雲家小鍋米線 (328廣場)

营业中

休息中

位於荃灣沙咀道的雲家，每次經過都見到有人龍喺出邊排隊，今日就決定一試。餐廳環境唔算好大，但係可能因為價錢比較平嘅關係，客人一走又有人入黎，名副其實長期爆滿。今次點左豬頸肉小鍋米線同魚肉春卷小窩米線，湯底都比較有特色，味道十分濃郁，米線的軟硬岩岩好，炸醬同配料都好足料！湯底味道濃厚再配酸菜，食入口唔會太辣呀。豬頸肉食得出係有炭燒，豬頸肉唔會太咸，見好多人都有單獨叫豬頸肉。魚肉春卷有三條，爽口彈牙！蒜泥白肉的白肉切得好薄，睇圖都見到成碟鋪滿粒粒蒜茸，店員上菜前都會提食客小心熱，因為上之前焗過，蒜味加焦香嘅醬汁同大型連鎖店嘅孫儷白肉味道唔同，食入口沒有那麼油膩，但更有蒜香味道。墨魚咀係餐廳嘅必點小食，我見好多枱都有點這款小食，墨魚爽口彈牙，份量又多，而且出奇地與蒜蓉十分配搭。特別值得一提的是炸春卷， $23有五條，外層十分香脆。整體而言，人均消費$100有找，抵食、性價比高，味道濃郁，有特色！

今日同friend出開黎荃灣，諗起之前係米線關注組有唔少人介紹雲家，一如黎試下😆行到門口，見間店唔算大，入面坐滿曬人，門口都有d人排緊隊。好彩過左食飯時間唔洗等好耐就入得😛雲家米線雲家米線可以話係好似譚仔既過橋，有齊雞翼，魚春卷，雞絲等等幾類必試既餸，滿足曬幾個願望😆米線無論係配菜定餸份量都十足，性價比極高👏魚肉春卷米線所有米線都可以揀辣或者唔辣，今次試左小辣 唔算太辣，酸辣湯非常濃味，酸同辣既感覺各佔一半，陪埋米線，會有食到停唔到既感覺🤤不愧受到好多米線迷既推薦👍🏻👍🏻涼拌墨魚頭呢款小食都係推介之一～墨魚頭咬落非常爽口新鮮，沾完甜酸醬同蒜蓉非常開胃！而且份量都幾多，岩曬同朋友share食🤩炸雞中翼雞翼即叫即炸，所以相對要等耐少少。咬落外脆內嫩，值得一試😋😋另外再加左碟油菜，份量比起一般粉麵店多。菊花蜜相對比較甜，冬天飲落非常滋潤。鍾意無咁甜既朋友就可以試下豆漿，豆味濃得黎唔會太甜😙總結而言，無論係米線定小食既份量都好多，加上價錢相宜，性價比好高。🥰🥰

好食既小鍋米線絕對係會令人成日掛住😋雲家米線係荃灣出晒名諗唔到食乜既時候一定係佢!!!簡單一碗小鍋米線已經好好食🍜酸辣更加係開胃之選 有豬肉碎 芽菜 酸菜 韮菜等等我加左炸醬同腸仔 味道濃郁 米線軟腍適中 份量都唔少 一路食一路飲凍檸茶解一解辣👍🏻.如果唔想諗食咩餸 食雲家米線就岩了有多款配料 非常抵食 上枱果時嘩左聲😄有腐竹 冬菇 雞絲 雞翼 魚春卷 腸仔等等 食到捧住個肚呢款湯底唔辣 酸酸地 適合不吃辣的朋友❤️啲配料都好入味 魚春卷好好味 魚肉彈牙～.另外叫左🐷豬頸肉小食 切左片 咬落好juicy 肉質仲有啲爽口 點埋甜辣醬不得了 燒得好惹味呢 香而不膩～下次黎一定會encore🥰

