青森二丁目 (已搬遷) 新店位置

食過數次了! 但原來一路都冇打回食評我想長期留著住客係因為拖尾壽司, 三文魚抵...連鰻魚都...成條上勁!牛油炒金菇都係我每次指定叫的食物.... 每次都好飽咁走不過呢度坐得唔舒服!

屋企人同我慶祝生日，一行六人晚上七點左右來到，等左二十分鐘先有位，叫左刺身(有十款魚生)($108)，魚生片片都好大塊好新鮮，叫左佢地單張推介六吋長既三文魚壽司($18)，一上枱真係有六吋長，好扺食，另外仲叫左其他款式壽司(玉子、大虎蝦、芝麻八爪魚、火龍卷）都唔錯，青森壽司盤($88)開頭以為係雜錦壽司，原來係雜錦魚生飯，魚生種類都有七八款，份量都夠三個人食，不過拉麵我自己試過覺得一般，反而飯類唔錯，沙律小食都好大碗，相比其他連所式壽司舖，以呢個價係好扺食，會再幫襯，唯一唔好係無得訂位，同埋一食完d待應好似趕住做下一枱生意，好快收晒你d碗碟，繁忙時間多人等位座耐d都可以，另外冷氣都唔多夠涼。

今日跟朋友一起來起飯. 剛來到夜晚七時正. 店門前已經有幾個人等位. 店內都座無虛席. 幸好,兩人座位不用等. 坐在餐廳小巷盡頭。近廚房的關係，油煙大了點。環境都有點噪雜，加上坐滿了客人。跟朋友談天，都要大聲點。落單速度，跟送食物的效率都很高。不用待很久，已經可以逐一品嚐美食。食物送到跟前，還是熱哄哄的。侍應的態度都屬一般。可能店內燈光比較暗了點。沒有太多人注意到，桌上雖然抹過，但留下一層油膩。雙手還是小心奕奕，不要碰到桌子。豉油碟跟食物碟端過來的時候，還是留有水漬。細微的地方都注意改善就更好。我跟朋友點了四道菜. 幸好是四道菜, 兩個女孩子吃不了什麼已經飽了。牛肉金菇卷-- 標準味道，一碟有八小件。三文魚壽司-- 壽司飯一小件，三文魚卻肥大肉厚，份量十足，絕對超值。芝士焗蠔飯-- 焗飯足兩人份量，芝士飽肚感十足。火龍卷-- 個人比較推薦這道菜。一碟八件，上面鋪滿蝦子，賣相不俗，味道也不錯！整體來說，兩個人吃了四道菜，合共一百五十。最喜歡火龍卷跟三文魚壽司。色香味俱全，值得一試再試。焗飯就一般。而價錢，跟地點來說，都很滿意青森二丁目的表現。有機會，下次都會跟朋友再來試試。

適逄聖誕假期前夕，買完禮物想吃好一點，記起這裡開了新的料理店，地址也易去，6:45pm 左右還有位，點了三文魚壽司($18二件)- 果然如食評所説，三文魚肥美並很長。三文魚海膽卷($36) - 有4件, 交足料，夠新鮮。燒牛脷串($22) - 有二串, 太乾及太多鹽。雜錦魚生飯($58) - 魚生有四至五款而且還很厚身，還有海膽，飯量足。黃金軟殼蟹粥($52) - 由於天氣涼，吃太多冷食物始終冇咁温暖，吃了這煱熱粥真是暖在心頭，估唔到日本食店吃粥也有驚喜，熱辣辣的粥二人可分二大碗，還有二隻軟殼蟹，連骨也可吃埋，還有蟹子酒上粥面，既美味又不腥，奇怪的是吃到尾的粥也不會變成水汪汪，究竟粥底怎樣煲成，比起一般粥店一點也不遜色。值得在冬天推介。吃到七時五十分二人已經很飽足，原來已經無位。最後的驚喜是不需加!!

今日已經係第四次黎呢度食野, 講真第一次入去真係抱住一試O既心態, 叫左客三文魚, 甘蝦壽司, 海鮮炒烏冬AND金菇牛肉卷.............一黎見到碟三文魚個frd已經O 哂咀, 超肥味and超厚!! 甘蝦我冇食, 海鮮炒烏冬又足料, 青口帶子鮮蝦樣樣齊, 果日lunch食得好滿足!!! 侍應方面都幾好丫, 有禮貌又自動自覺, 唔會唔理你, 地方又夠乾淨!!! 所以之後我同個frd一食dinner第一時間一定諗起呢度!!!

