雲南小鍋米線

营业中

休息中

有一次上網睇下石蔭(因為我住附近)有咩好食,所以上左openrice睇下葵涌區有咩好食,點知睇見呢間野係排第二,咁應該有返咁上下,所以叫個fd一齊食,點知一到都幾多人排,所以就今日再黎,好彩今日早左所以有位,入到黎其實都幾細下,一坐落諗左陣,我就點左酸辣小,腩肉,魚蛋,我個fd就點左酸辣小,雞翼.小酸辣米線:真係唔錯,真係食返以前長沙灣間四川既酸辣味,但我覺得呢度再好d魚蛋:普普通通冇咩特別腩肉:真係唔講得小,食落同其他米線鋪唔同,實在唔識點講!呢間可以成為我既新寵,可以的話都成日黎食但同名深水埗既分店好似唔同內容!!!!!

呢間米線店好巴閉，每日只開 7 個鐘 (11:00-18:00)，過年、清明... 分分鐘關門成個星期唔做生意添! 不過真係好好食呢~~ 抵佢巴閉 D 既~ 呢度真係好細，大約只有 5 張檯，次次黎都滿晒人! 今日 1 點半去到，不單坐滿，連外賣都有好多人等，好彩住得近，於是買外賣返屋企食!米線 $18 + 腩肉 $4 + 雞絲 $4，外賣加 $1 --> 共 $27米線可以揀「小鍋」或「酸辣」，因為腩肉本身已經辣，所以我無揀辣湯底，「小鍋」底有芽菜、韮菜、肉碎，都有 D 酸酸地~腩肉係呢度既招牌，好多人都會點，切得好薄，炆得好香，其實幾辣下，一路食見到好多辣椒籽，不過食落又有少少甜，真係好惹味!! 連埋米線食越食越辣、但越辣越想食!!雞絲係我必點既配料，唔係切出黎既絲，而係好似用叉慢慢梳出黎咁，好幼細，所以食落完全好似係溶入個湯底咁，本身無乜味，夾埋腩肉食就好正!!

係米線鋪食米線都食左2年la...由$3一個餸食到依家,以前因為要經常去個頭而成日去食, 依家唔洗再去但有時都會為左一碗米線特登去食....食左咁多年都好有經驗,最好12:00-12:30 之前去咁就無咁多年...放飯時間起碼等十五分鐘先有位食左咁多次有都少少心得,有時候d 人唔識叫會叫到好辣,但其實你叫左腩肉你就唔洗再講少少辣,因為腩肉本身已經辣,你同佢講要腩肉個d 辣就ok....而且,唔係好食得辣o既人淨係要肉碎d 辣就ok, 如果你想要清湯o既話就話走肉碎就得架la~而且你唔係好食得酸就唔洗叫多酸因為真係會好酸佢o既米線有時會軟d 有時會硬d,但一樣都係好「in un」的佢o既菜肉雲吞同水餃係無分別,不過個皮都幾厚,但我個人喜愛再加上成日食所以轉左口味成日叫但唔係好多人叫總之真係好好味,我都食過同區荃灣好出名個間,但我覺得相比起依間真係差好遠,早排經過又去食依照都好多人,但係佢為左做多幾個生意已經唔能夠keep 個質素,預先煮好令米線太軟而失晒分,所以我依家都唔會再去荃灣食lor....@@~如果依間米線鋪開係d 人多或者旺區我相信佢可以做出名la....!!!希望佢有成名o既

