雲在線小鍋米線紅薯粉

营业中

休息中

鐘意食佢嘅米線，每次都外賣自取，習慣加錢叫枝豆漿飲，但係最近幾次都倒瀉湯以前擺埋豆漿都唔會咁樣漏晒啲湯出嚟，今次直頭成碗湯無晒，希望店舖改善外賣擺位或者分開裝豆漿。

雲在線一向都係我既食堂，豬頸肉酸辣同魚湯米線係至愛。但最近佢既環境衛生差左好多，短短半個鐘已經有3-4隻蒼蠅停留係張枱，有啲過份。而且入去一陣已經有蚊咬，明白餐廳有好多外賣出，人手唔夠，但都唔可以忽略衛生，以免食到客人肚痾！希望可以盡快改善！

聽聞呢間係雲川2.0，同埋班底都係雲川另起爐做。好細一間店，入面都係幾張枱左右，主要做外賣為主，住附近只要消費滿$100就有送貨。應該係人手問題，堂食都係用外賣碗同餐具，確實令賣相冇咁吸引同埋唔太環保。但最主要個環境問題，地方逼細唔係問題，但全程一路食都好多烏蠅，有成4-5隻，飛黎飛去真係幾騷擾，老闆要正視下呢個問題，睇下裝返D電蚊機定天然野去驅除下，唔係都幾趕客。小麻酸辣薯粉 $52★★★★☆我諗呢到同雲川最大分別就係個湯底多左麻酸辣，將原本麻辣同酸辣混合左。食落個湯底好濃厚，個味道絕對同雲川有分別，濃郁好多，蔥同碎肉都多，食落酸同麻兩者都唔會特別出，仲帶有一陣特別香料味道。餸分別叫左雞腎、豬頸肉，兩者份量多，但雞腎唔推薦，比較硬唔入味。豬頸肉幾欣賞，個人覺得比起雲川整得更好，食得出更有心機整，豬頸肉更厚肉，肥瘦岩岩好，冇咁乾身，個蜜糖味更重炭燒味更出，整體更惹味。酸辣BB辣米線$59★★★☆☆酸辣米線，米線軟淋程度OK，但唔算太滑身，湯底有係多左種香味比起普通酸辣，食起黎幾特別，個酸味會比起麻酸辣更出。餸料叫左豬耳、蘿蔔，豬耳夠味正正常常，蘿蔔太大舊唔太方便食，而且唔算太清甜，有幾

本身係預咗食另一間號稱係屯門十大必食名店嘅雲川~點知打咗十幾次電話冇人聽😒轉食佢d friend 💁🏻‍♀️雲在線小鍋米線紅薯粉 反正兩間menu真係有九成相似!可以照叫我哋想食嘅<<酸辣湯·小鍋>>($44)👌🏻除咗包一款餸之外，麵底有得揀米線/紅薯粉，湯底仲有四種辣度選擇👍🏻湯底好濃厚，唔算太辣，酸得過癮~~揀微辣嘅我覺得有少少似譚仔五小辣~未足五小辣!! 我覺得下次可以挑戰小辣😹豬頸肉絕對要encore⚠️佢爽口易嚼唔嚡唔韌! 炭燒味令你一秒著迷🫶🏻食晒成碗紅薯粉都仲食緊豬頸肉~~ 份量超多‼️.連朋友仔嗰碗魚湯湯底 + 韮菜餃子都好OK💯

今日返工放飯叫外賣, 即刻同同事三五成群叫咗雲在線🤤作為熱愛食米線嘅朋友仔🥹加上喺大西北嘅朋友仔🥹應該都有試過屯門出名好食嘅米線🤓個人認為雲在線嘅味道真係有種令人上癮嘅感覺😎今次我叫咗豬頸肉香菇貢丸酸辣米線🤤🤤佢個豬頸肉真係真係為之一絕!!!秘製醬汁加上肥瘦適中嘅豬頸肉!!!再燒到相當香口!!!真係令人一嚿接一嚿!!!食到停唔到口!!🤤而佢個香菇貢丸都好彈牙菇味十足🤤🤤而佢個酸辣湯底都係佢自己獨有的令人一試難忘🥹就算外賣送到嚟,因為佢會分湯上,所以啲米線仲可以保持彈牙嘅口感🥹🥹總括嚟講,喺辛勞左一日之後可以食到一碗美味嘅米線,加埋爆好食嘅豬頸肉!真心覺得好幸福了🥹🥹