新張期內，有九折(仲免加一)地方不是太大，環境尚算ok，食物中上，服務都幾好。今次只得我和mum兩人食，我叫三文魚壽司($18)、北寄貝壽司($20)和蟹子壽司($18)各一客，還有雞肉軟骨棒(8件$22)、海鮮燒餅($40)和芒果蟹子沙律($25)。最抵食係三文魚壽司，又長又新鮮，very nice!!!!北寄貝亦很爽口。雞肉軟骨棒超抵食，一客8件，好有肉汁!芒果蟹子沙律就多沙律醬，有膩。海鮮燒餅味道o.k.講真，喱度有好多款食物選擇，有30多款壽司、10多款刺身、20款卷物、20多款飯類、30款麵食、8款鐵板燒、20款燒物、19款鍋物、20多款炸物、19款一品料理和10多款小食。

前幾日同d朋友去左上水新開間日本野度食係上水好小見有日本料理會有個咁得意既公仔係門口上面好在我地唔係食飯時間入去,所以唔洗等好耐就有位但d位就真係迫左d.....同埋張枱好多蚧子....我地都叫左好多野食,多到唔係好記得,但最記得係三文魚,黃金軟x蚧粥,焗蠔,火龍卷,日式牛肉鍋....d三文魚真係超長,好肥tim我第一次食蚧粥,好特別,同埋有好多熟食,好多款tim但d炒飯就唔得啦,太硬又冇汁服務方面都ok...唔洗人叫都會加茶,但唔知係咪新開所以有時問d野都唔係好識答,會成日轉左第二個答^^埋\走時仲有9折同雪糕仔食tim....

間野未開時行過見到成個壽司拼盤擺上個招牌上上水少見喎!!諗住幾有誠意丫野食應該OK 掛點知唔係太有驚喜野食方面1.招牌拉麵個湯底OK D料都OK丫有青口又有帶子咁2.鰻魚飯最唔得D飯太乾好硬 鰻魚都OK既但係得果2塊仔 以$40 的價錢就唔抵食囉3.三文魚壽司最正係呢個 塊三文魚真係好長又算係新鮮 $18 2件黎講算係抵食服務方面1.野食好耐先黎等左近20~25分鐘2.waitress服務唔錯不時幫我地加水3.坐得耐唔會催我地走4.找錢唔會屈機找散哂要人俾tips 環境方面1.裝潢又唔算好差既環境都算ok2.不過d 位迫左少少囉總括而言期待食物方面的改善

食飯時間人數較多,等左一陣就有位服務都ok,野食就要改善,落order等左成兩個字先有野食,一黎就黎哂,成台都係野食1 叉燒面的肥肉太多,有點似出前一丁的豬骨湯面2 炸蠔好乾身,炸得過老3 鰻魚壽司的汁少之又少,肉身太厚,好難食(成日食鰻魚的我)第一次食到最難食的鰻魚.唔得啦4 食完碟野,一拎起最後一舊,就有人黎收碟,重衰過茶餐廳結論:全單有9折都ok,重有小米(滋)食都可以去 但我個人唔like呢個氣氛,冇得好enjoy咁食野下次唔再黎,

前幾日同媽咪去左上水食飯....D位好有問題囉....座位唔多..可能要就廚房關係...一連幾張兩人檯打直落..我就坐最後果張...近後門...D阿姐洗碗勁嘈囉..又大風.....D裝修超唔得..唔知想點...似酒樓..又似茶餐廳..唔知日式定中式..XD跟住...點左一客三文魚壽司..魔女拉面...豚肉石鍋飯..燒羊架..黃金焗蠔..D野食等得勁耐.............三文魚壽司好長...好似元朗果D咁...一塊可以做到平時果D三件咁多啦.........三文魚好新鮮..好肥美..但係...D飯散...一夾起就散..18蚊一件..都差唔多啦..D飯都幾好食......幾香..係等得耐D JE~~~D面,,一D都唔熱...湯底都OK既......個蠔最好食囉....羊架得4成熟..仲有血水.......我媽食左啖...話食唔到咁生...我又唔想媽咪唔開心.我咪話....係咁GA D羊唔會太熟........雖然係咁講.但一定唔會生到有血水..咁我都唔怕食得生既...就食埋佢囉....呢個都幾貴..42蚊得兩件...其實都係抱住試食既心態...冇期望過D咩...唯一一讚..就係D侍