青鳥日本料理 (已結業)

有朋友介紹呢間野既食物，所以放工就一齊去試下啦唔知係唔係星期日既關係，7點幾去到無位，於是要比電話留坐，所以都等左好耐普通的一間以和風為主佈置既日式餐廳先試試燒牛舌 $58/碟估唔到簡單既一片片牛舌可以做到好高水準!好香，肉汁豐富，好易咬開，味道好，不錯炸蝦天婦羅、蕃薯天婦羅、茄子天婦羅　配　拉麵炸粉算薄，而且有味道，師傅做得很好蝦：選蝦不夠大隻，但炸得好，不會老，時間剛好，軟綿綿的蝦肉蕃薯：甜的!真係唔錯呀幾好味^^不過個人認為日本食物應該件件差不多size先叫有水準，但佢一d大一d細，略嫌不夠專業哦~!燒羊架見到個賣相覺得真係幾吸引架!之但係本人鍾意食有「蘇」味既羊，但佢係無「蘇」味，或者唔鍾意「蘇」味既人會好欣賞呢味菜吧至於咬感方面，我覺得唔係好似羊架，有少許燒豬肋骨既感覺，羊架來講佢太「稔」了拉麵呢個拉麵係OK啦!OK的湯底，OK的麵質!Sake，冷飲。很清的sake，酒味可以，入得口***總結：燒牛舌的確係好好味，店員招呼一般，環境可以，有機會或會再回味一下燒牛舌

從仔仔的ｉ瘋 發現很多飯照，一口氣寫完它！3個月前食的，突然口痕想食日本野，香港仔和亭當時未開，福緣又怕等位，記得徒步便能到達的鴨利洲大街有間日本野就試試吧。環境不錯，周圍都是帶點懷舊的日本裝飾，侍應們都是很街坊FEEL的姨姨。有數個dinner set 可以揀剛好仔仔想吃牛，就要個安格斯牛肋骨套餐吧。份量適中，原本打算做街坊生意，價錢應該不太貴吧？可是，質素和價格卻不成正比，以300幾蚊黎講，可以在香港仔的日本餐廳食好Ｄ又滿足Ｄ！

成日都經過呢間食肆, 今次一於試一試先~ 它位於「大街」，係成條街唯一既日本餐廳, 入內坐, 唔好覺得好舒服, 我只可以話朋友傾下偈都叫ok, 入面有數個套餐及散點, 不過唔知份量如何, 不過最衰比左個安格斯牛柳既poster吸引, 就點左呢個安格斯套餐....套餐包括: 鴨胸沙律頭盤..... 好搞笑呢到好多凍食會加蒜, 不過最好笑既係鴨胸下係1/4個未切既生菜!! 原塊食, 有d麻煩, 真係估佢唔到......主菜之一, 什錦刺身(七款), 無得揀, 佢比咩你就食咩, 但可以事先話唔知咩魚, 但係每款每人只有一件, 多都冇, 少得可憐, 成隻船得一半既地方有刺身, 佢切果件檸檬都大過件刺身, 但不能否認, 佢既質素係ok既!主菜2: 安格斯牛柳(七件), 但係個size仲細過d刺身... 你睇下張相既比例, 伴碟既沙律菜仲大過佢果七件野, 都係質素ok, 份量唔ok...天婦羅4件: 蝦2件, 蕃薯2件, 一般正常野最後有2碗豬骨湯拉麵, 不過係齋麵, 個湯底ok唔油但較淡, 唔大碗, 但如果無左呢碗野個餐未必夠飽~最後仲有甜品綠茶雪榚, 最後埋單 $288 + 1 =$317 f

今日在鴨利洲與友人到青鳥食了一頓美味的晚餐。兩人點了三款壽司(三文魚&甜蝦&珍貴帶子)、一碟鐵板炒雞肉烏冬和一碟鐵板霜降牛肋骨肉。三款壽司新鮮,而鐵板霜降牛肋骨肉直情係勁好味,肉質超腍,超入味,$88大約有9小塊左右，價錢雖然比較貴一點，但絕對值得一試再試，到最後再食埋一碟鐵板炒雞肉烏冬，份量適中，雞肉和烏冬兩者組合在味道上都好夾，另到我地叫埋單後還送上兩小粒雪糕糯米糍，才finished我們這一餐美味的日本晚餐．

