麵軒小歇 (已結業)

同兩個舊同事來吃LUNCH，叫左個肉躁麵同埋肉躁蘿蔔糕餐\，D麵唔似麵..肉躁又沒有肉躁的好吃，蘿蔔糕冇乜味，杯野飲柑桔青檸好酸，麻麻！

發現灣仔集成中心新開了一家麵軒小歇，與其他店完全upgrade咗，好靚好updated.產品質素ok，員工就嫩少少。

無職員招呼你，食物等成世都唔到，吹到咩咩聲，食碗云吞麵好過，洗也花三十幾四十元咁勞氣。

晚上試了南瓜雞絲拉麵，湯全是南瓜蓉，雞絲一般。麵的份量算中上，一碗飽肚。

呢度勝在就腳，係正電車站旁．睇餐牌，有亂，原來係分會員同非會員，會員可以叫會員餐，叫其他餐亦會平．入會，要先比廿蚊入會費，如果成日黎食都抵．叫左個會員餐，蕃茄豬軟骨湯面，送油菜同珍珠奶茶．個湯面ok,湯底味濃，固然有味精，勝在夠酸夠開胃，豬軟骨都幾多件，夠淋，不過無鮮味．面係粗上海面，如果係幼面更好．個油菜好少，幾條白菜仔．珍珠奶茶吾夠熱，兼見到好大隻烏蠅飛過杯口，只飲左幾啖己吾想飲．店內幾亂，衛生有待改善．

個日一個人, 諗住是但搵間野食啦...原來店舖冷清係有原因架...價錢比較貴對面間x成平過佢. 食物質素又唔ok ,個炸雞好咸同埋size 比較細overall...冇咩特別

尋晚無乜時間食dinner, 為求快捷方便就同朋友0黎0左呢度食.叫0左個蜜糖雞翼湯麵, 0個3 隻雞翼並唔係一直以為佢係的bbq style 蜜糖雞翼, 而係普通炸雞翼, 再淋上少少似乎要0黎配西多士0既糖漿, 味道非常古怪之餘, d 雞翼亦好乾, 炸漿多過乜, 唔ok. 湯麵唔特別, 好彩唔難食.蜜桃蘆薈紅茶味道ok, 不過個人覺得甜0左少少.朋友0個個椒鹽雞+ 肉燥飯就好食得多, d 雞好好食, 又脆又惹味; 不過朋友話d 飯唔ok, d 汁少又無乜味.佢杯菠蘿清香個味亦奇奇0地, 有少少椰汁味又好多菠蘿茸0係底, 第一啖飲落幾得意, 不過愈飲就愈似空氣清新劑-_-"Service hea 到爆, d 人d 態度好差.第一次0黎呢度, 相信亦會係最後一次.P.S. 3 分味道同"OK" 係因為d 椒鹽雞真係好食, otherwise 我會俾1 分同喊面!

唔掂!!晌公司做到個人散曬, 終於放得工, 拿拿臨搵野食, 見呢間野個樣都ok, 盲中中就入o左... 1. 菠菜丸豆腐湯: 100%味精湯, 個感覺似煮麵o的湯底多o的, 所以我只係食埋o個三幾粒豆腐就放棄o左2. 五香牛肉配肉燥飯: 五香牛肉得個咸字, 份量好少, 肉燥飯就尚算正常3. 珍珠奶茶: 如果一杯珍珠奶茶有二十粒珍珠, 咁我呢杯入面就有十五粒係"痴"住而成為一塊, 無論幾努力都分唔開佢o地.............. 4. 椰汁黑糯米(甜品): 無乜見過o的咁hea o既甜品, 黑糯米太淋, 搞到好似一pat漿糊唉... 俾完$$之後, 我忍唔住問自己, 究竟點解要咁樣自我虐待!??!?!

(26/1/06)同男友其實想食籠仔飯,但又被個湯麵餐吸引。最後都選湯麵餐,香骨湯麵,香骨好多,味道像鎮江排骨,my favorite啦。幼麵煙un,男友都勁讚。一碟清菜,杯芽奶茶,無杯芽,又無乜茶味。雞絲粉皮,攪錯!炒皮係透明,好爽o下,是不是"舉約"/大菜o黎架!好被騙o羅!薑母茶,ok啦..。p.s.坐底無供水飲用,焗人要野飲。廁所要出街,像後門,衛生情度,可想而知啦...。

兩個人午飯的單可以錯3-4次，周圍臺也送錯，雖味道尚可，以后也不再來。

琴晚放工同已經好倦啦..諗住早D返屋企, 點知honey話一定要食飯, 明知我要減肥佢仲要食食食. 激死我..於是黑晒臉咁同佢去左麵軒小歇食飯囉.入到去D侍應, 都怕左我, 於是只向我Honey介紹新推出的健康四色麵, 仲話湯底好健康好特別....我笑一笑, Honey就order左個"南瓜雞絲麵"and"草莓活乳酸"比我..(哈哈..佢知我好中意食南瓜呢..)之後, 有個斯斯文文細細粒的侍應可能知道我嬲完啦?!, 特別仲送左碗'椰汁黑糯米'比我地(我減肥嗎當然無食啦). 當晚我地好都好滿意..講真碗麵真係好好味, 聰明的侍應妹妹-我定會再幫襯家!! 今日諗返都想再食, 下次同honey去試埋他味先.

昨天與同事到此店附近店舖購物，因此我們也順度一試。我點了一個套麵餐，而同事叫了套飯($40)。落單時，因我其中一道是酸辣麵，店員還詢問我想選粗麵、幼麵還是米線。怎料落單後，另一店員告知只可選粗麵，那麼起初就不必叫我選啦! 所以我覺得落單有點混亂! 我的麵餐($36)包括一碟白菜、一碗細酸辣麵、一個米糕及一杯飲品。首先上是金桔青檸，唉......飲品一上已奉上小昆蟲一只，我當然立即要求更換，其實店員上前應可看見小昆蟲，她也可以若無其事上，態度馬虎。食物味道，只是米榚較可口，其實味道似糯米飯，金桔青檸也不俗。不過，酸辣麵實在差了點，味道太淡，不酸也不辣。至於同事的套飯餐，以$40來說，完全不值，他說套餐的食物連飲品也不夠味道。總括而言，我們都不會再光臨。

上星期晚放工後落灣仔去做腳底按摩﹐做完唔知去邊度食飯好﹐行過對面街﹐見到呢間麵條一向都唔係好得的「麵軒」﹐但由於唔想行太遠﹐於是求求其其﹐是是但但咁來食個餐喇。我叫左醉雞翼米線配油菜和甜品﹐上來醉雞翼只有三隻﹐是凍的﹐雞肉少少實﹐都算合格喇﹐至於米線的份量實在太少了﹐我一向少食都覺得唔夠﹐唔怪之得幾乎所有人客都係女仔喇。配的油菜是白菜仔﹐份量亦非常少﹐只有幾條﹐而且未灼得夠熟﹐硬到死。最後的甜品是一小件朱古力蛋糕﹐反而味道佢最好。

炸雞中翼湯麵,都幾大碗, 雞中翼新鮮炸出黎熱辣辣,好夠鹹又唔會炸到好乾, 3大隻好好味!埋單$15, 抵到爛

漏單數次, 味道麻麻, 環境真big, 套餐前菜賣完, 叫客人選擇其他, 選完又話成本貴, 兩隻雞中翼貴得去邊呀??? 鬼叫你自已無準備好呀!!