雞皇 (已結業)

窩8門口等過馬路之際, 遠遠望見呢間小店, 此店位置並唔係上海街, 而係窩打老道果邊, 第2間舖好奇心驅使之下, 走過去研究下有咩好野食一過完條馬路, 未行到門口, 就已經離遠聞到一陣香料味, 心諗一定有好野食店裡面, 好似燒臘檔咁吊住幾隻雞, 放o係店前o既雪櫃側邊寫住口水雞五味雞咸香雞半隻$40, 一隻$70套餐$32非常實惠眼見店內只有一位師傅走來走去, 忙住招呼店內唯一一位客人其實呢間舖, 最多只可以放到兩張小摺檯, 同時招呼6-7位客人由於我o岩o岩食完個茶餐, 又未到晚飯時間, 實在無辦法食得落半隻雞或者一個套餐雞, 只好留番下次再幫襯除左雞之外, 其實門口仲放左一煲野, 上面寫住龍眼冰 補腎(泰式)熱$4 凍$6食唔到雞, 就梗係要執死雞, 點都買番D野黎試下我買左杯凍o既龍眼水o既熱力o岩o岩好將杯裡面所有冰粒溶化飲得出, 係用真正龍眼乾煲, 而唔係用罐頭龍眼味道好清甜, 我認為一粒糖都冇落, 就算有, 都只係好少量夏天飲, 真係一流下次再黎試雞, 一定飲多杯…查看更多

之前行組呢間舖頭，見佢門面唔多靚，一直唔敢去試。其後，有同事話我知呢間既雞超級好味，於是有日趁老公OT就買外賣自己食，食過一次一試難忘！今日帶左老公去試，我地叫左一個二人套餐，老公一試即讚呀！套餐只係$55~ 內容包括：海南雞 (半隻) - 超滑，估唔到D雞可以煮 到剛好熟，仲可以甘滑，雞皮同雞肉夾左薄薄一層雞油，好香白菜仔 - 果甜豉油汁好好味雞油飯 - 好香，有雞汁之餘，仲有淡淡既椰香，老闆娘仲話可以添飯添呀雞湯 - 一飲就知冇師傅，食完完全唔頸渴我地食完，老闆娘仲叫我地比多D意見，感覺超NICE呀~今次食左海南雞，下次一定要試埋口水雞！…查看更多

間鋪細細間喺西貢福民路電話27912898有分店，行過門口聞到好香，一望見到$78一隻口水雞，即刻入去試下，真係好好味，愛吃雞值得試下，食完仲買咗隻請同事食，個個都話好好食。油麻地電話26261022…查看更多

這是1間不太起眼的餐廳.但它的食物是得正,服務亦很好,老闆娘會同你傾下計.佢D野都好平底食 1個餐30到有飯有菜有野飲,佢ga招牌菜系雞 有口水雞,黃咖哩雞,青咖哩雞,海南雞等.各有各正,本人比較喜歡口水雞,雞滑,多配料.從沒食過咁正ga口水雞.極力推介!!!…查看更多

之前一直食開老闆娘嘅各式雞飯，有一次佢推介我試食「黃咖哩龍脷柳飯」，又真係好味喎，黃咖哩香而不辣，因為我每次食佢嘅青咖哩都會「好感動」，哈哈哈~ 最重要係佢D龍脷柳全部都冇骨架，食得好方便~ 因為冇帶相機，所以要遲D先upload張相比大家睇~ ^^不過近日「雞皇」裝修，冇得食住，老闆娘話好快會開番~同埋「雞皇」開分店呀，老闆娘話西貢分店會喺星期五開張，好期待呀~希望油麻地總店快D重新開業啦，好掛住盒「黃咖哩龍脷柳飯」…查看更多

琴晚呢邊開工,晚餐係呢度食最喜歡果個口水雞,配料好足,雞亦都好滑,每次都用辣既配料撈飯食唔食得辣既同事就食左個咸香雞,都幾入味,至少都值80分!!喜歡食雞既朋友可能會鐘意呢間店!!…查看更多

