雲南小鍋米線 (已結業)

我估我上次應該係來呢間掛. 叫左個中辣的酸辣米線, 湯底都唔錯, 同埋真係幾辣, 加埋熱辣辣, 一路食雙眼一面亮晶晶的. 男友說辣對皮膚, 對胃都唔好, 笑我抵死, 不過我都好少理, 因為味道都真係ok.

尋晚去食松記之前~ 朋友帶我去左小鍋米線~ 我地都係叫左唔辣果隻湯底~ 但佢酸菜唔算多~ 所以唔夠酸~ 但$20果款麵底入面有大量既腐竹~ 好好味~ 而我地亦叫左佢既招牌菜「豬頸肉」~ 唔韌~ 表面既汁好香甜~ $18一碟好大碟~ 抵食~

我成日都會專登去深水埗食架!! 我覺得佢d湯底好好味, 酸得黎又夠辣, 而且又平,尋晚同男友又去食, 食酸辣米線, 叫左兩個餸連埋野飲都係22蚊, 我地仲叫左佢果個香矛雞翼, $10 有4隻, 因為係即炸,所以好脆好熱好香口! 佢有醬俾你點架,好似m記果種酸甜醬咁,真係幾好味架!而且入面坐得鬆動d,又有電視睇^v^ , 我會keep住去。

18/05/2005 20:00同處於深水土步"食街"，雲南小鍋米線不及譚仔記或周記出名，但也不乏客人，當中應有其可取之處，又試試佢先~叫了貢丸、雲吞酸辣米線，再加一碟油菜。貢丸太淋身冇口感，雲吞就不過不失，反而咸酸菜做得幾好，入口非常爽而且酸甜適中，其實叫甜酸菜o岩o的~不過最正係碟油菜，今次叫左通菜，好大碟，兩個人都差o的食唔晒，而且廚房亦毫不吝嗇腐乳，舖滿成碟菜。兩個人，埋單$50，每人$25，可以再黎o既.....題外話，最近食左好多米線，包括深水土步譚仔、長沙灣四川麻辣、觀塘雲南風味同呢間小鍋米線。比大家一個參考，依次序(食物質素方面)為：雲南風味＞四川麻辣＞譚仔＞小鍋米線。

樣樣野都係一般，唯獨是湯底唔錯