青椰

营业中

休息中

菠蘿海鮮焗飯，難食到爆炸從來未食過啲咁難食嘅嘢，份量極少，啲飯係冇炒過，一啲都唔熱，還等咗成大半個鐘先有得食態度勁差，員工嗌咗幾次都冇人應冇下次🙅‍♀️🙅‍♀️🙅‍♀️完😩

今日黎到啟德行街，呢道地方好大，環境都唔錯，行到累就搵間餐廳食下野，呢間餐廳服務員好熱情既招待，好快就坐底左。店面都算大，坐得好舒服。首先點左個小食，斑斕咖也多士，呢道既好特別，連多士都係用咖也醬黎整，所以多士係綠綠地色既。非常入味，中間個層牛油非常滑溜，外非常香脆。第二款小食係仁當牛肉烤餅，呢個中間厚厚既牛肉醬都幾好味，外脆內軟，都係唔錯既選擇。有啲似印度烤餅個種。都可以試下。主食方面就選左香葉辣肉碎煎蛋飯，辣肉唔算好辣，容易入口，炒到較乾身，粒粒非常有口感，鹹鹹哋配白飯食一流，重有太陽蛋個黃用黎撈飯，非常正。另一個主食係星洲香辣炒飯，呢個炒得都好乾身，粒粒金香既米非常之有口感，微辣都可以接受到，味道都唔錯，值得一試。總括來說呢道啲美食都唔係，服務員非常有禮，時刻知道我哋既需要。並馬上滿足我地既需要。非常感恩🥹。

啟德而家咁hit，今晚放工過嚟行下街食下嘢。係零售館2呢間「青椰」係一家充滿東南亞風情嘅餐廳，環境以木質裝潢同綠植點綴，幾舒服。🌟娘惹炸鮮奶炸至金黃酥脆，外層香脆內層柔滑，正。🌟蕃茄牛油果法包融合咗清新嘅牛油果與酸甜嘅蕃茄，搭配法包的酥脆口感，好味。🌟會安菠蘿焗飯平時食嘅係菠蘿炒飯，今次呢個係菠蘿焗飯，幾特別。選用新鮮甜菠蘿作為容器，唔錯呀。🌟芒果糯米飯金黃色嘅芒果片搭配Q彈糯米，淋上椰奶，甜而不膩，好啱我口味。

那盤泰式醉貓\炒手工卷粉 🍝！晶瑩剔透的手工卷粉 ，加上肉碎和豆芽，再配上一瓣青檸🍋，酸酸辣辣，非常清爽可口！😋 手工卷粉 Q彈有嚼勁，每一口都充滿了東南亞風味！🌴再來看看那碗越南牛肉粉🍜！紅色的湯底看起來酸辣開胃🌶️，牛肉片🥩份量十足，還有那彈牙的肉丸🍡和香腸，配上翠綠的香菜🌿和蔥花，令人食指大動！🤤 嗦一口粉，再喝一口湯，簡直是味蕾的享受！💯最後是那鍋娘惹椰子雞湯🥥🐔！清爽的湯底散發著濃郁的椰子香氣，雞肉鮮嫩多汁，加上椰奶的甜味，溫暖又滋補！😌 在微涼的夜晚，來一碗熱騰騰的椰子雞湯，簡直是太幸福了！💖餐廳的裝潢也很有特色，木質的桌椅和綠色的植物🪴，營造出一種舒適又自然的氛圍，讓人感覺非常放鬆自在。😌總而言之，這家餐廳的菜品豐富多樣，味道正宗，環境舒適，絕對值得一試！👍 推薦給所有喜歡東南亞美食的foodie！💖#青椰

啟德體育園零售館呢間東南亞餐廳集泰國菜、越南菜和馬來西亞茶於一身，可以一次過試到多款東南亞風味，好滿足😍餐廳新裝修，環境乾淨企理，座位好闊落。🌟新加坡海鮮喇沙摻摻喇沙湯底以椰奶和香料熬製，味道濃郁香滑，仲帶有微微的辛辣感，非常開胃🤤蝦和蜆的鮮甜與湯底完美結合，提升了整體的鮮味。魚旦彈牙有嚼勁，雞蛋和豆卜吸收了湯汁的精華。油麵和米粉的配搭夠晒正宗！🌟檳城蝦湯麵摻摻 蝦麵同樣有蝦、豆卜、雞蛋，但就加入左薄切豬肉片，味道幾似檳城食到嘅蝦麵。湯底就加左參巴醬同辣椒醬，所以望起黎呈橙紅色。整體味道都幾豐富。🌟芒果糯米飯糯米飯好軟糯，加上椰汁後更順滑，配埋鮮甜嘅芒果真係絕配🤤🌟馬來拉茶 奶茶味道濃郁香甜，香醇嘅紅茶加入煉奶令口感更順滑🌟桔仔話梅水桔仔嘅清甜酸香加上話梅嘅鹹甜滋味，可以解喝同減低油膩感😬