其實我沒有特別愛好米線 車仔麵間中遇到好吃的也會嚐鮮在社交平台都有加入 米線關注群組知道在荃灣地區有幾間上榜最近都在荃灣出沒 就去品嚐.兩碗米線 一碟小菜 已足湯底叫大辣 對於我來說不算辣如果喜辣的話 可以大膽點叫份量很多 對於女生來說比較多米線可以轉芽菜底 這點我挺喜歡配菜的份量也不少 也是正常水準.秘製豬頸肉份量也算多 算挺厚切的厚度每塊都充滿肉脂香 表面很香脆本身有調味 沾上甜酸醬 讓你多吃幾口.店的容納度比較少 需要拼桌店員態度不錯 阿姨們都很可愛

//每晚看舊影片伊力盧馬冬天故事吃盡各種米線那是我的自由意志僅此而已還可以如此//——《散步之年》My little airport米線同餃子都係肥西吧comfort food，住係荃灣呢個米線集中地實在太幸福🥰荃灣米線導賞團嘅第一站就帶大家嚟到雲家小鍋米線😌👅墨魚頭豬頸肉小鍋薯粉（$63）7.4/10Struggle 咗好耐食薯粉定米線好，嗰日想揾嘢咬吓🤓講咗湯底先，中規中矩啦，呢間嘢辣度偏低，肥西叫咗中辣但唔係好夠辣，湯頭幾濃花生味，食完都幾口渴（重味精）🥲不過份量好大，飽到上心口。啲餸又係多到cls，因為一丁友去食，叫唔到最出名嘅涼拌墨魚頭，唯有轉做餸，好多咬口，但冇咗涼拌個汁就偏腥啦😌不！過！豬頸肉係好食到癲咗，有烤過嘅香味，完全唔柴，厚度適中，爽口得嚟又有油脂感，食極都唔夠皮想即刻encore💯_________________________米線同湯底嚟講，呢間嘢唔高分㗎，但個豬頸肉令我食想再返去食，大家去食記住一定一定一定要食豬頸肉，其他就隨心啦，冇伏但唔好太高expectation😌小店都係坐得迫㗎啦，同埋佢啲搭枱方法小奇怪，唔係左右分，係前後咁𠝹開😂加埋塊板真係冇咩位

一個人的午餐 雲家小鍋米線好多人幫襯，走一個入一個，keep住要等位等位係有原因!豆漿甜度岩岩好雞絲螺旋草米線加魚肉春卷配清湯底好多芫茜佈滿面，超香一碗大大碗，好足料螺旋草同雞絲配合得宜，配上爽滑米線，好正原本只係叫一個小食，點知見到幾枱人都叫涼拌墨魚頭，我就跟著叫埋。炸雞中翼好脆口，外脆內嫩，雞肉好juicy唔覺唔覺就食哂4隻涼拌墨魚頭勁多蒜粒，蒜香味十足，配上墨魚頭，真係好惹味食到停唔到口兩個小食一樣食得哂。

荃灣有好多知名嘅米線舖，但我始終都鍾情呢間雲家小鍋米線。牛腩小窩米線：本身係想食呢度馳名嘅豬頸肉，可惜只剩最後三塊，唔夠一碗，但老闆娘比埋我，幫我呢碗牛腩小窩米線加料。而佢哋嘅牛腩都好好味，煮得夠淋，夠哂入味，而牛腩嘅味道同酸辣嘅湯好夾，我哋仲加左個蘿蔔，啲蘿蔔勁清甜，可以中和一下酸辣所帶嘅辣味。豬扒小窩米線：呢度嘅米線都幾彈牙，湯嘅味道好濃，入面仲有酸菜，芽菜，肉碎同蔥，用料豐富。而豬扒佢哋會另外上，所以經過酥炸嘅外皮仍然香脆，仍然充滿肉汁。我哋仲加咗個豆卜，索哂惹味嘅湯汁，令人一食上癮。涼拌墨魚頭：墨魚頭夠哂爽口彈牙，加埋佢哋秘製嘅醬汁同埋蒜茸，勁香勁惹味，令人食唔停口。手拍青瓜：青瓜份量都幾多，調味得宜，佢哋仲用咗勁多嘅蒜茸，所以有好濃嘅蒜香味。

同朋友食過一次，湯底應該唔係味精，飲完完全唔頸渴，酸酸辣辣好惹味，我叫左豬頸肉，食米線必叫嫁啦，呢間豬頸肉簡直世一啊，超有咬口，外皮稍微炸過，可以索到湯，並且有醃過好入味，正啊～٩(●˙▿˙●)۶…⋆ฺ

