雞翼山 (已結業)

喜歡雞翼嘅人，一定對雞翼嘅煮法好講究。我就係啦！知道雞翼山開張，真係高興，這天晚飯後，專程來試試。現場所見，晚飯後時段依然好多人等候，相信大家都好像我一樣，慕名而來，食返個宵夜先。店舖以粉紅色為主，好柔和，好舒服嘅感覺。個餐牌圖文並茂，好易理解。店舖沒有坐位的，可以買了在旁邊站著食。句子很貼題，盡情享受食雞翼嘅樂趣。買了兩款回家試吓😋「文青風玫瑰雞翼」「我係鹹檸七雞翼」包裝外表簡樸最緊要內涵，玫瑰雞翼鋪上玫瑰花瓣及蜜糖，甜絲絲嘅感覺，我好喜歡。鹹檸七雞翼鹹鹹地，另有一番風味。兩款雞翼都有小小黑椒調味。雖然是外賣，不是堂食，但都好細心地提供紙巾及手套，讓顧客可以好好享受食雞翼的樂趣，讚👍🏻！

位於紅磡德民街29號德民大廈地下的雞翼山（Chicken Wings Mountain)，主打特別口味的雞翼。小食店位於紅磡獸醫診所對面，港鐵黃埔站步行約三分鐘便會到達。餐廳主打外賣自取，可以打電話落柯打再去自取，建議外賣回家和朋友一起享用。小食店旁也有小桌子，讓客人現場享用雞翼。這個小食店的主色是粉紅色，充滿少女風，而且店的側面還有一幅牆，十分適合拍照打卡。雞翼是即點即製的，需時約五分鐘左右，每款口味還可選擇雞翼或雞搥，不設混合配搭。今次則試了文青風玫瑰雞翼 (Rose Chicken Wings)。雞翼的賣相美美的，連墊紙也是粉紅白相間，上面插著一支可愛的小旗子。玫瑰雞翼上撒了少許花瓣，入口熱辣辣，味道香甜，十分惹味。當中採用的為玫瑰花蜜，味道加了一種清香的玫塊花味，頗有驚喜。當然不少得要飲品，點了天空藍鮮檸檬特飲和片片綠青瓜特飲。天空藍的味道酸酸的，十分解渴，能中和吃雞翼的膩感。

同上司喺紅磡嗰邊見客，行過見到呢間新開嘅雞翼山，原來係中環一間coffee Shop的副線，專賣嘅就係炸雞翼。上司話好多年前呢美國有一個好出名賣雞翼嘅連鎖店嚟過香港，不過呢好快就消失。。。我話喺香港呢做生意其實真係難，要歷久常新，食物質素又要維持得好，真係一啲都唔容易！好啦唔好講咁多啦介紹返呢一間雞翼山，雞翼山嘅特色呢就係買七種雞翼三款飲品。當日同上司就試咗兩款雞翼一款呢就係招牌玫瑰雞翼，另外一款呢就用三種芝士製成嘅芝士雞翼。首選一定係玫瑰雞翼，香甜美味，唔怪得成為招牌菜，相信凡女必愛。男仔都應該鍾意。雞翼呢能夠保持多汁嘅效果。蜜糖同玫瑰味道都香濃。30幾蚊有四隻，下午茶食都OK。另外嘅芝士雞翼呢，用上我最喜歡嘅瑞士芝士。。。因為我對瑞士情有獨鍾，味道OK，芝士味濃郁。配上粉紅色嘅裝修相信會吸引一大堆美女打卡。留意小食店冇座位㗎！各位喜歡用手食定係容差食就悉隨尊便了。

