雲米家

营业中

休息中

今日黎開荃灣，想食米線，唯一雲貴川太多人，排完都餓暈左，放棄。search 雲米線都好似ok ,限聚令，2人一枱，都坐滿人，樓面得2個姐姐，又要收$，又要落單，又要送餐，又要接電話外賣order,又要搞幾間平台外賣，做到踢哂腳。叫左豬肚酸辣小富米線（中辣），米線太淋，晤夠酸辣，口味偏淡，豬肚易咬開。試過一次就夠。

未坐底已經好似喝狗咁樣算數諗住啲嘢好食冇所謂一食就知中伏啲麵煮就好似嬰兒食品咁樣啲肉更加唔洗講都唔知放咗幾耐一路食一路有啲烏蠅飛嚟飛去食完一次以後唔會再食😡😡😡😡

行到好遠都不見有雲南米線既鋪不過忘記點薯粉咁就點轉不到了，要繼續米線呢個鐘數很多學生，我點了兩款餸豬腩肉加菜份量都有很多呀，味道尚可，不過湯底可再濃列一點的。。

米線種類有好多種，有連鎖譚仔三哥雲南過橋，也有南記川味，唯獨雲米家係我的最愛。最欣賞呢度有三個原因，份量、湯底、餸。呢度d米線一向大大碗，有時兩個人share，飲下湯，都夠食。湯底揀酸辣，辣度揀小小辣，味道仲係南記、老闆娘之上，配菜有炸醬、酸菜、芽菜、韭菜，勁多勁正！餸方面，呢度都有獨家餸！！！蓮藕最為出色，好少地方有得見，上面仲有d七味粉之類既野，好味！豬腩肉就係一層肥一層瘦既入味豬肉，唔食肥既我都好鐘意食。食物味道、地方乾淨，員工態度，各方面每次都好滿意，平民版隱世米線～

Used to work in Tsuen Wan so I've tried all sorts of restaurants here, and of course I've tried at least like 10 different 米線 restaurants from big names to small. Now that I've left Tsuen Wan, the ONLY restaurant that I find myself missing and wishing to go back to, is 雲米家. Damn this place's 麻辣 noodles are great! Super flavourful and always heaped with whatever toppings you asked for. And I see some bad comments targeting the owner of the place and I have to say, this guy is lovely. He may

今晚老婆夜咗收工，唯有出荃灣睇吓有乜好嘢食先。行到去荃灣千色匯附近，見到呢間雲米家米線無乜人喎，平時要排曬長龍等位，可能今晚夜啦，都已經成九點幾啦。咁梗係即刻入去試下啦。叫咗兩碗小鍋米線，同埋兩串雞肉串燒。啲嘢食都好快黎到。即刻食番啖湯底先，好香濃嘅湯底，啲米線都好入味，完全塑索晒底嘅味道。至於個雞肉串燒，我個人覺得就一般般，不過個串燒醬都晤差，整得都幾香濃。如果下次冇咁多人嘅時候，一定都會黎再食。

早幾日朋友帶我去食雞煲, 話好好味, 心想雞煲又唔係未食過, 來來去去都係差不多, 會有甚麼特别呢。舖位雖然唔算大, 但坐落舒適。要了ㄧ個大雞煲, 一個細羊腩煲, 另加生菜及飲品。嘩, 睇下個雞煲幾夠份量, 加了蜆, 青椒, 紅葱頭, 還有秘製醬汁, 陣陣香味, 真係食落又非常惹味, 啖啖雞肉, 果然色香味俱全。ㄧ路食雞煲, ㄧ路食羊腩煲, 真係第ㄧ次。 羊腩好淋, 沒有酥味, 支竹馬蹄等配料都好入味。食完雙煲後再淥埋 d 生菜, 生菜吸了雞煲及羊腩煲嘅汁, 認真好味。最後嘆埋杯冰凍嘅芋香珍珠奶茶, perfect。

同老公行完中秋街街，原來想食清清地粉麵算，點知隨緣地行到這家店，進去便被一煲煲既辣辣雞煲吸引住。除了雞煲火鍋，仲有其他米線。款式都算非常之多。我被它牆上掛住一幅美麗的圖畫迷住了。點了半隻雞既小辣雞鍋，唔夠辣可再加辣！我們都加到中辣！雞肉香滑，麻辣味濃，野味香口，不能停口，好味到連洋蔥也吃掉。食完麻辣雞，店員幫忙下湯，一客肥牛加一大碟油蜜菜，正都暈。油博菜新鮮爽脆鮮甜。麻辣道十足，愛麻辣朋友很喜歡。每天都片肥牛都野味夠麻辣，非常滿足。唯獨汽水偏貴，要$14一罐汽水。另外很特別的是老闆有自己人的感覺，他會將全店一半燈關掉，待三五知己的食客唱生日歌吹蠟燭🕯️。 又會讓食客吹水，夠地道，唔錯唔錯。