叫左牛肉粒一人前牛肉過左火，幾乎同香口膠冇分別個煙鴨胸沙拉酸左d個湯咸左d有個三文魚刺身，同我另外叫左帶子壽司三文魚可以，不過都夠鮮帶子完全唔得，好似就快變咁得個白飯同抄菜可以

北上回來, 又要趕着到南區取車, 真係長途跋涉. 跳上車後, 係時候醫肚了, 想起之前看過開飯裏在鴨脷洲有間隱閉日本料理, 立刻用手機上網查店名及地址. 轉了個灣便到, 發現此店門前可停車添(咁夜應該唔會抄牌掛). 門口是用和式的木趟門, 好有feel! 走進店內, 彷如回到70年代東京的店鋪, 舊而不殘, 大和味極重! 全店都是用木的傢俱, 四周還貼了些日本妹啤酒海報, 及一些食物掛牌... 正! 餐牌上有很多套餐選擇, 可惜我一個人來, 未能試太多... 叫了個燒汁牛肉飯定食, 仲貪心叫多兩件三文魚壽司添! 壽司先來, 飯的size不太大, 可被整片三文魚包着, 三文魚鮮甜, 飯不散, 吃兩件真不夠喉! 定食還有前菜及麵豉湯, 不過不失... 輪到牛肉飯了, 我期望的牛肉是一塊以汁燒在碟上, 加一碗飯, 豈料是汁燒牛肉粒放在飯上成碟上. 牛肉粒質數尚算不俗, 有肉味. 燒汁都是日式風味, 對板的. 如能做到我所講的, 那賣相會更佳! 整體上呢度真係唔錯, 無需要很奢華嘅裝修, 已做到置身日本的感覺! 價錢亦算ok. 希望下次可來豪吃一番!

青鳥係鴨脷洲大街屹立左好多年,能夠係香港仔區撐得住咁耐, 一定唔會差,星期日晚同女朋友特登去試一下。七點正去到,入座率已經有七/八成,大部份都係一家大細既熟客。餐廳格局唔錯,簡單,光猛。睇睇餐牌,有$198二人餐,不過唔夠吸引,所以同女朋友決定散叫。係openrice睇到話羊架好正,所以唔洗諗就叫,另外我想食天婦羅,就點左雜錦天婦羅,最後叫多少少sushi。燒羊架($68)~~有五隻架,伴碟有生菜沙侓。勁好味,連平時唔鐘意羊肉既既小弟都食左兩隻。好味只因羊架一點都不so,咬開之後唔會好乾。點d 檸檬汁或者芥末醬,酸酸地就更好味。雜錦天婦羅($58)~~有蝦,蝦柳,帶子,青口,蕃薯,翠玉瓜,茄子,南瓜,有個麵豉湯俾人點。普通啦,太多炸漿。翠玉瓜好味,咬落去有水份。蝦就細細條,青口同帶子都好細粒。三文魚sushi($20/2pcs),幾好,瘦左少少同細件左d特大帶子sushi($14/1pc),味道唔錯,不過唔似特大,貴左d,無鮮甜味最尾還有朱古力雪糕附送,有朱古力粒粒。如果唔要雪糕,有雪米糍。

叫咗個$198二人餐 , 包括: 和風野菜沙律,什錦刺身, 加洲卷, 雞扒,鐵板野菜, 喬麥麵和甜品。甜品可選擇雪米糍或雪糕. 唔好期望好似D日本餐廰咁好食, 但份量比想像中多, 咁多嘢食, 都會再嚟.