今日約3點半去食米線,舖頭只有5張圓抬~地方較窄(如多人時需背對背坐!)而衛生不太好~望向擺材料和處理材料地方就在廁所旁,那處地方的確較殘舊,令人有點不安!服務方面:店舖明顯做街坊&熟客生意!老闆有笑容既服務!其他員工應該都係同鄉人講國語&鄉下話,但識聽廣東話...食物叫左:酸辣米線+多蔥+炸醬+腩肉+雞翼尖(小辣)碗麵一到已知冇多蔥~算吧!湯底香味又濃,帶點微酸正。辣度接受,下次可升級挑戰。而今次米線煮我唔夠透~有點硬!炸醬入味咸已帶辛辣味~只欠食落肉碎較"鞋"口。腩肉煮得夠淋夠入味(小辣),一點都唔韌,但可能我遲去到d腩肉大多得好細片...而雞翼尖明顯地煮得未多入味,只有外皮食到有滷水味,,,,可是雞翼尖都幾大隻的!!最後加包檸檬荼~正注意:因為店舖係做街坊&熟客生意!所以都較早關門~今日我食到一半(約4點)店舖已開始關門!但都有好多人入黎賣外買!也因為早關門原因,所以3點開始D餸都有D買哂啦~總結:店舖細而窄, 食物~正,有獨特風味,但要早D去食!!服務滿意

近日在呢頭返工, 這間米線似乎挺好評價, 我之前係譚仔米線FANS, 所以都想發崛新寵兒~~~我怕多人要等位, 所以選擇在下午兩時多才來! 很多人推介腩肉及豬大腸做配料, 故我點了 腩肉+ 豬大腸 酸辣米線(小辣)!~~~ 齋看已覺得湯底很濃郁, 橙橙紅紅色的湯底, 配料豐富, 起初以為好辣, 但其實不太辣, 而且好香濃, 我通常會先試試湯底的味道, 然後吃配菜, 再吃米線! 老實說, 湯底的確香, 但我略嫌咸一點, 可能因為腩肉已醃夠味, 把本身恰到好處的酸辣湯底再重味左, 所以覺得咸左一小點, 但卻因為咁, 吃米線的時候, 不用連湯一併吃, 也好夠味而且米線很爽口~ 那裡老闆都對自己做出來的湯底頗有自信, 我想加番少少清湯來減味, 但老闆堅持說他們做的湯底味道是剛好的! ...就當每人口味唔同, 原諒我冒昧吧, 請給我加點湯... = ="整體來說, 那裡的米線值得一試, 挺有風味的! 不過提提大家, 那裡好像沒有什麼特色小食提供, 純粹吃米線!

哩間係我食過咁多間o既米線最好食o既一間!以前晌果頭返工, 一定會去哩間o野食米線, 中午時間等位等到飛起!返工o既人又多, 學生都好多!雖然佢餸o既選擇唔多, 但係絶對晌出面食唔到咁o既風味.哩度o既米線質地煮得好唔在講, 煙un恰到好處, 正!要幾辣有幾辣, 如果食得辣o既人一定要試! 要多酸菜亦唔需要加錢!湯底好香口好濃郁...出面好多米線湯底, 晌第二間都會食到差不多味道, 但係我暫時未食到第二間係同佢差不多o架囉!有次晌深水埗食米線, 食食吓先發現原來佢有分店...而且仲係我晌葵涌食開果間, 就係哩間雲南小鍋米線...但係深水埗同葵涌果間完全係兩回事...深水埗果間差葵涌果間好遠啦~米線又唔煙un~湯底又完全唔同~無得比!!!講返轉頭先~哩度d餸唔多選擇, 我通常都係食豬大腸/腩肉/雞翼尖...調味o岩o岩好...同埋我最鐘意佢d豬大腸係將裡面d肥膏整走哂, 一d都唔覺得漏...依家雖然無晌果頭做o野, 而果度地點都唔係話太就腳, 附近又無街行, 但係我間中都係忍唔住走返去食碗米線! 之前突登帶個同事去食, 佢都話係食過咁多間最好食.不過哩間o野好西利, 平日好似未夠七點就關

