雲海滙

营业中

休息中

端午節假期專程過嚟海達村新開酒樓飲茶🫖 用落地玻璃採光充足，我哋剛好坐窗邊可以望到出面平台草地🌿新裝修，坐得舒服！🔸鮮蝦菜苗餃蒸過龍搞到啲餃皮腍啤啤，但足料，味道唔錯！🔸煎釀虎皮椒尖椒釀魚肉真係絕配，食極都唔厭！🔸雪山叉燒包通常啲雪山叉燒包都係圓碌碌，但呢個好似光酥餅扁扁地，好搞笑😂表面沙沙質地， 叉燒餡料足，唯一缺點係唔夠熱，只係微暖。 🔸藥膳雞腳總共有4隻，隻隻都好腍好入味，食到藥材味同好容易骨肉分離，再飲埋個藥膳湯補一補，正！午市點心餐牌👀

見佢新開就同朋友一齊去試試，4個女仔點左四人餐， 有燒味拼盤，蒜蓉蒸大貝，菠蘿咕嚕肉，酸菜魚，海鮮雜菜煲， 一盅湯。碟碟都大大份， 盅湯大到每人可以3-4碗， 酸菜魚盆好似面盆咁大🤣！ 咁多餸都只係$688。 重點係味道唔錯！ 下次會再返去食

一早去訂母親節飯，分半席6個人同一席12個人，甘啱我哋8個人，去俾訂金訂位落8人，話餸菜會加份量俾我地，點知去到當日，話有樣餸做唔到8人，話減100蚊俾我。點知之後啲餸根本無加到8人份量，仲有餸只黎左6人份，但錢照收，成餐飯食到火都黎，我一個大肚婆仲要同佢餐廳經理理論，最後一度菜壽包只黎左6個，追佢漏左2個，話補俾我，等左好耐之後，話俾2個未蒸既我返去蒸，甘做咩叫我等甘耐，我之後無要到，但個經理好意思只扣我10蚊差價，收我甘多錢，成餐飯未試過成肚氣，做吾到，當初訂位個陣就吾好話可以加錢。永不光顧，野又難食👎🏻

早幾日係雲海滙訂左個4人餐外賣，早一日店長仲打電話提我記到時去攞外賣，服務貼心🥰當日早到左現場，梁店長立即麻煩廚師做比我😀因為係母親節關係，見到店長忙到不得了，仲好唔好意思咁走過黎同得我講，‘’唔好意思招呼唔到你今日，下次過黎試下飲茶‘’。 其實係我唔好意思，仲有煩佢攞呢樣，攞嗰樣。😆外賣到左後，仲好細心咁幫我用保鮮紙包好所有 有湯水既餸菜。 包好餸菜之後怕我重，仲幫我拎到𨋢口😅今時今日咁既服務態度👍真係好難得！

食物還可以燒味好食其他一般 但收銀找錯錢落錯單 唔耐煩堅持要佢重複訂單內容 才知落錯單 然後老羞成怒直指沒有我這麼聰明比我還要惡 其實佢做收銀如果唔識按電腦制應該接受training再唔係態度好點叫我等一等完全沒有問題但她這樣的態度使我不敢再光顧

見新開張的中菜館環境唔錯入去一試~早茶7點便營業都算幾早,  試左四款點心都算唔錯, 價錢合理, 可以再黎~再試埋晚市, 一入去睇個餐牌就出事, 可能趕住開張, 餐牌應該未印好晒, 食物種類很少,  反正巳坐下都試下佢地既小菜如何吧~乳鴿香脆, SIZE適中, 味道尚可乾炒牛河乾身唔油, 牛肉較碎, 冇乜味咕嚕肉肥肉部份太多, 味道偏酸, 份量較少蠔炸得唔錯, 脆脆地但偏咸

期待以久海達邨酒樓新開張，比預期失望！在屋邨開酒樓，價格算高，食物質素又一般，沒有熱水壺但又沒有員工加熱水..飲到一半茶都唔熱了！….早茶和下午茶都比出面貴，食物質素麻麻，寧願去海麗、星悅居果邊飲！呢啲價錢，去V walk小富臨飲好過!性價比高過佢好多！茶錢還要$12一位，我覺得貴咗啲！但顧客服務是很好的，職員很有禮貌。☺第一次入到去感覺華麗，環境好乾淨，牆壁和枱面板用雲石面的，比起用枱布更乾淨，更環保，酒樓地方寬敞，這點是值得稱讚的。🤗