麵酒場 蒜 Bill (已結業)

提供喜多方拉麵。日式中華料理。值得一試。8/10這拉麵吧提供日式中華料理，即天津飯，餃子和炒飯等。顧名思義，這裡當然提供拉麵。我以為會提供中華そば，但原來提供的是「喜多方拉麵」。印像中在日本好像只吃過一次喜多方拉麵。喜多方拉麵在喜多方市發祥，由於人口對拉麵店的比率極高，所以喜多方市與扎幌和博多並列為日本三大拉麵市。湯底是用蒜，醬油和豚骨熬成的清湯。最特別的是麵條，用的是「平打熟成多加水麵條」。麵條較闊和較厚，約是博多拉麵的3-4倍闊和兩倍厚。由於含水量較多，入口一般會較嫩滑。自從上次經過的時候看了看餐牌之後，我的目標很明確，就是要一試香港其他拉麵店所沒有的「麻婆豆腐拉麵」。同行的朋友點了招牌的「Bill 拉麵」。我們亦點了炸雞和炸蠔。期待已久的麻婆豆腐拉麵到達一刻，香味撲鼻，賣相很對辦。由於麻婆豆腐的關係，湯底有點辣，但基本上是醬油和豬骨清湯，順喉，惹味，喝完完全沒有口乾的感覺。我很喜歡。喜多方拉麵的麵條確實很特別。較扁，較粗，有嚼勁，掛湯力強和豬骨清湯很配合。份量亦剛好，值得一試。麻婆豆腐有辣勁之餘亦有明顯的山椒味，豆腐幼滑。這與我在橫濱吃過的很相似。我很滿意。炸雞連皮炸，外層鬆脆香

日前在銅鑼灣登龍街這個香港拉麵界的必爭之地，幫襯了這間應該開了不久的「麵酒場 蒜 Bill」，吃了香港少見的喜多方拉麵，感覺不俗。此店位於大廈的三樓，若不是聽朋友講過也未必留意。最搶眼是店子入口擺有叮噹（不要跟我說多拉A夢）的隨意門，未食已相機行先。雖然叫麵酒場，但可能拿酒牌方面出問題，雖有清酒供應但卻要聲稱由別處（同一老細供應）拿來，也未有生啤供應，看來未夠名正言順。講番今次想試的便是這款「味玉Bill麵」，屬喜多方拉麵，是源自福島縣喜多方市的招牌貨。此物香港比較少見，但其實它跟博多及札幌同屬三大麵食重地也。湯底好清但口味不淡，且昆布味挺濃，有用豬骨而做到這效果確實有技巧。麵條方面屬扁中帶曲，是典型喜多方拉麵的所用麵，挺掛湯。配合幾塊叉燒，糖心蛋同埋我喜歡的菠菜及大量葱絲，不花巧但感覺清新，畢竟物以罕為貴，值得加分。叫多個餃子，都唔錯，較一般日式餃子多肉汁。看到此店有不少日式中華料理的東西，包括麻婆豆腐拉麵，下次再來時應會一試。

每次想食拉麵都會去登龍街，見到呢度新開所以試一試! 我覺得拉麵最緊要係湯頭同麵，第一次黎叫左辣味葱BILL拉麵，飲第一啖湯有驚喜喎見到清湯油脂度低，原本以為會好淡味，但係其實豬骨同魚味平衡，我覺得相當豐富，同埋因爲佢唔肥膩，所以我飲晒碗湯都ok喎。🍜 扁平捲麵硬度係我影完三張相後依然唔錯，掛湯能力滿意，少少煙韌幾好咬口。❤️ 火炙叉燒燒得剛剛好，香口又唔算好肥。辣葱咸左少少，但連麵食就幾惹味喇。👍🏼唔知係咪正宗既既喜多方拉麵啦，不過我覺得值得試下豬骨湯醬油湯以外既選擇呀! 順帶一提，個煎手工餃子好唔錯，有日本屋台既水準呢! 不過太餓食左無影相😅其實我係見到其他店排晒隊，而呢間小店竟然無乜人，希望大家行多兩步都去支持下有heart既小店啦!

