雲貴軒米線專門店 (已結業)

今日係荃灣返工..平時都係鐘意周圍行搵野食..結果睇中le一間28$既米線唔算貴..佢寫菜單上面寫豬軟骨係推介..所以點左黎食..真係好好味..好lum..又唔硬..成隻豬軟骨好似食豬肉咁-3-之後食左隻雞翼..12$3隻炸得好脆..外脆內軟~好味!.!

以前都無0甘差，上個星期去，d魚腐有陣洗潔精味，d炸云吞無汁無醬，問佢羅原來要加錢。。。豬軟骨吾夠lum，柚子蜜又吾夠甜，附近有好多間食米綫，見佢門面靚d,好坐d先入去結果食到兩個人食飯為開心下次一定吾會再去

星期四晚跟家姐妹妹來了這裏食麵,我們都點了四川酸辣薯粉,之前係大陸食過,但是香港則好像沒有很多地方可以食得到,但現在都已普遍了,我們三人點了一個魚腐酸辣薯粉,一個牛展酸辣薯粉,一個炸豬扒酸辣薯粉都是小辣的,份量都適中,都很多配料,有炸菜,花生,炸醬,莞茜,不是很辣,味道都幾好味,炸豬扒是另外上的,我們配了一杯杯芽好立克,一杯黑珍珠菜蜜,一杯西瓜汁,西瓜汁很凍的,但不是很甜,其它兩杯味道都過甜.

好味, 一星期最少食一次食佢既原因係因為加錢就有得配果汁e.g.橙汁, 西瓜汁, 芒果汁 感覺上健康d最好味係豬軟骨, 豬肉丸, 福州丸

星期日5:30pm都有下午茶, 真係好^^叫左: 魚腐紅薯粉, 中辣. 熱啡睇到睇落份量唔係好大, 十分好先來coffee, 是意外的不俗, 滑不過配辣的紅薯粉卻有點怪....(都怪我自己點la-.-)中辣比我想象中無咁辣, 可以接受!紅薯粉無咩特別, 唔覺得有"彈牙"魚腐比例怪怪地....咁多豆腐既......唔係我想食既口味原來d紅薯粉好頂胃....好快飽....雖然成碗野無特別但係想讚讚d配菜酸菜好味^^

黎到食酸辣粉..但係完全唔酸唔辣而且D配料(酸菜,芽菜,ETC)相當小..得一,兩條咁..叫中辣小辣既辣係一樣..真係令呢碗酸辣粉失色..

同事喜歡食, 其實係喜歡飲佢杯芒果汁。所以小弟有幸食過兩次, 第一次食牛(月展)薯粉(酸辣有湯), 另一次食豬軟骨薯粉(都係酸辣有湯)。牛(月展)會好味D, 豬軟骨就...變左豬硬骨囉, 間中有兩片硬柴柴, 唔覺意一定哽死。湯底酸酸辣辣係幾開胃, 配菜有莞茜(少左多, 我覺得落多D會更好) & 炸菜, 都幾冶味, 薯粉滑嘟嘟, 好容易未咀嚼就已經滑入喉嚨, 差D哽死。至於杯芒果汁就...真得黎...有芒果毛, 假得黎...多左水 & 糖, 都飲得下o既32財, 不貴不貴, 可以試下。

其實本人一向比較鍾情長沙灣果邊D米線, 所以對荃灣的米線不太感興趣. 不過, 今晚試過這家之后, 感覺幾好(當然不夠長沙灣果邊D米線好). 下次會再食.如果喜愛食辣的朋友, 小辣是不夠的. 可以試中辣. 腩肉都唔錯, 同雞翼一樣都好夠味.

