露斯餐廳 (已結業)

與媽媽在中環辦完事，來這裡吃晚飯。茄汁青蠔蝦球天使麵($4x)：賣相一流，像高級餐廳的出品。三隻大蝦和三隻青蠔都很鮮味，而茄蓉炒的天使麵很夠味。正！　哥得咖喱豬軟骨配薄餅($4x)：咖喱味香濃，豬軟骨很焾。薄餅則太油膩。熱薑汁蜜($17)：可能是用老薑製成的，所以很辣。後來我問侍應加了一些冰，才比較好一點。凍蜜糖海底椰($19)：海底椰很少，但味道不錯。地方寬敞整潔，侍應態度良好，服務不錯。　美中不足的是漏了單，結果很遲才有天使麵。

上回試了露絲嘅抵食晚膳，今回試試她的下午茶。相較之下，竟是晚飯更為優惠！牛油多士：燶了DD，不過牛油夠香，OK啦！蘑菇奄烈：隻蛋炒得幾滑，唔錯。叉燒米線：叉燒數量唔算多，整體普普通通。

此店在北苑酒家樓上，如不是陪家人到來，根本歹不知她的存在。露絲餐廳，聽落像西餐廳，其實亦不過是茶餐廳已而！而她最吸引之處，就是那些$18/$24一碟嘅小菜，係中環這地段，這個價錢的確吸引。蜜汁叉燒：半肥瘦叉燒，肉質算腍，幾好食。原味蘿蔔牛腩：蘿蔔OK；牛腩麻麻地，較韌。鐵板三杯雞：鐵板熱力十足，三杯雞不算十分惹味，OK吧！京都肉排：同叉燒一樣，肉質算腍，用京都汁撈飯味道亦唔錯。金銀蛋浸時菜：普通。大澳蝦醬炒三蔬：色水唔夠，賣相一般；蝦醬味濃一點會更好。支竹豆腐斑腩煲：OK，尤其斑腩算唔錯。西檸煎軟雞：普通。柚子芥末汁焗燒肉飯：較特別的菜式，雖柚子味唔特出，但芥末汁已很醒胃刺激！燒肉皮脆，不過肉質略肥；飯經過炒底處理，都唔錯。

係呢頭返工,最怕都係午飯時間呢度雖然要等,不過我地多人都等得到都算係咁午餐A/B/C,A餐多數係扒,B餐就意粉,C餐就一定係咖哩XX我個人多數揀C,水準最穩定B餐無乜料,多數唔揀A餐就多D新意,間唔中都會選擇另外都有海南雞飯,不過水準有下降跡象...午飯亦可選擇燒味飯,不俗之選P.S.得閒可以留意下湯名&汁味,好多國家

若不是路過時, 食友告知係北園酒樓同一條樓梯, 仲有呢間露絲餐廳. 驚訝中亦適逢今日要過中環辦事. 兩丁友就上來一試吧.名字上, 給人感覺是一間西餐廳. 但原來是要排隊, 是一間人山人海既新派茶記. 雖是 People Mountain People Sea, 但兩個人, 始終比較容易被安排入座. 未入座時, 已經被那些在我們身邊擦過的美食深深的吸引了, 端士雞翼, 燒味飯, 雞扒......., 同事說, 有少少翠華feel, 再周圍觀察一下, 的確很像, 仲有少少太興feel. (太興crossover翠華?!)入座, 即點下快餐兩個. 我要一個雞扒, 配薯菜. 同事仔永遠都是有咖喱就咖喱. 我的匈牙利雞扒, 煎得剛好, 幸有個汁而令到呢個雞扒感覺不乾. 薯菜, 哈, 不是悶透的薯條, 換來是一隻焗著, 打開鍚紙, 薯肉的香口味道, 非常好, 但總覺得欠一樣野.....牛油.朋友的咖喱不能評了, 但都是滿足的一個笑. 中環區價錢相宜的茶記不多, 這便是一間絞絞者. 如果這是一間更容易被人知曉的地鋪, 相信整條域多利皇后街, 行不到車了.