中午食飯時分也會路經這間雲南米線，每次也會被它的陣陣酸辣味所吸引！眼見內裡衛生程度欠奉，但門口常常也有一群群寫字樓一族在堵塞著，難道內有乾坤？不過成為坐上客便不必了，還是外賣比較穩妥！1時正走到門口，己人潮湧湧！有等位的也有外賣的！急急地選了腩肉豬肚米線大辣，然後就在門口等著！一等結果等了十多分鐘......回到辦公室便及不急待地打開盒子，一陣濃郁地香味便迎面撲來！腩肉是我最愛的瘦版（我明白有很多朋友也喜歡食半肥瘦，因為一份油香夾著一份肉的確滋味，但我卻只愛瘦，這是個人喜好問題）！豬肚切成幼絲，而表面浮著一層紅紅的油，這是可接受的薄薄紅油！不像某些食店，紅油多得比石屎還要厚！用筷子輕拌一下，裡面有少許韭菜、芽菜與酸菜，還有很多的辣椒碎！先嘗一口湯，濃郁芳香，酸辣完全溶入這肉湯中！辣道亦完全符合我的口味，辣得夠刺激！米線亦相當有靱度，外賣也不會因浸湯時間太久而變''淋'' ！腩肉與豬肚經鹵過後，單食也不失滋味！拌著米線與其它配料一同放口大嚼，即熱辣又味美，爽口煙靱與辛辣同時刺激著你的味蕾！大、中，小辣任君選擇！在這個寒冬，一口湯一口米線足以令你熱血沸騰！不過不太食得辣的朋友，我勸你們還是

好食到會令人上隱的酸辣米線由2006年開始一直支持這間米線鋪, 因為佢地D米線好彈牙, 湯好香好濃, D餸都好好食, 而我每一次都會叫自己既例牌菜:酸辣米線,走牙菜,走九菜, 加炸醬(2份), 超級多酸每一次都係成碗食晒,連湯都會飲晒, 因為真係覺得好好食, 就算放假都會特登走出去食佢個米線, 而家諗起都想食.食完之後都會覺得好滿足, 不過次次食完都好飽,連夜晚果餐都唔需要食, 某程度上都幾膩同埋"漏"...酸辣米線: $20每加一款餸: $4都算底食, 因為都幾大碗PS: 服務態度就麻麻喇

在門前就嗅到一陣濃烈的酸菜味, 雖然已經跟友人約好了午餐, 但實在抵不住, 感覺小店是路過不應錯過. 就來一碗酸辣米線加肉醬中辣. 中辣的味道不遜於譚仔, 幾口湯下喉即汗流浹背, 過足癮頭. 肉醬很咸, 要泡到湯去和一下才對味. 芽菜米線也是正常. 最出色的正是那陣惹人垂涎的酸菜味, 吃得出嗅得出, 加倍的話風味更佳. 價錢才18+4, 外加可5蚊罐可樂, 平到無朋友, 難怪街坊排住隊買外賣. 不必特意造訪, 除非你路過...

我以前係個到附近返學,因為個到實在太多人~所以都唔係成日去食~依家無讀書啦~都忍唔住再返去食~食過等2 度d米線,無一間d腩肉好得過佢~佢d腩肉真超正~食過一次就成日想返去食~大家一定要叫腩肉呀~不過,個到真係好細,要係佢到食都真係好迫~又未必有位,lunch時間又要停好長時間~but為左食到好野,都ok ge!!!!!!!!

本人是在附近返工的，每次行過此店也會驅使我入去。原因是此店的酸辣味實在太太太太香啦!!!!今天，是此店農曆年後第一個工作天，我初五已經返工，一向我也知道此店不會太早開市，今年也不例外，在初七時，我的心已急不及待去看看開市沒??怎料原來要初九才開市。又要多等兩天!!今天，我終於可以去食啦!!!平時12:30都開始多人，但今日人特別多，不知道是否因為第一天開市呢??我足足等了半個鐘!!!我是外帶的，回公司後，一開...嘩....很久不見的中辣，看噴噴...!!正!!!但由於始終都是酸辣，我用了半個鐘才吃完這碗麵，剛剛又要開始我下晝的工作了!!我最喜歡就是那種辣味在胃裏，整個下晝也在燃燒!!!正!!荃灣的以前也常吃，但我覺得現在大不如前!!看回食評，我下次看來一定要試試腩肉呀!!

