雲川 米線．紅薯粉 (盈豐商場)

营业中

休息中

朋友就推介咗呢間米線店！(麻辣湯紅薯粉配一餸 $38，鮮魚湯紅薯粉配一餸 $38)食過後覺得質素唔錯，價錢大眾化亦好多選擇。麻辣湯紅薯粉配一餸—麻辣湯底幾香濃，裡面有唔少酸菜同臘肉碎！紅薯粉好夠煙韌，而且好吸收湯味。招牌豬頸肉，切成一絲絲分量好足，非常入味一D都唔會韌！鮮魚湯紅薯粉配一餸—相比起麻辣湯，鮮魚湯就比較清D，但都幾香。另一款餸既就係佢自家既香菇貢丸，超級爽口又食到菇粒！

要利申定本身個人唔太好米線，食親都係一大班人去譚仔就算，但有日見到朋友Po story又幾吸引，第日就去試試去。一去到見到門口咁多人，已經心諗真係咁好味咩？嗌左豬頸肉雲吞重慶小辣，小食叫左手撕雞😋 豬頸肉真係好推介！佢切到細細條但好有口感，份量亦算多，雲吞就正正常常啦，無咩特別，手撕雞份量夠兩個人食，都食唔停口😂朋友叫左酸辣湯，但我就覺得重慶辣香口啲，酸辣感覺一般，感覺配薯粉會好食啲。總結：去屯門就必食

而家梗有一間米線鋪係附近，但未必間間好食，在眾多雲川X米線鋪當中，我覺得呢間雲川燒係最好食既一間。Menu相當精簡，雖然好多選擇，但主要係諗食豬扒定豬頸肉。小麻辣豬頸肉米線隻辣幾好食，但豬頸肉切到絲咁，無咩咬口。雖然美中不足，但我覺得湯底好食過其他米線鋪好多。飲品：有汽水豆漿揀，不過我主要飲凍檸茶，普通茶餐廳口味，無咩特別可描述

呢間隱世既米線鋪兩間分店都位於屯門，係幾偏但食過一次絶對會特登為左佢而返屯門食因為實在太好食！🤤🤤👍🏻👍🏻👍🏻分量多 湯底極濃味 大推麻辣湯底岩晒我呢d重口味既人最正係佢既配料 豬頸肉 豬頸肉 豬頸肉極正，我都講左三次 你唔係唔試過？另外我會揀佢地既螺旋藻，姐係好似海帶咁都係好脆口好食！完全係屯門人既福音 食完佢唔會再想食譚仔or其他米線 十分好評聽朋友講佢既小食現炸都好正，同埋下午茶可以減4蚊超扺食

最鍾意食米線，雲川燒簡直係屯門之首！佢最特色嘅餸就係豬扒同埋豬頸肉，d肉好冧，仲有個墨魚咀都好有咬勁，仲有出邊食唔到嘅海藻，我都好鍾意食。平日嘅午市時間簡直座無虛席，附近嘅學生街坊都會嚟食，d呀姐做到冇停手， 不過好彩嘅就係等位都唔算等得太耐，值得一試！

這家米線是在屯門一個舊商場裡面。其實屯門市中心有好多米線店但是都是連鎖那種。這家我覺得他湯底很濃味，只是配菜不多。叫了一個酸辣湯底，吃起來沒有幾根酸菜。他的香茅豬排跟豬頸肉真的不錯。麵可以選擇紅薯粉還是麵線，份量剛剛夠一個人吃。

屯門最岀色的米線鋪😍呢到的豬骨湯好好味 係外面食清湯成日好驚好淡 呢到啱哂唔食辣同酸的朋友必食我介紹豬頸肉同雞泡魚乾好少地方有雞泡魚乾食自從係到食過一次就上左癮😂點小小沙律醬就已經好好味😂

建生除了川味閣，也有雲川燒可吃四川雲南的米線或薯粉。也是有撈的或湯的任君選擇，就看自己喜歡的口味或天氣。這次跟朋友貪方便又不太貴叫了外賣～福州魚丸+花枝丸小鍋米線（中麻辣）$37+7+1加多一配菜要加$7，外賣又多給$1，因是叫熱飲所以不用再加錢。不然凍飲要加$2～挺喜歡這間的福州魚丸，魚丸挺彈，裡頭豬肉餡不多，是吊味為主，所以適合我。花枝丸也是很爽彈牙，很有咬感。米線今次偏硬，不過湯底挺濃跟惹味。香茅豬扒魚角熱拌薯粉$37+7+1，也是會有杯熱飲。豬扒很不錯，煎得很香口，魚角也是挺軟熟不會淋身。所以還不錯。

