雞駅花膠雞米線專門店

营业中

休息中

第二次黎呢間食，因為個湯實在太正，所以想嚟多次試吓唔同嘅湯。今次叫咗個椰子雞湯。椰子味濃郁，好好食雞略嫌份量有啲少。同上次一樣食到差唔多七成左右，有侍應無啦啦走過黎話要收走個湯，但係食呢間就係食佢個湯，唔明點解咁快要走過黎話要收走啲湯。跟住無啦啦擺低張單話要埋單，好似好趕時間，催人走咁樣。但其實嗰陣只係八點半左右。跟住終於可以俾佢哋收嘢，走過嚟收嘢嘅阿姐無啦啦整到我朋友。其實本身坐嘅位已經迫，其實點解唔等埋我哋走先至執枱呢？有冇咁急呢？睇返現場都仲有幾枱人喺度食緊嘢衷心希望呢間舖嘅侍應態度可以改善否則好難有回頭客雖然啲嘢食好食

想分享一間好適合一至兩個人靜靜哋打邊爐嘅小店「雞駅」！主打花膠雞米線及新推出嘅一人火鍋套餐，性價比高，晚晚都全場滿座！一定要早啲到～🍲雞駅一人火鍋餐花膠濃湯，上海麵（每日鮮製），牛肩胛呢度嘅「花膠濃湯」絕對係女士恩物！一上枱就聞到陣陣雞湯香，飲落鮮甜濃郁，仲有大塊厚身花膠，膠質滿滿，飲完喉嚨即刻潤晒😍😍 牛肩胛，油脂分布均勻，輕輕灼幾秒就食得，入口嫩滑～上海麵麵條彈牙有咬口，吸晒花膠湯精華，好正呀！🍗麻藥蛋拌雞髀麵一上枱就俾隻雞髀同埋流心麻藥蛋吸引住～蛋黃撈勻秘製醬汁，配埋嫩滑雞髀肉同彈牙麵條，味道層次超豐富！

👧🏻😋👅🍽✨觀塘第三店3️⃣質素keep到👑實力保證💪🏻-🐓 繼駱駝漆同東廣場, 迎來觀塘第三間分店, 依然係大排長龍, 真係有價有市! QR code落單唔同選項都寫得好清楚🐓 駿業里店比本店大好多, 所以可做埋shabu shabu, 就算食米線都可以用電磁爐熱住個湯, 慢慢食都唔怕凍晒-▪️雞駅一人火鍋餐🍲 自選湯底, 主食, 主菜, 亦可追加肉類同配料, 店員有溫提shabu shabu已包一盤固定配料, 以免重覆點選🥩 價錢以主菜決定, 由$88至$108不等, $88既美國靚肥牛已經真係好靚, 6塊唔算好多但包埋個靚湯底勁抵🥥 椰子湯比招牌花膠雞更清甜, 勁香椰子味, 飲多兩碗都唔膩▫️招牌花膠雞米線 $68🐓 雞駅必點~ 雞胸肉都好嫩滑, 花膠大大塊吸滿雞湯精華, 出色!▪️口水雞擔擔麵 $52🍜 用每日鮮製上海麵好彈牙, 個擔擔湯好多肉碎仲好香花生味🐥 口水雞個自家醬鹹香有少少麻, 唔算太辣

之前去駱駝漆想食幾次都因為太長龍冇食到🥲見原來喺駿業里都有間分店就試吓撞彩點知真係唔使等位🙌🏻-🐔胡椒豬肚雞米線 $78🫕雞駅一人火鍋餐 $116🌽椒鹽粟米 $38-個雞湯胡椒味好重好惹味🤤🤤d雞好嫩滑豬肚又乾淨👍🏻佢每個位仲有個電磁爐, 就算食米線都可以放上去校細火保溫勁正🙌🏻個湯真係好好飲會想再黎食😌-我地見佢有火鍋都嗌左個試下~揀左花膠濃湯同牛小排🐮 花膠雞湯好濃味暖笠笠☺️佢個set仲包埋芝士竹輪, 蟹棒, 芝士腸, 粟米同娃娃菜勁豐富👍🏻

📍#雞駅花膠雞米線專門店 (觀塘)觀塘駿業里10號業運工業大廈1樓A室▪️▪️▪️▪️▪️▪️▪️▪️▪️▪️▪️▪️▪️▪️觀塘第三間人氣花膠雞米線專門店，門口大排長龍，主打食花膠米線，而家仲有埋一人火鍋🍲可惜當日晏咗少少去，火鍋好快就賣晒，下次有機會一定要再試！✨#藥膳黃酒花膠雞米線 💰$78呢碗米線真係好滋味，湯底用咗藥膳同埋黃酒煲出嚟，藥膳味香濃又帶少少甜。可加$10轉雞髀肉，雞髀肉質鮮嫩，咬落去口感滑溜，米線吸收咗湯汁，每啖都好好味✨#招牌花膠雞米線💰$68招牌米線果然唔會令人失望，湯底清甜，花膠嘅口感彈牙，搭配雞脾肉一齊食，好完美。呢碗就加$5轉做上海麵，上海麵食落口感十足，比米線及有咬口，不錯。✨#金磚豆腐 💰$42金磚豆腐外脆內嫩，炸得剛剛好，每一口都食到豆腐嘅滑溜，好味！▪️▪️▪️▪️▪️▪️▪️▪️▪️▪️▪️▪️▪️▪️