見到d食評個個對呢度讚不絕口．我見咁岩呢間野又係我公司附近．於是星期六既下晝1點幾就黎左呢度試下!一去到門口．見到間鋪真係好細好細．淨得得果５張台．而且坐滿人既話．機乎係冇路行咁制!落單．我叫左個小窩米線(中辣)多酸走肉碎+雞絲($22)．結果足足等左成3個字先有得食．不過咁我又見到廚房係得2個人係度整．又有堂食又有外賣．真係好忙既．所以我都唔怪佢!不過當碗米線一黎到既時候．見到唔多唔少都有少少失望．因為我叫左多酸~但係一d都唔多酸菜．反而芽菜就食到幾多下．雞絲好白好碎～另外呢度既中辣都唔係好辣．頂多屬於小辣..米線比較幼身小小同淋．份量岩岩好唔會話特別多！就算食晒成碗都無飽到上心口既感覺~不過如果同其他間比較既話．我自己都係中意荃灣四坡坊果間雲貴川風味多d..

幾次午膳時間經過這裡都見到這店舖外的一字長蛇陣，而眼尾稍看張貼在店外的價錢牌，在這地區來說價錢不算平宜，故推測食味應該不賴，總想找個機會到來品嘗。是日約了朋友到打磚砰街，故就來這裡一試；這店座落梨木道，貼近葵涌工業區，午膳時間幫襯的客人相當之多，加上店舖面積小小，排滿檯凳及坐滿客人後是相當擠迫，簡直可用背貼背的來形容，情景有點似新冰香。酷熱警告生效，熱騰騰的米線已經難挑戰，況且酸辣湯底，故稍微降低難度，來碗小辣多酸腩肉腐竹米線。這裡是用一個猛火爐頭配上鋼煲續碗續碗的烹煮，米線、牙菜、韭菜、肉碎及腐竹纏在一起，跟外面烹好米線才澆上材料不同，這才能保證每條米線索盡酸辣湯的精華。顧客頗多故點的米線差不多十來分鐘才上檯，捧來的時候已聞到酸辣味道，酸味不是嗆喉的那種，是酸中帶甜的感覺，跟坊間只覺是添加米醋來作酸味的味道不同；賣相方面，濃濃的湯底配上不小配料，份量滿貫。先嚐口湯，夠酸而帶微辣，跟譚仔及四川不一樣，後者是酸辣但湯底不濃鬱，這裡是酸辣之外湯底濃厚；米線亦跟平常坊間用腍腍的不同，這裡是小有的幼身爽口，配上濃厚酸辣湯底，是另外的一種酸辣米線的食味體驗。這裡的腩肉是預先炆制後澆在米線上面，利

本人好鍾意食辣野, 由其酸辣米線, 我己經試過無數咁多間, 呢間係本人既極之至愛, 第二就係路德圍果間佢既湯底簡直就係非常惹味, 大辣係我至愛, 不過每次食完第二朝一定柯, 因為實在太油, 但都會每一個week食一次先止到條癮. 腩肉係我必叫既餸, 有時什至乎會叫成2-3份, 因為實在太好味啦唔係誇張, 我同上面果位食家一樣, 每次食親都有幸福既感覺, 會飲哂全部湯, 雖然啲湯好油會肥, 但都值得~~~~

我好好好鐘意食米線嫁,所以成日周圍搵好食既米線。起初, 我好鐘意去荃灣路德圍某間店食米線,點知愈來愈覺得佢吾好食,就好少光顧喇!!之後,係公司附近, 竟然比我發現呢一間米線,單單經過佢門口就已經流晒口水,果種香味....係無法形容嫁!!米線彈牙, (月南)肉香濃, 湯底酸而辣,簡直係人間既極品, 一試難忘。就算要我搭幾個鐘頭車, 我都一定要黎食。