒有檔板阻隔，莫視防疫措施！！目的想我儘快吃完走，既然不好客，叫得少唔想做我生意，咁冇下次。牛肋骨湯飯沒有甚麼肉，分量少，壽司也一夾就散，性價比差。

無得去旅行，唯有四圍去搵下韓國野食，今次係呢間餐廳試吓食lunch，佢既menu都算多款式，但質素就一般，以呢個價錢都無話太失望週末下午人流唔算多，一入就即有位置佢既韓式小食（泡菜同芽菜）味道係唔錯既，講明只可以添加一次，但服務態度就唔係幾好，請職員幫手拎多對筷子，佢直接掉落我杯水入面叫左一份韓兄弟半半(牛肉飯)（$65）同埋一份特色梅頭肉泡菜湯（$65），另外每個餐加5蚊有罐裝飲品，桃汁超級甜，唔太推薦我個人認為牛肉半半係比泡菜湯好，因為泡菜湯個味比較淡，同埋料唔太多，但牛肉半半可以同時食到辛辣麵同埋牛肉飯係好好既享受，下次晏晝經過都有機會會再去

差到一個點咁樣都可以賣俾人食冇花冇假外賣得大半碗湯，裏面真係可以話咩料都冇，三碟餸咁就$300離譜到一個點自己做餐廳都要過到自己個關…我自己煮公仔麵好過我第一次嬲到寫食評

除夕夜，人多廢事周圍去。突然間想食韓燒，就諗起來韓兄弟，是很地道的韓燒餐。兄弟的老闆是韓國人，這晚去光顧，還看到旁邊坐了不少韓國人。甫坐下，店員馬上奉送六小碟前菜，尤其喜歡薯仔和醃蘿蔔，開胃又清新。精選豬肉套餐A ($290)韓燒～這個A餐有五花腩、梅頭肉、豬頸肉，五花腩切得較薄身，吃時不會感到肥膩；梅頭肉腍身有肉味；最好吃是豬頸肉，很爽口。吃時別忘記將烤肉夾在生菜內，加上辣醬和生蒜，味道一流！生菜會免費有一籃！美中不足抽風系統比較弱，可能當晚全店滿座，食完全身都係燒烤味。見面都算唔錯有求必應。

本人今天和朋友在韓兄弟燒烤餐廳由2030-2200晚膳，其中不斷有活生生曱甴走出來。例子包括生猛曱甴由待應剛放下的食物碟底走到桌上，及客人坐的沙發椅後牆壁走動。每次發現都立即告訴待應，阿姐卻只笑笑口回覆「可能最近噴完殺蟲水，所以曱甴走晒出嚟」，未有認真關注食物安全，也沒考慮為客人轉枱(不過曱甴從碟底跑出來，客人坐邊都係一樣沒有保障）。老實說，食物味道質素尚可，但環境衞生問題嚴重，待應的反應反映他們都見慣🪳大場面，也不打算大力改善，各位食客自行判斷到不到此「來來曱甴屋🪳」感受另類餐廳風味。

今時今日咁既服務態度係唔得架！假日黎食lunch，店內唔多人(五六枱客)，入到門口完全無人招呼，侍應姐姐寧願係你面前搬貨都唔睬9你，企成分鐘先有人問幾位。坐低左都無人主動埋黎落單，要自己行出去叫侍應。我地叫左兩個飯，其中一個梅頭肉湯+飯，成碗湯得三塊肉，仲要好細塊。你地自己睇相啦！呢度有泡菜芽菜前菜供應，可以refill，但當我地第二次叫refill時，侍應好唔客氣話：「今次最後一次加啦，再加要收錢。」收錢唔係問題，但唔係咁既方法同語氣同客人講囉。雖然好多明星黎過呢間店食，但食物講真一般，加上咁既服務質素，唔會再黎下次！

呢間應該算係隱世韓國餐廳，因為裏面有一半都係韓國本地人幫襯，電視都係播kpop MV，waiter都識韓文👍🏻基本上講得出嘅韓國菜都食到，我哋叫咗呑拿魚芝士蛋卷、豬肉餃子、牛骨燉湯配白飯、辣炒豬肉魷魚，野飲就叫左米酒。淨係前菜已經有6碟，推介魚糕、蘿蔔同埋甜蕃薯。餃子略嫌凍咗小小，但好足料。牛骨湯好入味，雖然話係雜碎湯，但都有好多嚿肉。芝士蛋卷份量大得恐怖，面頭仲有好多蕃茄醬，拉絲就唔使講。辣炒豬肉魷魚其實一啲都唔辣，炒得好香😋整體來講，好抵食，下次會再試吓燒肉🙂

熊貓外賣，本來都吾係肉食者，但收到既時候成碗都係湯同兩舊超細牛肉，加條蔥芽菜，$93蚊有啲貴！重點係個牛肉湯真係只有湯，配料近乎零，貴公司應該改善下，可以比返多少少餸吧