今天荃灣半天遊，行完三楝屋後又熱又肚餓，想食碗濕濕哋嘅酸辣米線，立即想起雲家，果然保持水準。兩個女仔只叫一碗酸辣小鍋米線（$28）配6個餸（$7-18），再加兩個小食，飽曬。米線上枱，大堆頭，睇見都開心，食欲大增。我們叫了小辣，湯底濃郁，酸辣適中得來有鮮甜味。米線屬幼身，爽口軟滑，不會過硬或過腍。配餸中最好食是金錢肚和蘿蔔，前者又腍又入味，後者則大大件非常清甜。涼拌墨魚頭（$43）大大碟好夠份量，墨魚頭爽滑有嚼頭，涼拌汁夠惹味。蒜泥白肉（$39）若你和我一樣是蒜蓉控必定會好驚喜，因為真係好夠蒜，豬肉夾着香而不辣的蒜蓉，真係會食上癮！白肉是豬肉薄片，肥膏不多，好處是唔肥膩可食多幾片，不過就稍為唔夠滑，二者不可兼得。開餐時間是三點，小店差不多滿座，同枱兩位日本小姐一路食一路半廣東話半日文說「米線Oishī」，證明真係幾好食的。

🍜經常經過呢間食米線嘅小店🏡見到佢任何時間都會🈶️人排隊🍜見咁多人排隊支持🏡加上我又好喜歡食米線🍜所以就決定排隊襯下熱鬧食番碗先❤舖頭裡面雖然細細地，但整體企企理理、清潔乾淨👍而且食過就知點解咁多人排隊都要食佢❤原因唔單止好好味😋而且仲大大碗🥣每一份餸嘅份量都夠多👍佢啲湯酸酸香香❤我唔食辣🌶️都愛上左佢嘅味道❤真係超級好食同抵食呀👍我唸試過嘅你都會同我有一樣的感覺呢❤所以一定會再番去食呀😋😋支持用心經營嘅小店👍👍..🍜雲家米線 (唔辣) $58(+6 有熱飲☕️我飲熱菊花蜜❤👍)..😋呢碗「雲家米線🍜唔辣」裡面計計埋埋有成12樣嘢🤗包括有腐竹、冬菇 (👍好食)、雞絲、雞翼(👍正呀)、魚春卷、螺旋草、腸仔、芽菜、酸菜、韭菜、蔥、芫荽❤️超級大碗🥣配個酸酸地唔辣嘅湯❤真係超級超級好味道😋..🍜自選米線 $43(+6 有熱飲☕️我飲熱菜蜜❤👍)..😋價錢視乎你揀啲咩餸❤️呢碗我就揀咗豬頸肉(👍好好食)、紫菜、貢丸、魚肉春卷 ❤️d餸份量真係好多👍由其喺豬頸肉🐷個份量好似出面啲舖頭一份小食份量咁多😋超滿足😋❤️☺️..👑小食：炸春卷$23/5隻..😋喜歡食香口野嘅你就必食喇❤上枱個陣時炸春卷仲係辣辣🔥網狀嘅春卷

呢次係第二次食呢間餐廳，上次係慕名而來想試豬頸肉，可惜當日係夜晚7點左右 豬頸肉已售罄。唯有擇日再嚟啦。相隔2星期 揀咗紅日晏晝2點半左右到，排隊大概5-10分鐘就有位。第一時間問有冇豬頸肉😂。係有嘅！開心。總結係：味道好食嘅，嘢飲正常。下次會再試其他餸，之前食過腩肉、雞翼都唔錯。不過有一少缺點就係….如晚餐嚟食排隊要啲時間😓好食又抵食 所以要付出代價的。同埋見好多人坐低都係問仲有冇豬頸肉，估計係數量有限賣晒就下次啦。

