雲家小鍋米線 (安寧大廈)

营业中

休息中

「雲家」一直在荃灣享負盛名，聽朋友講高質兼大碗，今日天氣勁凍🥶，決定買回家同家人試一試。雲家米線 $61 (爆推🌟🌟🌟🌟🌟) 爆多款餸，十分足料。雞絲份量多到像一座小山丘，吸飽湯汁後變得軟嫩多汁；魚春卷大件到像食緊魚餅一樣😍，啖啖肉，外脆內鬆。最特別有非常少見的螺旋草，有益又健康。湯底本身就有大量肉碎、芽菜同酸菜，連腐竹同冬菇都大塊到嚇死人，真係抵食兼大件😍😍。牛腩小鍋米線 $46牛腩大件厚身，但口感非常軟嫩❤️ 聽講麻辣湯底是老闆的獨門配方，立即揀嚟試試。湯底呈暗紅色，較為温和，但辣度真的一絶🤩麻辣味厚，香而不嗆喉，真的很正，愛辣的朋友絕對要試👍🏻👍🏻。涼伴墨魚頭 $45 (爆推🌟🌟🌟🌟🌟) 的確配得起招牌小食這名字👍🏻以爆多炸蒜及少許紅椒涼拌而成，份量超多，爽脆兼彈牙，香而不膩，食到「索索聲」，好食到停不了手😍。整体感覺比較少油健康，十分足料，價錢相宜。探店當晚天氣轉涼，七時去到，門口已有外賣長龍，人氣旺盛。由於是小店，建議想食的朋友早去早享受😋。@Big_Big_Foodie

今晚又凍又落雨想快快手解決晚餐衝返屋企煲劇，經過雲家見唔算太多人排隊，就佢啦！！叫咗一碗雞絲螺旋藻小鍋米線麻辣中辣走酸菜($49)，另一碗係腩肉少鍋米線麻辣小辣)($41)，注意小鍋米線叫唔辣係會自動走肉碎㗎，有辣先有肉碎。湯底好香好惹味，辣得有層次，勁多配菜，加埋超多肉碎，如果唔想叫餸，齋小鍋米線都夠正($31)。兩碗米線面底都好大個，男人食都夠哂飽，三款餸份量好多，唔會食到一半無哂餸。最中意食個腩肉，醃到好鹹香入味。$4x一碗米線又好食又大碗，性價比高過x仔好多。------------------------------值得一讚嘅係，雖然係小店又好多客，見啲員工極忙，但仍然好有禮貌

今次經過元朗見到一間好出名嘅米線佢嘅螺旋藻好出名星期六日中午嚟到都要排隊份量大又抵食希望佢可以開多啲分店啦螺旋藻雞絲米線 麻酸辣小辣一定要叫佢嘅螺旋藻份量超級多又爽口雞絲份量都係好多麻酸辣湯底好惹味少少麻少少酸湯底仲有好多肉燥豬扒小窩米線 酸辣小辣豬扒好大大件好淋軟有滷水好入味一啲都唔會韌酸辣小辣啱啱好夠酸同辣岩晒唔鍾意麻辣既朋友牛腩小窩米線牛腩有少少筋更加好咬口吸引晒湯汁好入味涼拌墨魚頭濃郁既蒜泥味墨魚新鮮爽口搭配上蒜蓉同埋辣汁真係惹味十足涼拌雲耳好鍾意呢間嘅雲耳夠晒爽口而且辣汁係好濃郁嘅蒜蓉味一口雲耳配上多多嘅蒜蓉

店外嗌外賣，拿取外賣回家後發現俾錯了於是即刻上網查電話打去店家，聽電話果個唔知係唔喺老闆但係非常有禮貌，叫我可以即刻攞返去換，還不停說唔好意思，我當時心情已經唔多好因為屋企距離食店都超過10分鐘腳程。去到店內，發現已經準備好原本的外賣還額外放了兩支豆漿，於是我把錯的外賣放低便拿走新的就準備走，但我發覺另外一個店員和收銀有眼神接觸，好似有些異樣咁。本身以為佢地想話我囉錯，但發現原來他想退回我買外賣的全款額，我説不用因為一來已經處理返，二來我又無損失，於是拿拿林啦外賣走了。但是店員追出門口格硬把全數款項放在膠袋內，感覺店家對於自己的失誤非常唔好意思。講翻食評，性價比高，味道比譚仔好，推介魚付/豬腸，希望小店能夠保持做好品質的初心

