雲在線小鍋米線紅薯粉

营业中

休息中

華味前名雲在線，對於我呢個屯門人嚟講係比雲川巨更愛嘅米線🌶️利申，我是吃不了辣的廢廢🤣🐷酸辣米線配豬頸肉加豬腸 ($59) 罐裝汽水加$3我揀嘅係微辣，而佢嘅微辣係真係只係微辣酸得來帶啲微辣，超級惹味，又唔會太油🐽我最欣賞佢嘅豬頸肉，佢份量超級多之餘，真係好好味外面有少少脆香，又唔會太乾，惹味得來唔會好漏，完全冇雪藏味，又咬口，基本上好多時我只會會叫豬頸肉一個餸就夠啦🍲今次食好啲叫埋大腸，其實佢係偏肥嘅，但係佢唔會成嚿肥膏咁樣，即係你都仲會想咬落去，一啲臊味都冇，好乾淨，醃味都乾好唔會太鹹米線入味得來唔會太腍，軟硬度剛好🐥豬骨湯小窩米線配香茅雞扒加豬耳 ($59)師奶仔覺得豬骨湯比較普通，但係完全唔好酸辣嘅就可以試吓啦豬骨湯都好夠味！🐣香茅雞扒唔會太乾太油，香味乾香，都唔會有任何雪藏味，雞肉唔算太嚡豬耳好爽，感覺都好乾淨，好食

平時係屯門一向食開另一間豬頸肉魚湯米線，但朋友叫我試下雲在線小鍋米線紅薯粉，話呢間嘅豬頸肉一樣好出色，今日同小朋友溫書溫到天昏地暗，所以叫外賣返屋企食，叫咗豬頸肉鮮魚湯小鍋米線，特色豬扒酸辣湯小窩米線，第一次試，就算唔係現場食都好好食，湯底濃郁，豬頸肉同埋豬扒都醃得好好食，好夠味，口感一流，朋友無老點我🤣🤣下次要去現場再食👍🏻👍🏻以後食米線多一間選擇😊

尊敬的雲在線餐廳管理團隊：我想對最近一次的外賣經歷表達我的不滿。根據您的承諾，我們於11:00AM下達的訂單應在1:00 PM準時送達，但實際上我們等到了1:35 PM，卻仍未收到餐點。期間，我的同事曾打電話詢問情況，您方告知如果在10分鐘內未送達便會退錢，但最後不僅超過了10分鐘，甚至也沒有退還我們的款項。在寒冷的天氣和雨中，我們三個人無奈地在門口等了35分鐘。儘管我們嘗試通過訊息進行溝通，但始終沒有得到任何回覆。最終，您只退還了10%的金額，這無法彌補我們的等待和不便。我們認為如果餐廳未有足夠人手可以應對大量訂單的話，大可以告知我們/拒絕我們的外賣要求，但是餐廳為了賺錢盲目接單，並在電話內許下空頭支票的補償承諾，最後卻以幾十蚊打發我們。希望您能重視這次的服務問題，並對此作出合理的解決方案。我期待您的回覆。謝謝。此致 一直以來支持貴店的顧客

除咗荃灣多米線店之外，原來屯門都唔少青山醫院附近既盈豐商場已經兩間同5個朋友一齊去食lunch，等咗陣位湯底同餸菜款式都多選擇▶️ 鮮魚湯•小鍋米線 配香茅雞扒 ($46)鮮魚湯底奶白色，味道香濃，不過鹹咗少少🤏🏻食完有啲口渴小鍋米線質感好食🍜Q彈煙韌配埋爽脆芽菜同香蔥香茅雞扒都好正😻唔係雪藏雞厚肉大塊，醃得入味香茅佈滿雞皮表面，帶出泰式風味-本身自己麻麻哋米線，但呢碗幾好食睇得出佢哋有心做，服務有禮貌又快手環境細，坐得迫少少價錢合理，附送熱飲，平均$50/人難怪openrice冇負評😮

