靚煲皇 (已搬遷) 新店位置

朋友仔想食豬骨煲，諗緊去骨煲皇定靚煲皇，有朋友試過骨煲皇話ok，但要等位，咪諗住去靚煲皇，見有位就上左去2樓。上到去人唔多，比左張用gas爐既，點知咁就出事，成晚我地等多過食，因為個火唔夠猛，三番四次叫人換gas同爐，點知其中一個女伙記勁唔理，我地叫佢換爐，又話唔關個爐事，換左支gas就算，開頭個火係ok架，但only 得5 mins 猛law，有次叫左佢當睇唔到，要行出去搵佢(佢當時係坐係度講電話)，跟住搵到第二個伙記，佢就肯幫我地換爐，但呢個時候我地都冇晒mood。仲有既係佢地d茶壺同煲蓋每次一用完就拎走，次次都要問佢地返，尤其係煲蓋，要走返去樓上定樓下返(因為佢地有幾層)。講返d野食，都係一般，所以真係唔會有下次，食到一肚火。

初初入到去無位, 要上樓上(商廈內), 個冷氣又唔多夠, 但算啦! 食物黎哂, 但個gas爐既火細到無人有. 叫佢換支gas, 轉頭又係咁, 最後攪攪下, 爐都換左2個!坐左兩粒幾鐘, 先食左十碟八碟! (6 人)茶水又係唔每檯一瓶, 每次飲完都要問佢, 鑊蓋又要次次問佢攞, 唔通全間店得一個蓋, 一瓶水??

尋晚同3個朋友仔去左大角咀打邊爐,由於上次隔離間骨煲皇收多我地錢,所以決家試下靚煲皇,最初望到只係得地下,但係度既員工話有樓上,咁我地就上左樓上喇,上到去係差唔多爆晒,因為我地未黎過呢間食,所以就叫d員工介紹下,佢介紹我地食靚煲皇,話有翠玉瓜,龍骨,大蜆等等,而我地又見到其他都有叫呢個煲,所以試下,佢地仲介紹左手切牛肉,都係$120,好重牛肉味,又新鮮,我第二間係未試過,我地仲叫左桶蠔,蟹子包心丸,娃娃菜,魷魚海參卷,仲有個星星雪魚豆腐,仲要真係星形,埋單都係$425,仲飲左3罐汽水,係算抵食,又唔加一,下次會再去

相約一班波友出黎睇波食飯係openrice search一輪決定黎靚煲王試下一行十二行坐左係二樓對住部投射安排都ok而且相比其他火鍋店這裡的地方都算寬敞叫左個火鍋湯底一個係招牌美濃骨湯煲招牌美濃骨湯煲真係名副其實料足湯甜相比下另外一個的鴛鴦煲就變得平平無奇了上菜的速度係呢度的一個好大的問題無論係火鍋配料定啤酒都要三催四請先到火鍋配料重離譜等左成半個鐘先一次過上哂係咪可以逐碟慢慢上唔使要我地白等半個鐘重要煲乾水服務員不足重要有個連開爐都唔識坐左成四個鐘食飽飲醉前後叫左22支啤酒每人155蚊埋完單找錢時先話佢地計少六十蚊我同佢講話成千八蚊我地又圍哂數個六十蚊當折扣啦佢地都好樂意接受個人就覺得唔係太滿意但班friend竟然話下次再約多d人上黎

今日同班friend去打邊爐好抵,因為8個人都唔使$700,打半生蠔,帶子,手切牛等等,最緊要個煲好多料,個個都捧住個肚走,我地7男1女都食唔晒d野,一句講晒抵! 同埋d野食ok

　　靚煲皇真係好好好食,, 又好食,, d 服務又好,, 仲要樓高三層添!地下就簡陋左d ,, 佢地既門面真係做得唔好,, 不過實力就滿分,, 仲有一樓同二樓好靚既,, 二樓仲好似落左bar 咁添,,!佢\ 地又有得打邊爐又有得小菜,, 又唔貴,, 打邊爐既,, $138 個美濃骨煲,, 仲貴既煲,, 不過睇去貴過其他45 蚊既煲咋.. 不過個個$138 ,, d 料都食到你飽,,d 員工呀,, 雖然有d 阿嬸.. 不過都有幾個好後生,, 十幾歲,, 仲幾靚女啵,,!! 不過就係衰門面工夫冇做到., 俾隔離間骨煲王爭生意,, 唉!! 真係幫靚煲唔抵呀!!我幫靚煲皇講咁多野,, 就知係我食完., 有咁既意見,, 大家,, 冇介紹錯架!!