好少會特登去油麻地食野, 就算係都係食平D平野, 都係D燒味飯呀,米線咁. 咁岩有次行過窩打老街, 好似多左間叫雞皇GE鋪.(可能我平時唔多留意) 行過嗅到蒸雞哥陣味..好香.好似住家飯咁,本生又肚肚地餓,搞到好吸引. 不過望見間鋪又細同埋裝修麻麻咁,又好似唔係幾想入去...我就係門口企定睇下食咩先啦..寫就寫30蚊有個餐,有野飲,湯,飯,仲有碟菜咁. 我估多數細細碟,不過見佢30蚊. 就試下啦..將就下,.起碼夠平先.坐底叫左個口水雞飯餐..又OK喎 見佢配料芝麻,蔥都落得幾大方.成碟都係,仲有碟都夠份量GE油菜...不過都仲係要食過先知. 未食之前嗅一嗅都OK香..推開D配料睇見D雞都夠多喎.起碼唔會得幾舊...食落碟口水雞又好過想像中好好多 好入味..加埋D芝麻同辣油好香好濃...同埋用D汁黎送飯都一流! 送哂成碗飯都無問題呀...仲有隻雞都冇咩肥膏連皮食埋好正 食飽飽...飲埋杯熱奶茶...充足哂. 30蚊絕對合理! 我飽到飲唔落碗湯添 睇睇佢餐牌..仲有海南雞,咸香雞,咖喱雞... 仲算幾多款. 雖間鋪細細間..不過好有住家飯feel 如果有白飯任裝就好haha 我覺得依30蚊比得好樂意 下次再經過一定要試埋其他雞先得.P.S. 冇帶相機係身 如果唔係一定snapshot…查看更多

$30~有湯,椰香雞油飯,例牌size雞,菜,飲品~超抵呀! 口水雞~好"正"!! 雞肉好滑~好食呀! 有D驚喜!椰香雞油飯一D 都唔油~好香"好好味"!!下次去要試咸雞、椰香青咖哩…查看更多

因為要係上海街搵材料, 所以無意間搵到呢間食市.我最鍾意去一d比較唔顯眼既食店試一下, 覺得總有世外高廚隱居.係門外已見到大名"雞皇" 無雞不歡我當然走去望望."雞皇套餐 - 30蚊" 名我就唔肯定, 但價錢一定無錯.- 1個白飯 / 雞油飯 (沒特別, 黃油飯不油, 但也不覺得有雞味)- 1碟菜 (比一般想象套餐中送既菜多少少)- 1個湯 (我覺得唔夠味, 所以加左salt, 加左之後都ok)- 1碟口水雞***推介*** (無影相, 但係好大碟, 好似一個例牌咁, 我估有約1/4隻, 唔似一般燒味飯咁少!!)- 1杯熱飲 (凍飲+2蚊, 值得一提係老板娘都幾細心, 價問你飲開咩味道, 但因為我太飽, 一杯都無飯走左)老板娘當日都好熱情咁同我講原來做煮不同既味道既雞, 係要用不同來源既材料, 包括隻雞.1) 海南雞 - 因為要夠滑, 所以用最細隻既雞. (講完我好想試, 因為我食口水雞已經好滑)2) 咖哩雞 - 要用大雞, 咁先入味. (我第二次去就係食咖哩雞, 不過因為做法不同, 不夠滑, 個人不喜好)3) 咸雞 - 無問到用咩料.. 但好似個色最黃.4) 口水雞 - 無問. 配料就入口, 好多舖係面.見老板娘咁好傾, 我就左幾日見客果時就買左兩隻雞返屋企share食. 佢地都話好味道.叫左隻海南雞同口水雞, 好多配料之餘仲有好多汁跟比你點. (咸雞有咸汁, 海南雞有海南汁.. <癈話..)價錢就35半隻, 68蚊一隻. 底食!我以後去到油麻地做野, 我都會去幫親一下!~ (下次補返d相比你地睇!~)因為佢又平又好食, 第一次寫食評, 寫得唔好請勿見怪!~ 88~…查看更多

平時都係叫外賣居多，今日就親身踩場去試吓老闆娘嘅手勢~點咗個口水雞套餐，隻雞一上檯，當堂嚇咗一跳，D配料多到差唔多見唔到碟雞，入口香辣有雞味，同埋最難得佢D雞係冇肥膏架，食多D都唔怕肥~特別想讚吓佢用黎配時菜嘅鼓油，甜甜地好好味，用黎撈飯食，正呀~平日喺公司都係叫常餐(外賣)居多，下次試吓叫佢D雞飯套餐先，三十蚊有雞、飯、菜、湯、飲品，抵食啦~P.S. 油麻地站B2出口直行，公廁對面就係喇~ 但我竟然都可以行錯，哈哈哈~…查看更多