雲在線米線一直都有聽過朋友介紹，bookmark咗好耐，今次終於扚起心肝遠征一試坐落在屋苑內嘅隱蔽小店，地方細細，但係名氣甚高！店內的外賣數量多到令人驚訝，可見佢哋係街坊最愛一餸米線配飲品$47起，呢個價錢都真係越嚟越少見今次一共試咗兩款：麻辣小鍋米線配香茅雞扒和麻酸辣小窩米線配豬頸肉份量有誠意，香茅雞扒大大塊；而豬頸肉都佈滿成碗麵味道方面，個人來說略嫌麻酸辣湯單飲湯頭偏酸醋味較重，配米線一齊食比較中和；麻辣湯不算太濃，喜辣之人不妨可以進取一啲；特別喜歡香茅雞扒，香口得來非常惹味。總括來說，性價比超高，絕對會再次幫襯！

近排聽到屯門街坊推薦一間嘅米線店話佢嘅豬頸肉俾雲川燒更加好食，雖然佢位置有啲格攝，並唔係屯門市中心嗰邊，但係小編都決定去試吓酸辣（豬頸肉+腩肉）$59麻酸辣（豬頸肉+鴨胸）$59首先試一試佢嘅湯，佢嘅湯同大部份米線一樣都係酸辣麻辣個類，味道就係所見即所得，有齊麻酸辣，但硬係覺得差咁啲層次，冇乜其他味道。不過小編留意到好多街坊都會嗌魚湯，可能會好味啲，下次小編會去試吓。講返呢度嘅餸，全部一律都係加$13，係會貴少少，但佢每個餸都好大份。首推一定係豬頸肉，唔單止份量較多，而且煎得非常香口，有唔少嘅窿邊位。佢嘅醃料味係鹹鹹甜甜，有少少似叉燒咁，外表甜甜哋，有少少焦脆，而且唔會好似雲川燒咁切得太細條，仍然有一定嘅口感。其他嘅餸都唔錯，而且份量好多，例如係腩肉，煮得非常之腍，有少少似食糭入面嘅肥豬肉咁，但小編略嫌佢肥咗少少。另外我哋都嗌咗鴨胸，雖然係來貨，但份量都好夠。小編之前試埋蒜香雞扒，蒜蓉香味非常充足，而且雞扒唔會過老過柴，唯獨是鹹咗少少。整體嚟講小編覺得呢間嘅米線舖嘅餸都非常之唔錯，尤其是係豬頸肉，確實比雲川燒更加好食。不過佢哋嘅湯底就普通咗啲，個人覺得如果係住喺大西北都可以過嚟試吓。*

一直都知道雲川在屯門好出名 後來才聽說還有間雲在線都好好食 終於有機會去探店 位置於盈豐商場外邊 入到去一眼望完的小店 坐位不多 但很多外賣在等候別人自取$46連一餸 包熱飲我當然點了最出名的豬頸肉 飲豆漿加$4湯底點了微麻辣 另有酸辣、麻酸等等首先豬頸肉份量幾多 是切到一條條幼條咁 跟雲川好像 食落連味道都覺得相似湯底都不錯 可惜米線偏腍 口感不好整體我覺得可以 如果住附近應該都會想食下午茶時間好像還會便宜幾蚊 這個價錢有飲品都算不錯了

