雲海滙

营业中

休息中

今日去了深水圳一間中式酒樓飲茶，因酒樓比較新，所以裝修時尚，光線明亮，感覺舒適。而附近都是住宅，所以價錢很大衆化。下午茶有很多優惠。我點了：-上湯波士頓龍蝦(半隻)送伊麵龍蝦肉爽口鮮甜，配上伊麵，索了龍蝦汁很惹味！-蟹粉小籠包（6隻）包內湯汁多，連餡料一齊食，很juicy。-花膠灌湯餃湯底清甜，有花膠和菜膽。-精選孖寶： -菜苗餃 餃皮薄，晶瑩通透，有大粒蝦肉。 -蝦餃皇 大大隻，滿滿的鮮蝦餡料，爽口彈牙-椒鹽魷魚鬚外面炸得香脆，魷魚鬚粗厚爽口。-千層薑汁糕薑汁味濃，煙煙靭靭，甜度適中。

今天到南昌站附近會友，一起到海達邨商場平台的「雲海滙」中菜館吃晚餐。由於時間尚早的關係，晚市食客還未到，很容易就找到理想座位。開了茶，看見餐牌上推介“智選海鮮百搭餐” ，可自選“海鮮”+“燒味”+“小菜”，只售$318起，相當實惠。此外，我們還叫了一條清蒸沙巴龍躉（推介價$98）。“上湯波龍伊麵（1隻）”，原隻開邊波士頓龍蝦，肉質鮮甜，原汁原味。滲透龍蝦汁的伊麵，特別滋味。“沙薑清遠雞（半隻）”，雖然是半隻，也放滿一大碟。肉質幼嫩而入味，點上沙薑醬更加惹味。“豉蒜涼瓜炒牛肉”，新鮮即炒，熱焫焫，鑊氣十足，蒜蓉豆豉香氣四溢。牛肉爽滑不老，苦瓜保持脆嫩，上佳之作。“晚飯皇牌五選一”之“清蒸游水沙巴龍躉（約1斤）”，一大條龍躉，蒸得恰到好處，剛熟又不過頭，肉質嫩滑鮮美，難得的佳餚。最後還附送足料紅豆沙糖水。「雲海滙」的菜餚，無論是份量，或是廚藝，無不令人驚喜，再加上價錢超值，這頓晚餐特別滿足。

講到飲茶🫖香港人最鐘意！但近期聽朋友介紹南昌站附近酒樓雲海滙不錯，價錢方面仲好抵！於是同家人一齊去啖個茶茶先！去到剛好下午茶☕️時間，竟然仲有$8.8一個點心，仲係有牛肉腸粉食，好滑的牛肉腸粉，質量沒有因為特價而變質👍🏿陳村粉蒸排骨都係$12.8好香的蒜味排骨好食！店長推介蟹粉小籠包（6隻）$58抵食呀，個湯好濃，食時要小心流汁✌🏿仲有下茶套餐$31.8兩個點心，潮州粉果好味，最重要的粉做到好透明個涵味道好香😋主食芝士海蝦🦞伊麵$98好大份，芝士味好濃，蝦🦐好鮮甜！鮑魚雞粒炒飯$98真係有鮑魚粒，好香口😍品茶環境真舒服😌

當晚想食白烚蝦，所以告知免去花生酸菜，便不可點其中幾款優惠菜，是沒有問題的，要下單時，別一位女部長說，我們不要花生酸菜，所有當晚的優惠菜都不可叫，再找一位微胖的部長解釋，我們兩位是剛第一次在這裏食晚飯，因為我打緊標靶針，且花生及酸菜是已預早擺放，怕容易有細菌，後來胖部長說可以免去這個花生酸菜，找數時，單上並沒有扣去花生酸菜，和收銀小姐解釋狀況，收銀小姐說，菜單上已註明要付茶芥，酸菜及加一服務費的，後來一位很高的部長，找來胖部長來，且十分大聲告訴胖部長，客人說您可免花生酸菜的，您自已拿15元補給公司。在這先謝謝胖部長幫我們免去酸菜花生，知道這是職員們的下欄錢 ，希望貴公司也為一些不能食花生酸菜的客人行個方便，當晚食了粉絲蒸扇貝2隻（蒸的很美味），粉絲蒸聖子2隻（肉比較瘦），鮑魚雞煲（內有5隻寸半左右長的鮑魚，份量2人份，濃味），半斤白灼蝦（12隻，好味的），蟹粉小籠包（6個，不錯的），送了2碗紅豆沙（不錯，可熱一點更好），二人份量，埋單是486元，給大家參考。

