影片
以上资料只供参考，请与餐厅确认详情
本人喜欢吃车仔面，但是星期日大部份车仔面都关门，今日特意前往此店试试。24 年9 月至今，经过也没有试。我选了牛腩咖喱鱿鱼猪皮油面（蕃茄汤底），牛腩粉质很腍，咖喱鱿鱼及猪皮都好好吃。但是蕃茄汤底一般的粉面舖例如九头鸟或者谭仔好味好多。这里的车仔面包了韭菜，芽菜及炸黄豆。份量也多。结帐$73我自己觉得都比较贵。但是筷子记很便宜，份量太少。如果前往其他区域，我觉得铜锣湾的靓靓车仔面最好吃。比较惹味。上环苏杭街面尊较为好吃。但是我见到有下午茶$35一款包嘢饮，真是便宜可以一试。
继续阅读
行过比热情嘅阿姐招呼左入去。但入到去发现都系一般车仔面嘅menu，冇咩新奇选择。唯一特别少少系有金汤汤底，同埋有鲷鱼片。咁就试吓。👌🏼金汤汤底：味道温和嘅清汤味汤底，唔系平时酸菜鱼金汤𠮶种味。只系系比清汤味浓郁一啲，唔酸唔辣。胜在有啲脆脆喺个汤底度，增加脆脆嘅口感。😋鲷鱼片：车仔面有鱼片选择，唔错！鱼片整得几嫩滑。😞清汤萝卜：切得好大件，但系又唔算甜。😞柱侯牛腩：正常味道。少少韧，唔算嫩。👌🏼红薯粉：比一般嘅红薯粉幼细，口感唔错。
继续阅读
位于中环嘅米线店 面圣今次叫左萝卜鱿鱼酸辣金汤米线 萝卜都好大旧 有3-4旧 但唔算好冧 鱿鱼就几好 唔会太un 个酸辣金汤都几特别 好似唔系好多米线舖会有个人觉得可以以再辣啲😝
继续阅读
之前一直系外卖app见到，但都未试过。放工经过就谂住试一试，毕竟本人都真系好钟意食米线。我同frd一人叫咗一碗🍜九五至尊 $88（贪心小狗唔想谂🤣，拣咗最多食材嘅配搭，呢碗足足有7.8样食材）而家谂返，令我印象最深刻嘅系大啡菇！大啡菇十分入味，应该煮咗好耐好冧；咖喱鱿鱼好爽口，猪颈肉好大块，仲要有两块。成碗好足料，唔系每样材料得一个，而系塞到爆满。我钟意食红薯粉，叫咗沙爹汤，味道浓郁好夹。最后食唔哂就打包咗半碗。除此之外，仲有叫鱼皮 $48鱼皮爽口偏辣，都可以一试。今日一试，价钱有啲贵（但其实性价比okay），店内装修楼底有啲低，冇咩人入黎食，感觉有啲可惜。
继续阅读
第一次知道有呢间车仔面系因为佢嘅外卖包装。记得有次见朋友买外卖，汤碗嘅盖好似汽水罐嘅易拉盖咁，好得意，所以就谂住揾日嚟试吓。呢度啲𩠌选择数量贵精不贵多，都够拣嘅，虽然佢都有啲特别嘅𩠌，例如墨鱼嘴、酱香凤爪、陈皮鱼蛋，但其实出面第二啲地方都有，所以又唔系话好特别。几特别嘅系佢放喺面面𠮶啲炸黄豆，脆卜卜好好食😋 至于面食方面，选择有啲少，得油面、米线同红薯粉三种。不过汤底就有六款， 总有款中。虽然味道唔错，但三𩠌车仔面要70几蚊，小贵。餐厅环境就同平时嘅粉面餐厅差唔多，空间偏窄，个个入去都要坐得密质质，不过lunch time系咁㗎啦 🤷🏻♀️
继续阅读