影片
港铁油麻地站 C 出口, 步行约3分钟
继续阅读
营业时间
今日营业
12:00 - 15:00
18:00 - 21:00
星期一
全日休息
星期二至日
12:00 - 15:00
18:00 - 21:00
以上资料只供参考，请与餐厅确认详情
《面山口商店》酱油猪骨白汤拉面🍜 + 猫饭🍚📍油麻地庙街56-58号地舖《面山口商店》绝对系油麻地区嘅人气拉面店，唔少人就算唔系拉面迷都好，都会讲得出呢间店，可能因为店家宣传策略做得好。上年八月，仲系大热天时帮衬左一次，当时试嘅系《鲭节猪骨白汤拉面》，觉得麻麻地。经过半年修练后，又心思思想再返转头试多次，睇睇修练前后嘅感觉有几唔同。今次试左酱油猪骨白汤拉面🍜 同猫饭🍚，因为个饭令我印象更深刻，所以讲左个饭先。个饭叫价 $38，细细碗，点都要有货交先敢叫到呢个价位。个饭嘅主要材料有唔少，包括，元贝干 (整粒)，元贝干碎，鲣鱼干 (鲣节)，生蛋黄，紫菜碎同洋葱碎。酱汁方面主要系辣油同酱油。日本d拉面店都唔少会做呢d跟生蛋黄嘅饭类，所以都唔系咩新鲜事，不过响香港有得捞蛋黄食嘅饭系唔多，而呢碗饭都算有心机，味道抢口，捞匀之后食，质感好好，饭粒又粒粒分明，所以就算呢款饭稍为贵少少，我都觉得系必叫👍🏼⭐。店家我觉得几醒，将个饭命名为猫🐱饭，本来以为系平野，但d料同个价钱其实系算贵，所以食起上黎感觉有强烈反差。加上成个口味系以贝类鲜味同香辣味为主，味道相当抢口，令人留下相当深刻印象。未开始讲碗面前，先提一提一件事。店家都有标榜佢地冇加味精，同部分其他拉面店一样，都有放呢个唛头响墙上面：不过咁，No MSG 代表健康 d，我同意。但 No MSG 会唔会令我觉得好食 d 就唔一定。还看店家点样去处理无化调嘅情况下去提升旨味（うまみ umami）。香味 (2/5)香味比较薄弱。如果好似我咁，第一件事闻一闻先嘅话，印象分会扣左先。汤 (3/5)如果你一心谂住个汤会有浓郁酱油味道，或好似博多猪骨汤咁够力，咁就会有好大落差。反之，酱油味同猪骨味都系淡淡然，要细意品尝先食得出。加上咸度算系中偏低少少，汤底嘅鲜味方面偏弱，所以即使个汤属于白浊汤，但比到我嘅感觉佢就系一款淡丽汤口味。面条 (3.5/5)细面，直身，口感算唔错。我又影相又食饭，但个硬度都有keep到，食到尾都唔会话淋左。配料 (4/5)猪叉烧方面，我真系要重点赞一赞。用嘅部位系五花腩，不过佢系我食过，最够瘦嘅一款五花腩叉烧。我本身唔好肥腻野，所以如果叉烧用猪五花，好多时肥腻感会太重，而呢道就完全冇呢个问题，咁啱又对到我口味。溏心蛋跟半只，入口第一个感觉系有烟熏味，再黎系酱油同味醂，味道上都唔错，生熟度正常。笋干同其他配料就正正常常啦。则使又食面又食饭，不过两者嘅份量并唔多，特别系个饭，真系几啖就食完。正好我食量本身都唔大，所以我呢一餐我系足够满足，最后都有完食，乜都清晒！
继续阅读
老公上网揾资料知道我钟意食拉面仲要系日本人开嘅，起码地道啲大概七点时间好彩唔使等位，刚刚有Bar枱两个位一坐低可以用二维码落order 叫咗一个猪骨白汤拉面，通常试新嘢我都系由基本食先好快嚟到非常香浓嘅汤底淡淡虾味，非常浓郁我拣选嘅拉面系要硬嘅的而且确完全好用心真系爽口嘅拉面再慢慢食个叉烧，虽然就比较薄，但系有口感嘅有半只流心蛋一块紫菜食吓食吓饮吓饮吓已经饮咗好多汤底完全唔觉得咸亦都唔觉得口渴值得推荐反而老公食𠮶个就加咗一条腌制咗酸味味嘅青鱼唔错唔错⋯佢个汤底就系鱼都系好好味，好香浓成个感觉都系好完美埋单尽量用现金冇所谓啦！支持本地消费一定再食过.
