雲米家

营业中

休息中

成日都想黎食，因為我覺得呢到比隔離乾淨好坐，而且價錢都係差唔多者。我覺得食野除左好唔好味，好唔好坐都好緊要。尋晚去左食麻辣米線，我今次既配搭係麻辣肉丁+肉片+芽菜+腐皮.....仲有男朋友俾我既金針，於是我碗變左勁大碗~我覺得呢到既真係麻辣，唔係酸辣，我已經叫左小辣，但已經係本人既上限lu~我次次都會叫肉片，因為又瘦又滑，感覺上飽肚又比較健康。佢宜家好似有d串燒，但係我已經太full，所以無叫，不過見其他人都有叫，下次先試。我之前係到都試過香酥茄子，我覺得都ok，但就幾油下，而且，多食都會好膩，我認為多d人一齊食先至好叫，否則浪費食物就唔係甘好。呢間店d樓面成日都唔同人，好似我落單時個伙計寫少左$落單，佢老細真係要睇清楚，如果唔係就會蝕$。今次店裡的音樂已有進步，播andy的歌，唔該唔好再播大陸歌，感覺上好堔圳。

去到四陂坊, 本想去試友人極力推介的雲貴川; 睇到條人龍怕怕; 川味美食未有人龍但亦未有位...放棄...最後去左雲米家. 得1,2台客... 侍應好殷勤.友人試左:燒腩肉小鍋米線走辣(大家都病緊, 唔敢食辣住) $30-湯底好濃, 多料, 滿滿的, 友人說有少少羊羶味; 燒腩肉好香我試左:三絲(肉片,木耳, 腐皮)米線+燒腩肉+豬月閏$25+3-湯底清清地, 沒有/少味精; 肉片好滑; 豬月閏沒特別處理, 鞋鞋地; 一樣是多料, 滿滿的另叫了腩汁菜心: 灼得不夠時間或是菜心太老, 菜莖硬硬的$10+ $6 熱柑桔蜜+ $6 熱檸蜜味道/熱度都很好雲米家在四陂坊中,水準可能只算是okay(小小的四陂坊裡頭竟有成4-5間米線店, 可謂米線店集中地!), 因為眼見好多人寧願排長龍都不轉車太! 我還沒機會找出原因...但我肯定, 雲米家出到外面e.g.官塘的話, 水準一定不會被比下去吧,ranking肯定會高一班!

發覺來荃灣午餐多是吃米線，今天也不例外。點了豬軟骨米辣(小辣)和腩肉米線(走辣)。男友的小辣米線紅通通的，看起來十分辣，但他說辣度可接受，不過他一邊吃一邊不停流汗。豬軟骨煮得很腍，軟骨部份不少，味道頗不錯。我的腩肉米線雖然走辣，但腩肉本身有辣味，所以都有些許辣的。我覺得這裏的腩肉比較瘦，調味也不大對胃口，不甚喜歡。米線過腍了，失去咬口。不過蠻喜歡配料的酸菜，味道夠酸但份量很少。不是特別美味，可取之處應該是門面比較美觀，但不必來第二次了。

點解揀呢度, 首先係俾佢既門面吸引左.比起附近好多人排隊果間, 呢度寬敞別緻得多, 亦唔會覺得地下好油好污糟.最鍾意呢度既湯底, 有韮菜, 芽菜, 酸菜, 同炸醬, 又夠酸. 要左小辣, 辣既程度亦都剛剛好.不過可惜呢度既豬肚唔係太好食, 有d硬. 頭一次以為唔好彩, 但之後再食都係咁. 可能佢唔係咁叻整豬肚卦. 好彩有湯底搭夠. 湯底本身既炸醬都好香好惹味下.

一直都以為呢間叫米之寶....今日老公去飲...自己見早又少少肚餓....慳慳地食個下午茶餐! 同一個地方有幾個選擇, 雲貴川...試過好多次, 最唔惦係地方窄, 污嘈, 川味...之前睇過食評, 好似水準不穩, 今次想試新野就黎呢度食紅薯粉- 選了個酸辣紅薯粉走辣, $15, 加荀, +$3, 茶走少甜, +$5, 個粉腍少少...荀都幾爽, 肉醬有少少辣, 岩岩好, 茶走就奶味重! 呢間既門口有串燒燒烤...香噴噴, 不過, 紅薯粉唔突出, 我應該唔會再黎!P.S. 店員新黎, 學緊點落單, 講野太直, 無乜禮貌!

其實一年前已經開始去呢到食野,記得第一次係媽媽介紹話呢到個米線D湯好正好足料,咁咪同朋友來試下.自此,行開街肚餓都一定來食野...食到連老闆都應得我了!尋日行開街又心思思想食米線,就同朋友來左呢間食, 佢而家仲賣埋串燒...我叫左三鮮米線25元包一個送-豬軟骨(因為我唔食辣的),再+左2個送,貢丸和雞翼.點知冇貢丸,我朋友叫左酸辣米線22元+南肉+爆醬丸+少少辣!我覺得味道都OK..不過D湯真係冇之前食開既咁入面..軟骨仲有少少硬,雞翼唔算好入味,唯一幾好既就係幾like佢個三鮮湯底有好多付竹,最岩我呢d唔食得辣又like食米線既人!!!,整體來講都ok既.不過就真係冇之前咁好食了!

本想去同街的川美，經過招牌見除了有米線外，還有薯粉，又來試試新野。要了一個紅腸、豬潤及時菜的薯粉，湯底揀了大辣的。一般的連鎖米線舖的麻辣湯底，就算要大辣都唔夠刺激，今次這個大辣真是適合嗜辣的人。花椒味強烈，麻中帶辣，口入一陣灼熱感覺，之後咀唇已慢慢變厚，立即叫了凍飲，來降降溫。而薯粉晶瑩剔透，滑滑爽口，口感比對面的川美還好。