話說一直都食開雲川，見到網上有人推介雲在線更好食😋第二日即刻要去朝聖一下🤭店舖喺田景盈豐商場行到盡頭，一個唔太起眼嘅地方。。一入到去一眼睇曬🫣地方淺窄少簡陋，得三張梳化卡位，其他都係細嘅摺枱，冇乜裝修可言，甚至乎堆滿貨物📦同男友坐低各自都係叫左微酸辣/麻辣豬頸肉米線🍜凍檸茶🥤同埋網上大推嘅炸雞粒。。首先，喺有啲餓嘅前提下食第一啖，覺得好似不過不失？🤔豬頸肉係厚嘅，不過好彈牙！口感幾得意幾好食😋不過份量太多食唔曬🫣湯底微酸少少開胃🤏炸雞粒味道係想像到，冇話特別好唔好食🫣。然後本身天氣好熱🥵加上食辣野，個人熱到要暈咁濟嘅同時，見員工話全部冷氣都跳掣😳熱到唔想食，加上一開始食嘅時候，見到有隻BB小強喺牙籤筒嗰到爬😱更加想快啲食完快啲走😆。總結👉🏻如果想慳錢，撇除所有衛生問題，想食一餐平餐而又飽肚嘅話，係唔錯嘅選擇😆

本人喜愛吃米線，這間算是比較像樣吧這家的酸辣米線可以嘗試中辣，如愛吃酸者，可以加酸，雖然每次都好似冇加食米線是比較撞手神，這店每次出來的效果都不同，但屯門來說還好吧，不過不失。價錢中等，兩餸一面，加一杯凍飲，大概$48-$55 。店內空間比較狹窄，每間米線舖頭也差不多，流水式經營吧，員工大多是姨姨，都不算太聰明的，如果你不提醒他們有朋友跟你在一起，很快便會安置另一位陌生人跟你一起用餐。總結在屯門想吃米線沒有地方，可選這家

身為米線關注組嘅榮譽會員，要突登入黎屯門食呢間谷友狂推嘅米線鋪！！不枉此行😚佢位置喺田景輕鐵站，順便嚟屯門輕旅行下🤣除咗荃灣老闆x米線有麻酸辣湯揀 而又係好食之外，終於比我搵到第二間麻酸辣湯係好味！！配料我揀咗特色豬扒+小食豬頸肉朋友揀嘅香矛雞扒都好好食唔似大部份米線舖咁啲配料係唔需要二次加工，剩係白烚咁冇誠意！個豬頸肉黎到嘅時候大兜到嚇親🤣 醃得好入味好好食！兩個人食份量好多個麻酸辣湯飲完亦唔會好口渴，感覺到唔係味精湯，超開胃！舖頭姐姐又好人，係一間好有誠意嘅小店。唯一美中不足係米線碗係用外賣即棄兜 唔係好環保🥹

因為間嘢好出名咁啱今日黎開屯門 就特登試吓。酸辣小窩米線 ($42,包一餸) +腐竹+香辣腩肉 ($11)+凍檸茶 ($3) 叫咗小辣，初頭食啱啱好唔係好辣不過越食越辣。個腩肉好明顯係有醃過，微香。米線好彈牙！麻酸辣紅薯粉($44, 包一餸) +油菜+豬頸肉($11)+腐竹($11)+鹹檸七($5)小辣，唔係好麻，酸辣味重啲。超級推薦 豬頸肉!!!! 好好食！醃完煎香過先放落湯。紅薯粉都尚算彈牙，口感有少少似蒟蒻麵。孜然雞中翼($30)有香脆既香皮，孜然味都好夠，推介！麻辣牛柏葉($30)佢既麻辣有一種講唔出嘅獨特香味。味道：8.5/10環境：7/10服務：7/10價錢：＄187/2推薦：8/10過開黎屯門又鍾意食米線嘅朋友，可以過黎試下。

