青蛙仔香港地美食 (已結業)

第一幫襯，亦係最後一定幫襯🤦‍♂️，琴日同個仔響荃灣路過呢間小食店，見到佢哋有賣陳皮魚蛋，我自己本身好鍾意食陳皮魚蛋，所以就好想試，同店員講話要$30有24粒，但係見到個店員一潷起啲魚蛋，望到個樣都有啲奇怪，好似擺咗好多日咁，即刻問個店員呢啲就係陳皮魚蛋？個店員話係，我再問佢點解係咁嘅色咁嘅樣，完全又黑又奇怪，同張相爭好遠，本身都有食開陳皮魚蛋一定唔係咁嘅樣咁嘅色，再次詢問店員，佢哋話佢哋係用唔同嘅汁整，最後我唔要咁多，買咗$10，個仔急不及待咁食，我都試咗一粒，個味真係好奇怪，好似擺咗好耐咁。結果個仔返到屋企就即刻唔舒服又屙又嘔，全晚都好唔舒服。真係以後都唔會再幫襯👎👎👎

📍 青蛙仔香港地美食 (荃灣)荃灣楊屋道18號荃新天地2地下一門町市場內J16號舖青蛙仔係肥姐大仔和新胞Eva主理，唔使專登去旺角都食到咁地地道港式小食，例如：陳皮魚蛋、魚肉燒賣等👉 全家福💰$155😋😋😋😋.8/5即係樣樣都有啲，最鐘意彈牙嘅墨魚同埋生腸。同埋佢哋將啲豬雜處理得好，食落無異味，撈埋個醬汁更加好食。仲可以做餸。再加4隻鮑魚仔，食唔停💕💕💕回頭：yesyesyes！呢間真係店員又nice，幫我地入盒再分開醬汁，勁親民 💕💕

今日約咗老婆去荃灣拍拖😘因為荃灣搭車方便😘😘😘食嘢嘅地方都特別多行經荃新天地二期俾我地發現左觀塘個間好出名嘅滷水店荃灣開咗分店兩公婆嘅最愛當然唔放過🤤🤤🤤立即就揀咗$155嘅全家福收到我哋嘅全家福嗰陣滷水味真係好香全家福嘅份量都好多、紅腸、雞翼尖、豬耳仔、魷魚、鮑魚、豬心、豬脷、豬頸肉等味道非常不錯👍👍👍📍 青蛙仔香港地美食 (荃灣)荃灣楊屋道18號荃新天地2地下一門町市場內J16號舖

想食肥姐終於唔使喺旺角街頭排長龍啦，是關肥姐新抱創業開咗新品牌青蛙仔，進住咗荃新天地，可以喺商場入面嘆住冷氣排隊買。是晚口痕又嚟買滷味小食，八點嚟到幾乎咩都賣曬，咁就掃幾串鹵水同燒賣魚蛋啦。點咗份孖寶，要七粒燒賣加九粒陳皮魚蛋，要埋混醬汁加麻辣，燒賣煙韌魚蛋彈牙，醬汁鹹鹹辣辣先至正😋鹵水淨返唔多，要咗墨魚、生腸、紅腸、鮑魚仔、雞翼尖同豬頭肉，醬汁梗係全要啦，豉油、甜醬、芥末缺一不可🤤墨魚、生腸、鮑魚仔都好爽口，但各自嘅口感又唔同。紅腸同豬頭肉啖啖肉好正，雞翼尖都好好味，但係街邊要𦧲骨就麻煩啲🤣喺街邊食咗幾啖，就拎返屋企慢慢嘆啦。想多啲款揀，下次要早啲嚟先得😎

