霸嗎拉麵 (德己立街)

营业中

休息中

原本打算到蘭桂芳附近吃泰國串燒，可惜滿座了，不想等候的情況下發現了這間霸媽拉麵店。看見店內也有不少客人，裝潢也不錯，決定試試看桌面只有調味料，沒有平時日本拉麵店的醃菜/配菜，有點可惜。店內有些座位是對著街外的，比較有趣。上菜是比較快的，唐揚炸雞是第一道小食。吃下去，雞肉嫩滑的，而且不太乾身，炸粉也不算太多，幾好味！之後便是炙燒豚肉味玉拉麵，先試上一口湯，豬骨味不算太濃郁，反倒有點像醬油湯味。炙燒豚肉是厚切的，脂肪部分亦不少，吃下去有陣燒烤味，是炙燒的味道，不錯不錯拉麵質一般拉麵店一樣，可選軟硬度，而我一向喜歡偏軟的。等候較耐的是辛口燒餃子，沒想到這個是挺辣的，辣得過癮這店除了豬骨湯底、也有雞湯底、撈麵甚至石鍋飯選擇，比較多選擇呢！

今期食拉麵真係停不了! 今日lunch時間就去咗人氣店, 霸嗎拉麵, 不過今次就係中環度食, 原來中環係新開嘅!排隊大概排咗五個字就入得去食, 叫咗炙燒豚肉味玉拉麵, 只係88蚊, 佢既麵質可以畀你自己挑選, 仲可以選擇蔥嘅份量, 油嘅份量, 同埋有冇筍, 我當然要多蔥啦! 另外再叫咗個靜岡蜜瓜梳打, 這個梳打用玻璃樽盛載, 個口感好似食緊一個密瓜汁, 一樣咁鮮甜 冇幾耐拉麵到啦, 叉燒真係極之邪惡, 燒到個皮有啲焦, 感覺不錯, 聞到有啲焦香既肉香, 超厚切, 非常之大塊, 口感香滑! 味玉係成一整個, 咬開一半啦, 嗰啲留心都係好邪惡! 蛋香非常之濃, 再食個拉麵, 掛湯能力非常之高, 質感上乘, 湯個濃度啱啱好, 今次真係值得排隊

The pork bone soup is just way too greasy..... I feel gross for several hours after lunch....My friend ordered a clear chicken broth ramen but I could see the oil floating above the soup and noodle....yuk... don't drink the soup...Goyza was the best out of all the food we ordered... Fried vegetable was mostly bean sprouts that were tasteless...

今日雖然全日雷暴警告，但無改變我們的計劃，去蘭桂芳啤酒節奏熱鬧，但落雨又點可以係街食，經過呢開新開的拉麵店，決定先食晏。以前認識日本拉麵不多，近年開始食過許多間本地的、日本人開的都有，結論最欣賞這一家，因為只有霸嗎先至有咁好食的五花腩。非常肥美，有入口即化的口感，而且煎過非常香，湯底濃郁但唔太油。我點了$97 的紫菜炙燒豚肉味玉拉麵，有四大塊紫菜，味玉非常糖心軟滑。同伴點佐$93 的辛辣炙燒豚肉味玉拉麵(中辣)，唔算好辣，下次應該選大辣。頭有炸蒜、黑胡椒及七味粒自助，加香，但其實夠味。麵好食，湯濃但唔油，五花腩正到魂，唔怪得禮拜日落雨都滿座，但只等了兩個人就有位。