湯底好唔掂 完全唔好食 其他餸都不好吃 又其腩肉 好韌 又柴 未食過咁難食 冇心煮比人食 完全冇成意 冇驚喜 蘿蔔又凍 求其一間都食過佢 仲念住有一些名氣 去試吓 都失望 唔會有下次 價錢都唔平

雲家米線嘅元朗分店咁近我，實在太開心，真系成日都買外賣食😋涼拌墨魚頭真系次次都會嗌黎食，墨魚頭好彈牙，同埋非常多蒜蓉，重蒜愛好者吾好錯過❤️今次仲嗌左秘製豬頸肉，一份入面有好多塊啊，豬頸肉烤到外脆內嫩！至於麵方面，嗌左一碗薯粉一碗米線，餐廳都好細心如果系外賣的話都會分開d 湯，吾會影響麵嘅口感👍🏻湯底有酸辣同麻辣，今次嗌左小辣，我覺得佢地嘅辣度吾算好辣，下次可以再挑戰中辣😋而蘿蔔系清甜，咬落無渣！

元朗平民米線必食之選對於愛食小鍋米線嘅朋友仔嚟講，荃灣雲加米線可以或必食之選，最近佢哋元朗都開咗一間分店，主打為逐份即煮，或需等上一段時間，不過質素穩定，兼且大份夾美味今次試咗佢哋招牌小鍋米線由於唔係好食得辣，就試咗佢哋嘅小辣，湯頭偏紅，米線則煮至腍度適中，豬腸蘿蔔全部份量非常足🫢另外試埋佢哋小窩紅薯粉，豬腸豬紅，非常入味，超級抵食而且小食都有好多款，當中必叫招牌豬頸肉每次都會叫，豬頸肉爽口彈牙燒得夠晒入味好容易真係一口氣食哂一份✨❣️雲家小鍋米線(安寧大廈) 元朗馬田路20-30B號安寧大廈地下2號舖

間唔中就會好想食雲南米線，而呢間雲家一定係我心目中三甲之內🫶🏻第一次食喺荃灣，好開心佢嘅第二間分店選址我住嘅元朗區😆❤️蘿蔔，腩肉，冬菇酸辣米線 (BB辣少米線) 蘿蔔夠淋無渣，都算清甜～腩肉帶少少辣，幾惹味👍 肉質少少韌，唔會太肥冬菇超厚肉超索汁，冇得輸👍❤️豬耳，螺旋草，腐竹酸辣米線豬耳彈牙，腐竹又係好索汁嘅配料😋❤️涼拌墨魚頭面頭嘅蒜蓉勁香口！微微辣，墨魚頭超爽口彈牙，做前菜一流😋環境少迫，但係食物有水準兼份量多，好抵食😍#雲家小鍋米線 #雲南小窩米線 #元朗 #小鍋米線 #元朗米線 #荃灣米線 #雲南米線

元朗小鍋米線的人氣店✨✨這間小鍋米線，以抵食大份量為賣點，食材選擇方面也有特色，性價比高的一間小鍋米線專門店，酸辣麻辣也很受歡迎，不吃辣的也不怕，因為可以選擇不辣的！👍🏻《雞絲螺旋草米線》$49除了有多款已配搭好的米線外，更可加配食材，像車仔麵一樣，任君選擇。這款比較罕見的螺旋草為配料的米線，是健康之選，份量超多的螺旋草配上大量的雞絲，是健康又美味的，配上小鍋米線的芽菜、酸菜、韮菜、蔥、芫茜，湯底惹味又開胃。《豬扒小鍋米線》$46這款選了麻辣的口味，橙黃色的湯底非常吸引！除了已配搭好的豬扒外，另加了$10配豬大腸，豬扒大件，豬大腸份量多，性價比很高呢！同樣地，配上小鍋米線的芽菜、酸菜、韮菜、蔥、芫茜，湯底惹味又開胃。《涼拌墨魚頭》$45小食方面也有很多特色小吃，此款涼拌墨魚頭必叫！必點！超級好吃！爽滑彈牙的墨魚頭，配上特色的醬，撈在一起吃非常惹味！

