雲南小鍋米線

营业中

休息中

今日放假，專程由石籬行到呢度食，喺我印象，呢間係我食過最好食啲一間米線，食完之後都係嗰個味道首先一睇湯底就覺得好有食欲，同埋d雞絲都超多，餸同米線的份量都幾足下，我嗌嘅係少少辣，不過d湯底比我想像中辣少少，加上我唔係咁識食辣，對我嚟講都係幾辣嘅，不過嗰杯凍檸茶就唔夠甜，好似冇加糖，不過整體都係唔錯嘅同埋冷氣有啲大，食完覺得有啲凍，呢間店都幾多人食嘅，我2點先去食都見到有唔少人去食，相信我以後都仲會嚟多幾次

好耐無黎食過，今日揸左40分鐘車出黎食，好掛住以前既味道，點知叫個腩肉炸醬米線，咸到入吾到口，我只食左幾啖，真係頂吾住丟左。食足都有十年，唸吾到而家會走樣到咁嚴重，攪吾掂呀大佬

雲南小鍋米線是一道著名的雲南特色美食，以其獨特的風味和豐富的配料而聞名。其中，冬菇和雞絲是這道美食的餸菜，它們的組合帶來了一種絕妙的口味，既好食又辣。在這篇食評中，我將帶您深入了解這道美食的美味之處。雲南小鍋米線以其獨特的湯頭和精選的配料而聞名於世，而其中的冬菇和雞絲是絕對不能錯過的餸菜。冬菇是一種具有豐富香氣和口感的食材，它們被切成細絲後加入到湯頭中，為米線帶來了濃郁的香味。冬菇的細膩質地與米線的柔軟口感相得益彰，讓每一口都充滿了層次感。而雞絲則為這道美食增添了豐富的蛋白質和嫩滑的口感。雞絲被細心烹調至剛熟，保持了肉質的鮮嫩，在入口時帶來一種極為順滑的口感。它們與冬菇的結合，使得這道小鍋米線更加豐富多樣，令人回味無窮。在品嚐雲南小鍋米線時，不得不提的是它的辣度。雲南菜以其辛辣的口味而聞名，而這道小鍋米線也不例外。湯頭中加入了各種辣椒和香料，使得整個菜品帶有一種獨特的辣味。辣度適中，不僅能夠激起味蕾，還能夠提升整道菜的風味。對於喜歡辣味的食客來說，這道小鍋米線絕對是一個必試的選擇。雲南小鍋米線的冬菇和雞絲餸菜組合為這道美食帶來了獨特的風味和口感。冬菇的香氣與雞絲的嫩滑相得益彰，使得每一

📍雲南小鍋米線 (葵涌)葵涌梨木道112號葵寶大廈地下5號舖今次食到宇宙級米線💫石籬名物：雲南小鍋米線在米線關注組必食米線之一，雖然位置比較偏遠，座位不多，味道真心好食，配菜同其他舖頭不同，極優細雪花雞絲，腩肉，螺旋藻必食😋☁️皇牌米線$58這款已經包晒雞絲.腩肉.肉碎.螺旋藻，仲有配菜酸菜芽菜韭菜，非常足料，雞絲切得碎細，吸晒湯汁，份量勁多。腩肉滷得入味，肥瘦適中，螺旋藻好似海帶，爽爽的☁️腐竹炸醬豬大腸米線$62腐皮大大片，豬大腸斜切，炸醬份糧好多，有少少辣，更加惹味，酸辣湯唔會太油，亦都唔會太鹹，食唔停湯底揀咗肉碎辣，酸辣湯底，米線爽滑，唔會淋身，一上枱已經好吸引，成個組合好好味😋凍奶茶$8

傳說中宇宙最好食嘅米線位於安蔭一個斜坡上店舖門面好細，但係一到食飯時間就會排晒長龍，老闆娘甚至已經租埋上嘅舖位。自選小窩米線$31（包芽菜，酸菜，韭菜，肉碎）餸菜由$8至$10不等有好多餸菜嘅選擇，個人比較推介豬腩肉，豬軟骨，螺旋藻，冬菇。豬軟骨同豬腩肉炆到好入味，豬軟骨一咬就斷，滿滿嘅骨膠原，螺旋藻同個湯底好夾，索晒啲湯底汁，冬菇個頭都好大！仲有其他，例如雞絲，菜肉雲吞，豬大腸，響鈴等等辣都有唔同嘅選擇，唔食得辣嘅人可以揀肉碎辣，我算比較食得辣嘅覺得小辣都已經好夠！食雲南米線一定要夠酸，同埋夠辣，湯底可以叫侍應加酸！