第一次接觸露斯餐廳係同事介紹, 一個簡單又怱忙嘅午餐本來就無咩驚喜, 但抬頭一看, 晚市小菜竟然只係$18!! 加埋佢地良好嘅服務態度, 卒之令我同老公放工嘗試左喇!$18小菜係任叫嘅, 於是我地叫左下列4樣:魚香茄子 - ok喎, 份量唔算少, 好入味下, 要黎送, 好"正"菠蘿咕嚕肉 - 唯一一個份量比較少嘅菜, 但味道都ok鐵板三杯雞 - 好香, 上菜時"沙沙聲", 幾香口金銀旦浸唐生菜, 清清地, 不過不失!呢餐飯好有住家feel, 唔好睇佢喺茶餐廳, 坐得都好舒服吓, d伙計又好體貼, 不停加茶加水, 埋單時又多謝前, 多謝後, 好客氣 ^^! 好老實講, 我去過一d所謂"高級餐廳"都未必有咁嘅禮貌就快情人節喇, 我都想推介呢間露斯餐廳比大家, 講真情人節唔一定去酒店食, 亦都唔一定去食西餐, 大家點解唔諗諗食中餐/茶餐廳? 响天氣仲凍凍地之下, 叫幾個熱騰騰小菜, 加上兩碗香噴噴嘅飯, 其實都好sweet架! 最重要係大家相愛姐, 去邊度食又有咩所謂丫? 不如慳多d錢早日結婚/買樓好過啦

零九年一月下旬晚餐市道唔好，連新派茶記都要推返廿蚊雞小菜作招徠，約了朋友傾點事，夾在威靈頓街同IFC中間，平平地一餐是沒更好選擇下的最抵食選擇。環境比起翠華光猛闊落，寫字樓區晚市比起午市明顯地幽靜，侍應安排到卡位，看過特價餐牌，隨便叫了三味小菜，玫瑰露雞、魚香茄子煲同魚湯娃娃菜，茶記有賣海南雞，又平平地叫來雞油飯。玫瑰露雞即叫即上，十八元一碟的豉油雞，皮上了色帶著極甜的港式滷味，雞胸浸得鬆嫩以冰鮮雞來說是不錯了，碟頭飯左右的分量，是預期的減價分量。看廚房配套，魚香茄子煲應該是樓下北園大手交來，翻熱後即出，茄子炸過，很油而醬汁是甜中帶辣的港式「魚香」味道，用來餸白飯還可以，配雞油飯的話，就真的油得吃不下，說到雞油飯，只是一碗很普通的淡味雞汁飯，沒有油光亦煮得太濕腍。魚湯雖然長掛餐牌上，但煲得好又保持到水準一點也不易，印象中專賣魚湯的水準店從沒有過開分店例子，是夜魚湯下木瓜令味道甜了一點，魚湯很稀淡而娃娃菜是生滾的，湯自然不著菜甜，師傅成分不重，之前幾味菜都幾油，消消膩也不錯。侍應一眼關七，見茶杯半滿時主動斟茶，服務與醒目度甚至比不少酒店仲要好，值得一賺，埋得每人四十餘元，坐得舒適兼抵食。

在中環,有很多的選擇~今次友人說這間不錯,仲要食左6-7次,於是便試下~這是新開的,格調有點似翠華,有很多的食物選擇,也有午餐~選了午餐b 黑椒三文魚螺絲粉,有湯有熱飲味道不錯,也足料,不過油卻很多...(太足了吧)..吃完之後...碟下的都是油,不過吃的時候很好吃,可是吃完肚子便有你受的.....服務...要提的是因為下午人多,本來是外面等飛的,可是當你食得七七八八時,竟然會有幾個人在你旁邊等...侍應更說"他們快走的了,等多一等吧.."好心佢就唔好叫飛啦...