今日lunch叫咗雲在線既一個，炸豬扒米線外賣。佢送來嘅速度好快，而且價錢都只係43蚊。仲有包埋熱飲添。算係非常親民嘅價錢。 至於佢嘅味道豬扒都幾鬆脆既，口感OK，同埋米線嘅質量都算係OK覺得呢個價錢係合理。

在上網找到一間與雲川燒齊名的米線小店，亦對雲川燒吃到厭，想吃一間新餐廳，看看有沒有驚喜！位置：在Nuttea對面，在建生輕鐵站下車後大約走十分鐘。環境：面積很小，不多於十個人的座位，有卡座和摺檯，看到隔鄰桌需要搭枱，雖然隔一塊板，防疫措施不足夠。服務：主打外賣，看職員忙到團團轉，所以都要等一等。午市：所有湯麵都是包一個餸，另加餸每款$9，熱飲無需另外加錢，豆漿加4元。麻酸辣小鍋米線(中辣) $43妹妹點叫，用膠碗盛載，材料豐富，有很多豬頸肉，醃得入味，表面焦香，切成條狀，比雲川粗身，但較多脂肪。而湯的配料有肉碎、酸菜、蔥花和芽菜等，湯水的麻味偏重，酸味較淡，不夠雲川湯底濃，勝在夠麻辣。麻酸辣小鍋米線(小辣) $43我這款配香茅雞扒，用很多香茅醃製，很入味，雞皮都燒得焦香，只是浸湯變軟了，肉質保持嫩滑，份量都不少，吃到最後口舌都麻裨了，嗜辣的朋友應該不能錯過。

諗住去幫襯下 好似好好食 去攞位又唔比飛 淨係叫人係出面等 等唔緊要 又話等十分鐘 等左成半個鐘都放唔到walkin客入去 淨係比d訂枱嘅客入 咁一開始就同人講無位算啦 要人係出面食風咁無了期咁等 又想仲訂枱客又想食埋walkin個水 明知間鋪唔夠大就唔好咁貪心啦一開始同人講定無位留哂比人咪好囉 唔洗d客好似我咁on8+1等位 幾好食都無用啦 生意都唔識做

（外賣）麻酸辣小鍋米線 -大辣 $62-豬頸肉-香茅雞扒.雲川食得多，今次試一試傳聞激似但更勝一籌嘅雲在線。外賣分湯明顯見到餸量超多，而且米線本身就係用小鍋米線湯煮唔係白烚，未加湯已經有色有肉碎，好入味。.雖然叫咗大辣，但其實同一般嘅中辣差唔多，麻味偏重，唔太食到酸。.豬頸肉係甜嘅，好似用好多糖燒咁，可以中和辣湯，同我之前食嘅雲川唔太似，各有風味。雖然都係條狀，但比雲川粗身；不過豬頸肉有8成都係肥膏，食落好爽口，但太罪惡，下次不了。.雞扒都係入味取勝，雞皮都燒得乾身香脆，啖啖肉無得輸。.呢間米線其實都幾高分，但個人始終鐘情雲川嘅豬頸肉，可能下次雲川要排隊等嘅話就會食返呢間代替。.雲在線小鍋米線紅薯粉 (屯門)📍屯門良德街9號盈豐商場地下A09號舖

本身有叫開雲在線嘅外賣， 覺得好食才特登去找鋪頭平時外賣， 鐘意叫佢嘅麻酸辣湯米線。 個人覺得小辣， 係好食過中辣， 因為個酸味同辣味會平衡d. 今次試左魚湯， 味道都正常， 應該無咩味精。想推介幾款值得試嘅餸： 豬頸肉， 豬排， 同韭菜餃子。 豬頸肉係川味閣， 雲桂香， 雲川燒， 順記當中， top one 的， 同雲川百味差唔多， 一絲絲燒脆左嘅豬頸肉， 有蜜味， 真係幾好食。 去鋪頭食， 會見到店內推介麻辣系列， 我地選了豬耳。 麻辣味唔夠重， 適合d 食小辣嘅人。 但豬耳都爽軟適中嘅。最後， 還是覺得食外賣會開心d, 因為鋪面細， 坐都唔係咁舒服。 但店員態度友善， 係值得讚嘅。