每個月月頭同月尾都會o黎呢度食o野之前愛上食米線依家愛上食紅薯粉紅薯粉煙煙unun幾好食如果識湯o既紅薯粉唔會咁快無晒d湯米線都一樣豬軟骨都ok既時硬時軟軟個陣時就非常好食飲埋西瓜汁都係30蚊

之前食過腩肉同小辣, 因為腩肉本身辣, 所以成碗野辣得制.今次我醒目喇, 小鍋米線要唔辣, 再加腩肉. 點知都係頗辣...雖然腩肉都幾好味, 但由於唔想再辣親既關係, 下次唔會再叫. 同埋好多軟骨係入面, 腩肉唔應該係咁. 我估佢係豬軟骨切成片扮腩肉...服務方面無特別. staff唔會提你話腩肉係辣既. 明明我同男友兩個人各自已經有野飲, 有個男staff, 佢都唔理三七廿一就擺低杯野飲頭也不回地走左去. 我地要好大聲咁叫左幾聲先聽到. 擺低食物時基本問一聲既禮貌都無...唉...

老公叫了牛展蘿蔔米粉(中棘)+凍檸茶, 他說牛展ok, 但蘿蔔有根不太好, 湯底不夠棘, 他說早知叫大棘喎!我叫了豬軟骨雲吞米線(走青走棘)+凍檸茶, 整體都ok, 豬軟骨夠腍夠味, 湯底亦夠清, 反而那凍檸茶就麻麻了.埋單$66比較貴, 如下午茶時段應比較抵食.

男友病剛剛才好，不敢吃得太油膩，所以來個清淡一點的米線。我倆分別點了魚腐米線和腩肉米線，都選了清湯底。男友的魚腐米線真的很清，但湯底也沒甚味道。魚腐份量不少，而且大件，但食味和口感卻不好，只像魚蛋一般。我點的腩肉米線就比較好了。腩肉是小辣的，不過浸在湯中令米線也變辣了，而且這個小辣對我來說也有些過辣，但是味道也還不錯。米線不會過腍，腩肉也不算少。兩杯凍檸茶不過不失。午飯時間人也蠻多的，所以我倆都要和別人share桌子。出餐卻是出奇地快，十分有效率，難怪吃一頓飯身邊都換了兩次人了。

做完gym 貢下貢下黎路德圍, 麵棧, 山西, 雄記都食過, 係呢間仲未試, 自由人一個最好黎試食, 叫個熱撈紅薯粉, 裡面有薯粉(唔煙"un", 太腍), 有芫茜(太多) 、炸醬(我叫少辣, 但無乜辣味)、炸菜(幾多)同花生(太多無食) 再加配菜(我選了蘿蔔, 太腍無咬口), 比較同區川味美食既紅薯粉, 後者好味好多! 個餐有飲品, 我加$3 要了生薑茶, 薑味唔濃, 一般!

一向不喜歡食米線的我，今日又要陪人去食。在千萬個不願意下去到，發覺竟在上海麵選擇，心情也變得輕鬆起來。來食四川野，理應要食辣。不過牙醫話我有牙肉發炎，要暫時戒辣，真真可惜。不過，我這為食之人也點會咁乖呢！最後我要左豬扒上海麵小辣，炸豬大腸和飲西瓜汁。小辣已是我最大的讓步了。豬扒剛炸起的，當然是又熱又脆口；上海麵也不錯，加上有酸菜、芽菜和菲菜，口感更佳。豬大腸也是即叫即炸，送來時還是燙口的。脆卜卜、又肥美，味道確是不錯，不過顏色較黑，賣相並不討好。配一杯鮮甜的西瓜汁，中和麵的辣味。

「四川酸辣紅薯粉」當然以紅薯粉作基調，有香茜、炸醬、炸菜同花生作配菜，酸辣湯底作主菜，加多隻送做上菜：燕丸實為番薯粉撈免治瘦肉包瘦肉，味道可想而知- 當然未試過可以一試。自嫲辣粉離我而去後，又少了一個誘因去食蕃薯粉- 很難把湯、粉、配料調和得好。這個，湯太又水汪汪；（配）菜太少食到嘴妙妙。我，是來吃辣的。