霸嗎拉麵 (德己立街)

营业中

休息中

今日做嘢經過中環，啱啱係下午茶時間，少少餓，行過見到拉麵店霸嗎，有下午茶餐，價錢ok，就買兩個外賣返屋企同家人一齊 享用。叫咗個石鍋豚肉角燒飯，配鹽味野菜，同豚角蔥油撈麵配三件唐揚炸雞。每個餐都送汽水，食物包裝得唔錯，返到屋企冇穿冇爛，完整無缺。蔥油撈麵一打開就聞到香噴噴，見到滿滿嘅蔥粒幾及紫菜，底下有好多豚肉，撈麵嘅調味好香。炸雞回到家還是脆卜卜，裏面好juicy。石鍋豚肉燒飯都好好味，豚角半肥瘦，飯粒粒分明，而且配野菜好健康。

今晚同朋友去LKF happy hour, 但有d肚餓就搵野醫肚先諗起平時經過成日見到呢間拉麵店, 今日決定就入去試下可能係平日既夜晚，店內比較多位，我地係第二枱客睇餐廳佢有豚肉同雞白湯兩種拉麵食肉獸如我當然選擇豚肉拉麵 因為佢有一塊手掌咁大既肥美豬腩肉而我朋友想食清淡少少就試雞白湯拉麵等左5分鐘，拉麵就到當然第一件事係飲一啖湯先，但啖湯比較淡味，感受唔到濃烈既豬骨味令我有d失望但要講佢既豚肉係出色既，招牌係有道理非常軟淋，肥膏好香口，令我一啖接一啖咁咬短暫忘記左麵同湯既失色，係一點安慰而最後我係食剩半碗麵同湯朋友既雞白湯拉麵就中規中矩，湯偏淡可接受，雞肉正常味道總結我個人就覺得想試豚肉既朋友可以散叫就可以

周六需要開工，辦完事突然想食日式拉麵，生活以外吃主，若非質素不考慮，記得附近有一間霸嗎拉麵，是一家自打麵家，麵質有彈性，而祕製叉燒用上等豚肉低溫浸煮超過10小時，最後以明火直銷增添脂香，口感非常好，湯頭亦很好，有油脂的，所以充滿肥美的豬香。炙燒豚肉海苔味玉拉麵組合豐富，料比麵條更要多，飲埋湯夠飽。仲見到有期間限定擔擔麵，以味噌白胡麻風味作引點，配合日式超濃厚辛辣豚骨湯，再加入濃郁芳香的花生芝麻醬料，湯底十分豐厚，的確似我們吃慣的擔擔麵的風格，唔錯，配合炙燒豚肉粒，更加香，好吃。我自己加紫菜，更增層次。環境服務都好，位於蘭桂坊方便，每人平均花費一百元，價錢合理。

今晚要係公司OT, 即刻同同事落去公司附近搵食食個快既拉麵晚餐.呢間拉麵lunch time成日都排長龍，今日晚餐時間尚早，等左一陣就有位入座。.我叫左义燒豚肉味玉拉麵 $88先飲一啖湯...係好濃郁既豬骨湯底，但又咸淡適中。配料有一塊燒烤過肥瘦均勻既义燒、一隻蛋黃流心既糖心蛋 同埋 筍片。.同事就揀左雞义燒味玉雞白湯拉麵 $88佢既湯底係用大量雞煲出黎，充滿雞既精華。而配料則係雞义燒 - 用雞肉卷起成义燒形狀，有創意。.食完拉麵，我見到拉麵店有日本直送雪糕，好掛住係日本食既米雪糕。雪糕有米粒，好清米飯香，正。

除夕同老婆玩完嘉年華，去揾野食好多地方都無開，見好到霸嗎拉麵，正合我意。 叫左個炙燒豚肉味玉拉麵，湯底十分膿又鮮味，而豚肉又厚切大塊，口感十足，而我要左適中既麵身。小食叫左個照燒餃子，都十分香口。叫左兩樣價錢合理，都是百幾，算唔錯。

本身食過呢度兩次拉麵都覺得幾好食，今日12月31號諗住午餐嘅時候去食拉麵，今日出邊都冇乜人排隊，之後佢就叫我地排緊隊嘅時候點餐（點餐嘅時候佢又冇同我地講話今日係冇提供小食）。之後入到去坐低左先同我地講話師傅未返所有小食都未有得提供，咁算啦諗住淨係食拉麵，平時落完單5分鐘都已經有，今日我哋足足等左七個字係七個字，問極佢都話整緊，我哋見到隔離位啲單又亂晒上錯哂！之後真係等得太耐我哋等唔到話要走，個中年肥肥地嘅門面仲態度勁差話歡迎我哋上網投訴喎，講真我哋都係禮貌地話因為真係唔可以再等先要走，點知個門面囂張到咁樣！🤬首先你師傅未返你就唔應該由得人排隊又繼續落單，呃完人哋入去之後又話呢樣未有果樣未有，淨係食碗麵都等左七個字最後都係無！基於個中年肥肥地嘅門面叫我地歡迎上網投訴我就唯有喺度寫一寫俾大家參考一下！霸嗎拉麵都應該重新考慮一下佢點樣去train d 門面！真係不知所謂！幾好食都無用！