跟朋友約定，每隔個星期去行一次山，過一個健康的暑假。但我今日偷偷地撇開行山友，同一班大食朋友去行了另外一個山，哈哈，就是黃埔的新開小店 - - - 「雞翼山」！Menu簡簡單單，有三種不同的套餐；4隻、6隻、16隻雞翼，任君選擇。朋友們想試多幾款不同口味，所以今次大多點了細Size的4,6隻雞翼。人多真的好辦事，一口氣食真的吃了很多雞翼！文清風玫瑰雞翼、我係鹹檸七雞翼、熱情果寶寶雞翼、港式避風塘蒜香雞翼、濃味三重芝士劉雞翼、檸香山葵蟹籽雞翼、和風濃口味噌雞翼。我自己特別喜歡「我係鹹檸七雞翼」，別看他其貌不揚，普普通通，其實每隻雞翼都由7-up煮成的醬汁四方八面的包圍，加上咸檸的濃郁點綴，酸酸甜甜非常過癮，是一個喜出望外的新奇味道。而招牌點題作，文青風玫瑰雞翼當然如相片一樣，好吃又好看。每隻雞翼都沾滿玫瑰糖漿，加上一瓣一瓣的玫瑰花瓣，味覺視覺嗅覺都被召喚起來，絕對沒有欺場。另外一款我覺得值得一試的是「檸香山葵蟹籽雞翼」，脆卜卜的炸雞翼外面，鋪上一層層Wasabi醬汁，Topping更有粒粒蟹籽，完全是和風味道。有層次之餘，辣辣地很惹味，也中和了雞翼的油炸感，甚是喜歡。

數月不在香港，黃埔民泰街又有新面孔。新店正正位於轉角位置，粉紅色配上白色的外場非常奪目，少女味十足，想不到是主打各式雞翼的小食店。若果有留意我的文章，定必知道本人是雞翼狂迷，基本上只要餐廳有提供雞翼這一選項，定必忍不住嘗試。新店開幕數日，當然要率先試食。雞翼山的雞翼口味共有七種，十分吸引。感覺上，價錢不算便宜($38/4件；$48/6件；$128/16件加兩款飲品)，可是跟一般餐廳的價格相比，仍然比較划算。太久沒有享受過炸雞翼，一口氣點了兩款。頭一次遇見鹹檸七口味的雞翼，當然需一試，而玫瑰雞翼是此店招牌，自然也來一客。「我係鹹檸七」雞翼(4件)，雞翼圓潤飽滿，啖啖肉。最令我驚喜的是雞翼外皮香脆，卻又不像油炸，完全沒有油膩感，反而加了糖漿後帶點煙韌有咬勁，皮脆肉嫩。酸酸甜甜的味道，鹹味不突出，但非常開胃。「文青風玫瑰」雞翼(6件)，賣相非常精美，更灑上玫瑰花瓣。玫瑰糖漿較為甜，外貌跟味道都充滿少女情懷。兩款雞翼味道均屬中上，雞翼狂迷如我也十分滿意。個人最推薦「我係鹹檸七雞翼」，日後會定必再嘗試其他口味。除了雞中翼以外，店家亦十分細心，大家也可隨個人喜好選擇不同口味的雞鎚。所提供的三款飲品

前身Burger Factory個位開左新嘢啦，叫得雞翼山，顧名思義係專賣雞翼😍跟開既都應該會知我係一個食肉獸，而雞同雞翼出現既頻率其實相對地高🤣身為黃埔人兼夾超級雞翼控，梗係要即刻黎試下質素如何😎👁‍🗨 文青風玫瑰雞翼💲48/6件啲雞翼係炸完再加調味，本身係六隻雞翼，但係店員炸錯左其中一隻變雞鎚🍗不過佢地都好有禮貌咁問我介唔介意，費事要我再等過，咁當然試一隻都無妨，所以你無眼花，中間面頭嗰隻的確係雞鎚😏店鋪無任何座位，係毛毛細雨之下，決定外賣返屋企🏠十分鐘既歸家路程後，攞出黎依然熱辣辣，食落外皮好脆身，飽滿既肉嫩滑多汁，帶有甜滋滋既玫瑰糖漿，真係有🌹花香，食唔停口🔛 整體評分（8/10）

相信不少香港人都喜歡吃雞翼，所以因應香港飲食文化需要新鮮感，不同口味嘅雞翼應運而生，每一個雞翼控從此就大飽口福。今次我就經過紅磡一間以雞翼為主打的餐廳，試吓最新嘅雞翼口味。店鋪裝潢簡約，特別喜歡它的牆身'不要儀態...只想吃雞翼'真係打咭一流。雞翼山有七款雞翼口味選擇，同埋3款特飲啱哂今個夏天。文青風玫瑰雞翼賣相吸引，表面加上文青鍾意嘅玫瑰花乾及玫瑰花糖漿，食落有陣陣玫瑰花味，雞翼肉質亦都幾滑溜，唔錯。我係咸檸七雞翼雞翼酥脆，同時亦都鍾意佢每隻雞翼都幾飽滿，加上咸檸味道食時更加醒胃。食完真係非常滿足。