今日去了啟德行街，食下午茶我們點了啟德零售館2 "青椰"點了香芒大蝦米紙卷$52好香芒果味新鮮蔬菜，包住大蝦清新又鮮甜。配芒果汁更香濃的芒果味。仁當牛肉烤餅$62脆脆的外皮夾住牛肉內面的芝士好好味！如果加辣醬會更好味！青椰海南雞飯$68雞好滑，油飯好香雞油味！仁當牛肉配雞油香飯$72牛肉肉質淋滑，入味又香濃！雞油飯超香！芒果冰配芒果雪糕+$8芒果冰好好味！加上芒果好好味！美綠哥斯拉+$8美綠加上朱古力球脆脆！熱桔仔話梅水酸酸甜甜好好味！

菠蘿焗飯沒有花生沒有肉鬆。飯，完全冇炒過。焗飯，熱都唔熱吓！菠蘿好細個，冇乜飯。敗北！呢個價錢完全唔值，唔會食第二次。我食過最難食嘅泰菜！咖央多士都係凍….完全唔好食！

係啟德站開咗幾個零售館 平日去到都幾清靜 餐廳都坐唔滿 我哋兩個人坐咗卡位 位置係幾闊落 食物嘅選擇都好多 出餐速度仲快過快餐 食物嘅質素真係絕對冇下次👎真係一次好差嘅體驗會安菠蘿海鮮焗飯 ($118）啲海鮮完全冇味 啲飯好淡似係冇炒過 撈埋幾粒菠蘿同提子乾咁就上 古法巴肉骨茶 ($88）肉骨茶算係好啲 正常味 冇咩火喉咁 飲唔到回甘味 啲排骨有部份都好柴 豆卜唔入味 華欣豬肉生菜包 ($86)生菜包份量適中 肉碎比較瘦 食落有啲韌 冇香料風味

「青椰」位於九龍城啟德體育園二期四樓，裝修簡潔，而且地方都寬敞坐得都不錯！下午茶餐價錢都幾抵食，選擇亦不少，和可以追加小食！香芒大蝦米紙卷…..米卷既蔬菜材料好新鮮，芒果亦香甜，蝦肉也爽口！味道不錯！泰式醉貓炒手工卷粉…..個手工卷粉口感煙煙韌韌，而且炒得幾惹味不錯！星洲香辣炒飯……炒得幾惹味⋯⋯炒飯嘅餡料亦唔少！追加小食豬頸肉夠爽口！春卷亦脆口！菠蘿冰茶幾有驚喜，菠蘿好香甜，但個茶底唔會太甜👍

同朋友來到啟德潮聖，附近找到這家主打東南亞美食餐廳，環境乾淨坐得舒服。青椰海南雞飯：海南雞嫩滑可口，啖啖肉；3款醬汁配搭，有薑蓉、辣椒醬、黑醬油。香芒大蝦米卷：米紙卷透薄，入面包住不同餡料，口感豐富。新加坡海鮮喇沙摻摻：湯底鮮甜足料，蝦肉爽彈，蜆肉飽滿，配料有豆角、芽菜、豆卜……青椰越式炸春卷：外脆內軟，食落帶點香菇香味。斑斕咖也多士：邪惡又好正既斑斕咖也多士，連埋中間舊牛油一齊，入口即溶既口感真係好正。菠蘿冰茶：菠蘿𣲙茶夠晒𣲙涷，解渴一流。美祿哥斯拉：美祿波波增加口感，香濃順滑。

