青森二丁目 (已搬遷) 新店位置

個日出上水買野　朋友話上水有間日本野唔錯問我想唔想試，咁我依個日本瘋的人當然話試啦三文魚炒飯食左日本野咁多次　我都係第一次叫三文魚炒飯，HAHA!第一次食當然要試真Ｄ啦，一上到枱　比我想像中大碟　個份量我諗一個男仔食都會飽入面有好多三文魚　唔似得第二Ｄ可能只係比小小你味道都不錯啊！滑蛋豬扒飯我的最愛　　我次次食日本野都必定會叫來食的個蛋炒得好滑　唔會太熟而且豬扒又好軟身　睇得出係比左心機去煮的食物！總的來說…以咁的價錢可以食到咁的質素　真係好抵食！重有跟飯重會有三片三文魚刺身送

幾個月前第一次試果次感覺已經唔差 而且埋單價錢合理前幾日再去今次仲係媽媽主動提出想食過由於去既時候仲早 唔使等位而且坐大卡位去到點左三文魚炒飯而個一向係我係青森既首選係第二D店食過三文魚炒飯竟然有魚骨首先覺得炒得幾均勻 味道亦好夠同埋都OK大碟一般人食一個飯都夠飽仲點左小食雞翼同魷魚筒雞翼味道十足令我食完一件又一件魷魚一般般 汁唔夠多 而且都幾UN 最後仲有兩粒雪米磁送仲要係呍尼拿口味總括黎講而個價錢每人六十蚊左右已經唔錯去茶記食個飯都四十蚊又難食係上水諗唔到食嘜青森係開飯既好選擇

那日突然想吃日本菜，於是便和媽媽到這間吃，我們叫了三個：叉燒拉麵鍋燒烏冬好好味，有一隻天婦羅大蝦及生雞蛋在上面！最後是三文魚刺身，好抵，因為三十元有四塊！最後送了兩件芒果雪糕糯米糍！而服務態度亦很好！有機會一定再去！

平時夜晚經過都會見到好多人係出面等位昨晚第一次與友人去食 唔洗等位甘我地叫左日式海鮮燒餅 呢個真係好難食 個餅太硬 炸南瓜拼蕃薯 不過味道都OK軟殼蟹手巷 D軟殼蟹又唔係話特別好味 手卷個底係冇飯 偷工減料玉子小卷 其實都OK 不個D紫菜“林”晒腐皮壽司 怪怪地原條鰻魚壽司 幾好味三文魚壽司 友人話冇咩味最後友人十分不爽埋單一百八十七 有點不值

幾年前青森岩岩開果陣..3文魚sushi有3件..3文魚刺身都有promotion..火龍卷又大大卷..落足料..真係覺得好鬼抵食..係上水食日本野既首選..不過呢幾個月再食..3文魚無哂優惠唔在講..連火龍卷都差哂..上次食招牌火龍卷..樣無變..但D蝦炸到勁老..鞋口的.. 乜招牌菜都搞到咁呀?今日再食..3文魚都OK既..仍然係超長..都唔會薄左..帶子壽司做推廣..本身26蚊2件..而家36蚊3件..但係變左圓形..簡單D黎講..便左1蚊/件..但實際上係小左幾多料..本身一開2厚切架麻..而家得番一舊厚切WOR..真係吹脹.. 一D都唔係promotion lor..今日再叫火龍卷..嘩..乜個size細左咁多呀! 乜飯好貴咩? 上次就鞋口..今次就縮水..如果再有下次真係唔敢再叫啦..另外仲叫左朝鮮牛肉飯..一般啦..係牛肉少D LOR..而芝士焗扇貝反而唔錯..幾好食..$28/5件.. 不過係creamy D既食物..最後埋單..$22X..個waiter收左$$竟然無比雪米糍WOR!一問..原來今日派哂WOR..9點埋單咋WOR..咁都派哂!? 派哂都可以講聲架麻.

幫襯左青森好多年.由開張.到裝修.差唔多隔一兩星期就會食一次入冬了.平時最愛食既麻醬冷麵因為天氣太凍所以無食到.但真係值得一食再食因為係熟客關係.每次入到去.有幾個員工都會知我想食咩.哈哈但今次太凍.所以叫左幾款熱食.今次食左地獄鍋拉麵.雜菜底配上叉燒及辣碎肉.味道唔錯.可以一試!仲有叫左日式芝士豆腐.上菜時睇落去好似好膩.但食落又另一回事炸豆腐配上白汁及芝士.出來既效果不錯.豆腐一開四.份量剛好.太多既話就真係會好膩;D當然少不了三文魚壽司.19蚊2件.仲要咁長.真係食咁多年.長度都係無變.抵!題外話.幫襯青森多年.見到好多員工都唔同哂.但無變既係.一肥一瘦既四眼哥哥依然好好服務唯一要講既係,希望青森二丁目會推出更多新菜式.吸引新客之餘.更要留住舊客包括我

聽啲朋友講呢間日本料理都唔錯,咁今日咪就同啲朋友去試下啦,點知比預期失望等位足足等左成大半個鐘終於有位喇,入到去真係覺得地方好細,坐得好唔舒服,都算喇!咁我地就叫左三文魚刺身同好多唔同款既壽司,睇個賣相都好似幾好咁,一食落去,簡直想鬧人,啲魚生唔夠新鮮,又切得唔夠厚,食到火都黎埋呀又話三文魚壽司上面件三文魚係特長,跟本就貨不對辨...:呃人架仲有啲壽司既紫菜上到枱已經"霖"晒,好難食....仲叫左汁燒魷魚筒,啲汁太咸,魷魚燒得老左少少,帶子壽司又唔夠鮮甜,仲有再差既就係牛油帶子,一啲都唔好食,簡直食到想嘔呀!!!咁我朋友又叫左個日式豬扒拉麵,啲麵又"霖"湯底又無味,一啲都唔好食!!!試過呢一次之後,一定唔會再去囉