中環鬧市食肆林立，要喺中環持續經營2年以上已經算係唔錯。 就好似我今日食呢間鋪為例，上一手係食蟹肉拉麵。其實噱頭已經夠，但都係做唔住，印象中都係做左1年到，令人嘆息。如今鋪頭已經轉手俾這間連所日式拉麵店，睇見其餘2間分店評價唔錯，就等我地去試下味道如何。叫左碗辛辣炙燒豚肉味玉拉麵。賣相真係唔錯，排例勻稱， 辣湯令人食慾大增。先講湯底，湯底濃得黎唔油膩，辣度小辣都偏辣左啲，但因為係辣湯既關係，試唔到佢本身應有雞湯定豬骨湯既味道。豚肉都燒得好靚，肉厚燒香，味道就普普既燒豬肉味，可能肉較厚，肉質略嫌較實，少啲牙力都咬唔到好彩我仲後生，食多兩件唔怕既。要玉子有成隻咁多，但好可惜糖心蛋唔夠糖心，有小部份係熟透左，較為失望。而碗中既筍就似回鍋肉入面既筍咁，個人覺得唔太夾。而份量黎講，女人只能話係岩岩夠，而一般男士我諗要加底先夠飽。總括黎講味道只屬一般。但係呢度我不我不讚一位女店員，佢知道我朋友叫左辣湯覺得太辣而入唔到口，就特意換左碗湯比佢，好貼心。呢度加返分比店舖喇。最後叮囑各位食lunch早啲到，如果唔係就排排排喇~~

今日係weekend辛苦左一個禮拜💁係時候約班Girlfriends去Fever下🙆最輕鬆莫過於去蘭桂坊放鬆下，約咗10點鐘又未夠鐘，所以決定去先醫肚先未到蘭桂坊遠遠已經見到一條長長嘅人龍呢間係位於中環德己立街22號地下個名叫做霸嗎拉麵話明最強濃厚醬油丶自家製麵條丶秘製湯底排隊都要試試喇辛辣灼燒豚肉味玉拉麵分大丶中丶小辣三組＄93經過🔥過嘅叉燒肥瘦相間入口即溶，味玉🍬心，有青蔥丶味筍配搭，湯底非常濃郁 麵質充滿麥香軟硬適中煙韌度🔟足辛口燒餃子＄38外皮超脆超香，中間保留肉汁配以秘製嘅辣醬配上超多香蔥好味辣汁唐掦炸雞＄38燒汁唐掦炸雞＄38燒汁🆚辣汁我和朋友知投票大家一定要試吓燒汁非常惹味雞件炸得非常香脆，一咬落去仲有勁多肉汁流出大家一定要試吓下次一定要帶埋我老公來試試

適逢男友星期六要番工，好女友當然要陪午飯天氣唔多好所以無選擇上歌賦街食拉麵。反而選擇左依間最近新貴時間尚早店鋪無乜客人 裝潢無特別，男友都未座好已經比一位暗黑系面口女士指示佢要座入d若然店鋪全滿 我明白要座好，但後面又無人而且我地係未"座定" 個人認為唔需要"警告"客人先男友拉麵愛好者，此店完全可惜強差人意湯底求其 腩肉得個肥 雞叉燒得個乾字不過餃子算好吃 屬中上最後買單亦係令我寫第一篇食評原因先補充一點，我地到走店鋪開始有客所以我地食完都快快走。我地座位置係收銀後面，因為店無標明如何付款所以男友禮貌性係信講左句買單而個位暗黑系女服務員就用差劣態度話 岀黎買 而且零眼神交流 仲要我地只係座係佢後面 一步的距離唔係一級食店，但連其本尊重都係無無問題，我地行去佢身邊無所謂 但找錢我真心覺得應該放客人前面而唔係拎去左邊又唔岀聲依間店，麵食唔會特別推介亦不值一排服務更加不敢恭維 可一不可再。

真是中伏，溏心蛋完全熟透，服務員態度極差，吃完就轟你走，還不如在家吃出前一丁，外面賣的小吃也不讓吃，這個可以理解，但服務員都不說話，就過來指著你搖頭，好像大佬一樣。

新開既位於中環既日本拉麵店，預佐試哈味。同我老公一起都撿佐招牌既豬骨叉燒拉麵，仲有炸雞同埋其他幾個配菜 - 粟米、蔥、野菜、筍。結果真係好失望，同其他食過既出名既拉麵店無得比。首先，豬骨湯拉麵既湯太太太過濃郁油膩，已經叫佐少油但都係好油膩，反而應該出彩既叉燒、溏心蛋就完全無入味，感覺拉麵師傅好業餘。拉麵口感就一般般，無咩特色。配菜既粟米，就好似係罐頭粟米味道。配菜既野菜都係，完全無入味。其他嘢亦都完全無特色，唔會再光顧。