青蛙仔香港地美食 荃灣今日我去咗荃灣嘅青蛙仔，真係一個香港地道美食嘅好地方！喺OpenRice見到好多人推薦，就決定一試，果然冇失望。🥰墨魚，口感滑溜，咬落去有種鮮味，肉質緊實又唔會太硬，真係好正！細生腸就更加驚喜，外面薄薄嘅皮脆口，裡面肉質鮮嫩，咬下去有滿滿嘅肉香，口感非常豐富。豬膶，滷得剛好，口感軟滑，咬落去帶有一種淡淡嘅香味，真係好舒服☺️豬頭肉就係另一種享受，肉質鮮嫩，脂肪適中，味道濃郁，咬落去非常滿足！陳皮魚蛋，魚蛋口感彈牙，陳皮嘅香氣唔會過重，反而帶出咗魚蛋嘅鮮味，真係一絕！蔥油香燒賣，皮薄得嚟，內餡充滿肉汁，咬下去好Juicy，令人回味無窮。雞腎，第一次試，口感特別，有一種柔軟又富有彈性嘅感覺，味道亦相當吸引！整體嚟講，青蛙仔嘅滷味同小食每一樣都好有水準，口感同味道都令人印象深刻，絕對值得再返去試其他嘢！☺️

第一次嚟到一門町市場，就係為左呢間青蛙仔香港地美食🤤 由滷味名店肥姐新抱主理，今日有幸見到佢真人，傾左幾句計，相當健談同友善！雖然開喺商場，但價錢合理。包裝設計嚴密，竹籤有袋仔裝住。餐廳大方地提供獨立包裝嘅醬汁，甜醬、芥末同秘製汁各有一盒，種種細節位都感受到餐廳嘅用心🤤EVA店長推介王牌$35墨魚+細生腸+火雞腎，非常新鮮彈牙！完全唔會有任何難聞嘅內臟臊味！豬頸肉$15 雞翼尖$10 用料質素唔錯，尤其係豬頸肉肉質完全唔乾柴，蘸少量醬汁已經好好味。鮑掂Super $33鮑魚仔+9粒陳皮魚蛋揀咗混醬汁，有嚼勁既口感，整體相當滿意😋

好開心喺荃新天地遇上超正嘅小食！之前買過一串豬頸肉，食完之後念念不忘！所以特登買一盒返屋企同屋企人分享❤️❤️黃昏時間嚟到，細生腸、生腸花已經賣晒啦！唯有下次再嚟碰碰運氣！外賣一啲都唔馬虎，醬汁全部分開裝，乾淨整潔，仲有竹籤用膠盒裝住，乾淨俐落墨魚墨魚腳非常粗身，超吸引！無論係腳，定係身體，都係爽口👍🏼👍🏼👍🏼紅腸點都要叫返一串紅腸點綴一下，又幾好食喎，口感味道都唔錯，唔會太假我同家人一致認為最好食嘅，就係豬頸肉！豬頸肉切成粗身嘅方形，非常爽口，啖啖肉，大人細路都啱食！配埋芥辣，真係冇得輸！

超人氣滷味店，開咗係荃灣西個邊嘅荃新天地2，行入商場好快就搵到店舖 "青蛙仔香港地美食"，味道同旺角個間一樣，所以嚟試下先望住玻璃櫃花多眼亂，樣樣都想食。佢哋有唔同類型嘅滷味拼盤，而大部份都係 $10/串，真係超抵食。除咗鹵味串外，仲有燒賣魚蛋最後店長推薦咗呢款 [ $80 雜錦拼盤 ] 有墨魚肉質鮮嫩，口感爽滑、火雞腎口感爽脆、大生腸同細生腸，兩款都好味！大生腸香濃，咬落去勁爽脆；而細生腸口感滑順，兩者都好開胃，搭配芥末醬，更加正豬頭肉的皮脆肉嫩，肉質細膩、豬耳咬落去有嚼勁、豬潤口感滑膩，味道濃郁、紅腸味道偏甜，真係一口接一口，根本停唔到[ 孖寶 $20 有7粒燒賣+9粒陳皮魚蛋 ] 店舖自家製嘅大地魚香同蔥油口味嘅燒賣，皮薄餡多，魚香味十足，配甜醬或豉油就更好味；帶陳皮香味嘅陳皮魚蛋，口感彈牙

