雲南小鍋米線

营业中

休息中

住係附近，成日都心思思想食不過次次見lunch hour門口都排晒隊人潮咁多就次次都放棄左見係星期六，唔趕時間一於去食la！Lunch 時間到，門口依舊有人潮，不過好多都係等外賣，店入面其實仲有位，即刻就入得。叫左雞絲腩肉小鍋米線。今日唔知咩事，等左成15分鐘都未上菜⏰見店入面電話係咁響都無人得閒聽，好似好唔夠人，不過我唔係趕時間，所以我無催單。等左3個幾字，終於上菜！見到已經流口水，因為d雞絲🐔真係好澎湃！成碗都係，好多好足料！雞絲撕得好幼，有d似食既尤魚絲既口感，不過本身有d乾身，要吸多d汁先好味！而湯底真係好正！酸味，辣味，甜味，咸味都岩岩好，食落係好豐富既感覺，唔會話好單一既酸或者辣！我忍唔住邊食邊飲左好多湯。而腩肉🐷真係必叫！本身腩肉既調味好入味，腩肉好香好諗，加埋少少辣🌶，係會想食完再食😚呢餐唯一唔好既係等得太耐。但味道一流！兩個餸各自加左$10, total 埋單要$46, 以一碗米線黎講聽落係有d貴，不過味道真係正，都值既👌🏻

趁住平日放假，即管試試傳聞星期六日要排隊嘅米線舖。一直想試好耐啦，果然無令我失望😌😌😌因為湯底本身有肉碎，所以無叫到炸醬，叫咗雞絲腩肉米線小辣加杯凍檸茶。平時食開譚仔3小辣，呢度小辣我都覺得足夠。雞絲好足料，但食落有啲乾，浸落去索下湯就好了。腩肉肥瘦岩岩好，仲好入味。米線唔會淋gg，有啲𡁻口。最後埋單$54走人。總論是值得一試🥰🥰🥰註：地點都有啲偏僻，附近無嘢行街架。係為咗食佢，突登坐車嚟。好彩係落咗巴士行5分鐘左右就到。

今日同同事lunch唔知食咩好都係叫咗個米線食次次都係食譚仔好悶所以轉轉新口味就去咗食小鍋米線幾鍾意佢個酸辣湯因為冇花生🥜仲有叫咗個雞肉 普普通通啦～仲有叫咗幾個小食

#sumsum飲食攻略屈機的米線呢間真係sumsum心目中的Number 1🥰舖頭好細間 lunch時間好full 雖然環境唔係太乾淨 但都可以接受嘅如果想食嘅我建議大家12點前去啦腩肉雞絲米線湯底好濃又唔算太咸腩肉係第二到食唔到嘅好味雞絲係絲到索哂啲湯佢啲腩肉比較辣 所以湯底我會叫唔辣嘅否則一定食唔到另外螺旋藻都係鎮店之寶 大家可以試試 好正嫁！間唔時好掛住我就會特登搭車去食🥰

經同事介紹下得知葵涌有間米線很好吃的。查看之下，得知小店藏身葵涌石蔭，於區內蠻出名，更有「石蔭米線」之稱。主打雲南式小鍋米線，而且每碗米線均是獨立烹調，非常有熱誠！剛好要到葵涌石蔭附近、當然要品嚐一下。小店最馳名的配菜是腩肉、雞絲及炸醬。味道有辣與不辣，任君選擇，價錢相宜。貢丸小鍋米綫 ($35)(米線底 $26、餸料每款$9 - $10、勁辣加$7) 剛端上桌的米線，熱騰騰的還冒著白煙，看到這樣的情景總令人忍不住食指大動。米線軟熟滑溜，肉碎帶點微辣，令湯底惹味。

雲南小鍋米線較早前已有報導，今日順路到來，點都要一試啦。舖面算唔大，一眼望落只有5張圓枱，比較舊式的格局，往往就是這樣才能食出他們的味道。小本經營唔好比大鈔啦!!店中推介了5款小食：涼拌雲耳、涼拌黃瓜、麻辣豬耳、麻辣肚絲及麻辣鴨胗。雲南小窩米線以招牌的過橋米線作推介，當中更可以選擇小窩薯粉或小窩米線再選擇你想吃的配料，再選擇辣度。小窩薯粉+腩肉 -$40小窩內已加入了指定的配料：有酸菜、韮菜、芽菜同肉碎，加埋腩肉，陣陣的香味已經傳入我的鼻。當中腩肉特別好味，咬落唔會腍身而有口感，而且辣辣地非常惹味，絕對係會食上癮既米線。