今日想同朋友們介紹一間我個人覺得不錯的日本拉麵店。 雖然店面不大，但是驚喜藏在其中。同朋友一起叫左兩種不同的拉麵來來試下。我自己點左豚骨拉麵。麵本身可以選軟硬，我就喜歡吃硬點的麵，因為怕有地店面煮到好爛，沒口感。拉麵的精髓就是湯底，這間店的湯底不濃，所以也都不會好咸。我喝完整碗湯都不會覺得很口渴。溫泉蛋本身煮到剛好，蛋是流心。建議可以多點一個。 兩個溫泉蛋一起吃，真是好幸福。豚肉切片滿厚，建議朋友們都可以加點豚肉。朋友點左雞叉燒雞白湯拉麵。湯頭本身會比豚骨湯來得濃地還有咸地。雞叉燒最怕就是柴，這間不會柴。叉燒本身帶地甜味是屬於肥肉多地的。

After a drink in LKF, what’s better than a hot ramen?I ordered a charred pork ramen with egg, the soup base was very rich in pork flavour, but not overwhelming, just the right intensity to season the noodles. The charsiu and egg were up to standard too, pork not too fatty and egg with a melting yolk!I also picked a plate of sautéed veggies to fill up the appetite. Quite a generous portion for a $20 side, and the veggies were fresh and hot!

中環都係美食區，拉麵店都好多選擇，今次食呢間霸嗎拉麵都幾過質，佢重有唔少分店添。menu都幾多選擇，各款拉麵都好吸引～～～濃湯豬骨豚肉玉子拉麵 $88豚肉夾著脂肪層，軟腍但唔會太膩，燒過更香更惹味。拉麵重加入左味筍同味玉，味筍爽口鮮甜，味玉咬開流心湧出，好讚。醬燜雞叉燒拉麵 $83湯底鮮味十足，麵質軟硬度剛剛好。雞叉燒厚身入味，盡得湯底精華。煎茶雪糕 $28雪糕口感軟滑，茶味濃郁清甜，又可以解膩。食完好滿足。

呢間廣島過江龍拉麵店大家應該唔陌生，最出名一定係佢個豚骨湯底，唔知大家又有冇試過😯========================特盛炙燒豚肉拉麵 $118豚骨湯底相當濃稠，應該放左唔少豚骨熬製，但湯底略嫌鹹左啲亦無隔油所以偏膩😦四片炙燒豚肉比想像中更為厚身，經火炙後帶點焦香味入口因為夾住脂肪層可以食到佢軟腍嘅口感，雖然對我嚟講有點油膩，但的確有入口即溶嘅口味🥩呢到嘅拉麵比大部份拉麵店食到嘅拉麵更幼身，而且可以係紙上落單時揀軟硬度，入口幾夠彈牙，不過個人喜好係粗啲掛湯能力更高嘅麵，所以覺得仍有改善空間🍜========================巧味道指數👅：👧🏻👧🏻👧🏻再食過指數🏃🏻‍♀️：👧🏻👧🏻👧🏻錫荷包指數💸：👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻👧🏻========================📍 霸嗎拉麵 (中環)中環德己立街22號地舖

.霸嗎拉麵一直都係我愛吃既拉麵店之一每次去我都會點辣既炙燒豚肉味玉拉麵 麵既硬度可以揀軟啲硬啲定適中 啱晒對麵有唔同要求既客人而且湯底好濃 天氣開始凍就更加忍唔住想飲晒除咗有肥瘦適中嘅叉燒之外仲有流心蛋同荀等相當豐富另外仲點左個原隻天婦羅軟殼蟹拉麵落單即炸 上到枱熱辣辣啱啱好