🌟 EVA店長推介：大皇牌 ~$40❇️小食的組合讓人驚喜，內含墨魚、大生腸和火雞，每一口都充滿了海鮮的鮮味和肉類的香氣。墨魚的彈性恰到好處，而大生腸的豐腴口感更是令人陶醉。火雞則為整道菜增添了一絲清香，搭配自家秘製的醬汁，口感層次豐富，讓人一再回味。✨鮑掂 ~$33包含一串鮑魚仔和9粒陳皮魚蛋。鮑魚仔的鮮嫩與陳皮魚蛋的獨特風味形成了完美的搭配。每一口咬下，不僅能感受到鮮美的海味，還有那股陳皮的香氣，讓人不禁驚呼這道小食的用心。🌟加$7配清涼爽一罐 ~無論是搭配美食還是單喝都非常合適。❇️青蛙仔香港地美食的每款小食都與店舖自家秘製的芥辣、麻辣醬和各種醬汁相得益彰，讓人品嚐時感受到獨特的美味！

旺角肥姐新抱👉🏻荃灣創業賣滷味😻😻講起旺角滷味，肥仔小食店無人不曉‼️早排佢新抱更加喺📍荃灣開咗間青蛙仔香港地美食✨希望可以將肥姐招牌滷味，帶去唔同區，俾多啲人試到😋😋店舖所賣嘅滷味會預先於自家食品工場處理再運送到店，用嘅配方同肥姐完全相同，所以食落味道幾乎係一模一樣👏🏻👏🏻而新店最特別之處係加入鮑魚仔，一口size方便食用，重點係醬汁夠入味🎉除咗招牌滷味，餐廳仲有唔少本地經典美食💁🏻‍♀️例如港人最愛嘅燒賣、魚蛋😚🔹燒賣係自家研發嘅大地魚同蔥油口味燒賣，軟熟得來魚香十足，點埋豉油同埋甜醬就更加滋味😆😆新抱仲好Nice咁請咗我哋食兩粒魚蛋，彈牙得嚟好有咬口🎊🔹JUMBO樣樣都想食，最後就叫咗呢一份樣樣有🤣🤣有我最愛嘅墨魚、大生腸，爽滑彈牙又入味👏🏻👏🏻厚切火雞腎爽脆又嚼勁👄仲有雞翼尖、紅腸、豬頭肉、豬耳、豬肚、豬潤、豬心、豬脷、豬頸肉等等，一大兜真係食得好過癮💓💓青蛙仔香港地美食✨📍荃灣楊屋道18號荃新天地2地下一門町市場內J16號舖

講到香港必食小食，滷味小食絕對唔可以唔講，今日去開荃灣見到荃新天地地下開咗呢間青蛙仔香港地美食係旺角肥姐小食店嘅媳婦店，無論食物、裝潢和風格都與肥姐相若，同旺角食過係完全一樣味道嘅店員姐姐非常熱情❤️每一樣都會介紹，當然必食佢哋嘅王牌墨魚，生腸，豉油芥辣甜醬購買一切就係肥姐招牌靈魂醬汁值得一讚嘅豬肉，居然好爽口好好吃滿滿骨膠原，值得一試！紅場都係用上火腿腸，絕對唔係澱粉腸有咬口豬肉味！居然呢一度可以見到鮑魚仔一串都係$23📍青蛙仔香港地美食荃灣荃新天地2期J16地舖 