【屯門區】【雲在線】今日想講呢間嘢唔係茶餐廳，亦都唔係潮式粉麵店，不過係香港都好流行嘅米線舖。唔知幾時開始，香港真係好鬼多米線舖，尤其係啲麻辣小鍋米線，我記得嗰時係流行到成班同事收工去食，小癲。今次入到屯門，一個隔涉到我完全唔知自己喺邊嘅位置。不過收到一位識飲識食嘅朋友介紹，就嚟咗呢間「雲在線小鍋米線紅薯粉」，不過列出嚟嘅時候為咗簡化件事，就咁叫間嘢做「雲在線」，我估大家應該都理解到嘅。佢就喺我之前都寫過嘅 NUTTEA 對面，真係 exactly 對面嗰隻。本身佢就真係其貌不揚，因為係一間細細嘅麵舖咁，得幾張枱。當時係下午四點幾，冇乜人，不過聽講佢原來平時食飯時間都幾多人，要排隊添架喎。咁我就叫個「下午茶」啦，朋友推薦我食「豬頸肉米線」，佢話唔食得辣嘅話就唔好叫辣，叫「豬骨湯底」其實都唔錯。而啲豬頸肉我覺得係幾好食喎，冇介紹錯，啲米線配合埋個豬骨湯底都幾好之下，成件事整體上係好。飲品方面，我叫咗「凍檸茶」走甜，都冇咩好講，正常味。一碗嘢加埋杯嘢飲夾埋 $40，喂幾好價喎又，以呢個味道嚟講。不過公平啲講，位置上，佢又真係隔涉咗啲，所以價錢上佢唔可能係同啲旺區嘅米線舖去比較嘅。本身寫到上

屯門有個好出名嘅名物雲川燒 不過最近呢幾次食都覺得雲川燒差咗好多🥹無論係湯底定係啲豬頸肉🥲 呢間雲在線好似係以前雲川燒啲人開😂我自己覺得水準真係高過雲川燒🤪叫咗酸辣豬頸肉炸廚師腸米線😚炸廚師腸，真係好好味🤤炸過嘅嘢係唔同啲😂😂😂豬頸肉係真係有燒過嘅感覺 點解我話覺得雲川燒啲水準差咗好多 就係因為佢啲豬頸肉嘅質素真係好飄忽 有時係冇咗浸香味🤣而湯底方面，雲在線都係夠味好多😂當然啦都係有啲濃味😂但係間唔中食一次米線 濃味啲都唔緊要啦🤣🤣🤣

麻酸辣湯米線配豬頸肉小辣＄37（$41-4下午茶）米線軟硬適中小彈牙湯底唔酸少少麻香豬頸肉爽嘅帶點焦香 都幾好食以呢個價錢嚟講超值！麻辣湯米線配豬肚絲小辣＄37 （$41-4下午茶）呢款湯嘅辛辣香會重d兩個餸嘅話 我會揀豬頸肉湯韭菜餃子$28/6隻湯底係魚湯！因為餡多 所以個皮有d淋同埋爛咗料好足料 有住家嘅味道$28有大隻大隻都好抵但係唔係必食肥美炸豬大腸＄31 推推〇超脆！厚薄適中洗得乾淨 唔會有其他味配埋泰式辣醬 簡直一流唔肥膩

一向都有幫襯開雲川燒有朋友話 雲在線味道非常相似甚至話師傅都係雲川燒本來既事實係咪 本人就唔清楚啦 不過禁岩黎到盈豐園 就試下佢最想試既當然係豬頸肉同湯底因為禁相似既原因 難免會比較兩間舖頭星期日下午茶時段 都要等一等 我就大約等5-10分鐘就入得舖頭細細 餐廳環境都有啲迫 睇吓餐牌先豬頸肉 香甜多汁 軟身唔知有冇加糖煮既呢？唔理點整出黎都好 答案係 好好食食上引酸麻辣湯底 小辣 配炸廚師腸 蘿蔔 豆卜印象中雲川燒冇食過酸麻辣湯底應該係雲在線獨家嘅湯底惹味又開胃 炸廚師腸簡直係邪惡 😈蘿蔔夠入味 豆卜好冧 酸麻辣湯底 小辣 配 豬大腸 餃子 滷水豬大腸 唔算好肥 勁入味餃子內容係韭菜 店家自家製整體而言 喜歡食米線既朋友 一定要黎試吓美中不足之處 係店舖太迫