青椰

营业中

休息中

早排同姨姨去了啟德體育園附近覓食，估唔到啟德呢個新商場進駐了不少多國口味的餐廳，最後我哋跟咗姨姨去食「青椰」。餐廳以東南亞菜式為主，用上不少東南亞配料，食物濃郁惹味。而且餐廳裝修風格富有東南亞度假風，不論朋友聚餐或是家庭聚會都是一個不錯的選擇。 ⦁香茅烤豬頸肉 $78肉質嫩滑，香茅香氣滲入豬頸肉，搭配特製醬汁，味道濃郁而不油膩。 ⦁泰式青咖哩軟殼蟹 $128軟殼蟹炸得金黃酥脆，搭配微辣的青咖喱，味道濃郁之餘，亦食出咖喱味道層次分明，與鮮甜的蟹肉搭配，令整道菜更加開胃。⦁馬來炒貴刁 $98濃郁嘅香料同椰漿炒製而成，貴刁吸收醬汁味道，食起來又香又滑，忍不住食完一口又一口！ 

放咗工之後，偶然路過啟德，見到青椰，充滿東南亞特色嘅裝修第一時間吸引咗我。入面舖頭環境乾淨整潔，服務員態度好好，望住菜單繁多的菜式，就好期待揀咗幾款鋪頭推薦嘅「招牌菜」。我同個friend嗌咗新加坡海鮮摻摻麵，充滿泰國風情嘅辣肉碎煎蛋飯，仲叫咗一碟小食，斑斕牛油多士，叫咗兩杯色彩繽紛嘅嘢飲，分別係朱古力牛油果沙冰同埋斑斕芒芒特飲。摻摻麵入面有唔同嘅海鮮同埋配料，配料好多非常有誠意，喇沙味好香，麵非常彈牙。辣肉碎煎蛋飯香辣可口，非常開胃，辣得來又唔會好過分，令我一口接一口地食。特別推介斑蘭多士，層次豐富外面係被焗到香脆的斑蘭多士，塗上綿密的蜜糖，入口即溶嘅牛油，呢三種味道互相襯托， 十分惹味，甜而不膩。

今日又去啟德體育園行個圈，今次主要集中行零售館2號，這座館比較高有四層，見很多新食肆還在裝修，最後我們到了4樓的青椰食咗個星加坡下午茶。它的下午茶比其他同類餐廳有更大特色。仁當牛肉餅（$62）檳城蝦湯麵摻摻（$68）泰式醉貓炒手工卷粉（$82）以上三款下午茶餐都有冷熱飲品送。熱馬來奶茶熱桔仔話梅水菠蘿冰紅茶另外我們追加一份馬拉盞炒龍角豆（$56）。牛肉餅外皮香脆，內餡是濃郁的仁當拉絲肉醬，椰奶香氣與微辣完美融合，每一口都充滿東南亞風味，非常好味。 蝦麵湯底濃郁鮮甜，配料豐富，大蝦新鮮飽滿，還帶有濃郁蝦膏香味。「醉貓」指的是這道菜以泰式微辣醬料調味，風味濃郁。手工卷粉口感紮實滑嫩，極具特色。龍角豆脆嫩爽口，用鹹香的馬拉盞來炒，香氣十足。

我約好友去啟德體育園遊覽，順道去位於九龍城啟德承啟道38-39號啟德體育園啟德零售館2,4樓M2-403號舖的《青椰》用膳，環境舒適，東南亞風格裝潢，坐得舒服。我點左個 青椰海南雞飯 $68，小食係娘惹流心南瓜丸（4粒）$26，餐飲係 凍桔仔話梅水（跟餐）；好友點左個 泰式青咖哩雞飯 $62，餐飲係 熱南洋白咖啡（跟餐）；另外點左個 仁當牛肉烤餅 $62，餐飲係 菠蘿冰茶（跟餐）。青椰海南雞的雞肉嫩滑好味，油飯好食；泰式青咖哩雞飯的咖哩香濃，伴著泰式蕃茄，好特色好味；仁當牛肉烤餅好香脆，餡料牛肉味濃好食；娘惹流心南瓜丸香口好味；菠蘿冰茶有碎菠蘿，茶底清涼。