霸嗎拉麵源自廣島嘅人氣拉麵連鎖店，主打濃厚豚骨湯及雞白湯拉麵，配上自家製作嘅麵條。裝修格局是典型的日本拉麵店風格，簡約潔淨。🐖【辛辣炙燒豚肉味玉拉麵$93】湯頭非常濃郁，滿是豬骨餚出來的精華，而且口感濃稠，讓每條拉麵都可掛上湯汁。厚切豚肉同樣出色，肥瘦比例剛好，一層油脂一層肉，炙燒過的豚肉更增添香口，十分滋味。🐓【雞叉燒辛辣拉麵雞白湯拉麵$88】 雞叉燒的由來是把雞肉捲起紮實後厚切再輕輕炙燒，味道不俗。麵條粗幼適中，個人口味選擇了‘’硬’’拉麵，麵條的烹調亦拿捏得不錯。

次次經過尖沙咀果間分店都好多人，一直都好想試下呢間日本過江龍「霸嗎拉麵」，上網見到有優惠券抵好多，買嚟試下！環境中環分店位於蘭桂芳，有點意想不到會有拉麵店坐落酒吧區，而且店舖面積頗大。餐牌分為紅碗豚肉味和黑碗雞白湯，當然各一嚐試。炙燒豚肉味玉拉麵 $88湯底有得揀少油，麵都可揀粗幼。出名濃厚豚骨湯底加秘製醬油，湯底果真夠湯郁重點係不覺鹹，叉燒屬厚切，肥瘦相間，用低溫慢火煮超過十小時，肉嫩又入味，真係一碗不錯嘅豚骨拉麵，無論湯底、叉燒、油膩度都控制得好好。雞叉燒雞白湯拉麵 $83雞叉燒係選用雞髀肉，口感彈牙，至於雞白湯同樣不能睇小，係再豬背骨、雞腳等熬煮十小時，湯底呈現奶白色，味濃，但油膩度就比較高啲。羽根燒餃子 $35一定要一大塊連住先係日式餃子，焦度正常，皮亦算薄，正常之上水平。啤酒 +$4因為11月份慶祝香港店四週年，每碗拉麵+$4就有枝SAPPORO飲，爽！食哂先見到既碗底~~食拉麵一定要食濃厚湯底，而油膩度對我而言亦係加減分數位，就算味道濃郁但偏油都影響口感，呢度有正宗日本拉麵選擇可揀油膩度，已是加分位，湯底又夠濃厚，我會再返轉頭食。

中環區有唔少拉麵店，越開越多，而依間就開左一段時間，但人氣依舊😻 聽聞佢哋嘅豚骨湯底最出名，睇嚟真係唔惹小😎係出面等位嘅時候仲睇到如果選擇外面企位會有飲品附送~-炙燒豚肉味玉拉麵($88) 作為依家店嘅主打果然有驚喜🤩 湯頭非常濃郁，質地濃稠，每啖飲落去都係豬骨精華~ 炙燒豚肉嘅肉質軟淋，肥肉會比較多，但油脂味就十足，非常邪惡🐷 依到嘅味玉都值得一讚，溏心效果做得好出色，醬油味都夠。*雞叉燒味玉雞白湯拉麵($88) 唔似出面嘅雞白湯咁雪白，佢嘅顏色偏黃，有層好薄幾雞油，幾香，而湯頭嘅味道都不錯👍🏻但都係會比較推薦豚骨湯🤣 雞叉燒都有炙燒過，有兩大塊，肉質都尚算嫩滑。

2019年5月6日（星期一)中環區除了是商業區外，亦是美食集中地，就算正下着滂陀大雨，都不減退我品嚐美食的心情。一早已經跟友人約了晚上七時，嘗試一間名叫霸嗎拉麵的店，早於很久以前已經在尖沙咀看過這招牌，被它略為有趣的各字所吸引，但一直無緣一試，今天正好有機會了!當日人客不多，不用等候便能入座，店內裝修很有日本拉麵店風味，座位大約有二十多個，比一些只有數個bar枱座位的拉麵小店更為寬敞，同時能吸納讓更多的客人，但座位與座位之間並不會過於擠迫，大家都能有着自己的私人空間。貪心的我們點了一個辣跟一個不辣的拉麵，這樣便可以把兩種味道的湯底都嚐試一番，這次點的分別是辛辣炙燒豚肉拉麵和雞叉燒味玉雞白湯拉麵，由於是第一次吃的關係，所以麵條選了適中，而其他配菜都是正常份量。先來的是雞叉燒味玉雞白湯拉麵，湯看似非常香濃，湯面漂浮着少許閃閃發光的油份，真是引得我垂涎三尺。先喝一口湯，頓時整個口腔充斥着雞的香味，麵條口感適中（第一次吃的建議選適中喔)。雞肉做的叉燒是由雞肉卷紮實後而切厚片的，肉質嫩滑帶皮，非常juicy，麵中的溏心玉子熟度剛剛好，用筷子輕輕戳開，半熟的蛋黃會慢慢流出來，這刻有點後悔另一碗面沒