週六吃下午茶，黃金焗蝦已經吃出來不新鮮（肉質不緊），鮮蝦菜苗餃吃下後，即刻反胃，衝去廁所嘔吐。 事後姓駱的店長態度強硬，想撤走出問題的點心，cancel這一個菜品，且催趕我們離開，有事就自行就醫，並未感受到對食客的關心，令人心寒。我們全單正常付款後，將問題菜品打包，隨即聯繫衛生署，交付樣本。食環署已派工作人員當天前去檢查廚房衛生。非常不佳的體驗，再次勸各位謹慎去該餐廳就餐，珍惜身體，遠離身心不佳體驗。

早幾日約咗班friend去食呢間海達邨雲海匯，見佢乳鴨好似幾抵食咁。點知，一入門口就俾知客呼呼喝喝，仲將張「攞位飛」扔俾我。入到去坐低，等咗10分鐘都未有碗碟、點心紙，仲將普洱開錯咗香片。我係點心紙剔咗9款點心，竟然有4款點心無貨，侍應十分串嘴話我哋寫得唔清晰，要將每款點心圈起來佢先睇到，仲話「漏咗唔關我事！」食物質素好一般，乳鴨好瘦、無肉食。我哋嗌咗既腩仔飯等咗45分鐘都未到，然後催單，待應答我「燒緊」，再等多45分鐘後再催單，另一個侍應好惡咁話賣曬，又話廚房落場無其他嘢嗌。呢間嘢d服務真係超差，約friend、宴會唔好泥，你肯定會一肚氣。

佢開張之後都食過兩、三次，一直都覺得ok。不過上星期六去食翻，就發現質素直線下跌。南乳豬手完全無味，似白恰豬手；叉燒腸d粉皮勁厚；鴨絲炒飯d鴨絲只有幾條，似係食白飯；炸雙皮奶卷，都唔知食咗d咩，淨係食咗一口粉漿。員工勁黑面，態度勁差，賣曬都唔通知，要人白白坐係度等半個鐘，之後追單就話「唔係我入單，唔關我事」。唔怪得舊時要等位，現時餐廳都坐唔滿人。質素、服務兩樣都完全唔合格，貼錢買難受，大中伏，唔會再幫襯。

平日放假一於試下呢間新開咗一段時間嘅茶樓早市一至五係7-11:55am，茶位每人$8我哋大約十點幾到直接入去就有枱第一次食就梗係揀返早茶優惠叉燒腸上菜只係暖暖地食落個粉皮軟熟，叉燒都ok皮蛋瘦肉粥粥底不錯的好綿，料就太少，皮蛋都仲食到瘦肉就得幾條肉絲蝦餃都幾大粒同足料，食到原隻蝦係爽口嘅粉皮煙韌唔會太厚，但一籠只有兩粒蟹籽燒賣皇都係大大粒，食得出係鮮豬肉蝦爽口彈牙，冬菇味都出，不錯鮮竹牛肉球啖啖肉，食到新鮮牛肉味配香菜，口感不錯整體早市點心味道不錯，全部都熱辣辣呢度茶都幾香，平日也可再來假日要排長龍就可以食其他

店員態度極之差劣 我要搵部長 店員話自己好忙叫我自己去搵（西面語氣態度十分差) 經理一樣態度唔好 根本唔想理 佢話自己唔係部長 係經理 所以店員唔清楚 先叫客人自己去搵 （少少西） 一早要受氣 絕對唔會再去呢間野 😡😡😡

小編本身好鍾意食片皮鴨❤️，不過身邊朋友都唔係特別喜歡所以一個人又無咩機會去食。今次kkday 做緊外賣自取優惠，小編就可以出錢又出力，拎埋畀屋企人一齊享受下片皮鴨啦！🤩不過地方係有點偏遠，如果唔係住果條邨或附近的話。【 京式片皮鴨】$158/隻凡購買每隻片皮鴨包京式手工烤餅、京蔥條及青瓜條，內有說明書教你外賣返屋企點樣加返熱係最理想食法。小編買過2次，第一次半小時內返到屋企即食無特登加返熱依然好好味！第二次一個鐘先返到屋企，趕時間都無加返熱就發現有差距了，建議乖乖跟指示加熱方為最高享受！😋😋😋🧡追加小菜：【 川味口水雞】$28【 花膠燒豆腐】$28 小菜份量都比較細，不過呢個價錢都唔會奢求好多，至在有多幾道菜唔使煮餸。味道皆中規中矩！【 原隻鴨殼】$20見唔少評論都建議必買，因為個殼係有好多肉，可撇肉絲出黎炒下菜或切件煲粥，正呀😋分數：（10分滿分）味道：7.5價錢：8環境服務：7（以上評分只是小編個人口味而已）