某日見到駿業里開咗雞駅，本身以為駱駝漆嗰間搬咗舖去呢一度，但係見到餐牌先發現佢居然係觀塘開咗三間分店😱可能呢一間係新開嘅分店，又或者本身呢度地方大啲，居然唔使等位。呢間分店比起駱駝漆座位比較鬆動闊落光猛，裝修非常醒目，頭頂有盞射燈射落張枱度，咁樣顧客影嘅食物相一定靚🫢呢間分店有得打邊爐，每個位都有獨立嘅電磁爐，不過我都係揀食米線。🍗🍜胡椒豬肚雞米線 $60 +$8 凍飲對於唔食花膠嘅我嚟講，胡椒豬肚雞係最好嘅選擇。好好彩我冇加錢佢都比雞髀位我，啲雞肉質嫩滑唔嚡，咬走嚿皮都食落啖啖肉，而且雞嘅份量都好多，係滿滿嘅蛋白質。豬肚大小適中，一啲都唔韌。不過唔知係咪食得慢，食到尾個湯都凍晒，不過都無阻我飲晒佢啲湯。

午市約12:30 已經開始要排隊既小店，好彩唔洗排好耐就入得😆椰子雞米線（$60)每個坐位都有一個小爐，這樣可以讓米線和湯保持熱辣辣的狀態，冬天食就最岩啦，好似打邊爐咁😆😆米線的軟硬適中，口感滑順，唔會煮得太林，預繼續加熱都爽滑彈牙。與湯底的椰子味道相得益彰。湯底清甜，帶有濃郁的椰子香氣，讓人一口接一口，忍不住想多喝幾口。雞肉鮮嫩，與米線搭配得宜。椰子的風味讓整道菜充滿熱帶風情，令人心情愉悅。

雞駅花膠雞專門店：滋補養顏💛暖心暖胃之選🥰今日去咗雞駅花膠雞專門店食lunch，一試難忘😋首先要讚嘅係佢哋嘅招牌花膠雞米線，湯底真係好鮮甜，飲得出係用料十足熬製而成。花膠嘅處理亦都恰到好處，入味又唔會太過軟爛，口感一流。雞髀肉質鮮嫩，啖啖肉，令人回味無窮。另外，🤤胡椒花甲粉都好有驚喜。湯頭帶有胡椒嘅辛香，同時又充滿海鮮嘅鮮甜，層次豐富。花甲新鮮飽滿，火候控制得啱啱好，唔會太生或者太老，非常juicy。小食方面，金磚豆腐絕對係必點！外皮炸得金黃酥脆，內裡卻依然保持豆腐嘅嫩滑，形成鮮明對比，口感一流。最值得一讚嘅係店內嘅設備，每個位都有一個爐，可以keep住個湯嘅溫度，確保客人可以一路都食到熱辣辣嘅花膠雞湯或者花甲粉，非常貼心👍🏻。💪🏽雞駅花膠雞專門店無論喺食材嘅選擇🐥、烹調嘅技巧👩🏻‍🍳，定係用餐嘅環境，都做得非常出色。如果你想搵一間可以滋補養顏💆🏻‍♀️、暖心暖胃嘅餐廳💁🏻‍♀️，雞駅絕對係不二之選！無論係自己一個人食，定係同朋友、家人一齊share，都一定可以食得好滿足✨✨✨。下次一定會再嚟！#雞駅花膠雞專門店 #花膠雞 #花甲粉 📍雞駅花膠雞米線專門店(業運工業大廈1樓A室)

觀塘長期排隊店 花膠雞米線 開咗新分店！！相比駱駝漆嗰間 環境大好多💖同埋最緊要係呢度晚市有Shabu Shabu🤩!!一人一鍋 都係$88起咋🥰好正好抵😍！呢度嘅招牌花膠濃湯一定要試🐔因為真係好香濃😋今次試佢哋嘅牛肉同豚肉🐮牛肩胛($98) 牛小排($108)想再追加其他肉都得🐷美國豚肉片(+$38)牛小排一定要食👍🏻！油花好多 分布均勻⭐️固定配料: 長腳蟹棒、芝士竹輪、芝士腸、福袋、娃娃菜、雲耳、金菇、蟲草花、粟米仔職員仲會主動加湯底🥹💖 值得一讚👍🏻