同朋友專程來過幾次，今次係第一次寫食評。由於下層太多人嘅關係，今次有得上樓上坐，冷氣加風扇，溫度十分之舒適，環境清潔望落都比一般茶記乾淨。感覺上次水準比今次好，今次湯底調味重手咗些少。配菜有很多選擇，今次叫咗生菜鷄絲小鍋米線，友人叫咗個雲耳鷄絲小鍋米線，酸辣度有得調較(個人比較怕辣)，呢間嘅湯底對我黎講就岩岩好。米線同餸的份量十分多，女仕可以考慮叫小米線(避免浪費)。如果人多仲可以再叫幾款小食share。飲品黎講就一定要加支荳漿，比起市面買到嘅無咁甜，而且飲得出唔係過份滲水。總括來就大件夾抵食。

每次揸車經過都見到舖頭外面迫滿人，心諗有冇咁好食呀？ 今日終於有機會同同事嚟試下，同事叫左小鍋米線$26，另加豬軟骨$10和炸菜肉碎$9。而我就叫左上海菜肉雲吞$32，涼拌青瓜$22。 小鍋米線：本身包芽菜、酸菜、韭菜、肉碎（有小小辣），材料足。豬軟骨有4舊，但得1舊有軟骨，其他肉又「鞋」又「實」，至於炸菜肉碎，肉碎炸得太硬太燶。米線份量夠但煮得太淋。 菜肉雲吞： 有7-8粒，皮比較厚，白菜肉碎餡幾香，清湯底有少少酸味，應該是酸菜帶出的味道，都算OK。 涼拌青瓜：清涼爽口，最啱夏天食。 食完埋單後，我和同事都話咁嘅水準，唔明點解要排隊，可能附近欠缺競爭者！ 後記：果晚食完之後要飲幾公升水解喝！😨

呢間雲南米線有好多選擇，超足料，而且份量咁多CP值好高。聽說午餐成日都高朋滿座！當日叫左小鍋米線$26，餸只叫一款最出名嘅雪花雞絲$10，湯底要小辣。小辣好辣，但好食，辣得好過癮。但食到一半兩行鼻涕直直流😂😂 用左兩張紙先夠。另外雞絲真係好雪花，雖然有人話好嚡，但我覺得好好食，吸哂湯頭超入味。面底比其他米線店多，搞到我食唔哂。聽講佢嘅豬肚絲同海帶都唔錯，見其他枱好多人都叫～

呢間米線已經聞名於世好耐，作為葵青區既居民，我都自愧不如，咁耐先過黎試佢。舖面唔大，不過佢原來係後面擴充左既。我2:30去食，就唔洗去後面啦。我叫左雞絲同埋炸醬。整碗米線係偏向咸同重口味既，不過就令人一口接一口好吸引，佢默認係有少少微辣，不過唔會令你要狂飲水果種辣度黎。炸醬我覺得一般，但係雞絲真係值得一試，因為佢大量，佢好幼細，佢好索汁。咁樣價錢係 $26+10+10, 其實抵食，因為好大碗，d 料份量唔少同事叫豬軟骨同埋螺旋藻，豬軟骨好入味，又淋，螺旋藻無味既，但同重口味既夾埋就中和到！最後成碗食曬，幾正既整體都高分，加上店員勁 nice ,我原本以為呢種小店既店員會好惡，但結果我改觀了，哈哈

【雲南小鍋米線】乜野驅使你專登係荃灣搭車入石籬食米線吖？！係為食吖！！傳聞呢間係全港最好味既米線，呢日去到都有小小人龍嫁，好彩佢有2間舖，所以等左陣就入得Yeah✌，行入去果陣已經見到食客碗大大碗米線😏，大過塊面呀下，好吸引🤗.小鍋米線 $25 (加配料每款$8/$9)小鍋米線分多種辣度，要走辣即係要走肉碎，另外就由正常至大辣、勁辣，本身碗米線既配料已經有酸菜、韮菜、芽菜同肉碎，店家配料推介有8蚊既螺旋藻、黑木耳，明既，呢啲索汁一流吖，不過K今次同屋企人就分別揀左9蚊既腩肉、炸醬同雞絲😎，上枱見到係超滿足🤞，因為雞絲完全鋪滿滿喔😆，而且雞絲係撕得好幼身，一浸落啲湯度，索哂汁吖都係，炸醬同樣係一大堆😂，中間會咬到啲花生粒，有啲卜卜脆既口感，煮得好香呢，至於腩肉就唔係果啲肥肥腩肉，反而一片片好似瘦肉咁，又有少許肥肉，所以食落唔膩又食到腩肉既香。不過整體黎講碗米線都係偏咸，食食下會覺得佢重口味左啲，不過咁多間米線黎講，佢算幾高汁，值得一試吖。

