影片
食厌咗自己屋邨嘅茶餐厅，专登行去菁田揾下有咩好野食，见青田冰室外形光猛，好干净企理嘅感觉，所以入去试下，味道一般，唔系难食。焗洋葱猪扒饭猪扒的外观金黄，但香气并不特别浓郁，猪扒的外层虽然有些酥脆，但内部的肉质却没有想像中来得嫩滑，咬下去时感觉略为干柴，缺乏多汁的口感。葱油汁猪扒火腿蛋饭猪扒较干，口感不好，唯一要赞系好大碗葱油汁，送饭一流😂😂四季丼有鳗鱼粒，肥牛，煎蛋同埋菜，呢味味道可以，只系嫌鳗鱼份量太少。
继续阅读
我住田景，但因为楼下间茶记出品太差又唔抵食，啲员工成日发梦做野又无系统，所以都唔太想去呢两间食，但我好钟意食鸡脾薯条，自从NOVOLAND入伙之后同屋企人嚟行下时就试下呢间。我同屋企人嚟过几次，都系下午茶时段嚟，但我觉得佢地个下午茶餐系OK嘅今次嚟食咗鸡脾薯条至少只脾都大只啲，薯条都多啲，仲要系波浪薯条，鸡脾烤得刚刚好，仲有肉汁流出嚟，楼下个间次次去都系炸到干哂兼劲细只。我之前食过炒蛋咸牛肉潜艇，但唔记得影相真系出色过我楼下个间好多，只包系芝麻热狗包，烘过嘅，咸牛肉同炒蛋真系沟埋一齐炒过嘅，新鲜热辣。剩系个包会烘过呢样，我已经觉得好开心，无办法，楼下个间真系去亲都觉得点解要比钱食垃圾，佢哋个芝士炒蛋潜艇真系令我大开眼界。其他食物/时段我未试过，但就下午茶餐嘅出品我绝对觉得合格，对得起个价钱，唔会觉得自己比钱食下栏野咁，虽然过去都要搭巴士，但我宁愿比几蚊车钱食得开心啲，都好过行几步路但次次都食到发脾气啰。卫生就还可唔系太污糟，但唔知点解每次食都有乌蝇飞埋嚟🤔
继续阅读
喺屯门青田邨嘅青田冰室，搭乘兆康西铁站转K54巴士就直达，好方便。我同朋友一早就去咗试佢哋嘅醒晨早餐。朋友点咗雪菜肉丝米粉配炒蛋餐肉，再加一蚊转做厚多士。佢话雪菜肉丝米粉味道不错，份量足够，炒蛋滑溜溜嘅，但就话厚多士冻哂，仲只有半块，咁就有啲失望。我自己就试咗沙嗲牛肉公仔面，配火腿肠仔，另外加三蚊转咗丹麦多士。牛肉嘅质感太软，好似失去咗口感，可能系腌得太耐。不过火腿肠仔同丹麦多士都算系标准水平。至于饮品，我哋就点咗冻柠茶走甜同冻杏霜，味道都算普通，冇乜特别。员工嘅态度都几好，有礼貌又亲切，感觉舒服。青田冰室嘅食物质素同服务都算系中上，如果唔系啲多士冻咗，应该会更加好。
继续阅读
劲污糟，叫份乌冬食食吓咬唔烂，跟住扯一扯原来系条橡筋，呢间嘢本身已经贵，啲人嘅态度又差，几时执笠？另外啲阿姐又系有问题，叫佢嚟碗汤到我食完都未黎，热奶茶上次等咗半个钟⋯⋯
继续阅读
本身见在屋企楼下有茶餐厅，以为可以变为饭堂，得闲去下，开左2个月，环境一次比一次污糟。食左两次下午茶，有一次叫左个干炒肉片河，46蚊，d肉片完全系白烚放上去，连少少豉油味都无，完全无味，严格黎讲，仲有一d水味，份量亦都好少，莫讲话想要张纸巾，连一张普通的餐纸都没有，只有一包包纸巾卖，但餐具十分污糟，有一些还留有污渍。有另一次买外卖，外卖有额外收费，杯收1蚊，汤碗收1蚊，盒野又收1蚊，total 收3蚊，但又无写明。。。服务差，由其是收银员，完全唔想理你咁，佢系完全没有冰室/茶餐厅风味既一间冰室，每次离开都感到愤怒！以后都唔会再黎！
继续阅读