影片
港铁荃湾站 A1 出口, 步行约5分钟
继续阅读
开饭介绍
以招牌猪软骨打响名堂的米线专门店，并会供应四川酸辣红薯粉。
继续阅读
营业时间
星期一至六
06:00 - 23:30
星期日
07:00 - 23:30
公众假期
07:00 - 23:30
以上资料只供参考，请与餐厅确认详情
招牌菜
同细妹漏夜送肥妈入急症室，办完入院手续后已经天光，怀住担忧难过嘅心情，入到呢间餐厅，食个早餐再去上班。呢次系我第三次嚟食早餐，由于心情同胃口都唔好，虽然早餐类别选择颇多，但我都只点咗一碗通粉餐(配反蛋)，饮热华田；细妹就鱼柳餐(配太阳蛋)，饮斋啡。通粉份量足，蛋煎得靓，汤同配料亦好，蕃茄汤中有条粟米，颜色靓之余，感觉几健康！热华田暖笠笠，味道不过不失，为喊得刺痛嘅双眼补充少少水份。细妹份鱼柳餐颇大份，烘多士揾纸袋带走，整体味道ok，唯独杯斋啡细妹话好难饮，饮咗半杯实在顶唔顺！唔系因为送肥妈入医院，我唔会晨早六点几同细妹出街食早餐，庆幸时间早，人唔多，否则我喊到双眼又红又肿，真系吓死人！七点半后，食客开始嚟，之前两次去，试过搭枱，又逼又嘈！所以如果想享用舒适嘅环境同丰富嘅早餐，建议平日早啲去，假日预咗变市集，去到预咗同人逼！P.S.:我想要茄汁，但侍应阿婶竟然话冇！有啲奇怪同失望！
继续阅读
呢间餐厅开左好耐,之前都食过,而且想食红薯粉就会去云贵轩~好有我中学时代既回忆!!水准次次都系咁上下~!!我今晚想食light d, 所以就叫左冬菇酸辣红薯粉, 辣既程度可以拣微, 小,中 ,大呢四个, 我就拣左小辣~~红薯粉系营养价值高既粉, 又唔肥又好味,配上酸辣真系无得弹!! 红薯粉质感弹牙, 比起米线好食,而且配酸辣真系好夹!至于冬菇方面,好大粒,吸左d 汤好juicy~~想减肥既朋友同红薯粉爱好者不妨去呢间食~~
继续阅读
为食到荃湾路德围、呢度一带好多食店、选择又多、行到“云贵轩“门外个餐牌写满好多唔同风味嘅小食如……卤水猪大肠、麻辣猪耳、牛展、鸡翼、米线、拉面、粉…等等、有麻辣有蕃茄汤底好吸引好想食呵~ 一班女侍应亲切、笑住面咁招呼、餐厅系一般的茶餐厅装修、干净企理、虽然坐位唔算阔、但都坐得舒服、冷气够凉……我点左个……猪扒米线餐 包一杯饮品 $39元冻饮+3元猪扒外层金黄松脆、热辣辣、碟底少油食落冇油腻感、味道甘香！米线软滑、汤底鲜甜、味精味唔算重、食完冇口渴感觉、柠檬味浓！
继续阅读
今日要食斋，所以简简单单去咗云贵轩买咗碗冬菇米线。冬菇麻辣小锅米线，麻辣汤底微辣，冬菇味好浓味道不错，麻辣汤底不错，米线爽口弹牙，仲有芽菜同埋韭菜附送，其实云贵轩嘅咋猪扒同猪大肠亦不错，佢嘅炸猪扒即叫即炸，猪扒软熟，至于猪大肠，冇乜肥膏煮得入味。只系因为今日要食斋所以先至冇叫。
继续阅读
呢间食过几次了, 一直字写食评, 所以一次过写吧呢间野好似全部都是辣的....我叫左惟一可以唔辣的小锅米线, 都是辣的!! 他们的汤底应该是胡椒汤吧, 越食越辣, 不过唔怕咸, 都几好味的另试了中辣的米线, 拣了腩肉和鸡翼, 没有试, 只知道够辣LAW, 哈净水饺, 唔辣的, 但大部分是云耳果类菜, 肉少之又少, 味道OK
继续阅读