係尖沙咀分店食麺，收到兩張20蚊的coupon，所以約朋友來新店食多一餐，好彩到個陣唔係好多人，尖沙咀分店次次都要排隊。招牌好醒目呀，希望我樓下商場都可以開多一間。依舊是最經典的濃厚豚骨湯拉麵，依舊是小辣，另外叫了個炸雞。等待的時候，發覺墻上的畫竟然是真的手繪，好有心思。手動讃一個新店速度更快，等了大概10分鐘，還是那舊大大塊的叉燒，還是那個熟悉的味道，非常推薦加d辣啦，因為真係好惹味，個筍都比一般拉麵舖更爽脆，再share一樽靜岡蜜瓜蘇打，整個人舒服西，朋友話，share一樽，唔會散，哈哈哈哈，乾杯！

又係試新野嘅時候😎早兩日經過，發現蟹麵館嘅舊址已裝修好，變左霸嗎拉麵。每次經過銅鑼灣/尖沙咀都見好多人，所以一路未食過，趁宜家新開張未有咁多人就即管試下😀最basic嘅$83，雞肉嘅好似平啲，$78，全日唔加一👍🏻餃子$35五隻，煎得好好，個底脆卜卜，個面好juicy，但無奈呢款入貨嘅餃子個餡本身就唔好食，縱使煎得幾好，亦冇乜進步嘅空間。最standard嘅濃厚豚骨湯拉麵，個湯係真係幾濃，幼麵好彈牙，平時喜歡食麵質硬少少嘅我，嗌適中反而覺得啱啱好，溏心蛋都好好味。同其他拉麵店嘅最大分別應該係塊肉，一般都俾幾片日式叉燒，呢度係成塊腩肉排咁😱對我嚟講係太油膩太heavy，食完好滯😥塊肉就各人口味有異，我唔鍾意食咁肥又唔代表佢唔好食嘅。但始終喺中環，豚王嘅味道仍然稍勝一籌🙈如果同健康食品拉麵比較，唯一取勝我諗係價錢平啲🌚八十幾唔加一喎，ok啦。

霸嗎作為進駐香港拉麵店既新貴，幾乎每日店外都有長長既人龍，生意咁好，所以話咁快就係中環開第三間分店。此店位於蘭桂芳，方便各位浦精浦完唻食碗麵，因為無論你成唔成功獵食，唻到呢度，都一定會獵到你既美食！喜歡激烈，剛烈，濃情既人，可以揀招牌豚肉玉子拉麵，湯底由廣島直送，豬骨味濃入骨，完全係齒頰留香！而塊半肥瘦既叉燒，大概係我食過咁多間拉麵店中最有誠意，佢唔係就咁淥熱佢上，佢係會先燒一燒，再係叉燒上加一醫汁，令到塊燒肉同個湯底一樣咁入味！而拉麵重點當然係麵，佢有幾款麵硬度揀，任君揀選，總有一款你啱。我就推薦硬麵，試過應該返唔到轉頭。如果自問係比較冷靜，慢熱，喜歡淡淡然，就應該要試吓白雞玉子拉麵。都係日本直送鮮雞湯底，可以聞到雞香味！當中一定要提既就係塊雞叉燒，我記得好似冇乜拉麵店會有呢款叉燒揀，食落好嫰，好清新，好啱鐘意清淡既人！如果去浦已經夠飽，呢度啲小食都唔錯，個羽根餃張皮薄，羽根夠脆，做小食一流。不得不讚就係個枝豆，居然係上面灑咗小小粉，為枝豆調少少味之餘又唔會搶咗枝豆個味。如果唔喜愛夜浦又想飲啲野，有款蜜瓜梳打堅好飲，蜜瓜味唔假，甜度適中，氣又唔會太多。霸氣，就係剛柔並重，照顧到喜愛唔