聽聞零售館開左間好抵食既泰越菜餐廳，今日約埋朋友黎食返餐先。卡位好寬敞，空間感足夠。青椰小食拼盤：有雞肉串、燒大蝦、越式春卷、鹹蛋黃魚皮。雞肉串外脆內軟；燒大蝦咬落爽彈；鹹蛋黃魚皮酥脆香口。青椰海南雞飯：油飯好香，海南雞啖啖肉，雞肉軟嫩。清沅蒸粉包：粉皮好薄，煙煙韌韌，入面餡料入味。香茅烤豬頸肉：豬頸肉外層烤到金黃色，咬落脆口。酸辣無骨鳳爪：酸酸甜甜帶點微辣，開胃醒神。凍桔仔話梅水：清甜可口，飲落好fresh 。芒果冰配芒果雪糕：芒果冰加芒果雪糕，雙重芒果享受。

啟德體育園全個區域都好靚好chill 算有個新景點行下 幾個商場都叫幾多野食 唔少都係其他地方冇見過嘅新品牌 所以都幾有新鮮感 今次黎到嘅青椰特別在有齊泰式越式新加坡菜式 可以食勻曬東南亞風味 而且價錢合理 平日夜晚都滿座😗咖也班蘭多士($28)首推呢個咁抵食嘅多士 四舊 多士脆 班蘭甜 係個好值得食嘅小食🙃泰式醉貓炒手工卷粉($98)醉貓本身預期多啲酒味 但比較似乾炒牛河 卷粉口感幾特別 份量幾大 兩份食都好飽😗娘惹椰子雞湯($88)有香茅一齊煮 似泰式椰奶雞同港式椰子雞嘅混合版 都有唔少雞食 濕下口又可以補充蛋白質 仲有火煲住保溫 抵飲😝新加坡海鮮喇沙摻摻($86)晚市黎講算幾抵食 海鮮都有蜆同蝦 微辣 份量又係幾大 湯底都惹味 合格😎

最近我去咗啟德體育園走走，玩到攰就去咗呢間餐廳-青椰。呢間餐廳嘅環境真係令人驚喜，座位寬敞，仲有唔少卡位，適合朋友聚餐或者家庭聚會。而且餐廳嘅佈置舒服整潔，讓人一進去就感受到輕鬆舒適的氛圍。✨鹽焗原條野生鱸魚我點咗鹽焗原條野生鱸魚。員工會幫手開埋條魚，魚肉鮮嫩，鹽焗的方式令魚肉的鮮味更加突出，外皮脆口，內裡卻保持著多汁。搭配少許青檸汁，口感更上一層樓✨泰式五彩手打蝦餅蝦肉鮮甜，外脆內嫩，口感非常好。餐廳仲特別用五彩的配料，令整體菜色不單止好味，仲好靚添！✨香茅烤豬頸肉這道菜係我今日最有驚喜的！烤得恰到好處，肉質柔嫩，帶有淡淡的香茅味，配上醬汁，辣辣地十分開胃。✨椰青最我點咗椰青作為飲品，清爽又消暑。

啟德區越嚟越多嘢食，零售館開咗間馬來西亞餐廳。裝修以淺綠色為主，加上好多木製嘅裝飾，成個人都感覺到好寧靜。座位寬敞、食物質素都好好👍我哋叫咗以下菜式：❤️咖也班蘭多士多士外脆內軟，搭配香甜嘅班蘭醬，味道濃郁。❤️軟殼蟹米紙卷用新鮮嘅軟殼蟹，包入米紙中，淋上特製醬汁，口感清新又有海味，令人一試成主顧。❤️烤豬肉檬（奧巴馬粉）用美味嘅烤豬肉配上細滑嘅米粉，香味四溢，滋味無窮。❤️河内手切牛柳牛丸湯河牛肉丸彈牙，配上香草，口感豐富。湯河（河粉）用上熱騰騰嘅清湯，配合滑嫩嘅河粉，簡單而美味

今日去左啟德站搵食，而家發展得好靚，地方又大又多人流，真係要好好行下，行到累比我地發現左呢間餐廳，地方都好大，就入去試下。首先點左個小食咖也班蘭多士，呢個賣相都十分吸引，每次食東南亞餐廳都一定會點既，呢道都唔會令我失望。有一層厚厚既牛油配咖也醬，外脆內軟，而且呢道既更加特別，連塊方包都係有咖也醬整既，特別好味😋。主食方面就點左泰國青咖哩軟殼蟹，再加$15蚊配白飯，呢道既青咖哩真係有辣味，識食辣既朋友仔一定要試下，咖哩汁配白飯非常滿足。滿滿既幸福感。第二款主食係馬來炒貴叼，呢款都係有辣粉可以配埋食，但係呢道既辣真係真材實料有辣感，識食辣既朋友仔一定喜愛。