見末試過,與男友專誠去試。男友成個大角咀啲食肆都試過咁滯,一於由他帶路。地點不難找,由旺角街市向大角咀方向行,見到天橋過咗就到。地點在街邊,也不致污糟,但要面子或著到靚一靚就不宜到此,因為坐街都幾唔方便。叫了個花甲煲,八隻大蜆、聖子、肥牛、墨魚滑、海參、西洋菜、粟米。花甲煲蜆都幾多,大大隻,湯底都算甜,有少少胡椒味,但配料不多。大蜆、聖子都好大隻下,但有沙。墨魚滑不錯,幾滑幾爽口,咬落有粒粒墨魚。其他餸一般貨色,肥牛不太新鮮,粟米乾水。服務都算ok,以街檔來說都幾有禮有系統。

老坑唔過引，為左令自已走得不帶一C遺憾，加時作賽過場老地方。可惜太夜，遇上同一個問題…沽清！仍然叫到一檯都係，雲吞粉腸生蠔魚標4寶丸C堪牛肉菇，加埋妹妹B酒。爽啊~~~~~仲有至愛蕃茄牛湯，火鍋係可以食到見到煲底的。

兩個人無無聊，都係趁未熱走去食火鍋。只係叫左脆鯇、泥、手切牛、花甲、鰤魽、生蠔、墨魚、蓮藕粟米蘿蔔同埋芝士腸同啤酒腸，與及一隻墨魚。泥有骨，搞到做左爸爸咁幫人起埋骨。比人考起芝士腸同啤酒腸的分別時…咪芝士有芝士…啤酒腸…送啤酒羅。食的野同對上幾次已經開始重覆，今次有咩唔同呢…就係個魚缸搬左入鋪。墨魚八爪魚等百零一隻，其他脆鯇、泥、花甲、鰤魽就$30-$45份，每碟4至6件。手切牛$90個細的，普通肥牛都係$30。兩個人食左五舊水，食完捧住個肚，又唔會話肚痛，我都係覺得幾底食…

真係對唔住，今次睇左食評後，覺得似乎好介紹喎，就決定一夥人去踩場試食啦，點知最後係我近期跌碎得最徹底眼鏡既一次!一到場上左二樓得小貓三四隻，已經心知不妙；坐底睇下底-又話有番茄坑腩既?係邊?是但整個普通湯底又似乎又唔抵又浪費喎!最後諗左好耐先決定要個小辣香菇大蜆。坦白講，只係少少普通對上既貨式。叫野食，又話係海鮮出名既?一隻『游水』墨魚普通size要收我$160! 過份d喎。仲有無其他?? 乜出名海鮮，即係--泥?石螺?無咧? 晚上七點幾咋! 要食美國蠔我洗唔洗特登黎先?只好求其叫d其他野食..... 食完只係一個感覺-普通食肆一間，毫不特別!我寧願行遠少少去附近力奇火鍋都仲可以多野選擇。食料新唔新鮮我真係唔知，因為無辦法叫到一樣野可以試佢既新鮮度。

好彩，帶子事件唔關元貝事。第二回合闖靚煲，飲飽食醉心情好。今集開泥、元貝、蟶子、墨魚等其他上次未食的。選用醉雞鍋底，又係煲底向天。醉雞真係掂，諗起又肚餓添。真係好正，要一吃再吃。

當豬骨煲仲濫過乜的時候，仲有人敢以煲為名？未死過啊？但當話說某日第一次去時，心諗：咪又係大角咀…點知一去到，嘩！唔係啊嘛？海洋世界啊？海鮮火鍋有魚游下游下唔奇。有蝦有蟹仲係正常的。有水魚墨魚魷魚赤貝花甲生蠔蟶子全部都仲郁的，唔係急凍貨…樣樣都係新鮮先羅命。蕃茄牛展湯底，食完之後連湯都清埋。火鍋只要用料新鮮已經掂左7成，新鮮又上乘直情贏晒啦。估唔到旺角都有咁乾淨的火鍋。