荃灣分店經常大排長龍，成日都食唔到🥹 最近先發現原來元朗都有分店！好近我！嚟雲家最心心念念嘅一定係涼拌墨魚頭($48)，係每次必點嘅菜式。墨魚頭口感爽脆彈牙，配埋邪惡嘅醬汁同蒜蓉🥹 極之重口味！兩個人share食啱啱好😍炸雞中翼($29)炸得香脆，肉質依然係滑滑，最重點係加埋雞醬，酸酸甜甜更正！小窩米線酸辣($31)+炸醬($10)+墨魚丸($9)酸辣湯加埋炸醬幾香口+超級重口味😳豬頸肉小窩米線走辣($49)+生菜($7)個湯偏清甜，有蔬菜香。

聖誕前夕，朋友過來探訪我家新寵，於是外出買點外賣招待，試了一間一直想試的「雲家小鍋米線」，果真十分美味，令我和朋友十分驚喜😊😊小鍋紅薯粉（$33）我點了紅薯粉，再配腩肉（$10）、魚腐（$9）和雞翼尖（$8）。紅薯粉十分彈牙有口感，我選了麻辣湯底，更為入味！腩肉、魚腐和雞翼尖為這道菜增添了豐富的口感和味道。這道湯品的熱量和濃郁的味道使其成為冬季暖胃的不二之選。小鍋米線（$31）以米線為主，然後自行配料。米線煮熟後，質地細緻滑嫩，與白蘿蔔（$7）、酸菜（$8）和雲吞（$9）的口感形成很好的搭配。酸辣的湯底味道讓米線的風味更加突出，而白蘿蔔和雲吞則帶來了豐富的口感和飽足感。麻辣豬耳（$39）以豬耳為主要成分，配以麻辣調味料。豬耳經過處理後，切成薄片，質地韌而有嚼勁。麻辣調味料給予這道菜獨特的辣味和麻感，令人回味無窮。炸春卷（$24）以脆皮包裹著豐富的內餡。炸春卷的外皮金黃酥脆，內餡則包含芋頭和肉類。每一口都帶來滿滿的口感和香氣，令人愉悅。涼拌墨魚頭（$45）一道清涼開胃的小吃。墨魚頭經過處理後，切成薄片，並與新鮮的辣調味料拌在一起。這道菜的特色在於墨魚頭的彈牙口感和鮮美的海鮮味道。涼拌的調

元朗平民米線必食之選元朗劇院附近開設分店，可喜可賀！雲家的米線為逐份即煮，或需等上一段時間，不過質素穩定，兼且大份夾美味小窩米線 小辣 豬脷豬肚 米線則煮至腍度適中，配上湯底同吃不得了，豬脷醃得剛剛好唔會太咸小窩紅薯粉清湯 豬腸豬紅 清湯都唔錯，不得不讚 ，雲家餸比得好大方而且小食都有好多款，當中最出色嘅一定係墨魚頭，每次都會叫，墨魚🦑爽口彈牙，好容易真係一口氣食哂一份✨❣️雲家小鍋米線(安寧大廈) 元朗馬田路20-30B號安寧大廈地下2號舖

相信好多荃灣人都知道雲家小窩米線嘅魅力，午餐晚餐依然係咁多人去食，以前荃灣返工經常去幫襯估唔到佢會開分店入元朗，正所謂行過路過唔好放過，入元朗搵野食順便試下分店嘅水準，唔敢講係最好食嘅米線，不過都推薦大家試下

上次食完不停大讚，呢日又想食米線，就跑來買外賣一家人一齊食！.一口氣買左三碗米線！我就揀唔辣，小鍋米線有芽菜、酸菜、韮菜、蔥、芫茜，相當足料，湯底都好正👍🏻愛辣的有麻辣和酸辣，仲會跟豬肉碎！姐姐同老公表示辣得過癮🌶️.加錢就可以有多款餸，份量十足好有誠意👍🏻 豬耳爽口，豬大腸入味又大件，勁多生菜，豬紅都出色👍🏻.再加個小食，試左秘製豬頸肉不得了🤤厚肉大件有咬口，帶點泰式口味，再加泰式辣醬好好味😋.真的抵佢大排長龍，姐姐人又好，價錢親民份量十足味道出色，真係平靚正👍🏻

例牌食酸辣米線，小辣湯底有驚喜，酸辣比例岩岩好，食落每淡都有酸辣既味道👅夠哂濃味配料揀左蝦卷，腩肉蝦卷勁大條，好食，腩肉就係比較厚身的腩肉，而且份量都多身為米線達人，這間是推薦米線之一🩷🩷😋😋😋