今日下午食lunch 就去左青森二丁目之前食左好多次都ok既~不過今日去就真係同之前差左好多~因為一向佢既三文魚壽司都係又大又厚又新鮮同好食嫁~不過今日就差左好多~三文魚壽司由8吋改左做6吋....又唔厚~叫佢地之前最抵食珍寶帶子~之前係又大又厚又鮮甜嫁~今日食又細左好多~由2 件大既改為2 小件~一粒帶子一開2 .....完全係呃錢丫....對佢好失望丫....

一直都好想去試下，結果俾我預期既好！我地2個人，叫左一碟海膽炒飯、日式燒羊扒、青森拉麵同炸軟殼蟹天婦羅。炒飯正~ 食到有海膽都唔少，飯夠企身，又有D蔬菜粒，味道清得嚟又有少少海膽既惹味~軟殼蟹超大隻！唔太油，加埋個自制醬汁，正~ 不過食完都幾飽~拉麵就一般D，麵唔夠彈牙，個豬骨湯都OK~羊扒要左5成熟，表面有少少脆口，肉超嫩有汁，如果怕羊味，可以加少少檸檬汁。正~整體上都唔錯，只係坐正係風口位就差D，由於好快滿座，所以無得調位！除左吹住個頭唔多好之外，D食物都要食快D~ 話晒全都係熱野，凍左就唔好味啦！下次可以再試下其他野，好似壽司之類既物體。

今次係第一次去呢間野食飯會去呢間都係因為係度睇過d食評好好所以同埋我男朋友同佢媽咪去左個時6:45倒去到唔洗等位就入得去男朋友媽咪只係叫左個拉麵食所以唔知咩味我同男朋友睇左好耐都唔知食咩好因為好似冇咩特別咁d野食最後叫左3碟野上菜都唔洗等好耐三文魚壽司$19 不嬲都係我至愛<3仲有2個唔記得叫咩卷 我平時唔會食個d咩咩卷 但今次食覺得2樣都好好食有機會都會再去食過=]3個人都係食左$189p.s仲要唔洗加一同埋個2碟卷上面真係有好多蟹籽

其實我一直都有光顧青森二丁目相信店來的舊員工對我也有印象但吾知系吾系暑期關係好多暑假工，我上次六月光顧時員工已經大改變，完全是＂生面口＂得番一個舊的男員工認得我以前仲有幾個好有禮貌的男同女已經不在新的員工吾熟手都吾梗要，冇禮貌，只顧聊天、看電視仲要笑到嘈到系最大問題我看得出這些問題員工應該仍很年輕，是學生吧？希望貴公司可作改善，否則我相信問題將影響公司的生意吧食物方面，二丁目的食品質素一直保持得高上新鮮大件，抵食希望我下次到二丁目時服務能有改變

服務: 大至上入面每個員工都好好禮貌! 亦都坐得舒服..唔會有比人趕走既感覺...食物: 絕對係無得頂!! 男朋友好耐之前帶過我食完一次之後就上左癮 住屯門都有時會特燈同男朋友出去食... 新鮮..大件夾抵食! 亦都好多款野食可以揀,,唔洗擔心無野岩食! 出野食速度都算快..唔需要等勁耐先有得食!價錢: 雖然同任何食日本野o既鋪頭相比,唔會特別平! 但起碼我食咁多次d質數唔會差!次次都好新鮮... 其實對於要真係食正野既人黎講.. 佢既份量同新鮮程度,已經比元x,,元x,,個d抵番晒番黎!!mu~唯一既問題係位等得耐...其他都真係..掂!

晚同男友去左青森二丁目dinner. 叫左d 壽司同2款小食. 壽司真係好正, 因為比出面d壽司店大件, 好足料! 鰻魚真係成條鰻魚來架, 食完好滿足!芝士炸蝦係見佢show出來幅相好似幾正先叫來試下. 用紫菜包住蝦肉來炸, 真係幾特別, 但就冇咩芝士, 同d芝士都冇咩芝士味. 有待改進.汁燒魷魚筒, 個魷魚都幾厚肉, 但醬汁就冇咩味.另外見到有2枱人都叫左牛油帶子, 係用鐵板上的, 唔知係咪好味先咁多人叫呢? 下次試下先~

同舊朋友慶祝生日沙律好食又大碗! 壽司好新鮮!叫左2樣熟食 一d都唔好味- -".....牛油帶子食到想嘔

　青森係上水開左幾年，咁耐小弟都無幫襯過，今日行行下唔知去邊道食好，不如去青森啦？！　我同家人三人去左青森，點左個咖哩豬扒飯、鰻魚飯同 日式豬扒拉麵　（呢個我食）重點左個吉列蝦手卷　吉列蝦手卷　－　上面有層紅色野，應該係芝士加魚子，但上面層紅色野味道酸酸怪怪的，但好在內裡的吉列蝦幾好味，合格６５分　日式豬扒拉麵　－　豬扒係普通平價拉麵店果隻，真係無乜驚喜而拉麵好＂霖＂，口感怪怪的，湯底也偏於清淡，不過都好過味精湯底，唔合格４０分原來以前讀書Ｄ同學係道做，服務都幾好，一試無妨！