呢間野已經食過many many times la!每次去都唔洗等位，因為搭枱都冇所謂既！每次我都叫佢既豬頸肉同豬大腸，份量多之餘又好食，仲有佢個魚湯真係超好飲，我每次都飲曬d湯！

以前住付近差不多每一個星期都會黎食，搬左之後好耐無黎食了，睇住佢由細鋪搬大鋪，咁岩路過，即刻要黎食反碗，本人最中意佢既麻辣湯底，夠麻，佢既酸辣亦係幾特別既，我叫中辣，因為小辣又無乜feel，豬頸肉，豬腸，豬扒係推介，但因為我最近小食肉，所以今次叫左雲耳同墨魚咀，餸既份量係吾小架，墨魚咀都有七至八粒，湯底都保持到水準兩個餸米線加埋凍飲，4十幾蚊，價錢不平，但佢咁好生意，無辦法啦。。。佢又咁好食。。。

幫襯左雲川燒好耐，由中學開始已經成日lunch食，到依加仲有持續幫襯。每次去都要排隊，就算唔係都坐滿哂。無論學生時期同返工d同事都係常客，所以其實真係好出名好多人識。首先係選湯底再揀餸，湯底有豬骨，麻辣/酸辣，魚，揀咩都無所謂，全部都好食。唔好以為應該無乜人揀魚湯，好似好淡咁。但係魚湯真係幾鮮味，係濃郁既，有時都懷疑佢地應該落左勁多鹽🤣最推介的餸就係豬頸肉同豬扒，勁足料，叫一個餸已經好夠，食極都食唔完，有次我家姐仲食唔哂😂而味道真係好似係燒烤咁，好好食價錢方面，三十幾蚊一碗，唔貴，但依個質素真係好抵👍🏻

豬頸肉熱伴米線 配餐飲 ($37 )大家都話總店好食d, 就算唔就腳都堅持嚟呢度環境都幾迫下, 好彩冷氣風扇都夠唔會話食到身水身汗呢度嘅豬頸肉係一條條厚切 唔同平時一片片感覺更加有嚼勁 同埋份量相當慷慨 鋪滿喺米線上面另外有肉碎 蔥花 芽菜作配料去撈米線醬汁都好充裕嫌一個餸單調嘅話 螺旋藻都係推薦唔要米線 可以揀紅薯粉><><><><><><><><><><><><><><><><><><><><一餸 $37 +$7/餸雲川燒屯門良德街盈豐商場地下A27號舖

再一次食雲川燒，都仲係keep 到咁好食！叫咗個魚湯、 香茅豬扒、豬頸肉。啲餸多到離曬譜！而且豬扒夠入味，又微微煎過，豬頸肉整到好薄，好好咬。完全覺得呢間米線無得輸！

小妹今次走入屯門找食!我諗好少人會走到黎呢個商場搵食但係係呢個小小既屋村商場, 就有一間隱世米線而呢間米線一直都係小妹既米線排行榜既top 3!環境方面, 有三張大長枱, 同幾個卡位多數都要搭枱坐好唔起眼既門面, 係商場既小角落餐牌:因為係4點幾既時間要留肚食晚飯, 所以就叫左一碗米線+一個茶餐小麻辣,豬頸肉, 豬大腸米線($44): 米線1個餸$37, 加多左個餸加$7, 價錢絶對合理, 份量偏多, 一個人食好飽!味道: 豬頸肉, 豬大腸 呢兩個餸係小妹既必食推介            豬頸肉係煎過, 切成一條條, 十分香口;             豬大腸, 原全沒有豬騷味, 同埋係比較薄身既            湯底: 佢既湯底有肉碎, 而味道係偏濃味, 岩哂小妹既口味 菜肉雲吞(6隻) ($28): 呢個價錢算係超埴, 仲跟杯熱飲味道:  雲吞皮薄, 都幾大粒, 好似上海鋪頭食既味道 

很久沒有到雲川燒，發現多了一款小食，有兩款口味，湘絲海蜇頭 及 麻醬海蜇頭， 都是$26， 很便宜，好辣我們選了湘絲口味，這碟小食份量不少，外面多數吃的是海蜇絲，很少吃到海蜇頭，海蜇頭口感更豐富，厚身爽口，湘絲口味帶辣，很惹味。套餐$37跟一款餸，包餐飲。點了一碗豬頸肉酸辣湯小辣米線， 一碗豬大腸，菜肉雲吞，螺旋藻酸辣湯大辣紅薯粉，不用多講，從相中已經看到餸的份量很多，十分超值。油菜 $16， 夠大碟，跟蠔油。豆漿 （+$4），套餐+$4， 抵飲，豆漿豆味濃。