屯門名物「雲川燒」就聽得多，其實「雲在線」好出名架！相較之下，小編覺得「雲在線」更勝一籌🤩各款湯底都是$39包一個餸，另加餸每款$8，熱飲無需另外加錢👍🏻平日午市（學生）或下午茶還可以減$4！1. 麻酸辣中辣➕香茅雞扒、蘿蔔、豬耳雞扒超大件，香茅味重，肉質飽滿多汁，啖啖肉很滿足😋食肉獸必食！蘿蔔軟諗入味，豬肚用鹵水醃了很久，所以非常入味，而且洗得好乾淨👍🏻湯底濃郁，米線軟滑但不易斷，索咗湯汁好好味！食完有少少口渴但都好難避免🤣麻味較酸味明顯，中辣不及譚仔中辣的辣度，食開譚仔中辣的建議嗌大辣～2. 酸辣小辣➕豬頸肉、牛百葉、貢丸這裡的豬頸肉不僅份量多，味道也比雲川燒更好！外層燒得少少焦，但依然可以保持裡面的肉很多汁，帶少少蜜糖甜味超正😆必嗌！牛百葉爽脆，但本身味道較淡，好在可以靠湯底掛汁。貢丸不過不失。整體而言，「雲在線」的配料份量普遍較「雲川燒」多，性價比較高！湯底味道則差不多，不過「雲在線」堂食位置較少，繁忙時段需要等一段時間才能入座。評分🌕🌕🌕🌕🌕

記得我以前一個星期可以食好多日雲川燒，不過自從佢開完第3間分店之後就開始冇以前咁好食😫今次就嚟咗呢間同樣地係盈豐嘅雲在線😚住屯門又成日食雲川燒嘅一定會認得入面有啲熟口熟面嘅店員🤣呢到仲有麻+酸辣湯底😙佢地送嘅價錢全部一樣都係$9#麻辣米線 ($41)😋好味指數：(8/10)跟一款送，我就揀咗特式豬扒同豬大腸講番個湯先，覺得同以前食雲川燒差唔多味，不過就冇咁油。覺得唔算太麻辣，我諗下次我會叫中辣😆豬扒同豬大腸份量都幾多😗豬扒幾香口，不過我中意雲川燒嘅香矛豬扒多啲😚豬大腸好入味😋試咗男朋友嗌嘅豬骨湯，都係咁好食，個香矛雞扒幾好味，可以一試😝#炸雞脾 ($22)😋好味指數：(7/10)都幾大隻，炸到好脆但就唔算多肉汁，不過呢個價錢嚟講都ok🤓呢到同雲川燒比就平小小，不過店鋪就細啲見到小食仲有乳鴿食🤣

開左冇耐就加價，都冇所謂。見都幾好食，但近來越黎越細份(我指份量),我不如食返雲川燒好過啦。原本都唔想講，念住一次半次，點知都係咁，加左價就做返足啲啦好冇，想支持你，都要做好自己。完不喜勿插！

麻酸辣湯底🤩🤩🤩🤩一路都聽早雲在線同雲川都好相似，不論餸既款式，湯底同埋味道都好相似，所以一直都好想去試吓！呢度$40包一個餸，麻酸辣湯底加兩蚊😛餸方面我當然揀返豬頸肉啦！同雲川相比，雲在線嘅餸比較少（又或者係雲川太多😂😂）不過豬頸肉就一樣咁好味👍🏻👍🏻湯底方面雲川比較濃，雲在線就比較酸，睇各人口味！麻酸我就覺得幾好食，同可以彌補番雲川無既麻酸湯底😍😍

之前去商場另一間米線鋪時，望到該店寫住區內一公里只得佢呢間店，當時都唔為意，原來是講緊呢間店"冒認"佢。我就奇怪，呢間雲在線又冇寫d咩字眼暗示，唔洗話人地冒牌吧！？餐牌，其實咁多間米線店大致上差不多。你話佢抄人，咁其實好多間都抄緊人！？上面有人講雲X燒既copy，我想講個男waiter以前就根本係果度做，講緊呢位仲係我覺得最有禮貌既waiter。豬頸肉米線（小辣）其實味道都大致上同上述店鋪好相似，只係味精味無該店咁出。另外，蔥同碎肉等配料會多些少，豬頸肉有炭燒feel，份量還好，至少夠送晒整個米線。