继续阅读
藏身油麻地嘅「麺山口商店」 系由北海道籍师傅与香港太太联手主理💖主打唔用任何化学调味料嘅原创特制猪骨汤：通过极致嘅去脂工艺，将猪骨中嘅丰富胶质完美淬出，再加入十款新鲜蔬菜，经过长时间熬煮，将天然鲜甜嘅精华锁喺汤头入面🥘店舖细小仅十余座位，吧台设计还原日本町屋风情，开放式厨房飘出熬汤香气，未食先醉🤤最正系餐牌够晒「专一」得三款拉面，但款款都系王炸：✨酱油猪骨白汤拉面✨札幌辛味噌猪骨白汤拉面（辣）✨鲭节猪骨白汤拉面今次我试咗【鲭节猪骨白汤拉面🍜】呢碗拉面将山口商店嘅特制猪骨汤+精心熬制嘅鱼介汤底合二为一🤤🐟鱼介汤底汇集咗香气四溢嘅鲭节、宗田节、润目鰯，再搭配昆布同干冬菇透过日式传统烹调手法将海洋嘅鲜味发挥到淋漓尽致~同醇厚嘅猪骨汤完美结合鲜甜加倍！！🍜面条煮得好弹牙每啖都挂满汤汁 叉烧软嫩入味仲有半只流心蛋🥚
继续阅读
已经系选择星期三才光顾，但未到12点已经门口出现人龙，我想言之这间店有几厉害。小小的一间店（目测可以坐20人左右），老板的拉面真是名不虚传。我点了一份北海道元贝拉面，汤底固然是龙猪骨汤但有一点元贝的青香味。虽然元贝size少少的，但那3块叉烧真的是很厉害！配菜如笋、紫菜及流心蛋都好好味。另外点了一份鲭鱼拉面，这个更厉害！猪骨汤里便真系有一份淡淡的鲭鱼味，但最画龙点睛的一定是那一条长长的鲭鱼。不知怎样形容那条鲭鱼：有淡淡的烟熏味道，好好味！
继续阅读
今日放假无聊我宝宝提议食拉面，话呢间面山口商店几好食咁未来试下啰！来到11:45都有几个人等紧（未开门）咁我四围行咗一阵，行咗5分钟左右返来开始有人排队之后我宝宝到咗后入去入面大约20个位左右，装修正常拉面店风格唔算特别入面系明档睇到厨师做啲咩，至于落单用QR扫描，我点咗一个猫饭和鲭节白汤拉面首先猫饭表面唔知系唔系木鱼花，入面有蛋黄、辣帆立贝碎、紫菜丝和大叶碎（唔知系未）饭唔系太多食一碗肯定唔饱至于拉面，最上面系鲭鱼节，但个人认为可有可无对个拉面无咩影响。叉烧少少肥（唔错）汤头算浓郁拉面系幼面。好食系好食嘅但如果下次专程来食（我住新界）仲要排队（多个5个人）就未必会帮衬宝宝嘅好似酱油白汤（无点留意分开落单）汤头味道比较淡（而且佢落好多胡椒粉）所以试得唔清楚味道：⭐️⭐️⭐️⭐️⭐️（味道ok）环境：⭐️⭐️⭐️（地方偏细，非战之罪）服务：⭐️⭐️⭐️（一般啰）价钱：⭐️⭐️⭐️（正常价钱，九龙位置都唔算贵）评语：用分数评分味道大约值85到90分，原因汤头未必全部咁有水准，而且只系帮衬一次有机会再试其他分数有机会上调，服务就唔好谂有咩服侍，生意忙肯定唔会有咩招呼。价钱比平均算系正常，最贵120＄平嘅88＄左右，比其他拉面店比应该贵少少或者差不多，但都接受到嘅！
继续阅读