新派的裝修，非常大的環境，日藉老細和師傅，最緊要係我在香港只找到這間有日本三大名麵，喜多方拉麵的居酒屋。店內有很多日本特色食物，例如炒豬潤、蛋包炒麵⋯⋯。我最喜歡喜多方拉麵很有質感，彈牙，厚且捲曲的麵質。半肥瘦的义燒加上醬油清湯，配合非常好，吃來不油，而且無落味精，所以吃完也不口渴。

自從日本拉麵界進駐香港, 銅鑼灣的登龍街一直都是熱門拉麵店的聚集區. 雖然當中有些留的留, 走的走, 但至今短短一條街上還是有著超過6-7家拉麵店. 加上近日帶著超強勁人氣的米芝蓮拉麵蔦也來進駐, 令登龍街頓時又見人龍展現, 各家拉麵店的競爭力又再升溫. 不過正當大家只一味討論著米芝蓮拉麵時, 似乎忽略了這家同樣也是開業不久的拉麵居酒屋. 既然有拉麵, 宅女怎會錯過, 一於找個機會來試試. 其實這家名叫麵酒場蒜BILL的店不只是提供拉麵的, 看看店名, 麵酒場意即麵店跟酒吧合併一起, 而蒜BILL則是菜單創作人的名字. 店子剛於今年5月初才開業, 雖說是在銅鑼灣的登龍街, 但其實店並非地鋪, 而是在街角新建的商廈V POINT的三樓. 大廈正正就在蔦拉麵店的隔壁. 只要上幾層扶手電梯便到餐廳. 扶手電梯一上來巳經是餐廳的門口, 這裡佔地一整層. 最吸睛的當然就是放在門口的一個粉紅色隨意門了. 馬上就心想, 難道這裡會有什麼多啦A夢的主題食物或佈置嗎? 後來宅女就發現自己想多了, 但這個門就絕對是店內最受歡迎的裝飾. 既然是麵酒場, 那麼店內的裝潢當然就不是一般拉麵店格局. 這裡地方都

銅鑼灣現時開了很多新拉麵店，這間位處登龍街的 Bill，我沒有去過；今天趁有空，就來試一下。湯頭很濃，麵不是最幼，但我也喜歡。用料也十足。這裏環境是很不錯的，也沒有很多人，可能是在後街吧；價錢雖然略貴，但環境及服務超好，加了不少分數。這裏現時也賣酒，而且佈置很精美，很有設計 feel，來這裏，光是吃裝修，也有物值。未必常來，但久不久來一次，也是常心樂事。叉燒很大塊份量足，麵質也是很爽，咬下去很有咬勁。

4,5年前讀U既時候整合左個全港拉麵list有70幾間，到而家只係食左一半，有d舖頭直頭食都未食就執左，可見拉麵店起香港既競爭有幾大。不過你估唔到既係，無論有幾難做，每年都硬係會聽到有幾間闖出名堂。講番正題，話說樓下tsuta一星一開就勁多人排隊，我又趕時間又多野攞，聽舊同事講過有間拉麵起V point三樓，就上左來睇睇啦。舖面裝修唔錯，大枱唔只長仲夠闊，話就話食碗拉麵姐，但你知啦香港人一食飯就一枱野(電話銀包手錶ipad好似番到屋企脫光光)，一陣野食來到整污糟又起度"摺摺摺"，但我諗坐到個d枱應該會幾滿意摺少兩下😂吧枱位見到擺左好多款日本酒，如果我仲起舊公司應該會狂落來happy hour🙈lunch set 98 bill singature拉麵加小食再加個沙律bar，係抵食的，本py係唔會扮矜持攞少少就算。重點係，個沙律雖說唔算太多選擇，但喂4 5款沙律菜車厘茄仲有秋葵，夠哂健康啦~(係影得樣衰d皆因我食左半碟)其實除左拉麵仲有飯餐，價錢都適中，胃就得咁大啦，下次先算。好啦上菜啦，正常時間唔會太耐，一望去咦？！唔係卦喜多方拉麵喎！食左咁耐都無起香港見過！湯底清澈但唔會好淡，重點係

完全同街果D唔同，麵質超正，用料天然無味精，個拉麵碗仲要係熱！老闆招待好貼心！仲介紹點食最有風味！特別餃子 好想再食！！下次我會試下 叉燒飯，午餐都好抵食！希望老闆努力加油！

本來諗住去第二度食，因為冇訂位，要搵Plan B。盪下盪下就嚟咗呢度。見過entrance幾得意，就諗住入去試下。整個餐廳佈置是正靚仔，所以對食物未來都有啲expectation。首先嚟個karaage炸雞，好食 （冇相）跟住嚟咗呢個（唔記得個名）蟹肉奄列配「獻」汁（有啲似鮑魚汁）。因為因為我唔食得海鮮，所以只係試咗個獻，朋友話佢都幾好味。4個朋友，分別叫咗3個拉麵，一個日式叉燒飯。嗰個係 野菜炒豬肉 拉麵：實在叫人失望。個湯淡又超咸，豬肉不太flavorful。另一朋友叫咗個麻婆豆腐拉麵，唔見得佢太高興。會番嚟機會較低...