青越亭 (瀝源廣場)

這裏的員工態度很好，食物也不錯本人今晚就食了泰妃雞飯和椰汁沙冰，雖然有+1服務費但是特飲有六折，而在早上我也在這裏食了沙茶牛肉麵和多士，沙茶牛肉麵和外面的茶餐廳分別不大但是多士口感很脆，而價錢也是十分便宜甚至比外面的茶餐廳也便宜。即使早上的人流很多但也不影響上餐的速度。泰妃雞飯的雞也有很多，還有一個比目魚飯也是很好食的和我會更加推薦這裏的芒果沙冰 芒果味十分之濃郁 價錢也是十分親民。會繼續支持這間舖頭 抵食…查看更多

今日諗住食個下午茶去捐血~~order咗個細香茅豬扒撈檬，諗住唔使等咁耐。自助落單，等咗大約十分鐘就有得食....唔係要求好高，但碗粉都叫做收人$51，豬扒有臘肉味已經搞笑，塊塊都1part係乾硬化，我諗除咗叮微波爐翻熱叮過咗之外，都冇咩烹調方法可以做到咁效果！…查看更多

環境一般 但坐得舒服 食物唔錯既 好大碗 岩哂大胃王 今次試個菜粒臘味炒飯 賣相唔錯 味道正常 鍋氣都夠粒粒飯都好分明 跟餐叫左杯凍奶茶 同手搖杯有得比 甜度適中 至於出餐都快既 呢個價錢已經算係有驚喜👍🏻👍🏻👍🏻👍🏻…查看更多

七月曾幫趁街坊小店「青越亭」，結帳後送上$30現金優惠券，下次惠顧$100或以上便可使用！我在限期前使，下午茶當晚飯，先來開胃小食炸蝦餅，$26有兩大塊而且又厚片的，彈牙有蝦味，不錯啵！咖喱鷄飯份量大，晚飯都吃得飽，味道是可以，飯也夠熱！越式牛肉湯河也是很足份量，鮮牛肉略肥了一點，生辣椒粒除了很能刺激食欲，放下湯裏，令湯底更冶味！結帳$120，減去$30現金優惠券，人均消費$45，抵食，唯一缺點是欠缺蔬菜。…查看更多

本來諗住食隔離嘅石磨腸粉但係冇曬位，唯有行入嚟呢間試試。嗌咗個香茅豬扒配檬粉同埋兩件春捲。望住個餐牌，我會諗越北嘅味道，結果黎到實在差太多。午市都全部係空位。超多位。香茅豬扒冇香茅味而且好實囉。仲渣過我呀媽煮嘅。 個春捲帶大超飽。整體食物出品都係比較粗劣嘅。 今餐收咗我七十二蚊。overpriced。…查看更多

今日去左沙田行街，行到肚餓就開始搵野食。呢間青越亭無記錯好似係新開，見到啲裝修都好似幾靚仔乾淨企理就入左去試試啦見到佢有個兩餸既晚市二人餐好似都幾抵食，同埋現場都好多人叫佢個明爐烏頭魚，真係有埋個爐一齊上，好似幾好所以都叫埋黎試吓。明爐烏頭魚兩個人食份量好夠，魚黎講我都鍾意食烏頭，貪佢肉多，佢用左泰式煮法，配左檸檬同埋好多香草，好惹味，仲要明爐熱辣辣，正呀！燒雞燒到個皮好脆，半隻雞黎講份量好夠，兩個人食一定飽，唔係雞仔，送飯一流個餐都係$138+凍飲$8=$146（免加一）好抵食…查看更多

八月雨節沙田就腳的餐厅青越亭，這裡環境可以坐得，座位與枱間不太窄，食物收費不高不過用料還要再好。較早前來過這裡吃炒雜錦金邊粉，味道還算OKEY。冬陰公海鮮湯檬粉，我就覺得得蝦欠缺了魷魚或青口，味道來講整體不算突出所以評分一般。巧克力曲奇特飲，味道來講幾掂，收費不高可以接受只收八十元，有要求的商場內的餐廳也好下次真是出九龍試試其他泰國菜了。…查看更多

星期日夜晚去到， 六點鐘成間餐廳得幾個人想叫撈檬話無撈檬，改叫海鮮焗飯又話無最後叫咗個三文魚焗飯，同行一人叫蛋包飯久等廿五分鐘，上碟兩款皆微暖索價每人九十有多，最後雙雙肚瀉昂貴不精的街坊雜食，望大家謹慎選擇…查看更多