餐廳：青椰地點：九龍城啟德體育園菜式：越泰菜餐牌：下午茶套餐有18款主食，有粉有飯有多士等等，包飲品6選1，可以加錢升級飲品，或者追加小食。青椰海南雞飯 $68 另加一海南雞有十幾件，有雞脾，雞胸同雞翼，肉質好嫩滑，雞皮有彈性，點甜豉油最好食，另外仲有辣醬同薑蓉。配4片爽口青瓜。油飯好香，暖暖地上枱，都大大碗。跟有一碗蔥花蟲草花雞湯，好濃雞味，真係有蟲草花食。河內手切牛柳湯河 $72 另加一越式湯河配牛柳真係少見，牛柳真係生住上枱，自己用個熱湯整熟，都好嫩口，又唔肥，份量好足。河粉份量多，好滑溜，都可以選檬粉。個湯好清。加有芽菜，蔥花，洋蔥圈，芫荽同脆脆，可以加添清新同少少香脆口感。仲有一大件淋淋白蘿蔔。另上辣椒粒同青檸比你自己調味。香茅烤豬頸肉 加$42 另加一香茅烤豬頸肉一共八件，熱辣辣上枱，燒得外脆內嫩，口感同味道都唔錯，豬味夠濃。墊有少少生菜絲同酸白紅蘿蔔絲解膩。跟餐飲品都有幾款揀。菠蘿冰茶 跟餐菠蘿冰茶好少見，茶味中帶適量菠蘿汁味，唔錯唔錯，下底仲有好多香甜菠蘿果肉，面頭加上一片薄荷葉。芒果冰配芒果雪糕 跟餐加$8芒果冰配芒果雪糕大大杯，滑溜芒果冰加上一球芒果雪糕，味道唔假，

於星期六中午光顧，有午市套餐包飲品，也有粉面飯頗多選擇，也可用廿零蚊追加小食。 我點了古順化豬頸肉湯檬$76+ 檳城蝦湯麵摻摻🦐🦐🦐🦐🦐🦐🦐🦐$82 。豬頸肉湯檬湯底只是暖，湯唔夠熱影響口感； 另外蝦湯麵夠熱，蝦也新鮮無霉，唯2個湯底都唔夠濃， 表現中規中矩😐😐😐😐😐😐。反而附送的香茅橙茶🍊🍊🍊有原枝香茅，茶底濃不甜，一讚！ 菠蘿🍍🍍🍍冰茶不甜也不錯，2杯附送飲料意外成為主角！服務也好，待應有細心提醒有高一級的樓梯。總體來說，希望可改善湯底質素，或可下次試試飯類。

呢間東南亞菜餐廳位於啟德零售館2 四樓，同層只有一個快將開幕嘅playhouse同床褥店，所以人流較少，但嘢食同服務都唔錯，仲有唔少特色菜式，值得推介河內椰青慢燉扣肉 $118用椰青水慢煮豬腩肉，油膩感因為椰青水清甜而大減，食多幾件都唔膩，咁大個椰青入面扣肉份量十足，另外都有豆卜索晒汁好好味，椰青肉夠晒林輕易可以刮出嚟，送飯一流（白飯一碗$15）仁當牛肉烤餅 $78感覺有啲似墨西哥quesadillas，敲到香脆嘅外皮包住芝士同牛肉，芝士拉絲好邪惡，牛肉都幾香口烤豬肉檬（奧巴馬粉） $86我係見到英文名bun cha以前喺河內食過嘅一款面，唔多越南餐廳有，係將乾嘅粉浸落熱湯，呢個版本個湯係微辣，同我喺河內食嘅清甜款式唔同，豬肉略嫌少少乾身，不過整體都算幾清新

今晚去啟德零售館打保齡球，順道試下4樓嘅青椰！之前假日嚟到要等好耐位，今晚平日6點前就順利食到喇～餐廳裝修好有南洋風情，光猛舒適。喇沙摻摻係必點嘅，湯底椰香味濃唔太辣，海鮮新鮮豆卜又好食～蟹肉肉碎伴脆脆球係印度風味嘅菜式，個波波夠晒脆又硬淨，唔會食到天一半地一半，肉碎有啲辣好過癮。呢度嘅蔬菜食材選擇幾特別，我地叫咗魚露炒有機迷你黃瓜，連埋柄同花每個部分都有唔同口感，味道好香份量多食極都有🤣🤣班蘭咖央多士夠晒鬆脆，咖央醬同牛油比例適中，比起其他連鎖店出品水準更高～

不太餓的晚飯時間兩人點了雞絲扎肉湯河粉$78古法巴生肉骨茶$88扎肉河粉扎肉有咬口,味道可以河粉份量一般細食才勉強夠。肉骨茶好失望非常清淡,沒有藥材味排骨尚算淋身油炸鬼不好吃肉骨茶不夠熱,來到一會火已熄滅

