靚而廉粉麵家

十級差的茶餐廳！食物普通過普通！但服務態度十級惡劣！本人原是常客貪佢就近方便！之前有位似是老細的男人態度好好所以常幫襯！但現在此餐廳由2個女人打點！1個收銀1個四眼打點及1個扎馬尾大大件既女侍應！佢地成日暗地裏留位比熟客！由得其他客人在外等！餐廳明明大把位，硬要客人座埋一邊，反之，熟客就任座！本人曾與該女侍應理論反被佢大聲鬧客麻煩！四眼女人仲衰，買外賣仲要比佢呼喝好似麻煩到佢完全唔想做生意！講明轉頭先攞到反去攞嗰陣仲要黑面話客好咁耐攞！（來回只不過一陣間）真係一吐氣兼離譜！可笑餐廳曾貼上'態度不週請體諒'！咁樣既服務態度仲要毫無改善點會再幫襯！？再就腳都唔會黎！唔好以為得你一間屋村餐廳仲要食物十級普通！未黎過既食客千萬不要過來！因為此店並無任何食物吸引普通茶餐廳貨式！而且店舗態度包你'十級難忘兼食乜都冇味'，但仍公道講句，除了呢3個女人，其他待應跟前男店主都態度不錯！此店其實有好多常客已不見了（包括我），敗在這3個女人！…查看更多

星期六或日朝早靚記多數都排長龍, 早餐都算抵食價錢都合理, 此終茶餐廳內在環境都有啲逼既感覺, 同埋都係快食快走, 早餐餐牌都有好多種類配搭, 今次試咗4款早餐腸仔煎蛋配多士 - 多士既油好多, 唔似其他茶記咁咁慳皮, 而家多士又脆又軟熟沙嗲牛肉米 - 沙嗲醬加牛肉都好入味, 牛肉亦好淋, 米粉亦不錯, 湯底有少少咸火腿通粉 - 湯底味濃, 所以通粉入晒味, 不錯炸菜肉絲米 - 米粉爽口, 炸菜亦都好味五香肉丁米 - 五香肉丁好香, 味道亦不錯凍檸茶 - 茶底濃但檸檬新鮮, 味道還不錯…查看更多

今日落雨，隨便搵個餐廳食個 quick lunch. 見e間餐廳都幾 full, 就入去試下。坐低叫左個常餐，$37，有叉燒湯意粉，火腿奄列，牛油烘方飽，熱飲免費凍飲加$2。我先食左牛油烘面包，剛烘起，䁔䁔的，牛油溶了在面包上，很好吃！奄列個蛋煎得不錯，薄薄的包著了火腿，蛋煎得很香，不膿也不過火，還有少量蛋汁在蛋上，不錯！火腿分量也多，很滿足！叉燒湯意粉味道OK，叉燒也有五六件，味道正常。意粉份量也不少。餐飲叫了熱華田。食完覺得都幾飽，也覺得此餐廳食物美味，質素不錯，下次會再來試其他食物！…查看更多

劣劣劣劣劣！超難吃的《鼓椒涼瓜斑腩飯》和《紅燒豆腐飯》難吃得不開個帳號上來評一評的話，實在對不起自己！1. 涼瓜一陣生味，煮不熟！拿回家後要自己再煮，那我買外賣幹嘛？2. 涼瓜處理不當，澀味很重！3. 鼓椒超少，不知有沒有10粒！4. 放了很多西芹扮涼瓜！5. 《鼓椒涼瓜斑腩飯》和《紅燒豆腐飯》均有奇怪西芹味！6. 所謂紅燒豆腐，一點也不紅燒。只是普通豆腐煎一煎，完全沒紅燒皮！食到太扯火，忘了拍照。雖然牛頭角很多老人家，但不代表他們就滿足於劣食吧？很久沒吃過這麼難吃、沒水準的晚餐！差差差差差！劣劣劣劣劣！…查看更多

响香港可以食番地道茶餐廳已經越來越少，大多數都係俾D連鎖式餐廳佔據。但係响D舊區仲有D隱世的茶餐廳可以食到港式的炒粉麵飯。原來响安基苑舊式商場裡面，有個類似呢類型的茶餐廳。可以食到好多種唔係的碟頭飯和炒麵。入去到去，雖然唔夠D連鎖式餐廳有好靚的裝修，都係一般勝在夠地道坐低左就好快叫左一飯一麵試下個水準。見到廚房裡面的師父開行個爐頭煮野食的聲音，就知道D飯麵都係即叫即炒，應該仲要係好夠鑊氣個種。但等左一陣，好快就有得食。個福建炒飯個賣相都不錯，最重要係個飯同個汁都好夠熱，味道都不差。另外一個排骨炒麵先最另人留下印象。已經好少地方可以食到個炒麵係 "脆斗斗" ，呢個真係好難得，而且個排骨和汁係炒完先冧落去個麵上面，食落去夠熱同埋好夠鑊氣。同一般茶餐廳一樣，有例湯和一杯餐飲。但係合計都係40元有找，以今時今日的物值指數，能夠食到呢個水準的炒粉麵飯，都是一個不錯的選擇。…查看更多

經常行過安基苑商場這間茶餐廳, 好像開了很久, 但都沒有試過, 今天和兩個朋友經過, 差不多晚飯時間, 決定試試. 三人份量的例湯, 很夠火路, 而且很大碗, 每人分到三碗,. 西檸雞, 炸粉很薄, 即炸, 很香脆, 汁也不錯. 豆腐班腩煲, 雖是急凍貨色, 但都做得不錯, 起碼真的是 (班腩), 好過很多用魚柳充班腩的茶餐廳, 還收得很貴. 沙爹金菇肥牛煲, 比起其他, 這個明顯失色很多, 沙爹汁不夠香濃, 辣一些會更好.PS :凍/熱 奶茶要另加$6, 本來沒有叫, 但看見架上放了一些 LIPTON 黃罐茶葉 (500克那種), 心想這些街坊餐廳竟這麼重本?? 要知道這種茶葉比普通大罐LIPTON 黃罐茶葉至少貴四成, 即管試試, 果然很大分別, 非常濃滑, 熱飲走甜應該會更好, 不過天氣太熱, 不太想飲熱的東西, 下次一定要試試.總括來說, 以這個價錢, 食到這種質素, 是物超所值的, 起碼好過那些連鎖性快餐店, 價錢不停加, 份量卻愈來愈小, 還有, 幸好這不是領匯的商場, 否則我相信很快便關門大吉了.…查看更多

諗唔到去邊間荼餐廳食lunch 貪方便去左安基苑呢間點知就lai野1點幾 一入到去 見間餐廳冇咩人已經奇怪 正常lunch time應該多人跟住坐低想嗌牛腩河 點知冇牛腩 食粉麵既冇牛腩!!跟住嗌左個芙蓉蛋飯$27 跟餐$35 杯杏霜傑到死 完全飲唔落口 又係溝過麵粉 一黎到個芙蓉蛋飯冇叉燒!!? 等於火腿蛋飯 d蛋仲要冇蛋味 擺明溝過粉個隻 好有比人呃既感覺完全呃消費者既餐廳 以後都唔會再黎…查看更多

我是這裡的常客，由於在這區會送外賣的食店只得幾間，所以經常也會叫這裡的外賣吃。這裡的飯、粉麵我通通都吃過了，當中令我較滿意的，是這裡的焗豬扒版，這裡的豬扒很入味，而且炸得很香口，而飯是炒飯底的，不過真是麻麻！這裡的飯每個也會包一個中式例湯的，不過要是加飲品的話就要加$6了…查看更多