人在荃灣係時候食午餐，記得香港米線關注組推介 ✨雲家小鍋米線✨▶️荃灣沙咀道328號328廣場地下G01舖咁岩有兩個位，我同細女就入左去啦!坐冇虛席，一走就有人入雞絲🐥螺旋草米線 $46 + 魚肉春卷 $9我選左清湯底，一上枱，滿一滿，勁大碗，份量十足大量芫茜提升香味，米線軟硬度岩岩好，唔會太淋唔會太硬，配上螺旋草同雞絲好好味魚肉春卷，口感實在炸雞中翼 $28一碟4隻，即叫即炸，雞翼上枱係熱辣辣，食落好香好脆。涼拌墨魚頭🦑 $43墨魚頭拌住好多爆過的蒜粒，好香口，墨魚頭入口爽口彈牙，一個人食哂一碟。豆漿 $10豆味好香濃我同細女兩個人飲岩岩好!

米線關注組嘅熱潮從未減退過 成日心思思想食講到荃灣米線頭三位🏅一定少不了雲家小鍋米線不論酸辣 麻辣湯底都很惹味 配料選擇又多小吃更以涼拌墨魚頭聞名 難怪日日咁多人排隊.雞絲螺旋草米線🍜綠白色分明 滿滿的一碗 麵和配料的份量十足雞絲就像雪花般幼細 吸滿了麻辣湯的味道小辣已經好麻好辣 初嚐螺旋草 口感跟海帶相似.魚肉春卷豬扒米線🐷本以為有3條春卷 其實只有1.5條 切開了一半食落冇坊間咁油膩 魚肉較實淨 味道不錯加配了豬扒 炸得軟嫩 酸辣湯底則偏向酸味.涼拌墨魚頭🦑店內主打小吃當然不容錯過 基本上枱枱都有叫墨魚頭口感爽彈 份量幾多 以蒜蓉 秘製醬汁涼拌按個人喜好再沾上酸汁 非常開胃惹味 推薦這個.口水雞🐔一大碟的口水雞 啖啖肉而且不硬 超級抵食表面鋪滿了香料 辛香麻辣 一口接一口就吃光最後忍唔住叫返枝豆漿 下午茶仲會有優惠價添

咁啱出開荃灣呢邊所以試下呢間米線✨豬肚炸醬雞絲小鍋米線 (小辣）$57小辣比我預期中冇咁辣 似係小小辣多啲 米線軟硬適中 湯底唔油 係辣返啲就好 炸醬個味調得好好同埋唔會太溶 有咬口 又唔會有好多肥膏 係好食嘅 雞絲都好有雞味 豬肚就正常 我覺得佢加啲調味會再好啲✨豬軟骨金錢肚螺旋草熱拌米線（小辣）$64呢個拌米線我覺得一般🙈 食落重酸味 冇乜辣味 金錢肚好淡 冇調味 豬軟骨正常 螺旋草係似紫菜咁 都好食嘅 ✨涼拌墨魚頭 $43呢個大碟又好食 可能因為我鍾意食蒜 所以真係好鍾意佢個調味 好重蒜味好好食😆 推薦黎到一定要叫呢個👍午餐人均～$90味道❤️❤️❤️價錢❤️❤️服務❤️❤️❤️環境❤️❤️❤️

平時經過「雲家小鍋米線」都好多人排隊，咁岩今日收早特登行去睇吓，好好彩地避過繁忙時間，可以立即入座。豬頸肉小鍋米線 $46，我簡左酸辣少辣。配料有芽菜、酸菜、韮菜、蔥、芫茜。酸辣湯既味道濃郁，米線和配料嘅份量很多。豬頸肉真心好食，好多好香，同埋切得厚薄度岩岩好。本身媽媽想食豬扒小鍋米線，但今日已經賣晒啦，唯有下次再試啦。牛腩小鍋米線 $43+豬大腸 $10。因為媽媽唔食辣，職員話酸辣湯可以唔要辣的。牛腩炆得好淋，牛腩和豬大腸炆得入味。口水雞 $42，啖啖肉，好味道。肥瘦適中，不會大辣。蒜泥白肉 $39，鍾意食蒜即你一定要叫，爆爆爛多蒜，五花腩肉夠入味，食完都覺得個口好臭🤣🤣米線配飲品，特飲+$10。叫左一杯柑桔蜜和咸檸七。好耐冇飲過咸檸七，真係好正😋