呢間米線由中學嗰陣就食到而家食咗都六七年啦，一直都係自己最鍾意食既米線，都係最近呢一兩年先知道佢已經俾人稱為宇宙第一米線。今日放假突然想食，就去左試自己既最愛！！腩肉腐竹雲南小鍋米線因為我係下晝大概4點鐘去所以唔洗等位，平時中午會大排長龍中學個陣基本上都食過曬各種餸，但最鐘意食都係呢度既腩肉同腐竹，過咗咁多年水準依然keep到，酸辣度啱啱好，而且米線好有彈性，腩肉同其他米線鋪唔同，係切到一條條好易入口，肥瘦亦都適中，十分惹味。

上次小編叫左外賣拎翻屋企慢慢食，今次就試下堂食，睇下有咩分別。點知真係有大分別！堂食既麵更加彈牙，而吾係淋曬，索曬啲湯。所以大家要食一定要揀堂食！🧐今次試新餸！豬軟骨🤩🤩醃得好入味，而且有大大4件，軟骨咬落易入口，肉吾韌。大推！👍👍 另外，必食都依然有:1. 腩肉平時岀街食既腩肉都偏肥，但依間米線店既腩肉偏瘦，只帶少少肥肉，岩曬女士們！醃肉辣得黎帶點甜味，正！😋2. 螺旋藻餸多到食到最尾都仲有。據說螺旋藻好有益， 含豐富既胡蘿蔔素，維生素，好有營養！😍同埋吾係好多地方會有依個餸，夠曬特別！

下筆寫此食評真不是件容易的事情，曾被譽為宇宙級的米線。餐廳的位置不算方便，真羨慕住在附近，能夠經常食到宇宙級米線的人啊！其實我以前正是住在附近，由細食到大，哈哈哈。他店面不大，但近年已在店後擴充，現在需要等位的時間已經大大縮短，我以前曾試過要等上半小時才能入座。腩肉是他的招牌，中午過後，腩肉多數已沽清。因為我不能食得太辣，所以沒法享受帶辣的腩肉。雞絲和蘿蔔基本上是我的「鐵膽」，而湯底，絕對是精華所在。以前他在夜晚6點就已經關門，現時已把營業時間延至8點。因為今晚比較夜去到，蘿蔔已沽清，唯有選擇剩餘的雞絲。湯底、米線和雞絲都保持一貫的高質。

石蔭呢間傳說中隱世米線店，一早想試好耐，不過地點有d隔涉，所以遲遲都未成到事。今日終於去左啦！人生第一次去石蔭，由於唔想搵路，於是同朋友係葵興搭左的士上去，大約$27蚊到，後來發現有好多巴士都經葵芳<->石蔭，巴士站仲好近米線店，下次去可以搭巴士！閒日lunchtime去食，唔洗等位，入面無乜裝修，但就有一陣地道小店feel。我同朋友都急不及待落單，menu好簡單，朋友就覺得餸既選擇唔夠多，但對我黎講就ok，因為我想食既都有。我同朋友都係叫左小鍋米線（$26）加兩餸。由於小鍋米線本身己經有小小辣，落單時姐姐都好窩心，特別提我地有辣，食得辣先好再加辣。先講湯底，湯底偏酸，本身既辣唔算好辣，大約係譚仔十小辣level，食得辣既可以再加辣！佢既湯底雖然濃味，但食完唔口渴喎！而米線份量都幾多下，口感方面就同平時食開既差不多，唔算太特別。1. 雞絲+ 蘿蔔雞絲好多呀，份量係多得誇張，而且佢係特別細條，所以食落口感真係超正，超入味。蘿蔔亦好大舊，好入味，不過蘿蔔有渣，口感就麻麻。2. 雞絲+豬大腸雞絲一樣評價啦，而豬大腸切成一片片，唔知係係咪切開左無左豬腸臭味，所以我覺得一般咋。3