雞吧

营业中

休息中

好耐冇去石門，今日同呀女去石門行下買下野，以家石門多左好多餐廳，今日我地去左新開業既黃店雞吧買外賣返屋企食。雞吧主打炸雞，另外還有卡巴卷、沙律、小食和多人套餐。太平洋魷魚筒飯-原隻魷魚入面塞滿飯，再配上炸魷魚鬚，魷魚鬚炸得非常香口，魷魚爽口彈牙。雞肉卡巴-超大條，好足料，入面有蕃茄、洋蔥、生菜、雞肉粒，食完一條非常飽肚。韓式炸雞卡巴-一樣好足料，有蕃茄、洋蔥、生菜，有4大舊炸雞，炸雞炸得香脆，肉嫩多汁，韓式炸雞卡巴味道出色，我比較喜歡韓式炸雞卡巴。芝士蛋餅-蛋餅餅皮Q彈，中間有半溶芝士，蛋味香濃

去朋友屋企玩，四個人唔知食乜好，見到附近商場新開咗間炸雞店，好似唔錯咁，即刻買黎試吓😍舖頭係2樓，齊柏林隔離，店面唔算大，得外賣，不過乾淨企理，而且新開，人都幾多吓。通常食炸雞都想食多幾隻口味，呢度嘅半半炸雞可以任揀2隻口味而且唔洗加錢，都係138 一份，咁梗係揀2款啦，我就揀咗甜辣味，朋友揀咗黃金芝士，即係配芝士醬食。大家見到嘅2大盒炸雞就係一份嘅份量，真係多到嚇親我哋🤣🤣兩隻都好味嘅，不過更推介甜辣醬味嘅炸雞，我就覺得一啲都唔辣，好好味。因為唔知炸雞份量咁足，我哋仲叫咗個雞肉kebab，原本想叫刈包同蛋餅都賣晒😭😭佢幫我哋轉咗kebab，48一份，但係成個手臂咁長🤣味道都好唔錯，入面嘅醬好好味，加埋菜同雞肉，都好夾。我哋貪心仲加咗個nachos，52一份，不過佢嘅nachos唔係平時食嘅粟米片，係似麵粉炸嘅，口感都脆嘅，不過唔係人人都鍾意，我就覺得都ok嘅，不過如果配嘅牛油果醬再加啲酸甜味落去會更好味。

新開沙田💛好食炸雞平時好鍾意食炸野脆卜卜，邪惡熱氣野。今日去石門玩個時見到呢間新開炸雞外賣店，款式有好多，個名太得意，同埋係💛店所以就試下。價錢平民，而且熱食即叫即做，等候需時，大約20分鐘。小店只提供外賣～#太平洋魷魚飯 $62魷魚筒包裹著好香嘅炒飯底，魷魚筒彈牙，旁邊還有惹味的魷魚🦑鬚，很特別，味道不錯👍🏻濃味之選#大蝦牛油果卡巴 $68大大卷，很薄的薄餅是我喜歡的那種。包着大蝦、超多生菜、牛油果，很健康，調味剛好不會很淡也不會很咸。推介炸雞即叫即炸，有4-5件中形大小，脆卜卜。GG 的炸雞（$58）醬似蜜糖芥末味，而黃金芝士（$62）係淡淡的芝士味～蜜糖芥末醬好味啲ᶘ ᵒᴥᵒᶅ個人口味評分：8/10

• 包你食到飽 •前排左雞吧試食🐔淨咁聽個名都知佢地食雞肯定一流😍偷偷同你講聲佢係黃店泥架🤫💬佢地有個特色係只做外賣，冇堂食架🙊🔸太平洋魷魚筒飯🐙 $62原條魷魚🐙炸左，入面包住左啲炒飯😽以前見韓國人就食得多，聽都聽得多，食就真係第一次👽幾欣賞佢炒飯淡淡地，加埋個魷魚就剛剛好，唔會做得太鹹👍，不過如果喜歡重口少少既朋友，可以點埋佢個茄汁都ok🍅🔸蜂蜜牛油炸雞🍯🐔 (L size) $138細size同大size差十幾廿蚊，但件多一個double，大size有16件，哩個口味原來係hot flavor，我叫完之後，後面2-3個人都叫哩個口味🤘個雞好嫩口，蜂蜜唔會太多，食多都唔會漏🥳P. S當日食唔哂，食淨拎左返屋企反叮都好，啲雞一樣唔 un🔸羊肉卡巴 $62羊肉即炒，薄餅皮即整，入面加左好多沙律菜🥬，洋蔥，蕃茄🍅，再撈埋沙律醬，味道好清新👍不過哩個係凍食，喜歡熱食既既朋友未必太岩。食左一邊，已經好飽，另一邊拎左反屋企雪凍左，會更加好食💁‍♀️

🌸石門炸雞之選🌸雞吧🌸已經很久沒去旅行了，近來在家中追看著韓劇，而恰巧劇中的女主角在吃炸雞，因此忽然非常掛念著以往與友人到韓國旅行時吃炸雞🍗的美好時光❗️由於工作關係，今天剛好途經石門京瑞廣場，發現一間正在試業的炸雞小店-「雞吧」，於是就決定買炸雞外賣到家中與家一同品嚐韓國炸雞之味😍餐廳鋪面雖小但五臟俱全❗️而且餐廳以復古的墨綠色作主調，餐廳的招牌是一個巨型啤酒蓋，令人聯想起與炸雞絕配的啤酒❗️服務員的工作態度也十分友善，他們都非常之清楚了解餐廳提供的食物❗️能夠向客人詳盡地介紹餐點❗️而餐廳所提供的食物是即叫即制❗️我們共點了以下餐點：1️⃣蜂蜜牛油炸雞🍗 $108 (M)炸雞鮮嫩多汁，表面炸得金黃香脆，配以濃濃的蜂蜜牛油香味，甜而不膩❗️美味指數：⭕⭕⭕❌❌賣相指數：⭕⭕⭕❌❌抵食指數：⭕⭕⭕⭕️❌2️⃣🌟半半炸雞 - 韓式甜辣炸雞 $138 (L)這款炸雞配以濃濃的傳統地道韓國甜辣醬風味，甜辣適中，辣而不燥❗️十分推介🍗美味指數：⭕⭕⭕⭕️⭕️賣相指數：⭕⭕⭕❌❌抵食指數：⭕⭕⭕⭕️❌3️⃣🌟半半炸雞 - 火辣熔岩炸雞 而這款口味的炸雞配以譚仔中辣的香辣程度，十分適合嚐辣的你🔥不能錯過🔥美味指數：⭕⭕⭕⭕️❌賣相指數