呢間野本來以為佢只係食米線但我見大鴻輝full晒 所以行左呢到食雞煲呢到雞煲幾好食,d雞有炒過再去煲呢到半隻雞，係香口既雞黎，分量都多多地 每塊都唔會太大舊我地到後期先另外叫左個蜆 個蜆都係50幾60蚊，分量好多，我見隔離叫菜同響鈴都勁大份個職員話下次可以落雞個陣一次過叫，炒埋個蜆會好食好多，唔係加左水 d蜆就會冇咁好味，如果兩個女仔食，叫半隻雞加兩個送，都一定夠飽，比較唔抵既係野飲同出面唔跟餐一樣 10幾蚊一杯

荃灣一向都好多好野食，米線呀雞煲呀都好容易係呢度搵到，雲米家就係其中一間既有米線（麻辣酸辣清湯嗰啲啦）同埋雞煲既街坊小店。今次一行二人試咗佢嘅酸菜雞煲（半隻雞），仲加埋一份蜆。佢有幾種辣度可以揀，因為我唔算食得好辣，所以揀咗小辣。就係呢煲，佢既辣岩岩好，唔會太勁食唔到。而且入面有好多切到好細既酸菜絲，酸味又係岩岩好，酸辣得宜。半隻雞同蜆既份量都唔少，我地之後仲加左一份豬潤、生菜同薯粉，夠捧住個肚返屋企過冬眠啦。晚安。

呢間米線鋪其實系荃灣城市中心附近開左好多年，近年黎唔知系米因為隔離周圍開左好多其他雲南米線，競爭大開始轉型。餐單多了些雞煲、火鍋，串燒等。今日同家人一齊黎食，重溫中學年代味道同回憶。我地各自叫左個小鍋餐，我叫嘅系小鍋米線配豬大腸及豬頸肉；而阿妹叫左個小鍋紫薯粉配雞翼尖及牛柏葉。我個個米線叫中辣完全都中系中學味道，湯底好濃郁。阿妹都覺得好好食，叫佢比下意見。佢話其實味道同重慶酸辣粉有d相近，但她喜歡這間的薯粉多d。我地仲叫左小食《沙爹雞、牛串燒》《麻辣雞翼》沙爹雞、牛串燒好正、麻辣雞翼推介比大家，同食開譚仔d好大分別。更野味！！！Lunch埋單一共$153，除返開每人食到肚凸凸，都唔洗75蚊。正啊！！！！！

去既時候唔係繁忙時間見員工都係冇嘢做但係坐左一陣只係有人遞餐牌但都冇人抹抬/執返垃圾後來轉左枱但就有蒼蠅飛來飛去其實唔係要100%整潔但連最基本既衛生都感覺唔到落單既時候員工服務態度欠佳叫左幾次酸辣都唔理 仲不停大聲問我姐係要落咩講左好幾次單 後來佢先黑住面落到叫左杯凍檸茶少甜 甜度都係冇少到總括而言呢個價錢既米線係荃灣可以有更多選擇都唔會再食 十分唔推介我食既係小鍋紅薯粉+肥牛酸辣辣度okay 但肥牛好韌 湯底肥膩 油較多酸菜少

收工想食平平地嘅米線, 本身諗住去旁邊間唯一雲貴川風味, 點知又係大排長龍。好肚餓所以入左隔離呢間米線食~最後點左紅薯粉。湯底冇咩特別, 薯粉幾有頭, 至於叫左個麻辣肉丁都幾有驚喜, 麻而不辣, 不過略嫌肉丁太瘦, 有點兒鞋。至於呢個口水雞, 半隻50蚊可以話係十分抵食。麻辣味一樣麻而不辣, 十分香口, 但雞身唔算特別滑, 如果係雞脾肉就會更加好食!總括而言, 呢間米線雖然算不上話特別好食, 但性價比都唔錯~如無意外會再幫襯~

.📍雲米家 - 二餸米線 （$47）.🍜推薦一家好好食既米線比大家😆～麻辣米線（$33）已經有麻辣肉丁，大片腐竹，雲耳，芫荽，芽菜和蔥花，料多到可以直接吃掉整碗米線🤤加餸$7 一款🤑魚蛋係大大粒長洲魚蛋🍢豆卜也毫不吝嗇也直接舖滿半碗😋CP之王啊‼️👑.🍲麻辣湯底很濃，加入了很多肉碎令整體味道很鮮，雖然黑黑的有點嚇人但絕對好吃👍🏻辣味屬於可以接受的範圍，輕量級的麻辣🌶.🥒涼拌青瓜($28)必須要食‼️必須要食‼️必須要食‼️帶蒜香的麻辣青瓜最好吃😋

今日同老公一齊做嘢，經開呢頭就特登來食米線我叫左微辣牛展豬大腸小窩米線非常足料，配菜亦無慳！好多酸菜、芽菜、韭菜、炸醬都非常足夠味道非常濃郁，酸度好足夠！一大堆酸菜！好鍾意佢又辣又酸，真係非常惹味又開胃！其實有三塊大牛展，不過我影少左，佢切得都幾薄身！食落都好香牛肉味，肉質又唔韌、非常腍身，有少少筋位都幾有咬口！好鍾意豬大腸嘅豬屎味🤣😂🤣😂🤣😂🤣呢個秘製豬大腸有少少辣，煮得非常入味，而且冇怪味😂又冇乜豬腸肥膏份量都足夠，有六舊。