麵軒小歇 (已結業)

O尋晚同D朋友打完波後，大家都唔想食得咁豐富，最後落灣仔麵軒食。上環o個間就食得多，灣仔呢間就第一次食，講地方灣仔就舒服過上環好多。原來宜家多左好多新品種及套餐，有飯餐有麵餐。見到隔離食緊類似咕嚕肉的物體，簡直眼前一亮，估唔到係o呢度到食到，睇個menu原來係糖醋小骨排，但係買相好似生炒骨咁。朋友們覺得好正，我就認為甜酸味ok但略咸，雖夠脆口，但係其實係炸粉多的問題。O黎得麵軒當然唔少得食芳香排骨，肉質鬆化但唔夠入味，味道較上環略遜。另外飲品就沒有特別，我覺得間間台式茶館都係差不多。最後埋單時仲送了幾張2蚊coupon。

12點黎呢度lunch可能舖頭無乜人無點開冷氣焗死仲有好多烏蠅叫個waiter去開大d佢好不耐煩咁對個air con唔知做左乜，其實係無做過野，都唔覺有乜分別d waiter做野好似行catwalk咁扭黎扭去咁慢行ga law***註：係男waiters!!

呢間食店的員工態度非常惡劣，無禮貌，甚至個阿頭的態度都好有問題。首先，等左半個鐘，飲品同食物連影都冇，問其中一個侍應，想佢Check下有冇漏單，佢睇都唔睇就話落左，跟住黎碗麪又黎錯左，再隔十分鐘，佢先至走埋黎問番我地之前落乜野order。個侍應粗聲粗氣，對唔住又唔識講，好似一D錯都冇。當日環視四周，差不多枱枱唔係落錯單就係漏單，態度又差，做錯野又唔認錯。你講句對唔住我條氣都順D。埋單時，諗住同個阿頭反映下，我以溫和的語氣同個阿頭講，點知個阿頭語氣平淡咁講聲唔好意思就行左開去，完全漠視顧客的意見。真係唔明點解一間又唔係話好好食，服務態度差到無倫的食店都仲可以生存。希望佢能得到應有的懲罰，大家唔好幫襯佢。

應該係新出既,以前見過,係一個無湯既米線,餸 比較少同埋幾齋,係豆腐乾同冬菇,味道只係一般,不過精綷在於個汁辣地,撈埋米線食,幾醒胃!

今日lunch去左食麵服務態度唔好, d野食好慢先黎.我地3人12:40 落order, 第一碗菜肉雲吞麵要1點先到.最後一碗仲衰,我地明明要咖哩湯底既麵,佢又整錯.豬骨湯.仲要1:05先到.足足等左25分鐘. 對於打工仔.1個鐘食飯時間,用左一半時間去等碗麵.令人好反感~ 而且我地追單時. 個經理仲毫不在意咁.我一定唔會再去

每次去麵軒總是忍不住叫它的芳香排骨配肉燥飯,因為這個配搭實在太好味了.排骨帶有少少辣味,每塊排骨都煮諗了,骨都可以食埋架,特別欣賞它們的排骨帶有少少軟骨,真係食過都番尋味!肉燥飯的份量剛剛好,肉燥的味道亦十分好.記得有一次晚上九時?去到,叫了這個飯,發覺肉燥少了,便問問待應,他們很有禮貌地道歉,因為太晚了,沒有太多肉燥,他連忙幫我去廚房問問還有沒有肉燥,接著上了一碗大大碗的肉燥飯,真是服務態度一流呀^_^

小妹係灣仔返工因此常常到此店食飯,此小歇近期新裝修環境舒服左,本人最鐘意食此店的"排骨麵"D排骨小小酸辣的味道好開胃如果配食肉燥飯都是好的選擇...下午茶好抵食一碗麵再加十蚊就有杯果汁或者台式飲品!唔錯..會繼續支持

我同個friend 係度食下午茶, 她order了肉燥羅白糕同一杯野飲後, 過o左一陣, 個侍應話羅白糕賣曬, 跟住我個friend叫個侍應話hold住杯野飲先, 因為佢剩係想食羅白糕, 個侍應應承o左後, 我個friend就諗住想去第二度食, 點知跟住我個friend order o左個杯野飲黎o左, 搞到我地無得走, 被迫幫襯!!

我覺得d 麵都幾好食, 香茅雞扒好好味, 三十零蚊有埋野飲(珍珠奶茶果類)..非常抵了... 唯一係環境實在太迫了..好唔方便

下午茶的確好抵，$15 一個麵，大部份小食$10 ，如果叫o 左小食/ 麵再叫任何飲品，飲品只計$10 ，而且o 的食品質素不錯，所以上次同朋友去，找數果陣先發現，嘩，咁平