不是在中環返工, 但剛經過再加上曾經看了其他網友評語, 所以一試, 但不想試意粉, 因其他評語都話份量較少, 唔知是否因部機器貴, 所以d 意粉份量要少些才能攤分成本?? 結果找一款其他人未試過的其實去到時差不多1:45, 人丁旺, 因要差不多到2:00 才開始見空位柚子芥末汁焗燒肉飯, 中西合拼, 都幾特別柚子酸酸的引起食慾, 經過焗後, 燒肉皮脆好食, 芥末初時以為是黃色那種, 原來是wasabi, 當然不是奬門人那種一大pat wasabi, 將wasabi 撈勻飯後食落喉嚨都幾刺激, 食完後可能胃有些受不到, 但過左十分鐘後又沒事

下午茶餐選擇眾多順德大良銀針粉HK$28沒留意菜牌的英文翻譯，以為炒實質是(順德魚)湯魚湯 – 尚算奶白但味不濃，但非常熱騰騰的份量 – 魚餅條及日式冬菇很多，值得一讚

瑞士汁雞翼飯HK$36瑞士汁 - 味道很好，嫌略油雞翼連尖 - 意料之外的多，足有四隻．也已上色入味飯另用碟上，附有青瓜一片

環境係茶餐廳feel，食物水準和服務態度卻比想像中高。意式茄茸炒海鮮天使麵：味度不錯，食到茄茸味之餘也有蕃茄粒(不只是落茄醬), 也食到有海鮮的味度(是真的!), 亦無偷工減料，有青口、帶子、魚柳同埋蝦。但天使麵有點軟林，比較失色。哥德咖哩豬軟骨配薄餅：豬軟骨唔係雞軟骨的豬版，因為雞軟骨都係有少少硬硬地，豬軟骨係全個都軟的，類似牛筋，lum住少少豬肉，同兩件薯仔，好好食~ 仲有個薄餅又係非常OK，焗到外面脆脆的，中間煙um，以分好成六小塊，點咖哩食又係一絕。咖哩很香, 如果五粒星係滿分，它有四粒半，如果辣一點可以有晒五粒。

午市套餐HK$42青豆忌廉湯 - 青豆數粒，湯一般巴黎汁牛肉炒天使麵 - 份量頗少，女士還可牛肉(絲) – 很腍巴黎汁 – 名不符實，只是微橙色的(茄汁?)，煮法是燴多於炒天使麵 – 很幼但不彈牙配料 – 黃椒絲、紅腰豆餐飲: 凍檸(利)賓(納) 加HK$2應是午市套餐的原故，上菜很快

十月十日(星期五)今日lunch很熱鬧呢,本身兩口子去試試剛剛的U所介紹的露斯餐廳...最後,一行六人出發了!...我們說了一會,十萬元的意粉機.....它有什麼特別呢!?.....即管去試試那部10萬元所做出的傑作吧!十二時四十分左右到了...六人檯應該要是等得比較耐些!...等的時候,見到露斯餐廳的燒味部的八寶飯,看似不錯呀!...有墨魚等...很多配料呢!我們都有興趣下次試試看!...等了15分鐘,終於有位了!有些亂呢!...一來新開,二來unch時間太多人了!可能handle不到不過值得一讚的是侍應很有禮貌呀!...我們四個叫了是日lunch set,巴黎汁牛肉天使麵,還有叫了燒羊扒配中東薄餅,斑球意粉先來的湯,有白有紅,我飲了紅湯,很好呢!...濃味,多料!拍得上高級餐廳!隨之而來的凍奶茶都不錯,奶滑茶濃!lunch set的關係,上得快!...不過都有水準!...想不到有其他高級西餐廳的水平呢!...我的天使麵加上蕃茄醬,很醒胃呢!牛肉不老,炒很香口!!!雖然是同事Steve所說的分量比較少!...我都覺得!威廉的羊扒都好吃呢!...而且分量比較多!...很吸引,與menu

日期：2008年10月7日今日行經中環，諗唔到食乜野，見哩間個名幾吸引，咪入去試下囉．原來得我同男友＆另外兩個女子客人咋，假期無咩人係中環，所以好靜，ｄ伙計好好禮貌，讚．全店不收加一．男友叫套餐，有湯，意粉，甜品，飲品，HK$54．１．青豆蜆肉忌廉湯：creamy得黎好好飲．個香草蒜蓉包好脆，好香．２．蜆肉珍寶腸茄汁意粉：一個字”掂”．３．楊枝甘露：都okey．４．凍檸茶：靚既檸檬片，美中不足係茶就苦左ｄ．５．茄汁青蠔蝦球天使麵HK$48：蝦又大隻又爽口，青蠔不過不失，配以濃濃既茄醬．