剛開業叉燒好好味，最近食過2次都好差，又乾又硬，服務態度仲差左好多之前燒味哥哥好好笑容好禮貌，而家呢個同佢講要半肥瘦叉，佢扮聽唔到去飲茶見啲人都唔同晒，態度都不如之前嘅好，好掛住之前好nice 嘅姐姐

是次和家人第一次到這間酒樓喝下午茶。由於是平日下午，茶客不多，尚可自行選擇座位。食肆環境桌與桌之間擠迫，只用一塊膠板間隔，不舒適。食物質素是次點了兩個下午茶孖寶，另加一個肉骨茶，份量足夠二人，但不太好味。1. 金絲蛋散上桌時蛋散已經冷亦不鬆脆，伴碟糖漿非常少，不夠五條蛋散都能沾到。2.炸鮮奶上桌時點心微暖，味道不過不失。炸鮮奶比較少在下午茶餐單出現，可以一試。3. 菜蝦餃上桌時點子只是微暖。菜的份量比較多佔85％，蝦算大隻但無味。4. 紅油抄手上桌時是熱的，皮比較大塊而肉偏少，辣油尚可足夠沾到每一隻。5. 肉骨茶鮮竹卷上桌時熱的，肉骨茶香但鮮竹卷不算好食。肉骨茶有少少肉食，藥材味不錯，惟鮮竹卷太淋，一夾便散。服務下午茶時間為13：30-16：00，不知侍應是否趕落場，早早在15：30便開始在身邊過份擾攘，讓食客不能安坐進食。門口接待職員禮貌很差，對著兩位不能用「安心」app 的老人大聲呼喝，亦不讓老人填紙仔，好像趕客。

南昌站附近一直都沒咩酒樓揀，難得有間新開，同屋企人去試下。新裝修都幾舒服，空間感唔錯，唔會迫，樓底高啲聲唔會困晒喺度，食完唔會耳都聾。星期五晚市唔算多人，有啲優惠野揀，價錢正正常常。先揀左晚市特價5選1既欖菜骨，味道都幾好，有肉味，$58黎講都幾大碟，值得食。再叫多左嗰孖寶，例牌燒鵝加4隻蒸扇貝。燒鵝就麻麻，皮唔脆，唔夠熱，味道都算ok。蒸扇貝係幾大隻，帶沒咩鮮味，肉質有啲韌，但調味係ok既。最後加多個海味雜菜煲，呢嗰ok，都幾多菜，湯底調味幾好。呢間既味精算唔重手，因為食完唔係好口喝。

今日諗住加送斬料買樓下酒樓叉燒王，平時下午買飯盒質素一向都唔差，冇諗過夜晚買正價$70半斤叉燒皇啲質素會咁差，連我仔仔一打開望到啲叉燒嘅顏色都唔想食！我特登買俾阿仔食，點知比啲咁嘅垃圾我！有一次老公夜晚買燒腩仔又係咁，返到嚟盒燒肉散修修仲要唔係燒腩仔，成日賣埋啲垃圾俾客人，真係好激氣！😤😤😤以後一定唔會再幫襯呢間垃圾酒樓！😡😡😡

訂咗6:00枱6:00叫起片皮鴨 結果6:45先到 你到隻鴨只是有少少暖 叫佢哋幫我叮一叮翻熱 之後個侍應好嬲咁行埋來 話我唔擸佢偷咗啲鴨 但我從頭到尾只係覺得隻眼唔新鮮同埋凍 叫佢定番熱 我特登以正價堂食 無非都係想新鮮食啫 但係隻鴨完全冇肉汁仲要凍凍地真係有啲過分 有圖為證大家睇吓啦 同我兩個月前來食爭好遠好遠好遠好遠