沙田去得多每次都好自然就咁落左去新城市廣場地下既food court度搵野食係..當然食物質素緊係好D啦,$都貴D今次行行下,行到去瀝源嗰度見到呢間小店,又唔洗等位,於是就行入去睇下啦******************************其實開頭吸引我入去並唔係越式食物而係佢門口嗰張好彩色既poster---寫住"法式花樣吐司"本人中意西式野食真係入去諗住叫架啦點知入到去既感覺好茶餐廳而且其他食客既枱面都唔覺有人叫類似吐司既野食所以都係算啦搵反D大眾化D既黎試下就算******************************入到去真係有D肚餓,結果就叫左香茅豬扒飯同雪菜火鴨絲炆米出菜都還好,唔算太耐..2個字內首先送到既係香茅豬扒飯香茅味濃,扒邊有少少脆而豬扒亦都夠鬆化老人家都應該食得到最驚喜其實係蔥油少少咸,超好送飯認真講,唔計肉,淨係D蔥油,慳慳地咁食都夠我食大半碟白飯食到咁上下雪菜火鴨絲炆米送到嗯..一食落去...味麻麻地雪菜唔夠,火鴨絲較少唔知係咪一黎到就食左個飯先,之後先再食炆米感覺好大對比,有D失望而且仲要$49飯抵得多又好食不過佢勝在夠熱點都未到食唔落口既地步******************************冇記錯的話呢間好似唔洗加一上述叫嗰2碟都係送熱飲的小店黎講算係咁啦唔好太高要求水準不過不失啦(完)CheeseRose…查看更多

在附近屋苑有個坐得比較舒服的地方。依間餐廳都不錯價錢合理食品不錯。我同老公食夜晚叫了個脆皮雞。好味。如果叫外賣🥡佢哋有價錢超平二十五蚊到三十五蚊一或兩餸飯盒。早餐🥣kale 雜菜配煙三文魚沙律都好味😋⋯⋯…查看更多

話說 回老家同老媽話食lunch老媽曾提及過 這間好食我又未食過 就試吓佢本身諗住叫個泰式咖喱牛腩肋條飯同老媽share食佢話我大肚唔食得咖喱 要戒口吓。。想食炒金邊粉 但係我唔食海鮮最後就叫咗個 越式蕃茄焗豬扒飯之後阿媽再跟餐 加咗$18春卷心裡 炸嘢我又食得🙃🙂Ooopsss 碟焗豬一上枱 我即時冇心情食 我仲話好唔掂我老媽無出過聲😆😆蕃茄汁加水 開稀咗當汁？！個菜式應該叫越式蕃茄豬扒濕飯我孤陋寡聞 唔多食越南野真係唔知個越式焗飯 係咁水汪汪嗰汁好稀 唔係杰身Sorry 我都係buy 港式焗豬飯春卷 2條 裏面隻蝦 咬口帶點霉😅可讚嘅地方 就係用炒飯底 唔係齋白飯牛肋條 都有5-6件 成個飯份量係ok ge但質量就🙃🙂…查看更多

食物質素ok，早餐價錢合理，環境靜，真的不錯。環繞瀝源邨附近嘅餐廳，其實真係幾好。坐得又舒服。但唔明白點解唔太多人，可理唔太多人知道位置。呢幾日試過唔同款式早餐，都ok呀！下次會再試吓午餐、下午茶、晚餐。…查看更多

老公叫了柱候牛腩飯($36),但勁多牛根，腩肉少;好彩D根都夠火喉，少少口又入味。而我叫左芝士流心雞蛋煙肉吐司($42)，一上枱已很悅目，同一般茶記例牌早餐大不同，成個人即時開心哂。動刀想切開睇下點流心法，包未切到，心已流。D黄充足，黃流成河，，，淨食黃有點淡，但夾埋芝士及煙肉剛好(我不是濃味人)。…查看更多

明明午市時間應該人流都不少，想不到，下午茶時段接近尾聲，將近六時，內裏竟然鴉雀無聲，座位眾多而不見食客。反而在外邊買兩餸飯或是買餸回家加餸的客人更加多。看看餐牌，如果下午茶吃雞飯或是撈檬都要50多元，其實都不太便宜，於是我就在炸雞脾以及豬扒之間選擇。原來香茅豬扒脆脆豬仔，我都想不到原來就是豬扒包，旁邊的沙律，酸中帶點甜，開胃得來味道都不錯，除了芫荽之外，其他我都吃的。香茅豬扒醃得入味，煎脆了外皮，但又不覺得像炸物一般熱氣。豬仔包上面下面都烤到香脆，亦都搽咗牛油，味道夠香，但又不肥膩，還帶點蒜蓉香氣，底下還有些千島醬以及蕃茄，令到豬扒包顯得怡人。咖啡應該是麥當勞那種自稱是即磨的咖啡，味道還好，不會太淡，上邊還有點白色的小拉花，以下午茶質素來說，其實都相當不錯。平日午餐看到正價餐牌，無論海南雞飯、肉骨茶、定還是喇沙，都要60-70 ，這次不用$40已經可以食到下午茶，都算是不錯的選擇。…查看更多

餐廳寛趟可容納過百人，但餐廳內竟然沒有提供洗手間給客人使用，人有三急，從餐廳走去最近的洗手間，要步行200米到瀝源邨公厠或瀝源街市公廁，試問老人家或帶著小孩走200米大約4分鐘路程如廁，你仲考唔考慮再有下次光顧呢間餐廳呢？！…查看更多