襯假期又心思思想食雲南米線，今次黎到第二站位於石蔭邨附近的雲南小鍋米線，其實呢間都係雲南米線界當中都幾出名下，所以本身都係我名單當中，今日就黎試下佢係咪真係隱世屋邨世一米線先!或者係閒的關係，所以未算好多人，但不斷都有人黎食或叫外賣。我係網上都做過下Research，最出名係雪花雞絲、腩肉同埋螺旋藻，由於我麻麻地藻類的食物，覺得有種怪味，例如食日本野，如果前菜係中華沙律，我係絕對唔會食的。最後我叫左麻辣中辣，餸菜就叫左雞絲同埋腩肉!等左大約10分鐘到就送上米線了，望落去感覺唔錯，份量亦都好足! 首先雞絲真係撕得好幼，宛如雪花一般，講真有唔少雲南米線都有雞絲，其實都唔知邊個抄邊個，但其他米線店一定無呢度撕得咁幼細，值得一讚。不過又咁講雞絲其實本身係「雞肋」，就算幾幼細都好，其實食落去一定係比較鞋同埋唔太入味。有時食雲南米線就係要重口味，最好就餣到入晒味，加埋啖湯及配料，再加多啖米線就最爽。雞絲無論係口感或味道上其實同雲南米線格格不入，不過既然話最出名，都要試一次。之後就評下腩肉，望到佢變晒色就知道餣得好耐入晒味，而且又係我鐘意唔肥的腩肉類型。食落去同諗的一樣，夠晒入味同有少少辣。不過肉質

👎🏼唔會再去，冇食評講到咁好食，叫咗中辣機本上成碗辣椒皮，湯超級無敵咸，非常多油，米線同埋餸菜入口有燒燶味，等候時間亦超耐，平均一碗要4-5個字先到，外賣情況亦都一樣，失望至極，另外交通唔方便，完全冇位泊車，買碗米線等半小時，另外加送兩張牛肉乾320$😂咁樣食碗米線真係乜都飽晒😅服務態度好差，全店冇人識廣東話，青一色新移民，叫完外賣收完錢唔會理你等幾耐亦唔會叫你拎外賣，由你企店外半小時，一定唔會再去😡😡😡

一間唔近地鐵站交通唔方便嘅米線舖但幾乎每晚或者weekend都要排隊仲有好多街坊落嚟買外賣當然一定有佢獨特嘅魅力之處分米線同薯粉麵質正常偏軟主打嘅餸有腩肉雞絲螺旋藻腩肉較肥雞絲乾身我自己覺得一般比較推介炸醬同豬軟骨前者夠瘦夠乾夠辣後者入味夠淋如果叫腩肉或炸醬嘅話螺旋藻嘅出現就會降低辣度酸菜特別酸係醃製鹹菜(唔係譚仔嗰款)始終呢間嘅辣度偏刺激食唔到辣嘅人可以加菜類減輕吓或者睇吓會唔會嗌低一格辣度另外買外賣嘅話湯會偏少分湯倒出嚟之後只係啱啱好有時會比較油同好多辣椒籽呢間嘅湯頭有陣骨頭嘅甜味所以都係推介返堂食👍🏻誠實咁講自己食過咁多次有一兩次唔知點解煮得特別差個湯變咗得辣油或者米線特別淋食碗所謂隱世米線都有啲運氣成分😆

12:24打電話叫外賣自取，佢通知要20分鐘黎拎（外賣號碼53），本人已經13:00先到達，佢收錢後要我稍等！！然後我一直等到13:20分詢問..佢話仲有一碗先到我個碗🙃堂食的人都散去，外賣的人由人頭湧湧都只得番2人（包括我）究竟佢地系用咩黎排次序？因為一路等，外賣次序由58，54，57一直叫，但我的一碗一直未有🙄大家如果無2個鐘放飯時間，千祈唔好去食❌🪦

還記得我第一份工作的時候, 要去葵涌附近工作, working lunch也是在這小鍋米線店店吃, 十多年前一碗兩餸小鍋米線只收二十多元, 現在一碗則要五十多元, 其他意外的改變也不大. 湯底依然的濃油而赤紅, 味道夠麻夠嗆, 米線煮得收味而偏腍, 但不會糊化. 配菜以雞絲及螺旋藻最為出名, 前者就是單純的雞肉絲, 口感細緻, 雪白可歡, 如此雪花般的雞絲吸汁能力強. 螺旋藻煮得夠軟溶, 吸汁能力同樣出色, 當然也更健康. 這令我想起貴緣的雲南米綠, 同樣的成名配料, 也是差不多的味道和風格. 另外它的滷豬耳夠麻, 少辣而夠爽, 作為佐酒小食相當不錯.Yuen Nan Rice Noodles at Kwai Chung is one of the most visited one when I have worked in my first company. The spicy taste is similar to that I have visited however the price has increased for more than double. The minced