四個人每人一百二十元, 食到個個飽肚既日式餐廳, 呢間真係做得到!同三位朋友聚餐, 本人第一次食呢間日式餐廳, 知就知佢開左好耐~廢話唔講, 入正題!雖然地點係鴨脷洲大街, 地點可能只係本區人知多, 但只係服務呢區都夠佢做個次晚上六點半去到, 等位等到七點三先有位, 唔緊要!!入到去, 真係好日式既裝修, 而且仲有缸魚睇(唔係食個d),地方雖然唔大, 都可以做30人生意既...可惜廁所真係幾遠...係後街的食物方面點既主力係日本壽司, 飯麵, 炸物, 準備好紙巾流口水我就開始!先叫左一個壽司拼伴, 都好新鮮之後大家就一人叫左一個飯食我就叫左鰻魚飯, 真係好抵, $48 出到出面點止朋友就叫左鰻魚炒飯, 咖哩豬扒飯 同 橋麥麵, 睇個樣都唔錯, 不過個炒飯就耐...成30分鐘先到之後叫左個雜錦天婦羅送酒, 炸得好香口, 而且唔係好覺油膩真係唔錯大家試過之後都應該會同本人一樣喜歡呢間餐廳

推介汁燒羊扒..捧青鳥場足六年有多..次次同家人有聚會都會外賣羊扒番屋企..其他熟食水平都好好..好抵食! 晚市二人美同媽咪捧住個肚走再要一提服務態度好好美中不足係地方太僻..

兩公婆想起食日本野又唔想去到銅鑼灣咁遠, 呢間係不二之選, 唔係因為就腳的關係, 而係食物有水準的. $80 的什錦刺身飯, 底食夾大件. $240 的刺身船也很不錯. 服務態度又親切, 一定繼續支持.

有晚去個friend屋企住係鴨利州,食晚飯,佢帶我去一間日本料理,叫青鳥. 入到去,坐位ok,冇乜特別. 先食魚生,嘩好新鮮,件件有番咁上下,正. 跟住叫個炸軟殼蟹和天婦羅, 相當有水準. 仲有個牛肉(吾記得名)都好好食.埋單仲好抵食.下次一定會再來,最衰就係遠左d.

由香港仔坐街渡過鴨脷洲，同事話感覺好似去咗伊豆，於是以後稱呼青鳥為伊豆。午餐定食有八款選擇：A) 什錦魚生飯+炸物($58)B) 什錦寿司+豚肉烏冬($50)C) 天婦羅+刺身($50)D) 鉄板牛肉厚燒($48)E) 燒鯖花魚+餃子($48)F) 海鮮炒飯+刺身($48)G) 豚肉什菜鍋($48)H) 刺身+雞扒/豬扒咖喱飯($48)另加一服務費。女孩子都喜愛食魚生飯，平日食兩啖就話飽嘅女孩子，今日可以成個魚生飯食晒。今日我點咗C set，好好食，寿司好新鮮，豚肉烏冬加入粟米及紫菜，絕無重味精。A-H set都已經試過，我推介D set。

雖然係港式日本料理,不過佢個燒羊扒幾好食,炒野菜等等,最過癮係去多幾次熟左後,哈哈!可以自己帶「紅酒」去,無收開瓶費,小費要多d就好自然啦!而且就係對面馬路個兩間超市買,幾鬼方便!一句講晒,響鴨俐洲及香港仔區,絕對大力推薦!大件夾抵食!(附註)不過最慘係已經執左個間【武玄亭】,班日本客話好鬼「正」喎!可惜我無去試過,好唔抵!

呢間野其實都晚市都幾多人食ga, 假期時晏d去都可能要等位。我覺得呢間野晚飯4人套餐最抵食，有8樣野，每樣二揀一都係四百幾蚊，而且d野5、6個人都夠食，最好味係銀鱈魚西京燒，d汁甜甜地，d魚肉一d都唔腥，非常嫩滑又唔會散，連我唔like食魚都勁食。仲有個軟殼蟹壽司都好好味，雖然成三十幾蚊，但勝在大大舊又多蟹肉，仲好味過元氣，而其他刺身例如北寄貝都好新鮮，如經開香港仔都可以一試ga~