要等唔緊要但唔係咁處理囉我哋around 18:30嗌嘢食，等咗差唔多半個鐘後，個著西裝既男性staff先行過黎話其中一樣我地嗌既野（泰式醉貓炒手工卷粉）無貨。重點係！！落單後！！差不多半個鐘！！先同我地講？？哇大佬，落單個時你又唔講話無貨？白等左差唔多半個鐘先叫我地轉過第二樣，咩週末食飯心情都無曬。仲要另一樣一早嗌左既牛肋排都係等左差不多30分鐘先上菜，真心餓到燥底。。。加上食物質素平庸，不建議不推薦

下午茶又食左，再行埋其他館，再行埋雙子匯，消化哂可以食晚飯啦😂我地一家四口就去左試下呢間新既越南菜，因為都成8點半啦，所以都直入唔洗等位。😋泰式生蝦啲蝦夠哂大隻，都算新鮮😚點埋泰式海鮮醬加片蒜頭🧄一齊食😝辣辣地都幾刺激👍🏻😋馬拉盞通菜呢個餸就用砂煲上，好夠鑊氣😚😋香茅烤豬頸肉豬頸肉個面整到少少脆，而最驚喜既係個醬，少少辣同塊豬頸肉好match🤗😋香芒大蝦米紙卷米紙卷既餡料有芒果🥭青瓜🥒紅蘿蔔🥕蝦🍤再配埋個甜甜酸酸既芒果醬👍🏻😋河內手切牛柳牛肉丸河粉個湯底好濃郁，河粉夠滑，牛柳嫩滑夠牛味，牛丸都好彈牙👍🏻加埋辣椒🌶️同青檸🍋‍🟩正👍🏻😋馬來炒貴刁（走辣）上到枱原來係摻摻，有河粉同麵條，所以口感好豐富。呢個炒貴刁都有好多料，有魷魚🦑有青瓜🥒有臘腸，有蝦🍤又有韮芽🤗舔舔脷指數👉🏻7😋/10😋滿分 值得一試😋

生蝦新鮮、河內手切牛湯河好滑多料、青口勁香蒜蓉、芒果雪糕沙冰 好飲👍🏻古順化湯檸湯底望落好似好辣但其實唔辣，娘惹牛肋條偏貴仁普通，仁當牛肉餅普通中上。下次會再黎食，下次會試吓海南雞、肉骨茶

黎到啟德零售館，本來諗住去3期個邊食，不過行到有啲餓，見到2期呢間餐廳睇落好似吾錯就諗住試下本身裝修係幾好，我同屋企人都發現坐耐咗有啲吾舒服，因為頭頂啲風有啲勁，原來係因為佢地裝咗傳統個啲天花風扇，其實當裝飾咁放係度吾開會比較好野食方面，炒飯係幾好食，但係炒貴刁就真係偏咸，佢係用美極黎炒，個人覺得麻麻地。另外，春卷都好食，不過份量就偏少，呢間餐廳下午茶黎講性價比偏低，價錢仲要加一，所以呢間都未必會再encore

今日一家人去到青椰食下午茶，服務非常唔錯，侍應生哥哥同姐姐都好快手，問佢哋攞碗仔，立即攞俾你。食物亦都幾好食。價錢亦合理。大家可以一試。叫咗一碟海南雞飯，雞好滑又飯又香，碗湯飲到濃郁雞味，不是一般清湯豬頸肉有一啲乾，但係都燒得幾香。小食拼盤都幾多元化，最好食係鹹蛋黃魚皮。星加坡喇沙，有少許辣，椰香突出。仲有一個斑斕咖央多士，唔記得咗影相，味道好香，多時亦充滿班蘭味，如果可以再烘脆多一些，口感更正。整體非常唔錯，只是枱與枱之間有啲迫。

之前有見啟德體育園區新開張，特意來參觀光顧下。有好多餐廳都未開，輾轉就選擇咗呢一間越南餐廳。星期六夜晚都要等位，可能唔少香港人都比較好奇，想去參觀新事物。等咗接近半個鐘，終於可以入座。環境比一般茶餐廳好，但係都唔好要求太多，服務算係中上水平。至於食物方面選擇非常多，令人眼花撩亂。最後我同另一半就叫咗四樣嘢，包括香芒大蝦米子卷、泰式生蝦、街頭雞肉串燒、同埋香葉蟹肉辣肉碎伴脆脆球。食物嘅賣相可以參考我附送嘅圖片，味道嚟講全部都好好食，最有特色同我最推薦嘅係個脆脆球，味道相當特別，而且其他越南餐廳我都冇乜見過呢度菜，值得一試。埋單都係大約三百幾蚊，非常物有所值。