復活節假期專登揸車入嚟食雲南米線，附近泊車好方便，停車場5分鐘就到。適逢假期嘅1點半，竟然唔需要等位，直接就有位坐，so Lucky 🍀 二話不說嗌咗個皇牌米線少少辣，男朋友就自選小窩米線中小辣啲手撕雞撕到好似雪花咁薄（🤣本身想講廁紙碎，但費事大家有畫面），俾啲湯汁浸完之後完全索曬湯汁嘅味道原本心諗雲南米線一定好多油，但配合螺旋藻一齊食，感覺又健康左同埋清新啲。平時唔食得辣，呢個少少辣好啱我。男朋友呢碗腩肉，紅腸、墨魚丸、雞翼尖、炸醬小窩米線，除咗墨魚丸味道口感一般之外，整體都屬於好啱口味嘅雲南米線🤓。男朋友好快成碗食完之餘，湯都飲咗一半。環境同座位要求就唔好要求太多，因為始終小店經營，搭枱是常識吧多謝朋友好介紹，搵到啱自己食嘅雲南米線

葵涌雲南小鍋米線係米線關注組嘅討論度好高。仲有宇宙第一米線嘅稱號。對於米線狂熱者嚟講點都要試下嘅。佢好受歡迎嘅餸係雞絲同螺旋藻。見到呢度嘅米線大家都有叫到呢兩樣餸。咁梗係唔埶輸都要叫嚟試下啦。仲叫咗米線必有嘅腩肉。一上到枱都算大碗嘅，餸嘅份量都算多。湯底係够酸够辣有少少甜。個雞絲唔係滑嫩係好似雞胸咁嘅質地，鐘意食滑嘅人可能未必啱口味。但佢嘅雞絲做到掛湯嘅效果。都過癮嘅。腩肉煮得老咗啲同瘦咗啲。螺旋藻都幾特別，够爽口。總括而言，葵涌雲南小鍋米線而且都有唔同口味選擇，真係值得一試！

位於葵芳有一段距離的石籬，除了是城門水塘其中一個入口外(安蔭)，也有被譽為世一的米線店，雲南小鍋米線。香港米線關注組提及必點雞絲冬菇腩肉，所以我們也點了這配料。冬菇非常厚，入味。腩肉帶點，微辣肥瘦比例適中。雞絲佈滿得像雪花一樣，不論是立即食，或者浸湯再食，都非常好吃。米線其實最重要就是湯底入味 ，每到小菜都做得非常精美，麵質也彈牙。點了允兒，份量足，辣度適中入味。整體符合期望，隔了一個月仍念念不忘。

一返香港第一件事就係去各區朝聖食唔同米線。去了號稱係傳說中宇宙最好味，石蔭嘅雲南小鍋米線。我下午3點左右去，唔駛排隊，叫咗腩肉響鈴同韭菜，中大辣。 辣椒味係幾香，亦夠辣，聞落好香，佢本質應該係好味嘅，但湯底真係唔太岩我口味，個湯極油、極甜同好杰，我並唔係好享受飲到個湯🥶啲餸佢哋俾得幾豪爽嘅，腩肉ok但有啲凍，韭菜都俾好多，但個湯真係唔岩我口味。我嘅意見只供參考，唔可以話佢難食，如果大家同我一樣唔鍾意甜以諗諗。

平時食米線食嚟食去都係雲桂香，譚仔三哥果啲，今次朋友就帶我去一間位於葵涌嘅米線小店，佢話佢哋既米線超級好味，聽到好味兩個字，我梗係要去幫襯啦。餐廳面積唔算大只有五張枱，而且餐牌選擇亦唔多，不過冇所謂最緊要好食，朋友叫咗皇牌米綫，我自己就叫咗自選小鍋米綫。🍜自選小鍋米綫 ($61) : 辣度比出面辣，所以只係叫咗小辣，湯底酸辣鮮香，味道濃郁 🤤 本身配料有芽菜、酸菜、韭菜、肉碎，之後自己另外再加多咗墨魚丸、豬紅、豬肚三款餸，所以變成 $61 蚊。朋友叫嘅皇牌米綫賣相相當精神 😍 後悔無跟佢一齊叫，下次再食一定要試試皇牌米綫。😋