8點入去 個場都8成滿可能位置唔好 隔離枱三個韓國男人食飯一路講一路勁大聲勁高音笑 🤦🏼‍♀️好令人頭痛因我地點炸雞前面兩台食燒肉 一路被焗住食成晚餐飯抽風系統都冇 單靠冷氣醬油炸雞幾入味芝士炸雞太喊雞肉唔Juicy炒年糕太硬身石頭鍋飯算係最好食了 起碼有飯蕉可一不可再當然啦 食客既質素你冇得選擇 但係 店員既服務態度你可以訓練架嘛成晚個店員除咗點菜之外 就好似啞既咁例如店員遞菜過嚟我話：你地呢度好攻鼻啊 好焗店員當聽唔到 粒聲唔出就連啲菜都係遞過嚟比我地自己放試枱的大佬啊 老土啲講句 今時今日咁嘅服務態度...

首先要多謝我既好朋友們同我預祝生日🥰， 帶我到紅磡崇潔街27及63號地下的韓兄弟燒烤吃生日飯。 入到店內差不多七成韓國人， 非常熱鬧🤩， 我們先點韓兄弟生魚片拼盤$1600（比目魚、 當季生魚、 鮑魚、 生蠔、海參、拌熟大章魚、 鐵板芝士粟米、 韓式燒餅、 燒秋刀魚、鮮辣魚湯）， 然後再加燒肉拼盤 ， 當然唔少得真露和啤酒。🤤首先有六款韓式泡菜，醃青瓜、醃蘿蔔、韓式泡菜、大豆芽和薯仔，每款都新鮮爽甜，酸酸辣辣夠晒醒胃。😚👍🏻比目魚刺身肉質細嫩潔白，味道鮮美， 非常好吃。 其他的刺身都很新鮮🤤， 另外欣賞鮮辣魚湯，鮮甜又香辣， 再加一個韓式拉麵， 非常完美。🥰韓兄弟燒烤是一間非常傳統又好味的韓式餐廳， 喜歡韓國菜的千祈唔好錯過。✌🏻

基本上係食過最好食嘅韓兆，好少嚟九龍呢邊所以行左九條街先搵到但係超級值得。佢每一樣嘢食都係超級地道嘅味道，而且個餐牌有好多普通韓兆舖頭搵唔到嘅，有去左韓國嘅感覺佢炸雞比起專門做炸雞嘅仲正。話說OpenRice要求寫夠200字先可以評分，所以我從來都唔寫食評，但係今次真係唔寫得叫咗海鮮豆腐辣湯，牛肉壽司，牛肋骨肉，五花肉，蒜蓉蜜糖炸雞。仲有間舖頭嘅裝修好有feel，員工係超級友善，提供我哋需要嘅所有嘢，燒盤都換左兩次

今日好想食韓國野，搵到這間好有韓國風的餐廳，聽聞是韓國人開，不過我又唔太肯定係未😅😅先點了熱熟的東西：🎈「泡菜湯」配上白飯，味道尚可，湯內有泡菜及幾粒豆腐🎈「芝士泡菜餅」芝士在泡菜餅上，但芝士唔夠味🎈「甜酸炸雞」外脆內暖，而且雞肉滑嫩🎈「韓式冷麵」由於上太多食物，未有趕得上，當食時已「章」住了，好彩提前已通知分辣上，最後我們自己加冰水及醬，再撈撈撈！食得再點了韓式燒肉：⭐️「牛肉眼扒」唔太厚但肉質相當唔錯👍🏻⭐️「牛肋骨肉」香濃調味料炸出來好野味，而且淋身👍🏻⭐️「豬軟骨」厚厚的爽脆👍🏻👍🏻👍🏻⭐️「生五花腩肉」 半肥瘦肉，包上生菜醬料，正備註：🩸點菜後好快上菜，建議食完再點🩸店內環境好有韓國時韓燒餐廳感

韓國兩兄弟打理的餐廳餐廳格局同韓國一模一樣•豬肉套餐 290HKD🥢五花腩, 梅頭, 特級豬頸肉最好食係厚切豬頸肉!!! 勁彈牙 超好食😋 有驚喜五花腩長度同燒烤網一樣長唔會太肥 肥瘦適中前菜可以refill但侍應比較忙可能會唔記得食物整體好食 食客大多數係韓國人 唔講以為自己去左旅行🧳

[🇭🇰香港- 紅磡].🔻"海鮮豆腐辣湯"個湯味道幾濃,個人覺得係暫時係香港食到最好嘅一間,豆腐滑,落足料,海鮮有蝦,蜆肉,仲有金菇,流心蛋,配飯一流;另外燒肉嘅質素都唔差喎,豬肉併盆有齊五花腩,豬頸肉同梅頭肉,最正係個厚切又彈牙嘅豬頸肉👍🏻.🔻🍽 韓兄弟燒烤📌 地址: 紅磡崇潔街27及63號地下.#tummysready #tummysreadytoeat #tummysreadyinhongkong #tummysreadyathunghom #tummysreadyforkorean #tummysreadyforbbq