荃新天地地下真係多咗好多好嘢食啊！今次路過見到呢間專賣滷味小食嘅小店，好耐冇食過，而且見佢價錢唔貴，一於試試！佢哋有唔同類型嘅拼盤，亦都可以按自己嘅喜好散叫！大部分都係$10/串，都好抵食食滷味小食點少得墨魚、生腸、火雞腎！墨魚有岩岩好唔會韌、生腸夠爽脆、火雞腎都好爽口，醬料又點少得甜醬同埋芥辣佢哋落嘅份量啱啱好，呢間滷味真係幾好食呀除咗一般嘅配料之外，呢度仲有鮑魚仔 ，都只係賣$23/串，一串有4粒，都唔算細隻㗎，估唔到鮑魚仔咁樣整味道又幾夾！除咗滷味小食之外，仲有魚蛋燒賣，$20/有7粒燒賣+9粒魚蛋，抵呀！

最近發現屋企附近有滷味小食店好吸引，上網一查原來係肥姐小食老闆個新抱開，喺商場入面可以嘆住冷氣食，環境乾淨舒適。我哋叫咗大生腸、細生腸、鮑魚仔、豬頭肉、雞腎、豬耳、豬心同墨魚，店員知道我哋唔係現場食，幫我哋拆竹簽入盒裝好，醬汁亦可以另上，非常貼心。大生腸肥厚夠粗身，滷得啱啱好唔會太韌，入口亦冇內臟嘅腥臭味，必須一讚。細生腸係我兒時至愛，口感爽脆，入口同樣冇異味，食材新鮮加上特製嘅醬汁，令人食完一啖又一啖。墨魚非常新鮮，入口口感彈牙，特別係墨魚腳，配搭甜醬同黃芥末，帶嚟微微嘅刺激感，非常開胃。

星期一攞咗大假，今日揸架車一朝早就陪另一半同小寶貝去咗荃灣寵物公園玩，呢幾年荃灣西變化得好大開咗好多大型商場，玩左成朝天氣勁熱先發覺今日係大暑!!! 玩到中午時間就返上車休息下，途經時知道荃新天地有得攜帶寵物，所以泊好架車後係商場行下消暑順便搵下嘢食，不過中午時間人流都比較多，最後都諗住買返屋企食算。行到去二期地下一門町俾我發現到間超有驚喜嘅食店，就係旺角同埋喺觀塘都好多人追捧嘅滷味店(青蛙仔香港地美食)，居然荃灣都有一間，我地諗都唔諗就決定買返去食。店舖開喺商場範圍，環境舒適地方寬敞，立食都係一個唔錯嘅選擇。見到佢嘅餐牌同觀塘廣場分店一模一樣，     凍櫃入面所有嘅滷味從賣相就知好新鮮處理得好好。同個職員傾開計原來係肥姐媳婦嘅第二間分店，所以荃灣人有福啦~ 最後我地傾談間都揀左共十幾串，埋單都係$150蚊有找性價比相當高。  等咗大約幾分鐘職員好快手處理好滷味，上晒枱準備開餐啦~~~ 哈，發現數量真係好多，最後只好打完卡後包返屋企慢慢嘆。職員好細心將所有滷味歸納晒膠盒入面，仲有一包冰可以保鮮一至兩個鐘，相信足夠頂到返屋企慢慢食。半個鐘後已經可以舒舒服服飲住啤酒開餐，袋內提供咗甜醬、

呢間係旺角好巴閉嘅滷味店「肥姐」嘅大新抱開嘅新店。老實講，次次經過旺角排隊條龍都勁長，我就唔排嘞，呢度人少少唔使排，又話同一味道，咁就可以試吓。大皇牌（$40）有三串滷味，墨魚、大生腸、火雞腎，配上醬汁、甜醬、芥末醬。先試火雞腎，有五件，軟身得嚟又幾彈牙；跟住試大生腸，同樣有五件，爽口，有好些微生腸獨有嘅腥味（可接受）；最後食墨魚，有六件，由一條頗粗嘅墨魚鬚切件，唔韌，彈牙，好𡁻口。真心講，三樣嘅底味（原味）就無乜，但醬汁味的確唔錯，味道好夾呢啲滷味，所以整體係幾好食嘅。